新香園 (堅記)

营业中

休息中

黎得呢間深水埗嘅名店就係想食佢嘅蛋牛治烘底同埋西多士，基本上枱枱都有叫包括我哋在內。四個人要咗兩份蛋牛治烘底再加一份西多士，跟住嗌咗四杯嘢飲，分別係紅豆冰、熱檸蜜、熱奶茶同埋凍奶茶。蛋牛治烘底真係好食，麵包烘得夠乾身，呢樣嘢真係好緊要，佢嘅免治牛肉煎蛋都做得唔錯，食得出啲牛肉幾新鮮。西多士熱辣辣當然好食，外層都幾脆口，牛油溶溶地再落糖漿雖然罪惡但係真係咁先至好食。另外想講佢個奶茶都好好飲，茶味夠香濃，奶嘅比例都剛剛好唔會搶走咗啲茶味。