新記 (康麗花園)

新記雞粥相信大家都耳熟能詳，今天我就一試其他小菜的味道。今天飲品選了七喜話梅柑桔冰是開胃首選，話梅味濃郁，帶有明顯的酸甜後勁，柑桔的清新香氣在喉間散發，止渴效果一流。冰涼的口感在炎熱的九月夜晚格外舒適，適合搭配主菜解膩。半份酥炸魷魚鬚份量驚喜，魷魚鬚外酥內嫩，配上濃郁的喼汁，香口惹味。雖然是半份，但分量十足，炸得恰到好處，沒有油膩感。半份XO醬炒蘿蔔糕炸至金黃，再炒，表面微焦內軟，如果喜愛較厚實口感的朋友可吃，配料包括紅椒、黃椒、青椒和洋蔥，色彩鮮艷，增添健康感。半份海蜇燻蹄的海蜇帶微辣，口感脆爽，與燻蹄的肉厚結實形成對比。燻蹄入味，肥瘦適中，海蜇微辣的調味適合喜歡重口味朋友。XO醬叉燒炒滑蛋不得不提，XO醬香濃撲鼻更是這道菜的靈魂點綴，滑蛋採用橙黃蛋黃，口感細膩，帶有蔥花提味。叉燒半肥瘦，入味十足，與滑蛋的柔滑形成完美搭配，層次感十足，值得一試。泰式鳳爪的泰式醬汁濃郁入味，帶有清新的東南亞風味，鳳爪軟糯，一口接一口停不了。配以洋蔥等配料，增強鮮味，適痘解暑及夏天享用。最後魚香茄子煲熱騰騰出爐的，醬汁濃郁，茄子外表淋漓，內裡爽口。…查看更多

新記茶餐廳環境舒適，，價格合理，充分體現左港式茶餐廳的平民魅力，一家大細嗌左五個招牌菜。🌈紅燒元朗脆皮乳鴿乳鴿皮脆肉嫩，火候掌握得恰到好處，夠晒入味吾會好鹹，忍吾住差吾多食左成隻。🌈酥炸魷魚鬚外層炸得金黃酥脆，但仍然保持魷魚既爽口彈牙，調味簡單吾油膩。🌈粟米斑塊檸茶最鐘意食魚，黎到已經話勁正，又夠大碟份量十足。🌈秘製欖菜肉鬆四季豆欖菜既鹹香同肉鬆真係絕配，連埋辣椒一齊炒更惹味。🌈XO醬炒蘿蔔糕蘿蔔糕煎得兩面金黃，外脆內軟，每一口都有XO醬既辣香滋味。📌新記 (屯門)📍香港屯門屯門鄉事會路117-157號康麗花園地下6號舖#香港茶餐廳 #茶餐廳 #港式茶餐廳 #屯門 #香港食好嘢 #屯門餐廳 #屯門食好嘢 #屯門必食 #屯門好去處 #屯門美食地圖 #餐廳推介 #假日好去處 #ilovefood #hkfood #美食推介 #美食日記  #新記 #煲仔雞粥 #屯門美食 #中式小菜  #kol #親子日常  #萌娃 #親子 #全職媽媽 #育兒日記 #寶寶日記 #成長記錄 #凍檸茶…查看更多

今晚又去新記雞粥食宵夜，叫咗梅菜蒸鯇魚、咕嚕肉、腸粉、XO醬炒蘿蔔糕、牛肉炒通菜。腸粉一如以往咁滑，XO醬炒蘿蔔糕炒得香口，外脆內嫩，水準穩定。咕嚕肉酸甜適中，唔會太膩，炒通菜爽脆，牛肉唔鞋口，火喉掌握得唔錯。可惜梅菜蒸鯇魚就有啲失準，蒸得過熟，魚肉冇咩鮮味，梅菜味亦唔夠突出。整體嚟講，呢間茶餐廳嘅出品算係穩陣，雖然唔算驚喜，但環境舒服，出菜快，適合三五知己吹水食宵夜。夜晚想搵個地方食返幾味熟口熟面嘅餸，新記都係個唔錯嘅選擇。…查看更多

同friend睇戲前係附近食咗間茶餐廳嗌到成枱餸🤣味道估唔到幾出色頭盤小食：· 海蜇手撕雞：必食！雞肉撕得夠幼絲，食落好滑溜，海蜇爽脆，撈埋啲麻油同芝麻好香· 泰式鳳爪 ：酸酸辣辣，非常爽口· 蜆介鯪魚球 ：熱辣辣炸起，外皮脆卜卜，點埋嗰碟鹹鮮嘅蜆介醬，風味十足· 炸大腸 ：炸得金黃香脆，一啲豬羶味都冇主菜粥品：· 黃鱔泥猛生滾粥：個粥底超綿滑，黃鱔同泥猛份量都唔孤寒，魚肉鮮甜· 豉汁蒸倉魚：火候啱啱好，魚肉嫩滑到夾都唔使點用力，豉汁唔會死鹹飲品方面:· 七喜龍眼冰：七喜加埋清甜龍眼肉，解渴又過癮· 泰式青檸冰：酸甜解膩，幾清爽· 熱檸茶：茶底夠濃，檸檬又夠新鮮今餐真係「食過返尋味」，樣樣都高水準，價錢又合理，一定會再嚟幫襯！…查看更多

餐廳乾淨企理，食物多選擇，有鐵板餐、焗飯、小食、仲有腸粉、粥，仲有乳鴿食。皮蛋瘦肉粥+豬肚我叫咗皮蛋瘦肉粥，皮蛋入味，瘦肉調味過，味道幾好，佢嘅粥煲得好綿好滑，都幾好大煲。及弟粥+魚腩老公叫咗個及第粥加魚腩，佢話魚腩好滑，而且多料。半份XO醬拍青瓜青瓜爽脆，加埋XO醬，好惹味。炸蒜蓉雞翼尖雞翼尖炸得幾香，好有蒜蓉味，唔錯嘅小食。紅燒元朗脆皮乳鴿呢度有得食乳鴿，價錢唔貴，同埋幾大隻，好食。腐乳炒通菜通菜炒得好青綠，好有腐乳味，但唔會太鹹同太油，我哋好快已經清晒成碟。熱菊花蜜好重菊花味，可以清熱，幾好。…查看更多

平時食雞粥都會嚟呢間，佢哋嘅雞粥一向水準穩定，今日點咗個豬膶雞粥，味道都唔錯，豬膶嫩滑、粥底綿香，令人滿意。不過今日心癢癢，想試吓其他菜式，就叫咗個燒味拼盤，結果真係強差人意。叉燒又乾又硬，完全冇肉汁，味道亦偏淡，冇咗燒味應有嘅香甜。最失望係個海蜇，居然未完全解凍就上碟，口感冰冷又腍，完全失去咗海蜇應有嘅爽脆。海蜇本身唔適合冷凍，冷凍後質地會改變，食落唔單止唔好味，仲有啲怪。整體嚟講，雞粥仍然值得一試，但叉燒和海蜇就真係要三思。希望店家可以改善食材處理，唔好因為一兩道失準嘅菜式，影響整體印象。…查看更多

貴妃雞飯🐔雞脾嫩滑皮啫喱，叉燒帶蜜香微焦！海蜇爽彈唔腥，油菜清甜解膩，夠晒營養均衡！蜆介鯪魚球🐟即炸外脆內彈牙，魚香紮實，蘸蜆介醬鹹鮮帶勁，熱辣惹味，下酒送飯皆宜！XO醬拍拍瓜🥒瓜條爽甜多汁不出水，XO醬帶瑤柱乾香微辣，鹹香平衡，清爽醒胃不油！豉汁蒸倉魚🐠蒸火到位肉嫩滑，豉汁濃郁不搶鮮，蔥薑提香去腥，醬汁拌飯特別香！😋豉蒜涼瓜炒牛肉🐮涼瓜微苦提味，牛肉滑嫩有鑊氣，豆豉蒜香渾厚，鹹香入骨唔會死鹹～炸雞中翼及薯條🍗雞翼金黃外脆內多汁，醃味入透，薯條鬆粉香脆，熱食更香口餐廳位於康麗花園地舖，卡座寬敞明亮，桌距適中不侷促，街坊客多，人流快，服務利落，價錢親民舒適，住附近嘅街坊值得過嚟試吓～…查看更多

前排蘑菇病嘅時候都嗌咗幾次新記嘅外賣，次次必點嘅就係「貴妃雞粥」，令本身冇乜胃口嘅蘑菇食欲大增🤤今個星期日同男朋友出屯市睇電器，當然就選擇去新記堂食🥰餐廳位置好易搵，喺正凱都戲院對面🙈晏晝2點入座，都依然座無虛席。見到好多街坊熟客都同鋪頭入面嘅姨姨有講有傾，成個氛圍都幾warm～🥣貴妃雞粥（$61）可以列入蘑菇必食榜💯唔止足料，粥亦煮到好綿密，好易入口。之前喉嚨痛個陣就成日食，今次好返更加覺得好味～每一件雞都切到大大件，又好嫩滑，雞味好出🦑酥炸魷魚鬚（$64）炸粉夠薄👍呢樣嘢好緊要。魷魚鬚都大條，酥脆又彈牙。2-3人食完全足夠，點埋喼汁更添風味🐦紅燒元朗脆皮乳鴿（$78/隻）見到有乳鴿食，根本唔洗諗，嗌！😁廚房會幫手切成四件，方便食用。一上黎就見到乳鴿表面誘人的油光，燒到焦脆的色澤令人垂涎。一撕開就見到肉汁滴出黎，肉質鮮嫩好juicy🤤🥢豉油王炒麵（$36）蘑菇本身麻麻地豉油王炒麵，因為以往食過果啲唔係太乾就係唔夠味。呢款豉油王炒麵乾身得黎又有啲焦香味，唔止有豉油嘅鹹香，洋蔥絲、紅蘿蔔絲、芽菜同蔥絲嘅比例都恰到好處，層次豐富。重點係三十幾蚊真係好大碟😆抵食～🥤七喜話梅柑桔冰（跟餐$13）話梅嘅風味唔錯，仲有柑桔嘅清新感，適合夏天飲用，爽口之餘又唔會太甜🥤七喜龍眼冰（跟餐$13 ） 龍眼冰嘅味道比較甜，口感滑順，清涼爽口…查看更多

💬 挖掘到這家寶藏餐廳！ 菜單超多元化，推薦必點👇 🔥 酥炸魷魚鬚（$64） → 即叫即炸！ 外層金黃脆如天婦羅，內裡Q彈有嚼勁，沾椒鹽絕配。 🦐 蝦米炸兩腸粉（$30） → 腸粉皮薄透軟糯，炸兩油條脆到"咔嚓"聲！ 蝦米鹹香畫龍點睛。 🌟 蜆介鹹魚球（半份$35） → 道地港味！ 外脆內軟魚肉紮實，蜆介醬鹹鮮帶微辣超惹味。 🍜 帶子豬潤炒麵（$76） → 鑊氣十足！ 豬潤厚切嫩滑無腥，帶子大粒鮮甜，面底乾身不油膩。🐽香脆炸大腸 （半份$35）→處理超乾淨！脆皮咬開飆肉汁，配甜辣醬一絕。🥟淨鮮蝦雲吞（$46）→雲吞皮薄！餡料飽滿新鮮，蝦肉和豬肉比例半均，入口充滿啖啖鮮肉香。 💡 貼心位： ✔️ 多款點心可點半份（適合人少試菜） ✔️ 特飲跟正價食物有折扣（-12超划算） ✔️ 推薦 **七喜話梅柑桔冰**（$13）酸爽解膩…查看更多

放假同老公出新墟買餸，終於有機會來試下由元朗搬過黎，有三十幾年老字號的《新記》了。 一打開菜單，老公即刻俾碗「杞子豬潤湯」吸引住，雙眼發晒光：「呢個正啊！一定要試！」🤣 果然冇令人失望。豬潤厚切得恰到好處，咬落爽滑冇渣，湯頭清甜帶住枸杞香，飲完成個胃都暖笠笠。✨ 「紅燒乳鴿」皮脆肉香。🍗 「酥炸魷魚鬚」外層香脆，裏面彈牙，夠曬惹味。🦑 「豉汁蒸倉魚」火候剛好，魚肉嫩滑。🐟 「炸大腸」外皮酥化，內裡軟糯。😋 「乾炒牛河」鑊氣十足，牛肉夠嫩。🍜 特別鍾意杯「七喜話梅柑桔冰」，酸甜開胃，完美中和濃味小菜。🍹 下次一定要試埋佢哋嘅招牌雞粥先得！🍲…查看更多

🔸 椒鹽肉排  $86   套餐跟白飯凍飲呢度晚飯套餐幾抵食，肉排一大碟，椒鹽炒香好惹味， 用大量香葱、紅椒、炸蒜粒，爆炒夠鑊氣，豬扒味道比較濃厚，好餸飯👍 餐飲揀咗凍檸檬茶，估唔到呢間茶餐廳用嘅檸檬大大片又去核，所以個凍飲 飲落幾好飲。🔸  XO醬叉燒炒滑蛋   $93  套餐跟白飯凍飲新記嘅燒味係唔錯嘅，落咗較多叉燒，滑蛋炒得夠嫩滑，上面撒滿甜甜辣辣嘅XO醬，醬裏面嘅乾瑤柱原來跟滑蛋係十分配嘅，好味😋小菜 🔸 香脆炸大腸  $60雖然話係小菜但碟頭都唔小，有好多大腸，炸得脆皮👍 佢仲保留咗少少肥脂喺腸裏面，如果鍾意食肥肥哋嘅朋友就最啱食喇。🔸 蜆介鯪魚球  $60即點即炸，圓碌碌大大粒六粒， 大過乒乓波，味道就比較淡口，可以空口食都得，如果想咸啲就可以蘸上餐廳提供嘅蜆介。🔸 酥炸魷魚鬚  $64 要咗一份，原來個份量都好多，其實可以要半份都足夠，半份價錢$32，魷魚鬚新鮮，如果可以配上椒鹽就更惹味喇。🔹環境： 喺康麗花園地舖，近屯馬線屯門總站，做街坊生意，價錢相當平民化，卡座闊偌，一家六口坐埋一齊都唔會覺得逼。…查看更多

當時下午茶時段, 叫左女侍應落單,叫左 一份常餐本身有跟牛油多士，可能我口快快話跟西多士，之後女侍應話 邊有西多士架，我話係牛油多士至真，唔該晒。之後佢仍然企我隔離 不停重覆再重覆 話我講錯，直至我要同佢講 “唔好意思，係我錯，sorry!"先至收聲。呢間唔會再有下次！！😡😡😡…查看更多

今日去新墟街市買餸，買完餸好想食過下午茶抖一抖，諗住快靚正！入左新記，叫左個下午茶茶餐「雞翼配薯條」，熱檸蜜。雞中翼3隻，冇乜味，應該係冇醃過，薯條有小部份燶，感覺是番炸的。…查看更多

下午茶生滾薑絲豬潤通粉餐+ 凍檸茶湯底味道不錯 有追飲湯；通粉彈牙；豬膶厚薄適中 有豬膶香味；多士是厚身的 烘底後 外脆內軟；太陽蛋不錯；凍檸茶有點甜 同職員講後 調整下 好飲整體來講 喜歡👍🏼…查看更多

星期六一支公番屯門食Lunch, 見到有間茶記都幾乾淨企理就入去試下。 見到Menu 原來係粥舖出身，但因為太肚餓都係叫個碟頭飯食。見到Menu 有個XO 醬滑蛋叉燒飯就即管試下。滑蛋熟度剛剛好，唔會太熟。叉燒就正正常常，唔係平時d 過夜叉燒，厚度大細岩岩好。配少少Xo 醬去送飯都唔錯，但唔可以太多。整體黎講呢間茶記都唔錯，款式都算多而且味道唔錯。下次試下黎食粥再同大家分享。 😁…查看更多