憶食尚臘味煲仔飯

营业中

休息中

佐敦廟街出名食煲仔飯就應該好多人食過，但估唔到行多幾條街黎到文匯街有間裝修都幾靚既煲仔飯餐廳，見到都幾多熟客黎食，老闆好好招呼～岩岩坐底就見到隔離枱上緊碟熱辣辣既煲仔飯，聽到淋豉油咋一聲既聲音同聞到好香既臘味味！已經令我好想叫一個黎食🤤所以我地叫左個廣式臘味煲仔飯！加個排骨芥菜煲，同一碟小食-一口炸豆腐😋第一個上碟既係炸豆腐，粒粒都好脆，味道唔太濃岩岩好，入面好滑！之後係芥菜湯煲，呢個湯好好飲！加左胡椒去煲，飲落少少辣辣地，好正🥰佢啲排骨都係新鮮排骨煲，用料幾好！之後到主食-廣式臘味煲仔飯！店員會問你加唔加芫荽或蔥，好細心，因為有啲人係唔食的，例如我🥰 但我朋友又鐘意食，所以店員分開左上～好好人之後仲幫手撈埋飯，真係熱辣辣超吸引！淋埋豉油食好好食，第一啖食完覺得佢個米好煙靭，粒粒分明，好有咬口，又唔係硬果種，所以個飯都好好食！問左老闆係咩米，原來係東北既五常米，長知識了！食到最後店員仲會幫你整起埋啲飯焦，好脆～真係好飽好滿足🤤下次食煲仔飯又唔想咁熱既話黎呢間食都唔錯！

煲仔飯唔一定係冬天先食，今日嚟到佐敦試下煲仔飯，餐廳冷氣夠哂大，地方舒適，幾個朋友圍埋食飯傾計就啱哂。特色臘味煲仔飯煲仔飯即叫即整，要等耐啲先會上菜。食好野當然要比啲耐性，一打開個蓋，果然無令人失望。店員會幫手淋上特製醬油，蔥同芫茜可選擇一拼撈埋或另上。臘肉帶點五香腩，肥美得嚟充滿鹹香。飯粒則好香，口感好圓潤。食到最後，當然唔少得起埋個飯焦出嚟，起到一大塊飯焦，咬落仲好香脆，真係好滿足！甜蜜咕嚕肉咕嚕肉色澤金黃，皮唔會太厚，肉質鮮嫩，食落酸甜開胃。時令蔬菜可選白灼、蒜蓉或者上湯。浸住上湯既菜心，清清地又唔油膩。

有別於出面專食煲仔飯既餐廳，餐廳環境好舒服，裝修顏色風格都比較新潮，成個氣氛感覺都幾好，每個座位都幾有私隱度，會有充滿古色古香既屏風間隔住，非常加分茶🍵有得簡菊花茶，鐵觀音同玄米茶茶介每位：$15叫完野食，職員仲會好貼心問定會唔會食薑蔥蒜果啲，都幾貼心，整體服務態度都好nice，好多小加分位👍廣式臘味煲仔飯 $158以廣式鮮肉臘腸、廣式臘肉同南安板鴨三種上等臘味食材為主材料，大米亦唔簡單，係以黑土種植，米飯粒特別Q糯有咬口，愈咀嚼愈有米既回香同甜，一上左枱職員等我打卡影完相，就會親自幫手處理煲仔飯，加適量嘅頭抽同蔥同芫荽再攪勻，食到差唔多仲會幫手刮哂啲飯焦出黎😋臘味食得出好高質，臘腸一咬入口就會爆發啲肉汁，味道勁香濃又juicy，臘肉係偏肥肉多，肉既油香都非常濃郁，板鴨既鹹香都超級人味，成個都好出色，好好味紅酒煮牛尾煲 $128一上枱就勁香噴噴，食落更加係汁香味濃，牛尾舊舊都好多肉，牛尾煮得好入味，肉質亦好軟腍，輕輕一咬啲肉就會骨肉分離，醬汁味道酸甜酸甜咁，好開胃蒜蓉炒小棠菜 $78每條小棠菜都見到包滿蒜蓉粒，每一條都充滿光澤，味道都唔錯，蒜蓉香味俱全，小棠菜都好爽脆

最近見好多人都推介依間煲仔飯，發現真係唔錯！唔怪之得咁多人推介啦😳〰️廣式臘味煲仔飯 $158一個煲入面有齊哂廣式臘腸、廣式臘肉同埋南安板鴨；全部排放得整齊有序。上枱時店員會加入蔥花同芫荽碎，再倒入頂級瓦缸頭抽焗一焗。一打開真係香味撲鼻～臘腸油脂分布均勻，製作時加入左53度嘅茅臺酒，所以食落帶點酒香味。板鴨咸香入味，但個人最鐘意個臘肉，香味十足，而且肥而不膩！！ 飯粒的確qq糯糯。飯焦並唔黏牙👍🏻。〰️紅酒炆牛尾牛尾燜到肉質軟嫩，入口帶點化。食落仲有唔少膠質。蕃茄味道香濃，個汁好出色。蕃茄酸甜夠哂刺激食慾。再加左少少辣椒，更為惹味。我仲攞埋嚟撈飯😳〰️薑汁炒芥蘭 $88芥蘭爽脆鮮甜，無苦澀味，火候啱啱好。〰️檸檬薏米水生熟薏米去水腫，檸檬仲可以美白。依啲咁嘅天氣飲返杯舒服哂～😙💛裝潢優雅💛枱與枱之間設有屏風，夠哂私隱。〰️〰️📍 憶食尚臘味煲仔飯 (佐敦)佐敦文匯街22-24號地下2-4號舖

餐廳位於柯士甸站A出口去，文匯街出口一出就會見到。由於一早係係openrice訂座，唔需要等位就可以立即就座。侍應都係好似其他餐廳咁，會問你飲咩菜，基本上本大Menu無咩岩食，但細Meun反而有唔錯既選擇。萵苣絲，小炒皇，黃金蝦，臘味煲仔飯，食物味道唔會好驚喜同會食得喜出望外，反而你食到心機同師父既功架，相信師傳就係想食客有舒服既感覺。服務好明顯平時serve開大客，唔係咩野師奶落來炒下散既質素，反應奇快。去開餐廳搵得有好重口音既師奶做侍應都唔洗對呢間野有期待，而呢間野既侍應俾到兩個字大家，專業。價錢？合乎返食物質素同用餐體驗。基本啦？你俾幾多錢咪俾返幾多野你，呢間野做得到！

😌想食煲仔飯唔使等秋天嘅，皆因呢間煲仔飯有別傳統街坊Feel，有歐陸裝修風情，服務招呼周度，係間有人情味嘅餐廳。可以慢慢嘆下茶，好舒服優雅咁食煲仔飯！👍🏻川味臘味煲仔飯（$158）二人份量叫個細嘅就夠食啦！價錢不算親民，但勝在用料、製作講究，用嘅臘味都係自選工廠出品，川味臘腸味道濃郁，香辣惹味，配上咸香嘅臘鴨同臘肉，非常有睇頭。👅食前淋上一圈甜醬油，均勻撈起，飯粒煙靭有咬口，食到底仲有飯蕉，卜卜脆好香口！🍍甜蜜咕嚕肉（$88）色澤金黃誘人，口感酸甜鮮香，調味非常到位，咕嚕肉外皮薄脆，入口也不肥膩，配上新鮮菠蘿清新開胃！特別推薦！🥬薑汁炒芥蘭（$78）炒得鑊氣十足，味道鹹淡適中，新鮮爽脆！

好耐無食煲仔飯!! 係佐敦搵到一間裝潢好典雅，藍色為主題既餐廳，估唔到呢度係主打煲仔飯!! 而且裡面既枱布同茶具餐具都好優雅咁! 我地就叫左:..🍲川味煲仔臘味飯 (細)細size都幾大碗! 一端上來就已經聞到好香既臘腸味道! 店員會幫你開蓋後沿住煲邊落煲仔飯豉油然後撈勻，令裡面更入味! 呢款煲仔飯既配料包括有廣式鮮肉腸、臘肉同南安板鴨呢3種上等臘味食材，肉味濃郁，而且排得好整齊；而煲仔飯方面則用上黑土種植既優質五常大米焗煮，仲有兩大條菜在旁邊。成煲煲仔飯熱辣辣，真係好惹味，微辣，好香! 兩個人食都得! 食到尾，食埋D飯焦，超正!!..🍗 薑蔥爆雞煲呢度既雞煲當然唔係打邊爐果D咁大，而係小菜形式咁上，裡面既雞肉細細件，煮得好嫩滑，加埋醬汁同薑蔥，好香濃!! 其實呢個撈飯都幾好食!!..🥬 薑汁炒芥蘭食飯食肉當然唔少得要食菜! 呢度既菜炒得夠鑊氣，所以好好食! 就咁睇色澤都知道好食!..入口位置仲有鮮味臘腸、臘味煲仔飯、鮮醃海鯧魚、空心麵、XO醬等可以買返去或送禮，真係好特別! 想去有冷氣同靚靚環境食煲仔飯，寧靜又舒舒服服咁嘆下，可以揀下呢度!

二人晚餐。點了三菜。一夜鮮，味道有點淡，但肉質嫩滑，份量偏小。薑葱雞有驚喜，味道濃厚，送飯之選。排骨黃豆芥菜煲，咸香，菜嫩口。整理不俗，食物夠熱加分。環境清靜舒適。

最近朋友想食煲仔飯，所以就帶咗佢嚟 “憶食尚” 撐枱腳，呢家食煲仔飯嘅地方大多都係大排檔或者茶餐廳居多。朋友嚟度門口時都忍唔住問我呢度係咪食煲仔飯架 🤣 餐廳裝修行高檔路線，環境乾淨企理，感覺清幽寧靜，驟眼有啲似酒店嘅餐室，位與位之間更有大屏風作遮擋，無論私隱度同衛生都非常滿意。煲仔飯分別有兩款選擇，朋友想食得惹味啲，最後就叫咗川味臘味，再加個兩小菜。椒鹽一口骨 ($88) : 上枱時朋友未食就已經話超香，話我無介紹錯 😝 避風塘味道十足，而且香氣撲鼻，排骨每粒都大小適中。蒜蓉炒菜心 ($88) : 翠綠嘅菜心非常爽脆香甜，而且蒜香味十足。😋川味臘味煲仔飯 ($158/小) : 臘腸、臘肉、臘鴨三種臘味食材整齊排列咁呈現喺眼前，之後再放入蔥花及淋上煲仔飯豉油再焗幾分鐘，即成為香噴噴嘅美饌，之後侍應重會將煲仔飯撈勻，非常有服務。臘味嘅油脂滲入飯粒之中，所以食起嚟不會太乾身之剩富油香，而且最重要係有焦香脆卜卜嘅飯焦 😋 三款臘味味道都非常濃郁。如果鐘意餐廳自家出品嘅臘味同煲仔飯，仲可以買返屋企慢慢嘆或者送禮都相當大方得體。

上網見到佐敦呢度有高級煲仔飯食諗起真係好少食煲仔飯😛😛試吓都好喎嚟到真係好高級 環境好好估唔到食煲仔飯都可以環境咁好職員好有禮貌 服務周到 感覺好舒服 又冇壓力環境絕對好適合朋友坐低傾偈茶有4種茶揀普洱/菊花/水仙/玄米茶我哋揀咗玄米茶超好飲！我仲聽到其他食客都狂讚佢個玄米茶😆話真係好好飲超正，茶杯仲要好靚添呀（茶介 每位$15）川味臘味煲仔飯$158一上枱已經聞到好香啦😍職員好友善問我地要唔要芫茜蔥我同我朋友都係芫茜蔥愛好者當然話要啦🤭🤭職員仲幫我哋拌勻～ 超好服務呀我哋食左一陣之後，想食埋飯焦，職員又再幫我哋拌一次🥰上湯菜心$78個湯甜甜地咁，好好食，加埋啲蒜片冇得彈薑葱爆雞煲$108一拎上來已經勁香🤩好惹味！又唔會太咸！好好味呀！

餐廳係偏向高檔中菜路線，環境雅緻，座位闊落，仲加設屏風，整體感覺很舒服👍🏻呢度臘味最出名，所以臘味煲仔飯一定要試😋川味臘咪煲仔飯 $158材料包括：川味臘腸、港式臘肉、南安板鴨煲仔飯擺得好精緻，店員會幫手即場落芫荽、蔥、豉油，再和米飯一齊拌好👍🏻一向刻板印象會覺得臘味煲仔飯會超級油膩，但呢個比我想像中清爽，雖然臘味會有一定嘅油脂，但係唔會令到啲飯超油，重點個飯處理得超級好，粒粒分明，夠乾身且彈牙，撈埋秘製豉油超級正⭐️臘肉臘腸肉質食得出比較高質，原來用咗土黑豬製成嘅～川味臘腸好特別，肉質緊致，麻麻辣辣好惹味臘肉肥瘦肉相間，食落一啲都唔肥膩，而且鹹甜把握得啱啱好，好送飯南安板鴨肉質結實，一啲油溢味都冇，夠新鮮食到最後個底嗰層飯焦一個字～正‼️脆卜卜而且好重飯焦香味👍🏻薑蔥爆雞煲 $108同樣地店員會幫手拌勻，個煲好熱，一邊拌一邊發出滋滋聲～薑蔥爆得好香，雞肉嫩滑入味，不錯！蒜蓉菜心 $78菜心新鮮，爽脆得黎又嫩口，完全無渣店員好親切有禮，好主動加水，時刻留意客人嘅需要，服務超好💓另外玄米茶有驚喜~玄米好香，而且味道出奇地持久，加到第三次水依然充滿玄米嘅香味‼️憶食尚臘味煲仔飯 (佐敦)佐敦文匯

好味指數：😋😋😋😋😋推薦指數：⭐⭐⭐⭐⭐ 心血來潮好想食煲仔飯，見到好多人介紹憶食尚，一於黎試下❤️餐廳環境舒適，有別於平時大排檔feel嘅煲仔飯店，而且裝修有格調，睇得出餐廳擺咗好多心機係裝修上面😍門口仲有臘味可以買翻屋企食😆✅川味臘味煲仔飯$158（二人份量）⭐️超級推薦⭐️臘味用咗鮮肉臘腸,廣式臘肉同南安板鴨而呢款川味臘味嘅臘腸同一般嘅臘腸好唔同，有辣香味，幾獨特🥰臘鴨咸香，臘肉香口😝煲仔飯飯粒分明，啲飯索灑臘味同豉油嘅香味😋飯焦香脆，真係好脆‼️完全唔痴牙，煲仔飯嘅火候掌握得非常好👍🏻👍🏻而且店員會幫手落蔥花&豉油撈勻個飯🤣差唔多食灑個陣就會幫我地鏟起啲飯焦，手法純熟😯附上飯後照😆比大家睇下啲飯焦鏟得幾乾淨😋✅甜蜜咕嚕肉$88咕嚕肉酸酸甜甜好適合餸飯食😋而且咕嚕肉外脆內軟，非常出色👍🏻另有配料三色椒、洋蔥、菠蘿🍍配料也毫不遜色，用咗新鮮菠蘿整特別甜同多汁😍✅上湯菜心$78叫咗碟菜食，健康啲🥬菜心用上湯烹調，味道清甜🥰完全無渣-茶芥$15位有三款茶可以選擇，我地選咗普洱，茶底不錯，唔會有苦澀味～📍憶食尚臘味煲仔飯 (佐敦)地址：佐敦文匯街22-24號地下2-4號舖

顛覆咗食煲仔飯嘅環境記憶🤣講起煲仔飯就會諗起廟街，但其實佐敦都有一間煲仔飯專門店❤️環境靚之餘，啲煲仔飯仲好有水準😋臘味煲仔飯嘅靈魂係臘味！有油甘香味，但又唔膩。加上煲仔飯豉油就更加昇華🔥🔥🔥❤️臘肉脂肪同肉嘅比例好靚，唔會太硬，同埋啲香味留係口腔帶住口罩都聞到好耐❤️臘鴨最怕啲臘鴨好硬🥴好彩佢呢到嘅臘鴨唔係硬個啲，仲淡淡咸香味❤️臘腸有陣陣酒香味啲臘腸肥瘦均勻，超級好食😋個煲仔飯份量，1個人食都真係好飽！黎呢到食又方便，係柯士甸站岀行幾步就到一入到嚟靚到嘩一聲呢到仲有得賣臘味，又衛生，又好食！

雖然依家炎炎夏日成三十幾度，但突然好想食煲仔飯，search到呢間位於佐敦嘅憶食尙就決定試吓~ 佢係比較近柯士甸站，唔洗五分鐘就行到😆 餐廳有兩層，裝修幾靚同好高檔，坐得好舒服~ 餐具都好有特色! 我哋叫咗三樣菜🍚廣式臘味煲仔飯 ($158) 呢個係佢哋嘅招牌，望落去唔係好大但兩個人食一定好夠飽!! 飯面舖滿臘腸，臘肉同臘鴨. 職員會幫手落葱同豉油攪拌，好專業，如果我攪嘅話一定會飛哂啲飯出黎🤣 食到一半，職員會幫手刮飯焦出黎，啲飯焦都唔少，唔會太燶，卜卜脆，勁好食😋🐷甜蜜咕嚕肉 ($88)原本以為呢間餐廳淨係煲仔飯出名，誰知呢碟甜蜜咕嚕肉好有驚喜!! 個甜酸醬汁好濃，帶有蜜糖香味，咕嚕肉炸到好脆，咬落去又唔會覺得成口炸粉嘅感覺, 中間舊肉半肥瘦，唔會太乾👍🏻👍🏻👍🏻🍄四季豆干扁雞髀菇 ($88)四季豆炒得好香好有鑊氣，佢落咗啲黑椒所以零舍惹味🤘🏻 食咗咁多飯食返啲菜就啱哂😎☕️茶位 ($15) 我哋揀咗玄米茶，好香玄米味🤩總括來說，呢間係一間值得推薦嘅餐廳，職員服務態度好好，對住熟客傾得好開心，但對住我哋一啲都唔馬虎👍🏻👍🏻 環境闊落坐得舒服, 食物都好好味🙆🏼‍♀️

經過佐敦文匯街呢頭，諗住搵間餐廳食個dinner🌙🍽 見到有間餐廳裝修設計好有格調！睇睇門牌原來係食中菜😯 好耐無食過煲仔飯，見唔洗等位就入去試下啦。餐廳以藍白色為主調，環境雅緻舒適🥰 每一枱座位都好闊落，座位同座位之間以屏風相隔，提高食客既私隱度之餘，係疫情期間亦令客人堂食都可以食得安心啲👍🏻 一年四季都總會有人食煲仔飯♨️。估唔到就算夏日炎炎只要有冷氣，舒適既環境，都可以食得好舒服🥰 入座後，店員問我地想飲咩茶，有鐵觀音、普洱、菊花同埋玄米茶四款選擇。今次我地就揀左玄米茶。茶底係綠茶，口感淡而不澀。綠茶香氣與玄米香交織，味道好清新！🍵🍃🥄廣式臘味煲仔飯🍲落完order之後，店員主動提供豉油、蔥粒、芫茜，撈埋煲仔飯一齊食就更滋味煲仔飯配料包括香氣十足既廣式臘腸、板鴨、臘肉。臘腸帶有酒香，油脂分佈均勻，甘甜可口！板鴨口感實在，帶點鹹香。臘肉肥瘦均匀，三者撈飯一流吖🤤 米飯粒粒分明，夠乾身👍🏻 飯焦方面亦唔會過燶，可見廚師火候控制得宜。🥢甜蜜咕嚕肉🍍🐷🤭平時食小菜，每次都必點咕嚕肉，食極都唔會厭！😋 未上菜之前已經不時聽到廚房傳出’’混混’’聲，就知個鑊氣好夠🤣 咕嚕肉酸酸甜甜好開胃，外脆