新記 (康麗花園)

营业中

休息中

今日同阿女去屯門雅都附近行街，行到上下揾茶記食午餐，見到新記就行入去，環境又幾好，座位十分舒適，我同阿女坐下之後，店員提供 QR CODE俾我掃碼，十分方便，就點了豉油海蝦有飯有湯，揚州炒飯有飲品，服務幾好，價錢合理食物水準揚州炒飯，炒飯口感夠軟熟湯，好飲熱檸檬茶，檸檬茶好夠茶味，又冇苦澀味豉油海蝦，夠入味，蝦十分新鮮地點，近西鐵，十分方面環境，座位十分寬敞，地方舒適服務，店員態度好好衛生，乾淨企理新記真是幾好選擇，我覺得整體好好，無論食物水準各方面合格，價錢相宜，屯門區有唔少茶記，新記值得推薦俾大家

屯門「新記」茶餐廳真係好多嘢食, 粥粉麵飯和炒小菜都有, 位於屯門鄉事會路, 餐廳間隔清雅, 卡位都幾多。下午茶時段有好多選擇, 粥餐好抵食, 仲有埋飲品。貴妃雞粥原鍋粥底好綿滑, 雞件幼滑有雞味, 加埋薑蔥特別香口。蠔仔肉碎粥粥底好足料, 蠔仔都幾多, 大隻厚肉, 味道鮮甜, 肉碎幼滑。配炸兩和叉燒腸, 叉燒好足料。XO醬炒蘿蔔糕蘿蔔糕炒得好香口, 加上大量XO醬, 相當惹味。淨南乳豬手豬手好腍滑, 豬皮厚滑膠質豐富, 南乳好入味。紅燒元朗脆皮乳鴿乳鴿份量十足, 外皮好香脆, 肉質幾嫩滑。香脆炸大腸外皮炸得好香脆, 大腸洗得好乾淨, 肉厚肥美, 點埋甜辣醬, 肥而不膩又甘香, 口感好豐富。@sunkeerestaurant#tuenmun #contonesecuisine #congee hkfood #hkrestaurant #hkfoodie #foodporn #hkfoodblog #foodies #foodiehk #instafood #hkfoodporn #foodblogger #屯門美食 #新記 #煲仔雞粥 #中式小菜 #乳鴿 #探店 #香港美食

新記元朗分店之前食過，雞粥真係好高質，食過返尋味。難得屋企附近開左分店，今次決定同屋企人黎試下。貴妃雞粥當然必點，粥底好綿滑， 而且有雞湯雞油的鮮甜味，保持到一貫的水準。雞肉夠嫩滑。酥炸魷魚鬚魷魚鬚好大份，魷魚Q彈但又不老身，外漿超香脆，食到停不了口。香脆炸兩腸粉油炸鬼夠酥脆，加埋嫩滑薄皮的腸粉，估唔到晚餐都可以食到。蜜汁叉燒叫了瘦叉，叉燒肉瘦但不柴，肉嫩多汁,入口香甜。而且仲有燶邊，十分滿意。淨鮮蝦雲吞粒粒飽滿，蝦肉居多，而且爽彈鮮味，水準很高。熱奶茶值得一讚，茶香濃，順滑，難得可以係度飲到咁好飲的奶茶。全部食品的味道都達標，而且款式多樣化，以後食飯又多一個選擇了。

今朝早，我去了屯門新墟凱都戲院對面嘅新記，叫咗艇仔粥配豉油王炒麵，餐飲凍檸茶走甜。結果，我對這家餐廳的印象並不好。首先，艇仔粥的味道讓我失望。粥裡嘅材料有魷魚絲，炸魚片絲，少量豬皮花生同碎肉，有別於傳統嘅艇仔粥，最主要係碎肉無混入炸米粉，魷魚過淋，對我嚟講呢碗粥係唔合格的。其次，豉油王炒麵嘅表現也一般。炒麵是凍的，冇熱氣，也冇香氣。凍檸茶走甜嘅味道就正常冇特別。檸茶嘅酸甜度適中。就係普通嘅凍檸茶。總括嚟講，我對新記嘅早餐唔滿意。店員服務也一般般，呢間餐廳嘅唯一優點係環境算乾淨整潔，因為佢哋開業唔耐。我覺得呢間餐廳唔值得我再光顧，也唔會推薦畀其他人。

屯門新記裝修到好似間新潮茶記咁，所以我都係食茶餐/常餐果啲。但原來有粥，炸兩，乳鴿，炸大腸食㗎😋，而且價錢超平易近人，叫多幾款都得。🥢紅燒元朗脆皮乳鴿 $76皮薄肉嫩，香脆可口，乳鴿控唔好錯過🤤。🥢香脆炸大腸 $58呢個價以為好細碟啦，結果性價比高。腸乾淨，炸得夠透，皮香脆👍🏻。🥢蜆介鯪魚球 $58新鮮熱辣辣，每粒脹卜卜，好大粒，有咩好食過即叫即炸👍🏻。🥢蒜蓉炒菜心 $51炒得翠綠，軟硬適中，菜雖大條但唔老。勁大碟，呢個價呢個量冇得輸👍🏻。🥢馳名海鮮粥 $81上次食過雞粥好味，今次試海鮮粥。可能其他食物濃味，海鮮粥相對淡啲。蟹有半隻，有蝦，帶子，魚，不過好似唔夠鮮，粥底非常綿滑。🍹七喜話梅柑桔冰 $13☕熱奶茶 $6*飲品跟正價食物折扣-$12

話說有日夜晚行過見話好出名咪走去門市親自俾錢叫外賣點知第一次叫說可以等成45分鐘，追問收銀處最尾聽到話廚房話漏咗單未做！咁大間餐廳竟然發生啲咁嘅事真係無言！絕對絕對激死！一定唔會再幫襯！

有外殼冇靈魂成班員工AI咁線之「下單系統」無就做唔到我話俾返錢叫佢加一片牛油俾我都冇真係加$5 $10都冇所謂佢話嗌牛油多就有牛油菠蘿油餐都有牛油總之下單系統冇話有牛油就唔可以比牛油我加錢都加唔到隔籬個叔叔嗌㗎young多我不嬲都係叫做咖young多個店員完全攞唔到單跟住恍然大悟係咖「央」多其實啲嘢熱辣辣係幾好食但真係食得好唔高興這間餐廳有咁多食物選擇其實都係想服務個客一方面好有彈性一方面好冇彈性真係好矛盾新年流流已經要+1服務費但係都冇用你同啲阿姐拗啲阿姐都係同你講系統做唔到

早前去過「元朗雞粥」整體感覺也不錯，知道現在進註入屯門，即刻起行去試試🤭🤭餐廳環境光線充足，空間感十足，採用木系風格，感覺令人舒適又放鬆。1）酥炸魷魚鬚🦑$61每次嚟到都是我們必定會選的小菜，外皮炸得香脆又不會有太多粉漿，煙煙韌韌，而且份量頗多（大大碟）必食推介👍👍2）海蜇手撕雞🐔$58這個也是我們必定會選的小菜之一，份量十足，海蜇爽口，手撕雞肉質嫩滑，配搭醬汁，口感非常豐富～推介👍👍3）香脆炸大腸$58炸大腸宜家真賣少見少，外皮炸得香脆又不會太油膩，香口又煙韌好味，配埋醬汁真的食到停不了口🤭4）紅燒脆皮乳鴿餐廳必吃之選，乳鴿皮脆肉質多汁，沾上淮鹽味道更加美味😋惹味十足5）Xo醬叉燒炒蛋飯$64叉燒肥瘦適中，炒蛋頗多，口感豐富；配上XO醬惹味可口，成碟飯好滿足❤️6）薑汁紅棗糕$24飯後甜品～好好食，我們食完一碟急不及待要再添多一碟了，薑汁很出配搭紅棗，味道不錯又不會太甜，糕點口感煙韌，一試愛上😋喜歡食紅棗糕的朋友一定要試👍👍7）七喜龍眼冰$258）七喜話梅柑桔冰$25兩款飲品也不錯，解渴作用，值得一試👍

元朗新記煲仔雞粥老字號搬咗去屯門新墟，人氣依然不減😳晏就大概2點等咗一陣就有位啦~新店大部份都係卡位，坐得舒服，裝潢感覺似現代冰室除咗馳名雞粥之外，仲多咗好多港式地道美食😯估唔到XO醬叉燒炒蛋飯都例入推介之一🤓賣相吸引，叉燒抱蛋份量十足蛋味香濃夠哂滑溜叉燒半肥瘦大大塊又唔會柴皮叉燒炒蛋配XO醬，令整個飯更惹味，可以encore😜生滾姜絲豬膶通粉同沙嗲鮮牛出前一丁都係茶記名物套餐可配牛油多士或+$3揀菠蘿包同炒蛋或腸仔豬膶爽口新鮮😋配姜絲湯開胃暖身沙嗲牛口感軟腍，沙嗲汁濃郁，每啖出前一丁都好掛湯啊～一定要留肚食香脆炸大腸！雖然好邪惡，但外皮超脆口，味道甜甜鹹鹹咁食落非常滋味，如果用嚟佐酒一流🔥椒鹽豬扒係我嘅至愛之一豬扒外層炸至脆身，肉質鬆化keep到肉汁加咗蒜頭辣椒，香口惹味😜菠蘿咕嚕肉入口香脆，梅頭肉做到鬆軟口感甜酸味道比例啱啱好，真係可以加多幾碗飯啊🍚

元朗新記原來係屯門開左分店而且好近我地🤩一於偷懶唔煮飯 去元朗新記開餐🍴我地一家三口總共叫左7樣野食🤣每樣都勁大碟 勁好食😋🔸酥炸魷魚鬚🔸炸到好脆口 炸粉粉漿亦唔會太厚🙌🏻🔹海蜇手撕雞🔹海蜇爽口彈牙 配上嫩滑手撕雞 超好食🤤🔸蒜泥汁脆皮豆腐🔸脆皮豆腐炸到外脆內嫩👍🏻然後點少少蒜泥汁 感覺好特別好香蒜蓉味 但亦唔會太鹹👏🏻🔹紅燒元朗脆皮乳鴿🔹推薦依個脆皮乳鴿呀！好正！乳鴿個皮勁脆 即使我地放凍左先食 個皮依然keep住好脆口👍🏻👍🏻🔸 XO醬豬扒炒公仔麵🔸依個炒得好惹味🙌🏻 好有鑊氣豬扒份量亦都好多🔹芝士魚柳焗飯🔹依個焗飯不得了 超級多芝士😍撈埋一齊食勁正🔸蒜蓉炒時菜🔸

平價🫶🏻 × 親民🤤 × 小菜🥢今次嚟到屯門新墟，呢度有好多嘢食揀😍，今次鼠尾草🌱就去咗一間價錢好平嘅小菜🤑。比起大牌檔，呢度更加平，而且環境乾淨企理🥰，啱曬夜晚同屋企人、朋友食飯。嚟到呢度梗係要試海鮮粥🤤！80幾蚊就有曬成隻蟹、仲有蝦、帶子😳，海鮮份量好足料，兩個人share都好滿足💖。脆皮乳鴿外皮好脆卜卜😋，一咬落去好正。海蜇生腸份量超級多✨，好滿足，而且甜甜辣辣嘅調味醬好香口😚。仲可以揀一啲小菜加配成套餐，有埋白飯同飲品🕶️。菠蘿咕嚕肉份量以價錢嚟講勁多🤭！咕嚕肉外層脆口，加埋甜甜酸酸嘅醬好香🤤。椒絲腐乳炒通菜都係必嗌🥰！又大份又好食，通菜嘅口感同椒絲腐乳香真係好夾🫶🏻。💰 馳名海鮮粥($81)💰 紅燒元朗脆皮乳鴿($76)💰 海蜇生腸($58)💰 菠蘿咕嚕肉($61)💰 椒絲腐乳炒通菜($51)💰 加飯、熱菊花蜜 ($20)💰 熱柑桔蜜($18)🥢 新記 🗺️ 屯門鄉事會路117-157號康麗花園地下6號舖

貴妃雞粥加豬潤🐔$65天寒地凍 一定食雞粥仲格補吓身 加多份豬潤粥底綿綿 而且煲粥係淡黃色證明真係生滾雞粥 仲要入面好多料最後食唔晒啲雞～艇仔粥 $37加入咗大量魷魚，魚片條同埋豬皮仲加咗花生！清清地得嚟 又有少少鮮味同咬口食完雞粥又可以食吓艇仔粥中和翻啲蜆介鯪魚球$58有6粒咁多🙊仲要每粒都好大料配埋蜆介醬 鹹香鹹香～味道好濃建議配飯同粥食就一流菠蘿咕嚕肉🍍$61基本上係廚師推薦同餸飯名物😂炸衣唔會太厚 而且有好多菠蘿🥰不過都有好多我唔食嘅3色椒同洋蔥🧅海哲生腸$58香脆炸兩腸粉$25凍檸茶 跟餐$6熱菊花蜜 跟餐$6

今日下午茶餐，魚粥同艇仔粥，魚粥食食下有異物，吐出見到係“殼”，問員工，話應該係海鮮粥收回入㕑房的煲丢左落去魚粥，意思即係你地食到“㕑餘”，隔離枱點了一個飯，我地才點飲品，見隔離枱個飯都食得，咁我地啲飲品“熱檸水同熱檸蜜”幾時上？？又問員工，回覆嘅㕑房壞機，現在整，乜家下㕑房都用AI整餐飲咁高檔嘅咩？！等好耐，有得飲，杯檸蜜飲落有“桔”味，怪怪的，又要問員工，話一定係檸蜜，桔係有果實，咁係咪我飲緊嗰隻杯未有洗，有上一手飲品的殘渣見係新店才去，內部食具和運作就令人“聞風喪膽”，自問就唔會再去🤢🤢🤢

元朗新記煲仔雞粥進軍屯門了🎉馳名的生滾鮮蟹粥綿滑鮮甜，還不只有粥粉麵飯，另有小食、鑊氣小炒，食物種類挺多元化。店內座位寬敞、環境整齊清潔，以橙色和木系為主，帶有一點點現代感的懷舊風格❖ XO醬炒蘿蔔糕 $58外層脆卜卜、內裏軟熟，XO醬不會太辣，蝦乾仔鮮味❖ 海蜇生腸 $58爽口的海蜇生腸配上自家調配醬汁，酸甜中帶一點點辣味，十分惹味❖ 鮮蟹粥 $59粥底口感綿滑，加入薑絲令蟹膏和蟹肉更出味更鮮，用砂鍋仔上枱，保持一定熱度。❖ 椒鹽豬扒 $64份量多，豬扒軟腍肥瘦適中，椒鹽味剛剛好❖ 蝦醬炒通菜 $51通菜葉很嫩，莖部爽脆可口，蝦醬的鹹香十足❖ 薑汁紅棗糕 $24超愛吃紅棗糕的我，不得不點這飯後甜點來享用，蒸紅棗糕柔韌清甜，棗香沁人心脾，將晚餐畫上完美句號。❖ 自家製五花茶 $11❖ 凍豆漿 $11〈豆漿、五花茶跟正價食物-$2〉

本來我食過呢間其他分店都幾好，食物種類多，有粥有燒味有小菜，啤酒抵飲，藍妹都是32蚊，元朗哪一間我都經常去的，但呢間野實在太多烏蠅同蚊了，要攪攪佢啦，今日食到尾，發現有隻蚊跌咗落杯奶茶度，勁嘔心，好在有望吓先