新記 (康麗花園)

营业中

休息中

屯門新開咗間新記，試吓先。茶餐廳環境光鮮，上菜都算快。枸杞豬潤湯 $56凍冰冰，整返碗熱辣辣既湯暖暖胃先，豬潤湯清肝明目。裹面有好多豬潤，好足料，有少少薑絲調味，唔錯幾好飲。椒鹽炸魷魚鬚 $61係我好鍾意嘅懷舊小食之一。好大碟，足夠三至四個人食，魷魚大大條，香脆彈牙，入邊唔會炸到好乾身。紅燒脆皮乳鴿 $76炸到熱辣辣，做到皮脆肉嫩Juicy，點少少華鹽食，正。燒味拼盤 $93燒味拼盤有貴妃雞、叉燒、海蜇、燻蹄。一次過可以試晒4款，貴妃雞好肥，肉質嫩滑，燻蹄彈牙，叉燒肥偏瘦，最好食係海蜇，爽口彈牙，入口仲帶有點辣勁，但四款都略嫌有點凍冰冰。椒絲腐乳炒通菜 $51比想像中大碟，即叫即炒，通菜爽口，腐乳同薑味都好足夠。薑汁紅棗糕 $24雖然食到好飽都要整返個甜品，淡淡薑汁味，唔太甜，口感煙靭，都OK。

以前住元朗既時候，晚餐、宵夜都成日幫襯。而家喺屯門都食到！每次必點生滾煲仔粥，今次食貴妃雞蠔仔粥，雞粥粥底好清甜，雞肉份量十足，加埋蠔仔鮮味更濃食粥配搭有好多小食、小菜可以揀，紅燒元朗脆皮乳鴿，外皮金黃酥脆，咬落好脆！裡面肉嫩多汁，好好味！海蜇手撕雞係我哋經常都會點，唔係好多餐廳有整呢道菜。佢個醬汁好正，撈埋海蜇加手撕雞，手撕雞惹味，海蜇好爽，口感豐富最後加碟炒菜，椒絲腐乳通菜，鑊氣十足，通菜鮮嫩，腐乳醬好香七喜龍眼冰，加咗好多粒龍眼肉，清涼解渴，好清爽泰式青檸，酸酸甜甜，滿滿既青檸香味，酸甜適中屯門店同元朗店一樣，長期都好多人食，要預留少少時間等下位。食物都大大份，好豐富，都好抵食！

之前係元朗食過幾次都覺幾好食見屯門開左所以黎試下但質素都差好遠我叫了雞粥、酥炸魷魚鬚和炒麵雞粥有很多骨頭，基本上無乜肉因為太多骨頭食起來不太順暢粥佈滿雞油，所以其實味道上係幾好酥炸魷魚鬚是凍的而且非常硬！硬到難以嚼碎。成碟無食到雞什炒麵味道算正常，但問題在於它太乾了。雞什分量同元朗店亦差好遠。價錢唔太記得兩間有無分店但屯門附近仲有幾間粥鋪我就唔會再幫襯佢啦建議想試嘅朋友可以去元朗店食小總結❤️📌質數同元朗店差好遠

#馳名海鮮粥 ⭐️⭐️⭐️⭐️#蝦米炸兩腸粉 ⭐️⭐️⭐️⭐️#紅燒元朗脆皮乳鴿 ⭐️⭐️⭐️⭐️#酥炸魷魚鬚 ⭐️⭐️⭐️⭐️#秘製雞中翼 ⭐️⭐️⭐️⭐️#炸雞脾薯條 ⭐️⭐️⭐️⭐️#七喜龍眼𣲙 ⭐️⭐️⭐️⭐️#鮮蝦雲吞撈麵 ⭐️⭐️⭐️⭐️元朗馳名老店新記終於係屯門有分店喇！我哋唔洗再走入元朗食喇！⭕️海鮮粥好足料啖啖海鮮⭕️炸兩薄皮脆料⭕️雲吞大大隻蝦⭕️脆皮乳鴿果然係脆皮⭕️雞脾大大隻仲好juicy⭕️價錢平民好抵食⭕️好多選擇粥店嘅又有茶餐廳嘅又有

去屯門探朋友，去餐廳食嘢可以點到燒乳鴿，朋友就話去新記。由朋友帶路去到新記，走入餐廳有好多卡座位，茶餐廳裝潢簡潔，呢間餐廳多人點雞粥，仲有小菜、雲吞麵、焗飯、三文治等等。紅燒元朗脆皮乳鴿，外皮香香脆脆，乳鴿肉鲜嫩多汁。帶子貴妃雞炒烏冬，帶子彈牙，貴妃雞用來炒烏冬，味道一級棒。楊州炒飯，材料有蝦仁、火腿，加入蛋炒，粒粒黃金色，蛋香滿盈。秘製雞中翼，雞翼滑嫩多汁，用來配飯一流。豬潤腸粉，散發米香，軟熟滑溜。香脆豬扒包，微烘的豬仔飽香脆鬆軟，豬扒肉外酥內軟。元朗新記 (屯門)屯門鄉事會路117-157號康麗花園地下6號舖

相信聽到呢個名一啲都唔陌生😆 第一次食嗰陣時喺元朗，因為係坐戶外，環境相對上來講比較大排檔啲🙈～ 今次嚟到屯門食新記，有卡位燈光光猛啲，坐都坐得舒服啲😳 除咗粥粉麵飯外仲有小食，啱哂大人小朋友😋1️⃣ 香脆炸兩腸粉 🥢一定係廣東特色小食之一😍 用薄薄嘅腸粉包着油炸鬼，一個價錢兩種享受😎 雖然炸兩超肥，係減肥剋星，但係真係好難抗拒得到😭 呢到炸兩每件都切成細細件，女仔係櫻桃小嘴都唔怕啦🤭2️⃣ 酥炸魷魚鬚 🦑唔少得懷舊街頭小食🫣 炸魷魚鬚嘅炸漿一啲都唔厚，唔會好死實，食落香脆惹味😝 夾完一條又一條，食到停唔到口😆3️⃣ 菠蘿咕嚕肉 🐷酸酸甜甜又甜甜酸酸嘅咕嚕肉應該冇人鍾意食😍 粘上糖醋滷汁嘅咕嚕肉酥脆內嫩，酥化得嚟有嚼劲，肉香四溢好吸引😋 另外仲有洋蔥、燈籠椒同菠蘿等嘅配菜，色彩鮮艷，同時係視覺同味覺嘅享受😎4️⃣ 生滾煲仔粥 🥣即叫即滾嘅粥尤其滋味，用咗三種米煮嫁😳 除咗Menu上有嘅粥款外，仲有得自選㗎💓 我就揀咗自選嘅雙拼粥，綿密細滑嘅口感好Jeng🫣 豬膶同皮蛋嘅份量都好足，豬膶唔會太薄，食落爽口亦唔會好實😝 另外仲有蔥花，真材實料冇味精🤭5️⃣ 豬大腸 🐖呢個真係極邪惡😈 食豬大腸最緊要無異味💩

之前食過「新記」的佐敦分店，過後不久，發現餐廳也在屯門開了新店。今晚就和家人過來吃晚飯，試試新餐廳。「新記」屯門店位於新墟康麗花園，門面光鮮，非常易找。餐廳的座位都多。先試一下餐廳的馳名菜式——雞粥！以煲仔盛載，粥底質感軟棉，而且有濃郁的雞香味。雞件份量都頗多，不過可能經粥底熬煮，肉質未算十分嫩滑。大大碟的炒飯，好夠穫氣。飯粒炒至粒粒分明，帶少許彈牙口感；而且加了雞蛋同炒，味道更香。配餸分別有蝦仁、斑塊、帶子和生菜絲等，甚為豐富。淨雲吞有8粒，內餡包裹著蝦和鮮肉。稍嫌外皮做得未夠薄，味道就不過不失。邪惡的兩道小食！炸大腸份量好多，外面皮層炸得夠脆，內層軟身，口感十足。配上蘸醬後就會多了一點酸甜味。另一碟炸魷魚鬚，同樣好大碟！魷魚鬚的炸漿沒有很厚，炸至金黃脆身。外脆內煙韌的口感，邪惡美味。

元朗出名的雞粥店，在屯門開分店了，而且地點十分方便，近新墟街巿，不用到元朗也可以吃到靚雞粥。鮮蟹雞粥$74餐牌上沒有此菜式，原來是自選兩個粥的食材而來的，雞和蟹原來是完美配搭，雞肉的嫩滑與蟹肉的鮮美相互交融，創造出一種獨特的風味，值得一試。粥的質感綿密且順滑，整體用料豐富，令人回味。燒乳鴿$76乳鴿比想像中大隻多肉，燒過後皮香脆，滲出一些乳鴿油份，很香口，肉質方面比較實在，啖啖肉的口感。杞子枸杞豬潤湯$57好像比較少地方能喝到這個湯，杞子枸杞豬潤湯是一道營養湯品，潤肺養肝下火，豬潤嫩滑無渣，杞子大粒又鮮甜，枸杞腍滑，可補充纖維，湯頭清甜味香，全部湯料都可以吃。椒鹽海中蝦$150這道菜以新鮮的海蝦為主要材料，海蝦炸過之後伴隨特調的醬料爆炒，酸酸甜甜的味道加上蔥蒜香，非常惹味，蝦肉爽彈新鮮，雖然價格略高，但我們也都很欣賞這個菜式。例湯$19粟米豬骨湯，湯頭呈奶白色，份量不少，味道清香，不會太鹹。

心入面突然間想幫襯新記既椒鹽豬扒飯係門口逗留左一陣就決定比多次機會佢叫左個 643 椒鹽豬扒 套餐 跟白飯 凍奶茶！椒鹽豬扒 大約10分鐘就上枱！椒鹽味好香 配料非常足夠及惹味心諗呢次唔會中伏掛...除非豬扒出事....唉...豬扒放入口，第一啖咬落去...口感唔似豬扒，咬得出一絲絲好un既肉絲....再咬真d，塊豬扒係炸得太耐，過哂火位第一塊係咁，第二三塊都係咁....擺到明廚師功力未夠或廚房真係太忙....但任何原因都好....87蚊一個套餐...居然會犯埋呢d小錯誤...實在不能原諒！最後食左4份1配料，豬扒都冇食了！飲埋杯凍奶茶比錢走人係我錯，曾經中過伏 又再中多次伏！或者我真係對呢間野改觀....商場果間德興價錢平 仲好食過佢...重點係 連炸豬扒呢d小學生既步驟都會出錯...個廚師檢討下啦....唉！！其實明知炸完要拎黎炒既豬扒...點解要炸到過哂火位？廚師係咪敷衍了事？

沙嗲牛肉公仔麵 $37配煎蛋&菠蘿包+$3熱飲一杯好味指數 4/5 🍭🍭🍭🍭{沙嗲超濃超香 每啖麵都掛到沙嗲和花生粒 牛肉新鮮軟身 菠蘿包暖暖地 口感鬆軟香口 但外層既菠蘿皮不夠脆}香煎豬扒公仔麵 $42配煎蛋&菠蘿包+$3熱飲一杯好味指數 4/5 🍭🍭🍭🍭{豬扒份量好多 肉質軟身 菠蘿包暖暖地 口感鬆軟香口 但外層既菠蘿皮不夠脆}

屯門開分店啦親民茶餐廳海蜇八爪魚 $58性價比極高嘅前菜，大大碟份量好多，新鮮嘅海蜇八爪魚爽口又開胃！自選雙拼湯麵 （鮮蝦雲吞、片頭） $46今次揀咗幼麵做麵底，估唔到整體嘅味道都好有水準，幼麵爽口彈牙，湯底都夠濃郁，大大粒嘅雲吞鄙薄餡靚，加埋新鮮嘅魚片頭一流！椒鹽豬扒 $64另外都單叫咗椒鹽豬扒，啖啖肉啱晒食肉獸至愛，配料醃製得好入味，大大件豬扒好多肉絕冇偷工減料，煎香再炒令到豬扒有脆口嘅口感！XO醬叉燒炒蛋飯 $64呢一個必叫嘅炒蛋飯，想像唔到有意外驚喜，足料义燒大大舊唔係碎粒，炒滑蛋恰到好處同义燒配合得好好，飯量不用講大碟又抵食，重點加埋XO醬真係畫龍點睛，將味道完全昇華！凍檸樂 （跟正價食物折扣 $13）七喜龍眼冰 （跟正價食物折扣 $13）新記 (屯門)屯門屯門鄉事會路117-157號康麗花園地下6號舖

經過新墟附近有新記🥰餐廳裝修得好特別 食嘢打卡都好適合望下餐牌原來呢度早餐去到12點好啱我同弟弟食🤭叫咗早餐加$3有得upgrade菠蘿包🥰弟弟食哂成碗大人份量嘅通粉😁成個餐都係$40呢度係非一般茶餐廳 因為有好多招牌菜式其中一個海蜇生腸好正，份量好多，微辣好爽口😝秘製雞中翼$34有6隻有啲似酥炸好正😊價錢都相當抵嘅～～另外梗係有岀名嘅紅燒元朗脆皮乳鴿炸起熱辣辣，又脆又香連小朋友都鍾意食🥰好有小時候同屋企人打冷嘅味道但係坐卡位又舒適 最後我叫咗個燒味雙拼飯有叉燒同熏蹄再加$10有碟油菜仲有杯珍珠奶茶 🧋 正呀！選擇多菜式又多係個唔錯嘅地方

幾年前係元朗食過一間雞粥, 好有風味, 一直都念念不忘🤤近排我喺有牛嘅屯門發現佢開咗分店😯裝修仲好靚仔, 啲位好好坐!...豬潤炒麵 (HK$58)豬潤好香, 唔會起晒渣, 麵都炒得好乾身👍🏻最怕啲一pat pat 嘅炒麵😐...生滾鮮蟹粥 + 貴妃雞(HK$74)蟹味🦀好鮮甜, 如果擔心蟹粥冇肉食, 加貴妃雞🐔就啱晒啦! 蟹同雞嘅鮮咪煮晒入個粥度😋好正!...香脆炸大腸🐷 (HK$58)呢個食完我自己都好有罪惡感😂不過食咗先講😂...香脆炸兩腸粉 (HK$25)腸粉皮好薄, 炸兩亦都好脆, 加埋甜醬麻醬一絕😋...紅燒元朗脆皮乳鴿 (HK$76)嘩! 脆皮乳鴿好惹味, 唔會乾爭爭, 食落仲好Juicy💦...酥炸魷魚鬚🦑 (HK$61)我最鍾意食啲咁邪惡嘅item🤭喂越唔健康嘅嘢就越好食㗎啦! 你唔係唔知啊嘛...蔥花蝦米腸粉 (HK$26)冇錯! 又係腸粉! 佢嘅腸粉做得真係幾出色, 皮薄得來又有口感, 大推!!!...泰式青檸冰 (跟餐+HK$13)食咗咁多邪惡item, 要飲返杯清爽解油膩嘅飲品, 呢杯青檸冰就啱晒啦🍸.凍檸蜜 (跟餐+HK$9)另外仲嗌咗杯凍檸蜜, 甜味啱啱好

呢間新記之前喺元朗已經食過佢嘅雞粥，真係好正☺️記得嗰陣時係冬天食，暖笠笠嘅雞粥食落肚係特別加分🐣而且佢哋嘅足底都好入味，唔係齋放啲雞件入去咁馬虎👍🏼今日喺屯門竟然都俾我見到呢間分店，原來係新開嘅😍咁我梗係要試吓有冇元朗咁好食啦。雖然係下午茶時間，但係佢哋煮餐牌嘅餸菜都可以嗌🍳而呢度嘅食物種類好多元化，除咗佢哋主打既粥類之外，一啲小食點心小炒都有🍹真係基本你諗到就有得食🧆啱晒我呢啲心大心細嘅人😝所以我今日基本上咩種類都試咗，成件事好滿足，全部都係我想食嘅嘢🥰但係價錢方面都只係一人百幾蚊🤩我愛茶仔❤️。🐒下午茶-秘製咖央多士💰$29👉🏻炸雞中翼+$11👉🏻熱華田🐒下午茶-炸雞中翼薯條💰$33👉🏻凍檸茶+$3下午茶一個$30真係好抵食，而且份量以下午茶黎講都唔算少，極力推薦秘製咖央多士🥪嗰件午油真係好邪惡👿。🐒XO醬炒蘿蔔糕💰$58🐒豉油王炒大蝦💰$150🐒蒜蓉炒菜心💰$56🐒香滑炸兩腸粉💰$25🐒薑汁紅棗糕💰$25另外一啲小菜同小食質素都好高，炒大蝦份量好多，啲配茶用嚟送飯真係一流，不過我最鍾意都係XO醬炒蘿蔔糕🌶️因為好香脆

🐳新記又開分店啦！之前在元朗新記食過，覺得唔錯，但係冇試過佢地出品嘅生滾粥，今晚終於有機會試啦！🐳貴妃雞蠔仔粥💰74 凍檸蜜跟餐價💰9都幾大鍋，煲得超綿，完全冇味精，非常鮮味。貴妃雞都好嫩滑，蠔仔有好多粒，粒粒新鮮，整個粥底很鮮甜。🐳香脆炸兩腸粉💰25好耐都未食過炸兩了，外皮包腸粉，好滑，內裡是剛炸起的油條，口感十足，再加上秘製豉油，正！🐳菜心炒牛肉跟餐（白飯 例湯）💰86份量比我想像中多，炒得很香，牛肉嫩滑，菜心超甜，再跟個白飯和例湯，就是一餐非常正宗的港式小菜。🛎️ 新記 (屯門)🔍屯門屯門鄉事會路117-157號康麗花園地下6號舖