探魚烤魚

营业中

休息中

深圳人氣烤魚店，探魚烤魚登陸香港趁放假即刻同朋友試一試香港分店位於沙田新城市廣場地點非常方便，下午茶時人頭都好旺盛▪️重慶豆花烤凌波魚（$298)賣相好有食慾，滾起時香氣四溢一開始以為會好辣，但食落大概是平時米線小辣烤魚魚肉好厚，烤到脆身而魚肉嫩滑凌波魚骨刺較少，真的啖啖肉豆腐吸滿湯汁，香濃惹味▪️爆漿鴛鴦粑（$58)黑白相間，香脆軟糯，黑色是黑糖，白色是黃豆粉，兩款都好吃▪️香烤花菜（$38)最愛的烤花菜，香香辣辣，食不停口▪️易燃易爆小吃天團（$68)是小食大集燴！炸雞、炸金菇、炸山藥片、炸酥肉份量好多，香口而不膩

內地人氣烤魚專門店終於開到香港了，朋友深圳食過返尋味，約我來試試，烤魚好滑，冰粉好味仲可無限添加，非常滿足。餐廳環境寬敞，紅紅的燈光有著麻辣的味道，午市有一人套餐一百蚊左右都好抵，難怪午市食客不絕。醬香味烤魚(鮰魚) $338朋友竟然唔食辣，Ｏ左咀，醬香味湯底味道相當濃，醬油味好重，配白飯為佳，久不久要加湯，否則咸到一個點。烤魚有三種魚選擇，最終揀了鮰魚，肉質軟綿雪白味道鮮美，含豐富脂肪，無細骨啖啖肉口感滿足，配埋醬香味湯底加上火爐保持熱度，的確非常美味。醬爆鴛鴦糍巴 $58糍巴一黑一白兩種味道，口感軟糯，餡料流心的，味道唔錯。嘭嘭小酥肉 $58小酥肉鬆脆惹味，風味小食可以過口癮。冰粉 $6/位冰粉無限任添好抵，配料和調味底汁可自由配搭。配料九款：黑糖麻糬、花生碎、山楂片、提子乾、寒天晶球、白珍珠、醪槽、桃膠、燕麥爆硃。調味底汁三款：紅糖汁、桂花蜜、生椰。試了Ｎ碗後，我最鍾意的夢幻組合：桂花蜜好清香作底汁，加了醪槽好有酒香，寒天晶球好爽口，花生碎、提子乾、桃膠增加口感，非常滿足。

內地人氣探魚烤魚沙田新城市廣場開店😱即是話現在可以不用北上也可以食到美味的烤魚👻👻餐廳裝修充滿復古懷舊風，卡位多又夠闊，可以舒服地嘆烤魚😘😘😘烤魚口味選擇不少….今日我揀咗‘金銀蒜香味烤魚’因為朋友不能吃辣😜鈐魚加$20……..充滿香濃嘅蒜香味，魚肉肉質幾鮮嫩味道不錯…….茄子都厚身，而且唔太油膩👍爆漿鴛鴦糍粑⋯⋯芝麻餡同奶黃餡口感好煙靭必點🤭🤭孜然甜辣土豆子…酥香脆皮好好食👍

本身已經預咗同大陸嘅探魚味道會有啲出入，但係估唔到咁差。一人份量套餐，條魚得半條，仲要勁細條，啲配菜勁少，真心食完成碗飯都唔夠飽，湯底上嚟嘅時候係微暖，等咗勁耐個湯先至有微滾，成個過程係唔大滾嘅，只係得中間少少火，啲嘢食唔係滾熟，而係浸熱，舊豆腐勁細舊，仲要爛咗嘅，同喺街市買嘅味差唔多，豆腐同大陸完全唔一樣，條魚唔知咩魚嚟，食落個口感有啲似龍脷柳，無口感又無味，魚皮係整到苦晒，魚嘅底面甘甘地，總之成條魚都好似比梳打粉醃過龍嗰隻味，用正價叫既烤魚都係一樣，魚唔好味個湯又唔大滾，湯底真係唔知咩味咁，似係雞湯加豬骨湯味，又唔辣，個湯勾到杰撻撻甘，同大陸相差勁遠，阿姐態度唔好，服務欠奉，座位安排混亂。

好耐冇食探魚啦 回鄉證仲未得閒去整但係發現原來香港都有探魚食😍未行到去舖頭就已經離遠聞到一陣陣既麻辣香味（#＾ω＾）順帶一提餐廳每位加$6有自助配搭既冰粉任食！仲有花茶任飲！❀金銀蒜香味烤魚湯底有香濃嘅蒜蓉香味😍微微好似帶點牛油香～相當吊胃魚肉肉質嫩滑 基本上沒有骨❀鮮青椒爽麻味烤魚辣度適中淡淡花椒香烤魚另有麵底 豆腐等配菜份量亦相當足夠❀孜然甜辣土豆仔外脆內軟的土豆 孜然味不會很濃初嘗甜辣土豆 原來很不錯❀易燃易爆小吃天團炸物拼盤 金菇 小酥肉 炸雞 山藥片 ❀海陸空天團（15串）雞軟骨·羊肉·魷魚❀冰粉自助配搭

我去咗探魚試咗佢嘅烤魚。佢哋嘅烤魚有好多唔同嘅口味，有辣有唔辣。我揀咗金銀蒜香味烤魚$298，而魚種我揀咗凌波魚。烤魚熱辣辣，而且幾大條。魚質好滑，蒜蓉味非常之香。除咗烤魚之外，我仲叫咗其他小食。有孜然甜辣士豆仔$48。孜然甜辣士豆仔味道香辣甜而且帶點孜然香氣，薯仔🥔脆口。仲有絕絕子爆汁炸雞$58四塊。炸雞外皮酥脆，內裡肉質嫩滑多汁，仲有爆汁嘅驚喜。另外自助區仲有冰粉任食，可以自選配料，食埋個甜品就飽飽。

終於在香港開了探魚，這天特地和朋友去光顧，趁中午時間，應該容易入座。估不到中午時間也幾乎滿座，真的非常受歡迎。難得慕名而來，就要吃這裏的招牌菜。職員介紹每位加$6任吃冰粉，這個當然要加了。鮮青椒爽麻味烤魚$298 ，用的是凌波魚，肉質有鮮魚香，夠滑，除了主骨幹，基本上無骨，非常好吃。其實這個湯底不算辣，吃的是原產地頭子花椒的香麻味，相信不能吃辣的人都吃到。而湯底鹹度適中，要適量加湯，否則吃得久了會越煮越鹹。二人吃一條魚，加上配菜還有豆腐，份量很足夠，吃得很滋味啊！孜然甜辣土豆仔$48，外層炸得香脆，一口一粒的份量剛好，特別之處是炒香的甜辣醬，炒得乾身，灑上土豆上也不會影響香脆口感，配上孜然粉更惹味。醬爆鴛鴦糍巴$58，這個當甜品吃，脆炸過的糯米糍，裏面是流心的餡料，一黑一白兩種味道，吃著非常煙韌，甜甜的，無論賣相、口感、味道都不錯。最後當然要多吃點冰粉，這裏的冰粉是透明藍色的，配料隨喜好加上。醬爆珠珠、粉圓、還有桃膠，又可以加上椰汁、桂花糖漿，真的很好吃！吃完麻辣食物再吃冰粉，絕絕子享受！我們一共吃了五碗呢！下次再來的話，一定要來個麻辣湯底過辣癮，在任吃冰粉的情況下，多辣也不怕！

大年初六💮公主🐷仲係休息當中💤又可以四圍覓食😋本來想返大陸食烤魚🐟但係又唔想來回過關嘥時間🚇見到沙田探魚11:30已經開門🎉即刻衝過去🏃🏻🏃🏻‍♀️11:30am 準時衝到去沙田✌🏻解鎖冰粉自由🍧冰粉係任食㗎😍超級豐富！有我最愛嘅桃膠同埋好多珍珠🍡可以加椰汁🥥或者黑糖或者桂花蜜🍯坐低每人整兩碗潤潤喉先😋海陸空天團🍢裏面有魷魚🦑雞軟骨🐔牛肉🥩各五串我哋要咗微微辣🌶️作為前菜非常開胃下面有小蠟燭微微加熱🕯️串燒最緊要熱食🔥凍咗就完全唔好食😌非常貼心加分超豪華鮮青椒蛙哈哈哈魚🐟超豪華真係冇講錯👍🏻我哋仲加咗$40升級鮰魚🦈肉質非常滑帶鮮甜兼且冇細骨🦴加$40絕對值得😌裏面仲有田雞🐸蜆肉🦪配菜仲有蓮藕🫚辣而不燥😃配上兩碗白飯就Perfect醬爆鴛鴦糍粑🍡食飽飽海陸空烤魚🐟新正頭整多個圓轆轆金銀滿屋鴛鴦糍粑🌝🌚有金有銀💰新年繼續一直旺最後當然要食多兩碗冰粉🍧解解辣大年初六有烤魚🐟有串燒🍢有冰粉🍧大滿足

今日過咗嚟沙田新城市試吓呢間探魚，等位等咗一個多小時，Order咗呢度王牌（鮮青椒爽麻味烤魚），魚係凌波魚，魚肉好嫩，魚皮烤得好香，配上花椒麻辣湯底，超級惹味😋加$6 仲可任食冰粉

朋友最愛北上搵食，留港消費都不忘了幫襯大陸著名食店探魚，香港首間分店座落沙田新城市，午餐拿拿臨去一試究竟! 新城市廣場內開店，環境當然有返咁上下質素，坐低掃QR Code落單，我地都唔係好清楚邊款魚會無咁辣無咁多骨，向店員查詢，佢地都好有耐心解答我地的疑問，值得一讚!我地2個人點了鮮青椒爽麻味烤魚，魚我地就選了店員推介的凌波魚，比較少骨，以獨家8分鐘烤好一條魚的準則，確保烤魚每個部份都受熱均勻，辣度我地選了小小麻小小辣，食落又唔係好辣，但就好香好惹味。點菜後勁快就已經上枱，店員不忘點火儀式，除咗有條大大的烤魚，仲有古法手工豆花，每件都大大件，食落好濃豆味，唔錯! 食魚同時食豆花，解解油膩，烤魚香口，店員無介紹錯，凌波魚真係無乜骨，食落仲相當嫩滑好味，而且份量非常充足，大大條，我地2個人真係食唔哂，3-4個人一齊食都仲得！另外除咗烤魚，我地仲揀咗2份小食＋冰粉，小食分別是小酥肉及爆汁炸雞，小酥肉酥脆，作為餐前小食一流，至於爆汁炸雞，炸得剛剛好，相當入味，唔錯！另外，冰粉是必加，位位$6喳! 仲要無限任食，自助區自選，有我最愛的桃膠，寒天晶球等，好豐富，想食咩食幾多，樣樣自己揀，好化算!

📍探魚💡沙田原來探魚到開咗喺香港啦，唔使返大陸都可以食到啦！第一間店開左喺新城市廣場，午市時間去都坐滿人。值得一讚嘅係佢有自助區，有菊花茶、熱水，圍裙、纸巾、橡筋等等提供。烤魚首先就揀咗魚先，有三隻魚簡我就得啦淩波魚。條魚好大條，而且魚肉肥美唔多骨，魚皮烤得金黃，食落脆脆香口，鮮味十足，推介推介。跟住就揀口味，有辣有唔辣，我就揀咗香辣味烤魚，辣度啱啱好，伴菜仲有土豆🥔 、海帶、金菇、芽菜等等。索哂d味正加咗$6就可以無限任食冰粉，非常抵食，佢有超級多配料俾你簡:花生碎、山楂片、提子乾、麻糬、黑糖、桃膠、珍珠、寒天等等，配搭到唔同嘅味道，食食吓越嚟越辣，冰粉真係超級解辣，我食咗四碗🫶🏻😆🤣🤣淨係食粉都食飽海陸空天團(58)串燒有15串，雜錦幾款肉，烤得香噴噴，雞肉、魷魚、牛肉、雞軟骨，樣樣都好食，細細串 啱啱好，大量孜然粉好惹味香烤花菜小菜我就叫左椰菜花，爽口好香孜然粉

香港都有得食探魚啦 位於喺沙田新城市廣場遠遠已聞到香濃烤魚味 再配合餐廳火紅霓虹燈裝修火辣感十足 今次試咗大熱推介鮮青椒🫑爽麻味烤魚當中凌波魚食落幾嫩口 又比較多肉少骨 烤魚上佈滿青椒 旁邊有着白滑豆腐 豆腐吸盡湯底精華 好入味整體唔算太辣 如果愛麻愛辣者可放點菜前先備註多麻多辣 食完魚仲可點其他食材當火煱食另外試咗海陸空天團串串及香炸小酥肉15串串燒有齊牛肉、雞軟骨及魷魚🦑經過孜然粉調味 更香口而小酥肉酥脆鬆化 並吾會太過油膩 最後加$6仲有自助冰粉仼食大量配料及漿料 食完辣可以過一過冷河爽爽

去了新城市廣場一家叫「探魚」的餐廳,專營各種烤魚、烤串及小吃。試過兩款聞名的烤魚,鮮青椒爽麻味烤魚爽麻夠辣，鮮嫩多汁,金銀蒜香味烤魚蒜香四射，我們都吃得津津有味。 其他小食也很正宗,一把滿足魷魚須鮮嫩彈牙,烤羊肉串肉質細嫩。開胃小菜芥味海茸也很正宗。朋友還喝了 330ml 的探魚德式小麥啤酒,清新怡人。烤魚還追加午餐肉，十分滿足,低糖米漿也很順口。 最後在任食冰粉站拿了兩碗冰粉,打發了熱度。整體口味正宗,小吃精緻。下次再去一定也會試試其他小食。

外賣自取真係要等足40分鐘，要叫嘅人要先有心理準備另外就係，唔知因為我叫外賣一人餐定係咩原因，我最後攞到嘅只係一盤烤魚同埋個爐，冇飯冇其他嘢。但因為我已經離開咗附近就費事返去追返，大家要叫外賣自取時請先問清楚店家係咪有跟飯，如果唔係就淨係食魚，都唔知開唔開心好！魚嚟講叫咗黔魚，都幾滑身同埋冇骨，配料有豆腐同洋蔥，豆腐都幾大件，冇飯嚟講食豆腐都有少少份量可以頂吓個肚整體嚟講冇飯就唔會叫呢個餐啦，所以大家真係要問清楚呀！

📍#探魚烤魚 (沙田)沙田沙田正街18號新城市廣場一期6樓626號舖♡人均消費: $495 @ 2▪️▪️▪️▪️▪️▪️▪️▪️▪️▪️▪️▪️▪️▪️探魚烤魚開到黎沙田喇！🔥 烤魚選擇繁多，最Classic嘅就係鮮青椒爽麻味烤魚，可以自選額度，另外亦有醬香味烤魚、香辣味烤魚等等，可以自選配菜，包括寬粉、金針菇、午餐肉等等✨#重慶豆花烤魚💰$298重慶烤魚係咁多款烤魚之中最辣嘅一款，一於等我挑戰吓佢！我哋揀咗寧波魚，魚質滑溜少骨又多肉，兩個人食都好飽。✨#海陸空天團💰$68呢本串燒共有15串，有魷魚、雞軟骨、羊肉等等，每款都好精緻，一口size～ ✨#冰粉冰粉任食，可以自由配搭，配料選擇豐富，有我最愛既桃膠，亦有紅糖、桂花蜜、椰汁作調味，仲有珍珠、花生碎、提子乾，多重口感。 我覺得最正既配搭一定要加入桂花蜜、桃膠同椰汁，三款味都好夾。▪️▪️▪️▪️▪️▪️▪️▪️▪️▪️▪️▪️▪️▪️