新肥泉海鮮大排檔

营业中

休息中

今日朋友帶左我去食小妙，佢話呢度小炒同煲仔係任飲任食，連啤酒都係任飲，聽落都幾超值。餐廳位於佐敦，由佐敦鐵路站寶靈街出口直行4分鐘左右就見到熟食中心，真係幾方便。2樓大排檔空間幾大，枱同坐位都寬闊。雖然係平日夜晚，但就越夜越多人，幾熱鬧，好啱大班人聚會。餐牌選擇好多，我哋就揀左120分鐘 $288任食小炒同煲仔，飲品任飲。如想食火鍋、麻辣水煮同海鮮就另一套餐，同樣係任飲任食，最後我哋就揀左小食、湯品、小炒同炸子雞。藤椒魚皮：招牌小食之一，新鮮魚皮爽口滑流，面層有芝麻，藤椒味香，好香麻辣味道，越食越辣，越食越惹味。皮蛋莞茜魚片湯：湯好足料，有好多豆腐同魚片，豆腐滑滑，魚片切得薄薄，莞茜味香，整體好夠味，熱氣飲佢就啱晒。芥未牛柳粒：牛柳粒容易咬，有口感得黎都幾淋，芥未味濃但又唔會話好供鼻，係剛剛好，幾好食。 當紅炸子雞 (半隻)：炸子雞半隻份量都幾多，外皮好脆，唔肥，肉幾滑，調味剛好唔會好鹹，另外仲有懷舊炸蝦片做伴碟，我同朋友都幾鐘意呢個。

新肥泉海鮮大排檔，位於佐敦嘅官涌熟食中心，地點都算方便，喺地鐵站行過嚟唔算遠💪🏻今次嚟食小菜放題，價錢唔算貴，望住廚師炒到着晒火🤩見到都流口水，小菜放題仲要任飲啤酒🍻居然係青島，消消暑就開餐😌海鹽香煎雪花和牛粒(大)，上菜超快，有牛油香，一口size，一咬爆牛汁😋幾嫩滑，海鹽煎都幾惹味👍🏻鹹魚雞粒豆腐煲，超大份，雞肉好正，煎咗好有鹹魚香，好味😎豆腐都幾滑，高質嘅調味，整體幾唔錯老乾媽炒四季豆，老乾媽好惹味，加埋菜甫成個餸辣辣地送酒一流😍味道好好，當紅炸子雞半隻，蝦片冚住啲雞一揭開個皮都幾脆😳雞唔油幾滑幾濃味👍🏻放題食晒四個仲可以再嗌，但個份量真係多到食唔落，最後只係追加咗一個XO醬爆牛柏葉，好大煲，XO醬好香炒到連西芹都掛晒汁😘牛柏葉爽身連XO醬好夾好惹味💟咁有鑊氣嘅小菜，又夠晒大碟，呢個價錢任食有呢個質素都真係相當抵🥳鍾意小炒嘅你要嚟試吓啦🙌🏻🙌🏻

放工去佐敦辦事，順便同老細搵食。朋友極力推薦呢間「新肥泉」，話佢哋嘅小炒夠晒鑊氣，一於去會一會佢！ 🍤 蒜片頭抽煎海蝦 一上枱就聞到陣陣香氣，每隻海蝦都有手掌心咁大，蝦殼煎得金黃脆身。蝦肉結實彈牙，頭抽嘅鹹香恰到好處，唔會蓋過蝦嘅鮮味。最正係連蝦頭都有膏，吮埋啲蝦汁真係好滿足！ 🦪 碧綠炒象拔蚌花枝片 象拔蚌片切得厚薄適中（當然唔係新鮮象拔蚌啦～🤭😅），花枝片雪白爽脆，兩樣海鮮都炒得剛剛好熟。配菜用咗西蘭花，沾滿咗海鮮嘅精華，仲保持到翠綠爽口。最欣賞佢哋嘅火候控制，完全冇過火變韌。 🐸 避風塘炒田雞 田雞雖然唔係件件都係髀位，但夠晒大隻，啖啖肉之餘仲好嫩滑。避風塘炒法夠晒香口，洋葱片、蒜粒同辣椒乾爆得脆卜卜，微辣惹味但唔會太刺激，送啤酒一流！ 🐮 豉椒炒牛柏葉（老細至愛） 平時食開豉椒鮮魷、鵝腸就多，第一次見用牛柏葉咁特別！牛柏葉切得夠薄，炒得爽口得嚟完全唔韌，豉椒汁掛得均勻又唔會太鹹。老細大讚有驚喜，話下次嚟一定要encore呢味！ 呢度價錢相當親民，難怪我哋食到一半已經全場爆滿。如果想搵間有鑊氣又抵食嘅大排檔，新肥泉絕對係佐敦區嘅隱世好選擇！ **溫馨提示**：

昨天坐高鐵返香港後，我和朋友去了佐敦寶靈街17號官涌市政大廈2樓熟食中心醫肚，係西九龍高鐵站出閘後，買車票詢問處位置，電梯上兩層L1，沿天橋方向直去便可到達，呢間大排檔叫新肥泉海鮮大牌檔，最愛是Hkd 168包兩款椒鹽九肚魚及鮮魷，完美解決我既選擇困難，why not both☺️在佐敦的官涌市政大廈熟食中心，新肥泉海鮮大牌檔是一個必訪的美食天堂，令人完全感受到香港以前大排檔既小炒感覺，這裡的椒鹽九肚魚和鮮魷，魚肉鮮嫩，外酥內軟，搭配香辣的調味，令人一試成主顧。此外，這裡的炒牛柏葉和炒咸雜菜也同樣不容錯過，牛柏葉彈牙，與各種新鮮蔬菜的搭配，讓口感層次豐富。加上我最愛的豉椒炒蜆，每道菜都呈現了地道的港式風味，適合和朋友分享。在用餐過程中，搭配一杯清爽的啤酒和氣泡水，更是增添了不少享受。整體而言，這次的用餐體驗不僅滿足了味蕾，也讓我感受到香港的熱情與活力。強烈推薦給喜愛海鮮和地道美食的朋友們！

中港兩邊走的我，坐高鐵返香港，高鐵西九龍站下車後，會選擇去最近的佐敦寶靈街17號官涌市政大廈2樓熟食中心，新肥泉海鮮大排檔(佐敦)用餐。西九龍高鐵站出閘後，買車票詢問處位置，電梯上兩層L1，沿天橋方向直去便可到達。今晚點了酥炸桶蚝，西蘭花炒象拔蚌，炸大腸，BB鴿。酥炸桶蚝，外皮酥脆，蚝肉鮮嫩多汁，一咬下去，蚝和外皮結合，便會明白什麼是香港大排檔特色。西蘭花炒象拔蚌，象拔蚌口感爽脆，吃起來既有西蘭花翠綠的清新，又有海鮮的鮮美，營養又美味，正。炸大腸，大腸經過精心處理，非常清潔，大腸外皮炸得酥脆，又爽又香。BB鴿，肉嫩嫩的，骨是軟的，好食到連骨都吃埋呢。香港熟食中心，是隱世美食天堂，既有大排檔風味，又濃厚的親切感，期待香港可以把這特色飲食文化，繼續發陽光大。

今次見到有間$288有120分鐘大排檔任食小炒放題最吸引係menu真係超多選擇～同埋啤酒嘢飲任飲都好屈機🤣好吸引🤩🤩🤩就試吓～🍲 XO醬爆牛百葉煲XO醬嘅香辣汁完全滲透入牛百葉同萵筍入面牛百葉食落爽脆用煲仔上熱辣辣好正😆鑊氣十足萵筍都炒得好淋
🥔 黑椒薯仔牛柳粒薯仔炸得外脆內軟帶有金黃色澤牛柳粒嫩滑得嚟有咬口黑椒同蜜糖嘅調味比例岩岩好推介！🦢 豉油皇新鮮鵝腸鵝腸新鮮度係呢道菜嘅關鍵鵝腸爽脆彈牙新鮮豉油皇嘅調味好香夾住芽葉同芫茜食好有口感又唔膩對我嚟講覺得好有驚喜推介！🐤 當紅炸子雞半隻
炸子雞皮脆肉嫩肉質唔乾鹹香十足同埋即刻炸起好新鮮😍蝦片都好脆好好食🤣而落單餐鋪都溫馨提示🔔每人每次落單可叫兩款不限次數 要食完先再落單～⚠️所以大家記得食得晒先好嗌‼️避免造成浪費‼️‼️整體嚟講大排檔食物質素好高充滿鑊氣～如果想有多小炒選擇依間大排檔絕對係唔錯選擇😆😍

自己俾錢自費自己俾錢，食咗五百幾蚊呢間位於佐敦嘅食大排檔全部都係碟頭飯同埋中國菜我覺得好唔錯大家如果鍾意食嘅話可以去食，因為每一碟餸都係大大碟全部都係即叫即整價錢合理全部都係有鑊氣味全部都係好正有風味嘅有興趣快啲揀呢間我覺得唔會話好熱因為都有冷氣環境適中，啱晒大家成班人一齊去玩一齊去食完全會好開心咁樣過一晚佢哋嘅服務質素好高好快好敏捷唔需要大家等好耐就已經有得食，所以我都好enjoy如果有興趣我會再幫襯㗎唔錯的

今日去咗生肥泉大排檔嗰度食嘢，真係非常好食，一落單就見到廚房嗰度勁大鑊氣，真係十足大排檔風味豉汁蒸白鱔🐟🫘 新鮮白鱔切段，鋪上薑絲、蔥段，淋上鹹香豆豉蒸汁，蒸到鱔肉滑嫩入味。豆豉醬汁滲入魚肉，每啖都鹹香鮮甜，配白飯一流。啫啫田雞煲🍲🐸 田雞件件嫩滑彈牙，落鑊爆香蒜頭、蔥段、豆豉，再加田雞炒到滋滋聲響起。醬汁包住田雞肉，香氣四溢，食落微辣帶鹹香，超級惹味，啖啖都想再食。黑椒薯仔牛柳粒🥩🥔🌶️ 牛柳粒用高溫快炒，外層焦香內裏嫩滑，薯仔粒煎到金黃香脆。黑椒醬濃郁微辣，包住牛柳同薯仔，每啖都有肉香、薯香同黑椒香，層次豐富。

真係未見過大排檔要收加一：先叫藤椒魚皮就真係得魚皮（係冇配料嘅），跟住勝瓜花甲，唔知佢點做，上枱個湯低係灰色，(浸菜多數都大頭菜啊)係冇嘅,好啦最後芥辣牛柳粒，明顯個汁包唔到個餸,真係食之無味,到最後埋單，我發覺佢要收+1.講真，我唔覺得佢好出色囉,應該冇下次啦

佐敦食咩好？$288 任飲任食大排檔！咩話？有得放題任食小炒？！一於去試下👉🏻新肥泉海鮮大排檔✨落單規則：$288 / 120 分鐘任飲任食每人每次可落單2款小菜～不限次數，食完可以再落單～減少浪費～👍🏻食得哂先好叫！！最後叫咗4樣～～～當紅炸子雞多肉、骨少、肉質滑口一啲都唔柴，個皮炸到脆卜卜，調味夠嗮香口，兩個人食半隻、送飯一流。芝士西蘭花芝士汁好似蘑菇湯一樣咁濃厚，亦唔會過份黏稠。西蘭花煮到清脆爽口，同芝士汁相輔相成。菠蘿咕嚕肉肉炸到新鮮熱辣辣，加埋甜而不膩嘅醬汁、清爽嘅青紅椒，味道平衡，唔會互相搶味。沙嗲金菇肥牛煲肥牛肉質鮮嫩、份量好多！成煲都係肥牛～濃郁的沙嗲汁～配上金菇&粉絲～好掛汁😋📍新肥泉海鮮大排檔 (佐敦)佐敦寶靈街17號官涌市政大廈2樓熟食中心#Foodie #hkfoodie #hkfood #hkfoodblogger #hkfoodblog #foodstagram #香港美食 #香港打卡熱點

成日都聽講啲市政大樓既熟成中心夠鑊氣, 同朋友就試下佢!! 本身佢都有散叫, 但見到個餐係$288/位小炒任食好似幾特別佢既叫法係每次每人最多叫兩款食物, 為左唔好浪費食物佢要求完全食哂先叫左既先可以再叫下一輪, 而且啤酒同同部份飲品都係包任飲架😍不過我地唔係大胃王, 加試呢啲天氣都係飲野多過食野🫣🥢黃金有機茄子好出色真係做到好咸蛋黃, 但唔會過咸同過油膩, 整到金黃金黃咁好有食慾🥢海鹽香煎和牛粒份量都唔少, 油脂唔算好勁, 所以幾好入口🥢沙薑雞半隻 雞好入味, 半隻2個人分都好夠, 而且雞肉都整得滑嫩😙

難得約咗朋友出去食大排檔，咁啱見到喺佐敦有一間大排檔任食，$288一位再加一，都幾吸引，所以就試吓佢食物嘅款式都好多，有小菜，煲仔，仲有小食湯羹同埋炒粉麵，嘢飲都有啤酒汽水同埋茶每個人可以叫兩個餸，咁我哋前後叫咗四個餸再加兩個嘢飲， 120分鐘都好夠食等咗一陣就上菜，小炒王入邊都好足料有蝦米腰果，仲有魷魚，好夠鑊氣金沙雞翼，一上枱已經好香，雞翼好入味，而且外面佈滿蛋黃，煎炸嘅時間啱啱好，個皮好脆口，大家都食唔停魚香茄子煲，真係啱啱煮起，好多茄子同埋肉碎，味道啱啱好唔會太鹹，就算冇飯都可以，而且有少少辣椒吊味芥末牛柳，佢有少少辣，但係好開胃，而且佢啲牛肉好腍，唔會太硬咬唔開呢間小菜嘅質素都幾高質，其實就算散叫都唔會太貴，下次都會再返轉頭再試其他餸

香港最有特式既美食點少得大排檔 . 今日黎左係佐敦區官涌熟食中心既新肥泉海鮮大排檔 ! 位置近柯士甸站 , 出站行出去已經見到市政大廈 , 而二樓就係熟食中心 , 入面有好多唔同鋪頭 , 揀左人氣最旺既新肥泉 . 同朋友唔太肚餓 , 兩個人叫左三樣小菜岩岩好芝士大带子伊麵芝士濃郁 juicy , 帶子鮮甜份量多 , 配上伊麵食其實都好夠飽肚 , 芝士拉絲又邪惡又惹味豉汁蒸白鱔黎到當然要食海鮮 , 揀左本身都好中意食既白鱔 , 鱔肉香甜鮮嫩 , 口感夠哂爽口 , 完全冇腥味 . 食得出食材用料好新鮮 , 另外肉汁同豉汁融合得好好 !家鄉生煎蓮藕餅份量多之餘又炸得好香口 , 炸粉唔會太多 , 又脆口蓮藕餅味又香濃 , 愈食愈食到停唔到口

今日個friend想啤啤佢，介紹去呢間新肥泉大排檔，佢地有個任食任飲小炒放題都只係$288，飲多兩支啤酒都抵番哂沙薑雞隻雞新鮮蒸起熱辣辣，沙薑汁好香，雞肉夠嫰滑通菜炒牛肉牛肉份量超多，夠哂鑊氣，通菜都好新鮮，清清地唔會好咸海鹽香煎和牛粒和牛粒入口即溶，夠哂juicy,真係和牛先做到呢個效果特色金沙雞翼金沙雞翼為之驚歎，炸得好乾身好脆口，所以食不出肥膩感瑤柱雜菇炆伊麵最後仲叫埋個伊麵，炒得好乾身又爽口，仲真係有好多雜菇，十分滿足

唔知大家有冇同感，閒時約埋朋友去大排檔食餐好，真係好治癒！之前食過新肥泉大排檔，一食鍾情，今次又約埋朋友再去回味！從高鐵站行過去都係幾分鐘路程，超級方便～😊今次必點嘅海味雜菜煲，真係誠意滿滿！各種新鮮蔬菜堆到滿瀉，兩個人食都綽綽有餘，清甜嘅蔬菜吸滿海味鮮汁，口感層次超豐富，必須比個 like！👍蒸白鱔一端上嚟，海鮮香味撲鼻而來！白鱔蒸得火候啱啱好，肉質軟嫩得嚟又唔會散，醬汁調配得剛好，微微嘅鹹香滲入每一絲肉質，新鮮食材加上師傅手藝，食落肚成個人都暖笠笠～最令人驚艷嘅要數乾炒牛河！超級够獲氣，每啖都有油香❤️鍾意大排檔美食嘅朋友，記得去試試啦～