新香園 (堅記)

第二站就去食馳名蛋牛治。其實唔係第一次食,但係每次黎深水埗搵野食,都會記起要食佢。由於佢店面唔大,加上國慶假期,所以去到都要等一陣位,而且要搭枱。當然叫左份蛋牛治烘底。記得 記得 記得 烘底!!!另外叫左杯凍檸茶。同我同枱既4個人都係叫蛋牛治😂可見出名程度。唔洗等好耐食物就送到。香!確實係香!烘底既麵包香,燶邊既碎牛蛋餅既肉香蛋香,仲有少少牛油香味。唔係要影低,一送到就已經想拎黎食🤤影完就急不及待進食,烘底多士香脆,碎牛蛋餅足料,調味適中唔會太咸,同以前食既味道一樣,唔錯。值得留意係設有最低消費,淨係蛋牛治會爭幾蚊,可能要諗吓仲想食咩,或者叫杯野飲。馳名蛋牛治 $24 (烘底+$1)凍檸茶 $19…查看更多

去開高登睇電腦順便經過搵吓，下午時間，見無乜人就坐係度叫左份蛋牛治，啲餡勁咸又細份，之前都有食過但係印象中冇咁鹹！其實之前都試過幾次㗎啦，但次次都係好失望！所以今次終於我忍唔住係呢度寫佢負評！啲服務又好輕佻，好似你嚟唔嚟食都無所謂！講真你咁樣做生意真係唔見得仲有幾耐！其實你啲食物唔好食，服務態度又輕佻講真點會有生意啊！仲要係一啲都唔平，仲要好咸兼難食，唔會再有下次！香港人唔需要再去！有時諗諗吓真係點解咁多香港人北上都唔喺香港消費！…查看更多

深水埗的新香園雞蛋牛肉三文治，真的是懷舊味道的代表！這間小店的三文治一定要烘底，外脆內軟，咬下去的瞬間，香氣四溢。牛肉煎得剛剛好，肉質鮮嫩，每一口都彈牙，配上那隻嫩滑的雞蛋，簡直是絕配！雞蛋的香味和牛肉的鮮味交織在一起，讓人回味無窮。而且，這裡的三文治份量十足，讓人吃得很滿足。再加上他們的醬料，味道恰到好處，不會太膩。店內的環境也很懷舊，讓人有種回到童年的感覺，坐下來慢慢享受這份美食，特別放鬆。如果你在深水埗，千萬不要錯過這個雞蛋牛肉三文治，真的很值得一試！每一口都是對味蕾的極致享受，讓人忍不住想再來一份！…查看更多

於平民區的深水步茶記竟有最低消費，而且定價過高和奇怪，別餐廳的最低消費金額通常是標價最低的一種食品或飲品，目的係讓每一位顧客最少惠顧一樣野，這種設有最低消費的餐廳我會理解，但這間在平民區茶記的低消係29蚊，所以你只叫一碟旦牛治或一杯飲品是不可以堂食的，該茶記冇環境冇服務，即使平日的不繁忙時間也是設有低消，我估計是該茶記不需要做本地人生意吧。我已有2，3年沒有食過，以往可能我會叫多一樣野而不覺有最低消費限制吧。感覺旦牛治味道比以前差了一些，無論如何我不會再來了，我會去支持做香港人生意的餐廳。…查看更多

點咗蛋牛治，原來係沙嗲牛蛋治，新鮮有汁，唔錯。重頭戲：失望西多。餐牌寫西多士，個人認知既西多士係一定有花生醬既，點知… 原來而家要寫明《花生醬西多士》先會有醬架！呢間既只係2片炸包+pat牛油，見到時極失望、忍唔住問阿姐，你地啲西多無花生醬架阿姐：啲客唔鍾意咁多醬，有人投訴太多嘩，都唔洗完全無架，點食呀！話要花生醬要+$1！ 我俾！！之後就變咗圖中既花生醬浸西多啦！感動！$1可以有咁多醬～再黎奶茶… 淡，唔香，唔滑，$19大元親友都係做飲食，話咁既西多真係賺到盡～…查看更多

久聞深水埗新香園堅記的馳名豬手麵，今日特來一試。懷着期待，點了一碗馳名豬手麵，店家堅持傳統做法，豬手燉煮至極致軟嫩，一百歲冇牙都不怕，入口即化，筷子輕挾即散，別有一番風味。南乳醬香若隱若現，恰如粵式古法醞釀的含蓄之美，徒留一抹蒼白滋味。豬皮色澤深沉，肉縫間隱約殘存暗紅血漬，豬皮半邊泛着黯黑，火候拿捏獨到。 麵條秉承老派風格，煮得綿軟順口，綿軟無神，與濃郁湯底相得益彰，宛若久置的殘絮。師傅數十年功力，盡在這碗匠心獨運的豬手麵中，令人回味傳統廣式風味的雋永魅力。 此番滋味，非為苛求，老字號的招牌，只是記憶裏的餘溫。…查看更多

呢一間係深水埗既老字號茶餐廳，咁多港式美食中，當中就以佢地既士多最出名。今次黎到就試左以下幾款佢地出名既美食啦- 熱奶茶，茶底醇厚，甜度可以自己落糖調整。- 蛋牛治，係呢到最出名既，所以一定要試同埋要叫烘底既，多士外脆內軟，夾著蛋牛肉餡，蛋香濃郁。- 花生醬西多士，加埋牛油，邪惡得黎，好香、好好味。呢到落完order，上菜都好快，，由落單都埋單半個就完左，好有效率📝TIPS: 黎到呢啲老牌茶餐廳，地方通常都細，坐落有啲迫。…查看更多

上網睇影片分享平台 d人黎食講到好好味咁，咁啱經過就打算試下，蛋牛治幾好食，紅豆冰淡味，西多士不過不失，但係最難頂係一張細圓枱，一面靠牆佢仲要搭台坐6個人，個個膊頭痴膊頭坐，兩張枱距離又近，完全冇留出入通道，食野其間有人出入我要食食下起身讓位比人出入，大佬你鋪位細要坐多d人要賺錢都唔係咁下，我完全都冇心情食你d野，跟本就係出左名做遊客生意，就算幾好食都好我真係唔會有下次，唔怪得啲人唔留港消費返曬大陸…查看更多

今日約左人喺深水埗，朝早10點路過，見無乜人排隊，買左份蛋牛治烘底，$24，啲餡勁小勁細份，其實最近幾次都係咖，越嚟越細份，仲好咸添，之前每次食完都諗：係咪咁啱今日失準咋，然後每次經過又食，但次次都係失望而回，今次我忍唔住同佢位收銀反映，希望佢哋正視呢個問題，佢竟然好輕佻咁同我講：下次啦，下次加咗價就大份啲。佢好似應付自如唔休做咁（我諗都唔少人反映過）。你加你嘅事，我理得你啊，態度差，又細份，唔捨得俾人食咁，但係一啲都唔平，仲要好咸兼難食，唔會再有下次。…查看更多

其實咁舊式的店鋪我已經好少會入去食野，但因為機緣巧合，有一次晏晝喺深水埗拜完神，我覺得好頭痛好熱，咁啱經過門口有人大嗌凍奶茶外賣我係奶茶愛好者，所以我就入去坐坐試咗，我叫咗凍奶茶同埋奶油多！我覺得2樣都好好味！奶油多雖然等得耐左少少🤏但脆卜卜幾好味 奶油🧈足夠 ！奶茶亦是舊時細個的奶茶味！我很喜歡💕所以這次我拜神後又再次光顧也是第二次光顧時拍攝的今次店面比較少人，所以上菜速度很快味道依然係我理想中的味道👅題外話： 呢度有個水吧偏黑皮膚的男生，好似係以前閃電傳真機一個男主持…查看更多

其實這處已經係經常去食，食物質素是一般，佢嘅蛋牛治係最出名嘅，不過其實都係普普通通。我自己最鍾意嘅係佢嘅啡走，味道相當濃郁很有回甘。不過呢類街坊地踎餐廳有一個最大的問題，就係衛生。我在這裏食見，過很多曱甴，餐具污糟。有一次叫咗碗沙嗲牛通，上到枱以為正正常常，點知食咗幾啖先至發現個碗係燒到個底溶晒，而且起晒漬，衰過乞兒兜。佢個水吧都唔好得去邊，用嚟裝住啲冰嘅冰桶污糟到唔使恨，個師傅攞出攞入去攞冰，都唔發覺個手柄起晒老泥漬，嗰啲泥厚度一塊塊攣起咗，隨時跌落個筒裏面。不過佢係唔會理嘅。可以咁樣講，你呢度食嘢係食過風味，污糟邋遢係一定嘅，所以如果你想食呢種風味就要抵得佢。其實佢點解咁多人幫襯，其中一個好重要嘅原因，就係佢啲食物算係OK，價錢就好平，算係街坊價，符合深水埗嘅人均消費。…查看更多

平日早上11點多一個人光顧，搭枱，不用等位。Keep住有客人，有街坊也有遊客，但turn over快。員工態度好，落單快。沒有set的，只有單點。點了烘底蛋牛治$24，和凍檸茶$18。最低消費$25。蛋牛治烘底夠脆，雞蛋和牛肉正常，不算特別香濃，份量正常，簡簡單單做早餐是不錯的選擇。另外，建議提供多點牛油會更好味。凍檸茶點了少甜少冰，價錢略貴，比一般茶餐廳細杯，不值$18。味道好喝，少甜真的不太甜。…查看更多

早上有事出深水埗，順便食埋早餐，一直都聽講呢間嘢好出名日日都好多人排隊，就想試一試蛋牛治之後還點了一杯凍奶茶（本人日日都飲奶茶）蛋牛治正正常常不過不失，但杯凍奶茶係隔夜嘅，同佢講就話佢地嘅奶茶係咁，奶茶一飲就有好大嘅餿味，仲要死撐，一定冇下次呢啲老店一直都代表着香港飲食文化，好多人會慕名而來，但一間有蟑螂的鋪面，單單買外賣的時間就已見到幾隻爬過，呢啲老店服務、環境味道等一直都唔改善，本地人去食都接受唔到，何況遊客…查看更多

今日去咗深水埗新香園(堅記)港式大排檔食野✨ #kg_九龍 招牌菜烘底蛋牛治($24), 牛肉係用新鮮牛肉即點即做，麵包烘得啱啱好，保持到麵包本身嘅軟綿同時帶點香酥，香甜，可以一試！南乳豬手撈面($43)嘅豬手大件同夠腍，但唔算入味，麵質都彈牙嘅；豬潤牛肉公仔麵($37) 就有點overrated，普普通通；紅豆冰太甜，而且相對黎講唔係好抵($21)，唔需要特登試～🤣 環境比較逼夾，而且基本上都要同人搭枱，介意嘅朋友可以去新店，應該會坐得舒服啲同乾淨啲(˶‾᷄ ⁻̫ ‾᷅˵)整體嚟講價錢味道合理，但冇乜驚喜，如果嚟嘅話可以試試蛋牛治！٩(˃̶͈̀௰˂̶͈́)و新香園 (深水埗)深水埗汝州街186號地舖…查看更多

一直在這家吃 好幾年 之前也見過一些蟑螂 不過都是在牆上爬 也沒當回事 今天居然在碗裏吃出一隻死小蟑螂 跟服務員說了 服務員啥也沒說 直接把碗拿走了 然後就沒有然後了 真是服氣 以後不會再來 真不知道以前吃過多少隻這種老字號為什麼不能愛惜點名聲 很多人都是慕名而來 生意也是火爆但這樣搞下去 只怕會毀了這個招牌 很多大陸人過來也是看了推薦過來的 給大家一點建議 味道很不錯價格很便宜衛生很差很髒環境差基本5 6個人擠一個小桌 走路都困難有最低消費25一個人 但這個說句實話還算合理 大家就不用抱怨了對環境 衛生有要求的就不要考慮了…查看更多