新記 (康麗花園)

营业中

休息中

之前喺元朗都食過佢哋嘅嘢食，食完之後深深愛上，依家屯門終於有分店星洲炒米粉 $60呢碟星洲米非常足料非常大碟，叉燒蛋火腿芽菜蔥，夾夾埋埋佔左一半有多嘅份量，口感十足，炒得乾身又幾香，味道唔會辣。XO醬炒蝦米腸 $55蝦米腸皮唔會厚，蝦米份量幾多！XO醬一齊炒除左非常香之外，瑤柱都非常多增加口感味道！後勁仲有啲辣味杞子枸杞豬潤湯$57一個睇落簡單但非常好飲嘅湯，湯頭唔會鹹，豬膶時間岩岩好非常爽，亦唔會腥，杞子令到個湯帶小小甜，幾好味！腐乳通菜炒牛肉 $68腐乳口味唔算好重，牛肉鮮嫩，通菜爽口，腐乳質感幾掛汁，基本掛曬落牛肉同埋通菜度。味道混和得非常好！燒味拼盤 $93呢度有叉燒，雞，燻腣海蜇。份量正常。最好食嘅當然係叉燒，半肥瘦，外表小小焦香，口感爽口！！完全係招牌！燻腣肥瘦均勻，仲要厚切，口感非常好，爽口！海蜇好爽口 好香濃嘅麻油香七喜話梅柑桔冰泰式青檸冰

❥ 蒜泥汁脆皮豆腐豆腐樸實無華，但炸香之後點埋酸酸地嘅蒜泥汁就加倍昇華，而且豆腐嘅外皮炸得好乾爽，內在亦結實有豆香😎❥ 鮮蟹貴妃雞粥粥底真材實料熬製，味道真係好鮮😭招牌貴妃雞亦都十分嫩滑，咬開仲會流出晶瑩油亮嘅雞油🤤真係不愧係三十年老字號嘅招牌菜👍🏻❥ 叉燒腸粉剔透腸粉滑嘟嘟的😚包住嘅叉燒焦甜香口。但估吾到嘅係…點解個豉油甘正嘅喂😂有別於一般甜豉油，另外仲帶有一份特別嘅香氣✨❥酥炸魷魚酥 魷魚充滿彈性，外皮酥脆又唔會過分油膩🦑重點係呢度嘅魷魚鬚條條都粗過手指😂呢個價錢真係太照顧街坊了吧！

新屎坑，見到有新舖開張，當然要去試吓啦，一睇個Menu先知出名粥品，但個日麻麻哋想食粥，所以就叫咗個豬扒炒公仔麵。公仔麵份量唔少，豬扒亦都唔錯，唔會柴，亦都唔會太肥，加埋啲蔥、芽菜、蘿蔔絲一齊炒，外觀唔錯。然而食落口就有啲出事啦，太鹹啦！！！可能平時慣咗食淡口，食晒嘢先開始飲嘢，今次夾咗幾啖，已經飲咗大半杯嘢飲，最後都係鹹到食唔晒。而朋友就叫左個豬扒飯，佢個個就正常好多啦，冇咁鹹，但對年輕人黎講就可能唔夠大碟啦。

話說小弟食剩大半碟既超難食干炒鮮牛河後心有不憤...點解個個都會話呢間野好食...？個肚又未飽，所以叫埋佢地既貴妃雞粥 同 乳鴿！呢2樣都係佢地所謂既招牌菜成餐飯總共食左207蚊....我諗係我呢世人獨自去茶餐廳食過最貴既一次！先評論 貴妃雞粥！優點係粥底夠棉，雞油帶出個粥既精髓...雞肉還保持嫩滑但食任何粥都好，若然有太多碎骨於粥內...成碗粥就玩完 基本上每一啖都係碎骨...每次食粥都要慢慢食，不能過急！成60蚊一碗粥，丟左佢又唔係...唉，唯有頂硬上...呢個質素，呢個味道....真係好差什麼招牌粥？ 連薑絲都冇一條！可悲我係屋企煲仲好食過佢...60蚊？太貴了！其次係乳鴿.... 76蚊....應該都唔會難食得去邊！首先優點係跟左一細包華鹽！缺點就係乳鴿係翻炸，太多燶邊位，皮唔脆都算，仲要無肉汁可言...若然唔係自己睇住黎食...仲以為食梗煮到過熟既雞肉幸好有華鹽 襯托，否則呢隻所謂乳鴿真係丟去垃圾筒，死咸死咸食哂成隻，76蚊就真係唔值！ 總括黎講 呢間餐廳價錢貴食物質素未符合個價錢.各位想試下冇所謂，但價錢太貴廚師標奇立異既煮法，我就唔會再去..

屯門康麗花園難得有新開餐廳！已聽聞呢間野除左多分店外，雞粥仲好好食！其他街坊都表示話呢間野廚房炒野都唔錯！小弟抱住貴少少既心態，諗住試下其質素如何！70蚊一碟干炒鮮牛河 加 1杯凍奶茶！晚市黎講價錢尚算可以接受！5分鐘左右 所謂既 干炒鮮牛河已經炒好！此碟所謂既干炒鮮牛河唯一可讚的就是夠鑊氣！先講其顏色....太淺色，正宗既河粉應該係黑色！再講牛肉...搵梳打粉醃過既牛肉，完全係冇口感可言！ 呢d牛肉又un，又難咬仲要好多根....再講河粉....點解會用幼身既河粉？同裸條其實冇分別！跟本就侮辱炒河粉既定義！ 重點係....邊條友放咁多紅蘿蔔絲落去炒？成碟野我食左4份1，真係頂唔順！ 每一啖都食到好濃縮來自紅蘿蔔絲既草青味呢間野真係夠膽死搵職員走黎問我點解食唔哂一句罵埋去，我係食炒河，唔係食紅蘿蔔絲或裸條！成碟野跟本就擺唔到入口唯一可讚既就係杯凍奶茶幾好飲！

新記由元朗開到來屯門，聽說他們的招牌馳名海鮮粥非常出色。馳名海鮮粥入面有好多蝦同埋蟹！這碗粥煮得恰到好處，米粒Q彈有嚼勁，湯汁清澈而味道濃郁。裡面的海鮮融入了粥的香氣，每一口都軟綿綿！除了馳名海鮮粥，餐廳還有其他小炒選擇。我試了椒鹽豬扒。豬扒食落香辣可口，豬扒煎至表皮金黃酥脆，肉質鮮嫩多汁。椒鹽的香氣讓整道菜更加美味！柱候牛筋腩麵這碗麵條煮得剛好，麵帶鹼水味而且彈牙有嚼勁。牛筋腩肉燉得十分入味，牛筋和腩肉軟爛的口感好正！自家制的五花茶有著淡淡的甘甜味道。食完椒鹽豬扒，就梗係要飲返杯！減少熱氣！🙈

今日行過見到新開了一間茶餐廳，這間茶餐廳有粥餐下午茶，兩個人就叫左一中一西試試看！及第粥加炒麵，沙嗲牛肉麵加炒蛋多士。可能是因為下午茶時間，炒麵只是和暖，但他們的炒麵和傳統的不一樣，是幼麵幼的程度和米粉差不多。及第粥入面有豬膶、豬肚和肉丸分量十分豐富，足底十分綿，可以媲美一般粥檔的生滾粥沙嗲牛肉麵牛肉十分之軟滑，份量亦十分多，加上有豐富嘅花生醬味炒蛋仍然半生熟狀態，最失色的就是多士因唔夠熱！奶茶茶味比較淡，而鴛鴦嘅比例就相當恰當！粥餐都跟餐飲都只是40多元，抵食，好食

「元朗新記」，於屯門新墟開了新店，除了招牌生滾粥外，仲有冷/熱小食、鑊氣小炒和甜品！香脆炸兩腸粉 $25輕脆的油炸鬼，配合口感煙韌軟糯的腸粉皮，配粥好拍檔！馳名海鮮粥 $81足料，豐富！有帶子、蟹、蝦、魚肉、蔥，而且大碗！貴妃雞蠔仔粥 $74貴妃雞，選用肉質嫩滑的母雞肉蠔仔，乾淨無沙，唔腥，令新記招牌雞粥提升多一分蠔鮮味！香脆炸大腸 $58外層炸得輕脆，內層口感軟彈，可蘸配味道酸酸甜甜的醬汁，開胃又滿足！海蜇生腸 $58海蜇，冰鎮得宜，口感脆脆爽爽，又Q彈！生腸，配上廚師自家調配醬汁，味道甜甜帶微微辣，又有蒜香，好惹味！特別喜歡！😋椒絲腐乳炒通菜 $51分量多，大碟！炒得有鑊氣！有驚喜！ 而且椒絲腐乳味道足！七喜話梅柑桔冰 +$13 (跟生滾煲仔粥優惠價)單點 $25泰式青檸冰 +$13 (跟生滾煲仔粥優惠價)單點 $25_______________新記 (屯門)屯門屯門鄉事會路117-157號康麗花園地下6號舖_______________

元朗食雞粥好出名既新記開到黎屯門喇🫶🏻係正戲院對面超方便。裝修更舒適，更闊落，而且菜品種類仲多左👍🏻🔸海蜇生腸超足料，海蜇爽口，生腸冇怪味🔸泰式鳳爪起碼有1x隻，而且冰冰凍凍，超開胃🔸貴妃雞豬潤粥招牌粥品，雞已經調左味而且好滑，豬潤岩岩好保持鮮嫩，粥底綿滑🔸叉燒腸粉食粥緊係要腸粉，腸粉厚薄適中，叉燒足料🔸芽菜炒河炒河條條分明，而且芽菜脆口，加少少辣醬超惹味🔸自選雙拼撈麵鮮蝦雲吞、牛筋腩(+$4)配幼麵雲吞粒粒好似乒乓波咁大，鮮蝦🦐彈牙，牛筋腩入味但就牛筋少左d，撈麵冇皂水味🔸菠蘿咕嚕肉跟餐白飯例湯青紅蘿蔔豬骨湯，冇味精飲落唔會口乾咕嚕肉粒粒都係肉粒，粉漿唔厚，酸酸甜甜超好下飯🔸七喜話梅柑桔冰跟正價食物-$12多重味道，又唔會過甜🔸七喜龍眼冰跟正價食物-$12龍眼冰淡左少少，不過有龍眼肉食加番分另外想讚下餐廳員工招呼好好，擔心我地唔夠冷氣，因為中間我地調過枱，所以有部分野食重覆左，上到枱先發現，但佢地處理既手法都好好，唔會令客人難受👍🏻

今日11點幾黎到呢到食野，見仲有早餐食，叫左份豬扒炒蛋、多士、腸仔、茄汁豆。落單後好快就到，應該都係翻整，味道一般。另外加左份手撕雞海蜇，油有d多，但都ok既。略嫌服務幾差，偏外外賣客。

聽聞元朗新記開到入黎屯門，一於專程去食，晚市時段門口大排長龍，人山人海紅燒元朗脆皮乳鴿 $76果然名不虛傳，乳鴿皮脆但又保留到肉汁鮮味，而且仲幾大隻好有肉食，唔會皮包骨咁，抵佢賣$76田雞粥 $59 +貴妃雞 $15招牌貴妃雞粥即叫即滾，以30年滷水浸製，更加入了30種藥材，雞肉帶清幽的藥材香，而且田雞、貴妃雞份量都唔少，好夠飽鮮蟹粥 $59大大隻蟹好多肉，蟹肉既鮮味配上綿滑粥底，味道好夾蝦醬炒通菜 $51蝦醬味道香濃，送粥食一流杞子枸杞豬潤湯 $57枸杞味道濃郁，豬潤剛剛好熟，好味道

新記雞粥開到去屯門 分店水準keep到食開元朗新記，同另一半嚟巴倫紐睇戲，見到呢到都有間新記，開頭仲以為唔係同一間，但見到貴妃雞粥menu就認得啦，裝修好新好靚，同埋d姐姐服務都好好。由於我想食貴妃雞粥、魷魚酥同煎腸粉，我伴侶就想食小菜，佢就叫咗咕嚕肉同椒鹽豬扒，一間餐廳，不同風格都有得提供，真係有驚喜！分店嚟講，佢嘅貴妃雞粥、魷魚酥同煎腸粉味道係一模一樣，雞肉一樣好入味同嫩滑，粥煲得好綿好滑，水準keep到，魷魚酥大大碟，外脆而不過火，煎腸粉香口耐上麻醬，無得頂！咕嚕肉同豬扒一上枱，嘩左聲，呢個價錢嚟講，居然有咁大碟！而且味道夠，有火侯，無得輸啦，叫埋兩杯凍奶茶同凍檸茶，一絕！唔好以為開分店就會唔同味，老闆係好野，睇得出係好用心經營，抵佢分店愈開愈多，作為元朗老顧客都無失望。

噚日嚟食下午茶，叫咗兩個公仔麵餐，一個係沙嗲牛公仔麵跟腸仔厚多士熱O水，另一個係五香肉丁公仔麵跟厚多士熱O水，第一個上沙嗲牛個餐塊牛油厚多士係韌嘅唔脆原全好似冇焗過，另一個五香肉丁公仔麵等足20分鐘後先到塊厚多士就唔見，阿女話d五香肉丁唔好味仲有骨，跟住同兩個阿姐先後講完後超過15分鐘都仲未有塊多士，再問一個阿叔我就話塊多士仲未嚟佢就好冇禮貌話佢都係啱啱行埋嚟啫，我話你係啱啱行埋嚟但我已經同你地兩個阿姐講過，最後塊多士嚟咗又係同我個塊一樣係韌唔脆嘅，呢d咁嘅服務同食物質素我以後都唔會再幫襯。

新開張，唸住幫襯買外賣早餐!大熱天時，我唸住涼住冷氣等，等了二十幾分鐘，我問佢幾時有，佢話外賣亞姐做吾切，叫我等得就等，吾等得就取消單。仲叫我出門口等，態度惡劣，趕客吾想做生意，永不幫襯!

打電話嚟叫兩個小菜跟兩個白飯，聽電話果個同我講哩個有野飲送，跟著我話凍飲都可以，佢仲要答我送既，我先叫左兩杯凍檸茶。點知過嚟拎外賣，見到張單佢係收左錢，我問佢唔係送既咩，佢而家先答我熱同凍都要加錢甘就唔好同我講送啦⋯⋯個感覺好似比人呃左甘，我覺得一個餐跟杯野飲收幾蚊係好正常嘅事，但係唔好同人講係送之後嚟到其實係要加錢，哩個行為真係令我勁嬲第一次幫襯就甘，睇嚟我以後都未必會再幫襯。我平時出去叫外賣都未試過發生哩啲事