德美壽司

营业中

休息中

假日的下午去了大埔一轉，順便食埋lunch，今次的起心乾幫襯德美壽司，其實德美有數間分店，但鍾情於想試大埔果間先，主點因為友人介紹，加上之前成日經過此店時已好想試下，門面和風又靚，見餐牌食物都好吸引，奈何每次去都太多人等位唔想等......實在太受歡迎了!但想食好西，就要付出時間，大約1點多去到，下午時段人多是常識吧，拎飛等位(預左耐)，不過15分鐘到就有位了(因為好多人等等下都走左)，即入坐。 餐廳面積不太大，裝潢甚有和風之感，以木色為主，和式的紙窗，感覺柔和，玻璃木櫃擺放了不少酒品及酒杯，牆上掛有水墨畫及字畫，端莊雅致，座位舒適。 Menu，午市定食，差不多每個主菜都包沙律、味噌湯、白飯、茶碗蒸蛋及甜品，幾抵呀。 另有便當及釜飯。已有心水選擇了-午市定食。 さんしょくお弁当 日替便當三段，＄96。 有三色刺身、汁煮豬軟骨及大蝦天婦羅，配沙律、味噌湯、白飯、茶碗蒸蛋及甜品，份量十分豐富。 沙律，入坐時已即奉上。 茶碗蒸蛋，熱騰騰的茶碗蒸蛋，口感軟滑，材料十足，略有鮮甜的味道。 三色刺身，有甜蝦、三文魚及帆立貝，刺身尚算新鮮，三文魚厚切，尚算新鮮，甜蝦鮮甜，帶子口感

假期除左hea在屋企，就梗係去食好東西啦！有咩好得過揾埋朋友一齊出發，今次就梗係食魚生啦！朋友未來過，我就係開門前排好隊揾位啦，平時我食其他區分店都有打電話book枱的習慣，因為唔book真係會無位的，今次即興，我早少少來排隊面前都有人等，好在到開門終於有位。除左丼飯，便當都係我杯茶，今次就叫左個彩之刺身便當，個相中的炸薯餅就係我個fd的便當，之後先講佢果個。我的便當唔好睇佢好似細細份，最右手邊成格都係飯，面頭的蟹柳蟹籽青瓜多到滿寫，入面的醋飯仲係混埋小菇tim。三文魚厚切，甜蝦同凡立貝都新鮮，最左手的軟殻蟹香脆。便當有包沙律，湯，同甜品，好食！朋友揀的係德美刺身海鮮便當內容都係非常豐富，大家都食得好開心，朋友仲話要帶佢屋企人來食tim

天婦羅新鮮炸起唔厚粉🍤🍤，但天婦羅沾汁就冇咩鰹魚香🐟🐟，而且去唔到炸物嘅油膩感。烏冬不過不失，冷麵汁反而有驚喜，濃濃鰹魚汁配上芝蔴薑茸蔥花，再加生鵪鶉蛋令烏冬更滑味道更豐富🍜🍜。👍🏿鯖魚燒得恰到好處，唔會太多鹽同太燶蓋過左魚嘅鮮味，肉質鮮甜同時保留到少許油份，魚皮燒得非常香脆，加少少檸檬汁酸酸地更香口。🍋🍋壽司飯粒飽滿但握得有小小鬆散，刺身非常厚切，入口鮮甜，咬口十足。🍣🍣吞拿魚茸一向係德美嘅皇牌，鮮而不膩，入口已經感受到滿滿嘅吞拿魚香。惟三文魚略為乾身，After taste 更帶點點腥味，其他刺身比較鮮美。環境比較擠逼，由於啲碟都幾大隻下，所以上菜時都會擺唔晒啲野食。

係大埔呢個美食之都，今既選擇咗食德美。星期日好多人排隊，所以一早book定枱去到即刻有得食，不過出面咪錶位太多車，等咗一段時間先泊得低。一入去環境好寬敞，枱同枱之間好多空間，高級既格調。相對返餐廳既格局，食物價錢好似唔成正比，因為相對地比較平。一開始叫咗個極上壽司拼盤，有壽燒咗德美既蛋捲幾特別。其他壽司十分精緻，當中既拖羅真係好食到無得彈！油脂分佈好平均，入口即溶仲好甘香。其他壽司仲好新鮮，仲有隻大蝦頭添。鍾意食鰻魚既我地都叫咗蒲燒鰻魚，啖啖肉仲燒得好香口，邊邊有啲燶好脆口。食得日本餐點少得天婦羅，炸蝦天婦羅都一樣爽口彈牙，香脆唔會乾。仲有牛油果軟殼蟹卷，都一樣好好食，因為牛油果夠多唔會得一粒仔，而軟殼蟹都夠juicy。如果想揀間食物質素掂而坐得舒服，睇落高級但價錢相宜既日本餐廳，德美絕對係你既選擇。

約了友人一家大細在大埔吃晚飯 ，友人極力推薦這家大埔居酒屋，因為款式夠多 ，食物飲品種類加上來有一百幾十款，大件夾抵食店內的裝修都幾日本風情 這個蛋應該也是推介作之一 ，因為有餐廳名。蛋入口熱辣辣，而且幾滑及十分厚肉 ， oishii !這個炸雞沙律是冷熱配，感覺幾清新 ，但是菜不夠新鮮 ，有些啡邊這個刺生飯不錯 ，新鮮 ，大件夾扺食蕎麥麵份量幾大炸蝦卷一般 ，蝦不夠脆 ，蟹子太多 有點膩，但整體份量太少這個鍋十分受歡迎，老少咸宜，清清地配著很多菜及豆腐，這個鍋菜的成份十分多，豆腐也很滑，而鳴門卷就很受小朋友歡迎，湯清甜鰻魚飯的燒汁也不錯，鰻魚燒得剛剛好，飯也很多，足夠幾個人分享這個蟹柳及青瓜卷又是兒童的最愛，真是不怕他們吃不飽總括來說是滿足的一餐，份量夠多，食材也算新鮮

<<生在美食天堂，點可以唔識食>> <<I born in Paradise of Food，but what Food do we have?>>日系平民系美食擁有多間分店既德美壽司、丼飯、熟食一應俱全唔好諗住平民化就唔好食，食材都算新鮮。不時都非常旺場/需要訂位。還好～材料足，無咩雪味，係鰻唔熱一個小敗點正～丼飯丼飯，平時出面吃既都係白壽司飯底，依到就係暖飯經調味既飯底，帶出魚生鮮味一般～炸粉都算薄，不過無突出調味裝修：光猛，木系裝飾，有包枱服務：有禮，反應都好

大埔食日本菜？元氣？板長？牛角？吉野家？Oh come on，不是說連鎖店的都不好，但本人一向支持小店，亦愛尋找驚喜，所以發掘小店成了各位weekend to-do-list的top one。今日介紹的小店，其實說小也不是，但也真心不是大型連鎖店，就把它看成是有market，所以分店愈開愈來的居酒屋好了，從前中學生經常去食的一間餐廳，如今也在香港薄有名氣的－德美壽司。與家人忙了一整天，終於完成了人生一大事。於是想吃個高筫的晚飯，好好慰勞一下彼此。紿終忙到頭昏腦脹，也不想再細想吃什麼，乾脆就order個秋冬精選二人set吧，始終信得過主厨嘅眼光及對時令食材的眼光，點一個精選set，絕對不是頹食！這個秋冬精選set，也足足有10道菜式，絕不馬虎！以下就精選幾道最深刻的菜式來分享吧｜和風沙律｜您以為和風津這類前菜一定her？TOTALLY WRONG！我最欣賞德美的地方，便是有誠意做日本菜的日本餐廳，即使是一道不起眼的沙津菜，都令人驚喜！除了分量足外，還舖上滿滿的三文魚子同吞拿魚，配上柚子沙律醬，超級refreshing！｜鹽燒鯖魚｜以鯖魚而言，這道鹽燒鯖魚的油香相當濃，魚身相當結實厚身，

德美壽司越開越多 今晚試吓大埔嘅分店 水準係咪仲keep到咁高質先🤫.#活鰻魚朴業飯 $108荷葉放喺木盒墊底 成個飯充滿鰻魚嘅香味😍鰻魚厚肉 冇細骨👍🏻 鰻魚肥美適中 少少既油脂 食落去更香！日本飯預先撈勻鰻魚汁🤤 甜甜地一啖鰻魚一啖飯 太正‼️.#帶子沙律卷 $62 (4件)帶子超鮮甜😳 即使冇加檸檬汁 都食到帶子嘅鮮甜味帶子卷份量算 一件有3粒帶子 鋪滿飛魚子同沙律醬 中間有青瓜絲口感更豐富😋.#三文魚親子卷 $62 (4件)三文魚籽大大粒 咬落去爆好多汁😳三文魚🍣厚肉 食落鮮甜幾新鮮 略嫌油脂分佈唔夠反卷入邊有牛油果🥑青瓜絲同蟹柳 成件事好清新同健康咗.Keep到水準👍🏻 重點推介當然係 活鰻魚朴業飯🥰 食材高質 對得住呢個價錢

為咗慶祝朋友生日，我們特意在大埔挑選一間高質日本菜-德美壽司🍣。門面裝修以紅色為主，而且吊住好多個紅色燈籠，好有日本和風特色。一份餐牌入面已經有多款食物類別選擇，每款食物圖片都非常吸引，七彩繽紛！鵝肝控的我，去到邊都會食鵝肝，見到士多啤梨醬鐵板鵝肝圖片咁鬼吸引，先叫了一份。估唔到鵝肝咁大件，外皮相當香脆，食落去簡直有入口即溶的口感，非常Creamy香口！而且底下有一塊脆卜卜的多士，兩者Mix埋一齊食唔會太油膩，配以士多啤梨醬一齊，酸酸甜甜的味道反而係好好食！壽司類別太多款選擇，有我最鍾意嘅軍艦、手卷同埋火炙系列，見到有鮮蔥吞拿魚腩茸軍艦，急不及待叫了一客。坐係吧枱睇住師傅點整，果然新鮮即叫即做，吞拿魚腩茸食落去味道好新鮮，軟林林溶入口中，配以外層的脆口紫菜，唔使點Wasabi豉油已經好好食。另外還有帶子沙律卷，一份有四件，壽司頂部鋪滿滿滿的沙律醬和蟹子粒粒，食落去簡直有幾層口感。最後還叫了暖笠笠的牛肉湯烏冬，驟眼見到牛肉仲係半生熟，帶一點粉紅色，食落去牛肉肉質鮮嫩，成個湯都有好濃郁嘅牛肉味道。最後還有甜品牛奶布甸，為呢一餐豐富嘅日本菜生日飯畫上句號。

知道德美壽司喺紅磡總店非常有名，而大埔都有一間分店，每一次經過都好多人等位，今次我哋比較夜，所以等左5分鐘就有位了。餐廳入面設有二人、四人座位及吧枱位置，裝修格局以木為主，隨即店員俾咗兩杯熱茶我們。餐牌食物種類多款選擇！來到日本餐廳不得不吃壽司類別，先點了一客三文魚腩壽司，三文魚腩好肥美，驟眼睇條紋非常平均，而且味道新鮮美味。還有我最喜歡的火炙系列，一共點了三款，包括帆立貝壽司、白身魚壽司以及左口魚邊壽司。當中的火炙白身魚壽司配以柚子味道，食落口除咗有魚的鮮味之外，還有一點柚子味道，火炙系列嘅壽司食落口更加Creamy。還點了帶子沙律卷等。最後點了兩款熟食就已經好飽肚了。最後兩個人消費都只係$500有找，就食到咁新鮮美味嘅日本料理，而且價錢超值、性價比高，值得再encore。

><冇book位差d就冇得食lol難得坐bar枱就嗌幾件壽司試下見到火槍出動就知整緊我張單火炙左口魚邊壽司($42)口感肥美 入口真係即溶 滿滿魚油滲進飯中 餘韻仍濃郁甘香星海鰻 穴子 壽司($48)魚肉綿綿的 唔洗點咀嚼已經同醋飯融為一體銀鱈魚西京燒定食($128)配沙律 麵豉湯 甜品之前食過H8分店冇晚市套餐 只有單點餐牌而家變相好抵食銀鱈魚 表面金黃焦香 魚肉肥美滑溜 蘸點沙律醬 或者伴碟嘅薯仔粟米沙律 都可以中和膩滯感甜品 布甸未食都覺cheerful><><><><><><><><><><德美壽司大埔翠和里1號永發樓地下1A舖

今次食飯慶祝生日，黎到大埔德美，位置相當隱閉，以唔同分店比較入面唔算好大，不過位置唔逼，坐得都舒服，張枱又夠大。見個1人晚餐Set好吸引，就叫左鰻魚飯同帶子甜蝦三文魚刺身飯，跟餐有茶碗蒸同麵豉湯﹗價錢中上啦，都偏貴少少。食物方物：鰻魚飯份量都好大，肉質肥美，不過醬料偏濃同甜，都易覺得「漏」。刺身飯：刺身都鮮美，但冇咩驚喜，飯多得好誇張，飯質感味道可以調教更好同更開胃。反而茶碗蒸大家都讚好﹗總結黎講，味道不過不失，少貴，唔覺得抵食，仲有一個問題就係：超級多飯，應該有成碗半至兩碗，好易食唔晒，或者好滯除非真係超級大食。個人認為唔係飯多就代表抵食，要睇整體質素。（不過上次食吞拿魚腩蓉飯（紅磡分店）好食哈哈，唔知關唔關分店事）

大大碗的魚生飯，放滿自己喜愛的魚生，又怎能不教人心動呢？這𥚃的晚市定食套餐和魚生丼有十多款選擇，價錢由$78起，每款定食均配有麵豉湯、沙律和甜品。碎蔥油甘魚茸丼（$118）這款碎蔥油甘魚茸丼是限定供應的，油甘魚茸上還有三文魚子和一隻溫泉雞蛋，把雞蛋拌勻油甘魚茸、三文魚子和青瓜絲一起吃，多種口感伴隨其中，味道十分豐富。魚子蔥呑拿魚腩丼（$132）這個呑拿魚腩茸的油份比起油甘魚茸更濃厚，但配了大蔥和青瓜絲就可以平衡一下當中的油份。魚茸中間還放有一隻鵪𪂹蛋，把蛋汁拌和魚茸、三文魚子和壽司飯，口感更順滑。麵豉湯麵豉湯內有豆腐粒和海帶。沙律新鮮沙律菜，可以在餐前吃，清新一下口胃。甜品甜品是牛乳布丁，上面放了芒果醬。布丁十分幼滑，牛奶味很濃又不太甜。門面內在環境餐牌

初四喇 市面上已營業既餐廳不多 又突然想食日本菜 就想起大埔新開既德美喇 估唔到都幾多人排隊 等左差不多15分鐘先有檯入面座位不算多 難怪我地3人都要等十幾分鐘 室內環境幾新淨 幾舒適 但略嫌冷氣機既風口位 吹正我地張檯 仲要而家天氣涼涼的 愈食愈凍我地每人叫一個飯 每個飯都有沙律、味噌湯還有侍應準備好的一杯暖茶👍🏻呢個吞拿魚魚子飯 有隻鵪春蛋 拌埋d撈有小量冬菇片既飯 真係好鮮好好味 味道好夾 估唔到唔係白飯一大碗 連飯都落左少許心思 值得一讚呢個三文魚帶子蝦飯 個飯都拌帶熟既三文魚碎及冬菇片 好香好清 食到尾無晒刺身 都會想食埋d撈有三文魚碎既飯 就算飽都唔會捨得唔食佢啦呢個鵝肝三文魚帶子飯 哇！個鵝肝d油好香 食落口都濃郁好滑 撈飯一流 d飯又配有少少紫菜碎 真係好正 不過 價錢就略為貴 每個飯都120-140蚊左右 雖然魚生既質素及新鮮度不錯 但對於平民百姓既我黎講 如果平返d就好了 可以成日黎食都唔會清袋丫麻🤣

LUNCH SET | 櫻花角切魚生飯 | $73 （午市免加一）附 沙律、蒸蛋、湯好耐之前有排成日食德美既午餐😂 依家再食，的確都係好大份，一個人都食唔哂。跟餐蒸蛋好滑，都係好食。不過角切魚生飯的質素真係一般般，魚生大部分都是三文魚，有啲啲八爪魚、白魚，但最奇怪係有啲魚皮（有點影響食慾）整體魚生質素一般（以前好食啲），雖然份量好多，但唔算好鮮，好彩有粒溫泉蛋，等碗飯冇咁寡。如果餓底，依間都OK～