憶食尚臘味煲仔飯

营业中

休息中

呢間煲仔飯專門店位於佐敦好近地鐵站。門面裝飾新潮有特色。入到嚟就覺得餐廳裝修有別於一般嘅街邊煲仔飯店，👯‍♂️💁🏼‍♀️餐桌，座椅以及室內裝飾都經過特別嘅設計和配合，而且每台都一塊設計美麗嘅大屏風隔住，私隱度極高👍👍，環境寬躺，每張枱之間都有一定距離，非常舒適👍👍！川味臘味煲仔飯（$158）- 微辣🌶煲仔飯🍲一上枱就覺得香噴噴，表面鋪滿曬土黑豬肉🐷，板鴨🦆同臘腸，切嘅厚度剛剛好，有鮮味而不會太鹹。喺猛火煲飯嘅過程將肉嘅鹹香、油香迫晒出嚟，滲晒入飯。每一啖飯食落都好煙靭，有咬口之餘又唔會乾，👏粒粒分明充滿飯香，加埋特制醬油淋起飯面，令肉同飯配合得天食無縫，不得了。🙌飯焦甘香且脆口，不會過厚，不得不佩服廚師控制火候嘅功夫真係好到位。🥰🥰沙茶鮮淮山排骨煲（$148）名副其實，用咗沙茶醬作調味的排骨煲🍲，有新鮮淮山，咬落爽脆，配料有三色椒同洋蔥，新鮮排骨入味有咬口🤗，冇雪藏感覺，沙茶醬味香而不鹹。白灼菜心（$78）擺盤整齊，當然要點一道蔬菜食啦！

今晚約左一位在ICC上班嘅朋友食晚飯，佢提議去商場外嘅呢間煲仔飯專門店食飯。餐廳裝修好靚感覺好新淨，座位又舒服。廣式臘味煲仔飯 - 呢個煲仔飯一上枱已經好香！有大量嘅臘腸、臘肉同臘鴨。店員先幫我地落啲香蔥落去再林上秘製嘅豉油。每塊臘肉嘅肥膏晶凝通透；米飯粒粒鮮明有質感同咬感，唔會煲到好乾或太濕，火喉🔥控制得剛好👍🏻🥰 值得一讚嘅係店員主動幫我地刮飯焦，服務一流！椒鹽一口骨 - 粒粒炸得金黃香脆食落好香口。一上枱時香氣撲鼻，排骨切到細細粒，食起黎好方便而且肉質鮮嫩。薑汁炒芥蘭 - 香濃薑汁同芥蘭係絕配，簡單嘅一碟菜炒得好香好有鑊氣，可見廚師水準一流

今日去完圓方shopping, 諗住行去佐敦買麵包。行行下發現有一間裝修好精緻嘅餐廳，以為食西餐，睇清楚個menu，原來係食中菜煲仔飯，好surprise特色臘味煲仔飯間餐廳好雅致，喺到食煲仔飯個感覺好好，好企理。個煲仔飯出曬煙，充滿焦香味，仲有專人幫我地處理，大排檔真係比下去。呢個飯粒粒分明，甜豉油可以好平均咁沾滿D 飯到但又唔會過份濕潤。臘肉臘鴨臘腸好惹味，臘肉一D 都無肥膩感，臘肉油潤多汁，臘鴨一D 都唔柴皮仲帶有少少鹹香，撈飯一流沙茶鮮淮山排骨煲呢個煲又係惹味之選， 離遠都聞到超香。上到枱熱辣辣，新鮮淮山口感好爽，索左D 汁真係好好食。排骨數量唔少，同埋好大舊， 有肉汁唔un 唔鞋。原來呢到有得買佢地嘅自家蠟味，比起街市嘅乾淨企理得多，平時喺屋企用黎蒸下飯都應該唔錯。

餐廳環境舒適，裝修雅致，少了大排檔的熱鬧，卻將粗枝大葉煲仔飯增添了一份溫文優雅😌座位闊落，每枱間均有屏風相隔，私隱度高又衛生絕對適合與家人或朋友聚會店員服務亦殷勤有禮，讓顧客有賓至如歸的感覺😚🔸土雞板鴨煲仔飯 揭開煲蓋，油香四溢。店員會為你加入蔥、芫荽同秘製豉油，味道甘香醇厚，令香味有所提升🐓鮮嫩的土雞，肉質結實🦆以古法泡腌10小時，再以陽光晾曬9天的板鴨，以瘦肉為主，外皮呈金黃色，鹹香入味。米飯粒粒分明🍚油潤煙韌，金黃香脆嘅飯焦，脆而不燶，焦香滋味齒頰留香😋🔹四季豆干煸雞髀菇 這道家常小菜鑊氣十足，四季豆干鮮香入味，色澤嫩綠，口感干香辣爽🍄雞髀菇切成粗絲，炒得軟腍，加入少量辣椒🌶️及薑，食落惹味過癮，十分開胃🔸瑤柱蝦米雜菜煲 瑤柱的鮮甜配以金華火腿及蝦米🦐的鹹香，上桌已經香氣撲鼻 ，湯底足料，鮮甜清香🥬新鮮的菜心、西蘭花、小棠菜、紹菜，吸盡湯底精華，吃擺也禁不住把湯底喝清光😆最後，仲奉送海帶綠豆沙，海帶綠豆細膩綿滑，清熱解毒，感覺滋潤😝

無心情煮飯，和老公兩丁友在外食飯，佐敦附近有間隱藏的煲仔飯，柯士甸出會更近！環境企理乾淨，餐具和屏風精緻，坐得又舒服，每個座位都有間隔，私隱度高，另外一定要去廁所「參觀」一下，實在太乾淨和乾爽，整個鋪面裝修得好新，高級飯店樣子，但價錢和廟街差不多，食物和服務質素還較高！和店員聊天才知道已經開店五年，謙虛地說可能疫情所以更注重乾淨。.需收茶芥每位$15。人均：$205.5.茶有幾款可選擇，我們選了玄米茶，是好飲不是茶包的，食到一粒粒玄米，較為驚喜！茶芥覺得值！🤣.廣式臘味煲仔飯好大煲，有臘腸、臘肉、板鴨、小唐菜，店員會好細心問你需不需要蔥花和芫荽，會每台幫你撈飯，問你食不食飯焦，之後食到咁上下再幫你整出飯焦，好香口，臘味的油香令你一口接一口，欲罷不能！.薑蔥爆雞煲一上台好有鑊氣，滋滋滋雞油彈出嚟，每件雞都包裹住醬汁，香氣撲鼻，蔥頭和洋蔥都好好食！.菜心一定要叫碟菜中和一下，均衡飲食！.@bo_jar_fan

呢間煲仔飯我之前帶呀媽食過，係高質素fancy version既煲仔飯。餐廳環境當然唔似一般食煲仔飯既地方咁”up dup”呢到乾淨得黎，枱與枱之間仲有屏風隔住。川味臘味煲仔飯 $158呢個上次都有食過，要再encore！食落少少辣，臘味惹味，食到咁上下仲有專人幫你刮飯焦😎service一流！沙茶鮮淮山排骨煲 $148用左新鮮排骨同日本淮山，沙茶味夠濃夠香，排骨好入味肉又嫩。白灼菜心 $78點蠔油食，正常發揮。

星期六難得可以chill下，就揸車嚟咗大角咀呢邊試人哋推介嘅呢間專門做煲仔飯嘅憶食尚。鄰近就係柯士甸站，非常之方便。呢度裝修都好靚，感覺好新淨，又有少少特色嘅設計。由於唔係好肚餓，所以叫咗幾個餸就夠啦。川味臘味煲仔飯真心估唔到煲仔飯可以做到四川辣嘅味道。上菜嘅時候職員幫我哋打開個蓋，個煲真係超級熱，好似食緊鐵板咁勁多煙，真係好正。佢哋呢間係自製嘅臘肉，切薄一片片嘅臘肉非常之香，配合自家養嘅鴨，味道簡直一流。而蔥花同豉油就可以自己選擇落幾多。成個煲仔飯都好有農村嘅味道！薑蔥爆雞煲唔知係咪我好肚餓，所以覺得呢個雞煲係我呢一生人食過最好食嘅（可以媲美以前瀝源邨大排檔風味）。啲雞超入味又夠熱，雞肉完全冇雪味，我哋係連執都撈埋。嚟到呢度一定要試呢個煲！薑汁炒芥蘭最怕食嗰啲煮得太熟嘅菜，但呢碟菜炒得啱啱好。啲菜唔會太腍，味道有夠鮮。整體嚟講好好，第日可以再返炒！

💫🧡❤️佐敦係煲仔飯嘅集中地😚朋友食過呢間憶食尚嘅臘味煲仔飯😇極力推介我去試下有幾出色❤️首先講個環境先💕呢間餐廳坐得好舒服，枱與枱之間有板隔住，而且空間好足夠廣式臘味煲仔飯😍呢個煲仔飯一上枱已經好香啦！而且好足料啊！上面有大量嘅臘腸、臘肉同臘鴨店員先幫我地落啲香蔥落去再林上秘製嘅豉油！好鍾意食呢度嘅臘腸…肉質夠晒林，一啲都唔硬！食到咁上下店員再幫我地刮起晒所有飯焦呢個飯焦係我食過咁多個煲仔飯最好食嘅脆卜卜又唔太油膩，最後成個煲仔飯清得一乾二淨。芥菜排骨煲❤️芥菜好甜，呢個排骨煲仲有啲湯可以飲！味道係胡椒味嘅，輕微嘅辣辣地，邊食臘味煲仔飯，邊飲呢個湯可以解到膩。甜蜜咕嚕肉🧡咕嚕肉好多嚿啊！每一舊炸到好酥脆嘅無骨咕嚕肉🌱都沾滿晒酸酸甜甜嘅咕嚕肉醬汁啖啖肉食得好過癮！三色椒同菠蘿都好甜。另外店員好貼心咁不斷幫我哋翻水！$15茶介比得值呀🤣

今日同朋友去咗佐敦食地道港式🇭🇰煲仔飯，叫咗土雞板鴨煲仔飯、菜心同沙茶鮮淮山排骨煲。餐廳煲仔飯用料上乘。板鴨為南安板鴨，肉質鮮嫰、味道濃厚，而且有咬口，係精挑細選嘅食材。此外，煲仔飯嘅雞係走地雞🐓，肉質較為緊密，口感亦較高。同一般食開嘅煲仔飯唔同，餐廳煲仔飯食落唔會太油膩，配上菊花茶係健康之選。菜心配上鮮味十足，蠔汁重嘅沙井頭抽蠔油，味道更香濃。至於個沙茶鮮淮山排骨煲，鮮香可口嘅沙茶醬配上入口格外細膩、香甜嘅日本鐵棍淮山，令整個煲更為濃味。總括而言，餐廳菜式種類繁多、用料講究，高水準地演繹咗本地煲仔飯文化。🤤

話說好似上年都無咩點食過煲仔飯🍲🍚，即使天氣好熱🔥，但今日都好想食煲仔飯。剛好經過佐敦就發現左間裝修靚又坐得舒服嘅煲仔飯餐廳😍1️⃣廣式臘味煲仔飯🐖🍲🍚煲仔飯用瓦煲遞上，未上枱都聞到好香嘅臘肉味😍，開蓋後都好驚喜🤩，因為有好多餸菜仲要擺盤好靚😚，有臘肉，臘腸🐖同臘鴨🦆，每塊臘肉嘅肥膏晶凝通透🤤，臘腸都有兩大條😋，加埋臘鴨，煲飯好香😍。食之前店員仲幫我地撈勻，手勢超得👍🏽，加埋蔥🌱同芫荽🌿，加強左臘味嘅咸鮮味，令到煲飯更加入味！米飯🍚粒粒鮮明有質感同咬感😋，唔會煲到好乾或太濕，火喉🔥控制得好好😚。另外店員都好細心，會幫我地刮飯焦☺️，平時出面要自己刮😅，但呢度店員幫我地刮加撈勻好餸菜，服務超好😍。連埋飯焦一齊食，脆卜卜得黎又有飯嘅煙韌感🥰，好幸福呀！2️⃣XO醬鮑魚伴萵苣絲🥒🫗呢款餐前冷盤都好出色呀，每條萵苣都切得粗幼一樣👍🏽，仲要好新鮮同爽口😋，上面鋪上炒過嘅XO醬😍，入面嘅瑤柱都超惹味，金香可口🤤，加埋萵苣🥒上嘅花椒油🌶，非常開胃😘3️⃣芥菜排骨煲🥬🐖🍲呢款煲份量都足料👍🏽，排骨🐖🦴用上腩排😍，每舊都肥美啖啖肉🤤，芥菜都好多，煮得夠淋又吸哂湯嘅鮮味😚。湯底接近胡椒豬肚湯味，有黑椒胡椒花椒🌶🫑等等開

川味臘味煲仔飯上層還舖了數款臘味，包括：廣式臘肉、鮮肉臘腸及南安板鴨，鹹中帶輕微麻辣味，相當不錯，店員會加上蔥、芫荽同豉油攪拌好，甜豉油可以提升煲仔飯嘅鮮味，香味撲鼻而來，油份都全渗入飯中，飯粒比較長身，粒粒分明好乾爽，我更愛黏在煲底的飯焦，脆卜卜的，吃得相當滋味。鮮淮山排骨煲小菜都好有特色，最重要係夠鑊氣，放上枱熱氣騰騰，鮮淮山粉糯軟綿，口感似薯仔，排骨入味，豉椒提升鮮味，好送飯。上湯浸菜芯呢個菜芯吸盡哂上湯嘅精華，用香蒜爆香，條條都非常入味，即使飲埋上湯，都唔會感到口渴。

大熱天時突然好想食煲仔飯 邊度可以坐得舒舒服服咁食熱辣辣嘅煲仔飯呢？ 於是乎就搵左呢間位於佐敦嘅煲仔飯專門店 貪佢有冷氣之餘坐得夠舒服 裝潢優雅高尚 而且服務又好 簡簡單單又一餐廣式臘味煲仔飯($158)呢度嘅煲仔飯非常足料 臘肉臘腸同臘鴨都好多 而且切成一片片 方便撈埋啲飯一齊食 重點係佢嘅飯粒非常油潤 粒粒分明又夠煙韌 而且帶有豬油香 加埋頭抽醬油簡直色香味俱全 食到最後仲有脆卜卜飯焦㖭👍🏻薑汁炒芥蘭($88)芥蘭爽脆清甜 加埋淡淡薑汁香而不辣仲可以驅寒🥬霸王蔥油雞($108)聽聞係呢度招牌菜 蔥油味濃 如果雞肉再嫩滑啲就更好⭕️ 憶食尚臘味煲仔飯 (佐敦)佐敦文匯街22-24號地下2-4號舖

黎開佐敦，又突然間想食煲仔飯，就走左入黎憶尚食！佢入面既裝修都幾西式，幾精緻，真係估唔到係食中式野🤭川味臘味煲仔飯：川味臘腸第一次食，食落麻香麻香，少少辣，都幾惹味，無咁悶！另外，仲有配臘肉，好香亦幾嫩滑，配埋焦香既煲仔飯，總算無令我失望！薑汁炒芥蘭：芥蘭食落爽脆鮮甜，帶出芥蘭既甘香，而食落唔要覺得有苦澀味！可能係因為薑汁已經僻左味！薑蔥爆雞煲：整個雞煲整得好有鑊氣，雞肉食落嫩滑惹味，連埋薑蔥蒜好香好好味！送個煲仔飯perfert池！📍憶食尚佐敦文匯街22-24號地下2-4號舖

媽咪最鍾意食中菜聽聞呢度煲仔飯幾出名今日就去食下煲仔飯先阿媽教落煲仔飯好食 火喉好重要！先黎嗌左個🌻茶 可以清熱氣😝同埋就算係酒樓好似都唔係好多間有得揀🌻茶~接住 黃金蝦一聽個名就知係鹹蛋黃 我至愛🤫呢樣咁肥肥既餸 但食得出佢抺到d黃好幼細從而包覆住每舊🦐球 感覺上都比出面已經冇咁肥😂🤫終於嚟到主角 煲仔飯望落都好多料 鋪滿晒 賣相好靚煲得d米粒幾乾身 唔會一坺嘢食到尾尾我最鍾意嘅飯焦金黃色勁香脆 完全冇黑 咁真係食完預咗熱氣😆😂 btw清哂🤪🫣😆配個上湯菜心 簡簡單單兩個人食已經夠晒飽

嘆冷氣食煲仔飯 又乾淨又衛生又舒服川椒麻辣雞煲（例）送到過嚟仲係超級熱辣辣吱吱聲😍麻辣度啱啱好～！雞件充份吸晒個醬汁好入味, 配菜三色椒同蒜頭洋蔥吸晒汁餸飯一流❤️廣式臘味煲仔飯（小）服務員會準備好豉油蔥粒等準備撈起😍撈緊嘅時候我已經好想即刻食😂超香🤤有臘腸臘肉板鴨川味臘腸咬落緊致又脆口👍🏻而且肥瘦適中臘肉係有肥肉瘦肉間住～～食落唔肥膩，板鴨好夠鹹香，唔會有油溢味👍🏻除咗用了新鮮有驚喜之外，個煲仔飯個飯都係好食丫😀粒粒分明又煮得乾身🤤飯焦亦唔會過燶火候啱啱好飯焦脆卜卜👍🏻 加埋姜汁炒芥蘭滿足了值得一提係好少有地方可以揀玄米茶飲，茶好香加上環境舒服已經有咗一個唔錯嘅體驗，而且兩個煲仔都有服務員幫你都撈好之後再食，有賓至如歸嘅感覺😊