德福閣

营业中

休息中

預訂了這天吃自助餐但卻遇上打風又下雨的日子，12月仍打風真的少見，雖然如此仍毋損我們的心情，繼續開開心心地大快朵頤。之前已試過在這裡吃午餐，感覺質素不錯，所以今次再來試下晚餐，仍然保持水準，值得推介。晚餐六點半開始，但我們因為早到，職員安排我們早點入坐，印象加分！地方不大空間窄窄長長的，不過尚算坐得舒適。食物種類推介的有 ：（1）生蠔（每人4隻）（夠新鮮）（2）煙燻火雞（肉質不錯不鞋口）（3）蟹和蝦（有鮮味）（4）蘋果沙律（夠爽甜）（5）甜品 ：Chocolate Brownie（6）甜品：班戟（即製）（7）Mövenpick 雪糕

今晚自助餐係食過咁多次自助餐最失望的一次，地方細，其實不重點，重點是，地方少，食物質素也奇差，食物很乾，熟食味道差，refill速度慢，出面有牌寫有芝士焗蠔供應，成晚無見過。沙律菜得一兜很細的，食到最後還收起了，movexxxack雪糕竟然到最後係無曬無refill⋯⋯看得出，菜式無誠意無心做⋯⋯平心而論，雖然晚市350元一個人不算貴，但食物質素絕對不值這個價位，3百幾元，出面有更多更好選擇，這間我是不會再光顧了！

見到openrice有300幾個like，即日book即晚食。去到個場好細，坐低即上人頭4件生蠔，味道okay。但熱葷菜式只有約10款，清蒸石班好鞋，得糯米飯好食。冷盤亦唔多，有頭盤嘅火腿，鴨胸；海鮮有原隻蟹，有魚生，但係蝦冇鮮味，壽司普通但算係食得落，甜品方面算係okay，即整pancake係全晚最好味嘅野食；甜品款式都多，有即整梳乎厘，藍莓芝士蛋糕，楊枝甘露。總括黎講比評分呃左去食，之後都唔會再去。

市區酒店內享用，重要三百幾蚊嘅晚市自助餐真係抵。地方唔大，但就勝在唔使行好遠去攞嘢食，對應返個價錢，款式選擇都唔錯.。到達後入座安排順暢，而人齊之後職員會送上每人四隻生蠔（肉質肥美）。職員勤快收已用完嘅碟，唔會擺到一枱都係。其實好多自助餐雖然有過百款嘅選擇，但真心有幾何試得晒，所以就算佢款式唔係太多，但對想食自助餐又唔想太貴嘅，係一個唔錯嘅選擇。冷盤- 四款魚生，壽司，冷麵，沙律吧，中西前菜及幾款嘅一口小食。熱盤都有成八款以上，配以糯米飯及中西餐湯。甜品除咗水果及糕點更有即整疏乎厘，pancake及Macaroon. 果汁就只有橙汁。

與友人第一次光顧仕德福酒店自助餐，自助午餐每位$188，透過Openrice 訂位有85折優惠，折扣之後每人大概180元。餐廳在酒店的閣樓，乘lift就可直接到餐廳，我們比預訂的時間早了到達，餐廳職很貼心的讓我們早點入坐，當然用餐是要達正中午12點才時開始。地方不大但環境尚算舒適，職員有禮及收碟快。雖然是平日但都有八成人。我們坐下不久就送上每人4隻的生蠔, 生蠔質素尚算不錯，提供的食物種類就不多但食材都夠新鮮, 若以這個價位來說, 中午自助餐能夠吃到生蠔CP值來說是扺食。

到咗十二月又係食自助餐嘅季節～女朋友同我去食自助餐感受下聖誕氣氛。🥰.餐廳食物種類繁多，冷盤、熟食、甜品一應俱全。.🍴冷盤方面，佢哋有花蟹、凍蝦、青口，仲有各款刺身、壽司。花蟹味道鮮甜，食得出好新鮮。而家每人仲送四隻生蠔，大大隻。😍.🍴熟食當然唔少得西冷，肉味濃郁，值得一試，炸牛腩都好受歡迎，佢哋仲有蒸海鱸魚，肉質嫩滑又唔腥。.🍴甜品除咗有蛋糕、布甸、和菓子，仲有好足料嘅楊枝甘露。.另外仲有盒裝嘅Movenpick雪糕任食，好有驚喜。即焗嘅疏乎厘都好受歡迎，有唔少人排隊。.整體來講質素唔錯，價錢合理，適合一班人嚟聚餐。☺

餐廳服務員很有禮貌和收碟都很快。價錢不貴，很抵食的自助餐。飲品種類很多。食物添加得很快。比我想像中都好。不過不失。下次還會再來幫襯的。會介紹親戚朋友來一起再來吃。

❤️生蠔每位奉送4隻紐西蘭生蠔，晤係講笑，隻隻肥美乜漲卜卜，好鮮甜，抵啦❤️Movenpick 雪糕咩話，連Movenpick 都任食，有我最鐘意嘅朱古好味，食有三杯，平時超市都要幾十蚊一杯啦，回本之算❤️梳乎里嘩，有即整梳乎里，好soft 同鬆軟，有檸檬香味，幾正喎❤️燒牛肉又一回本之算，生熟程度啱啱好，好淋，配埋芥辣係最佳配搭❤️刺身-有三文魚，八爪魚，吞拿魚❤️海鮮-藍青口，蝦，花蟹❤️甜品選擇都好多下喎，有楊枝甘露，朱古力噴泉，芒果布甸， Cheese cake ...每位大約$350 左右自助晚餐邊到揾呀，快啲bookmark 同屋企人一齊食返餐啦😜德福閣 (旺角)旺角豉油街118號仕德福酒店閣樓

好耐冇食自助餐， 12月佢阿媽生日就同佢嚟咗呢間位於旺角嘅德福閣食晚市自助餐。大約三百幾蚊，又有甜品又有熟食，唔錯。即刻入嚟就覺得好有聖誕氣氛，好多聖誕裝飾。另外我俾佢嘅朱古力噴泉吸引住，真係超級有童年回憶啊！我即刻整咗幾粒朱古力棉花糖食先。食物種類都唔少，有沙律、海鮮、刺身、唔同種類嘅熟食、多款蛋糕甜品、生果、仲有movenpick雪糕添！每位仲會包咗四隻生蠔，我覺得好新鮮同鮮甜。食咗啲咩大家睇圖啦，等我介紹幾樣最好食嘅！除咗生蠔，仲有師傅燒過嘅芝士生蠔，味道更加豐富。另外不得不推介兩款甜品，就係師傅即叫即整嘅香蕉煎餅同埋疏乎厘班㦸。煎餅除咗香蕉之外，仲可以加集會。師傅幫我加咗忌廉同埋朱古力醬，超級正。7:30之後就有疏乎厘班㦸，入面好有空氣咁我自己連埋啲雪糕一齊食，好好味！三文魚刺身都幾新鮮，同埋阿媽就最鍾意食呢度啲糯米飯。早訂位仲會有折，大家有興趣可以試吓！

德福閣 (旺角)價位唔算太高既一間自助餐，價錢如下👇🏻🌟星期一至五：成人$ 368 /長者$ 338 /小童$ 308🌟星期六，日及公眾假期：成人$ 398 /長者$ 368 /小童$ 328今期主題係國際海鮮美食自助晚餐，菜式有中式同西式，同多款甜品。7:00左右已接近八成滿座，記得提book位。。🌟西式生蠔唔係任食，入座每人會有4隻，我地攞到既都新鮮同幾大隻。唔算好甜有淡淡海水味。芝士白汁焗生蠔就係任食，呢款細少少但幾好食。香草燒西冷長期都有師傅係到切，隔離有燒汁同黑椒汁調味，味道正常，肉質都幾軟。。🌟前菜及小食海南鮮雞、煙鴨胸、雜凍肉、日式雜錦小食、中華沙律、涼拌青瓜雲耳、日式茄子、粵式滷雞腎。有粵式小食都幾特別。🌟沙律吧沙律、日式雜錦魚生壽司、日式冷麵。🌟刺身及凍海鮮三文魚、吞拿魚、八爪魚、加拿大、青口、花蟹、凍中蝦三文魚厚切肥美，花蟹幾鮮甜。🌟熱葷及湯品中式老火湯、西式餐湯、葡汁焗海鮮、臘味糯米飯、紅酒燴雞、瑤柱扒時蔬、日式豬軟骨、XO醬炒雜菌每款都試咗啲，中式老火湯好飲，糯米飯好多臘味好香但偏硬，焗海鮮唔錯。🌟甜品佢哋既甜品比較出色，款式多，大部分都好食。即製梳乎厘要等比較

德福閣Weekend lunch buffet人均$250左右就食到，性價比相當高👍🏽店內環境不算大，但座位舒適，足以坐低慢慢享受一個豐富的自助餐✅冷盤、主菜、甜品、飲品之外，仲有即叫即做生滾粥，款式應有盡有首先一坐低店員為我們送上每人4隻生蠔🦪相當有誠意，而且店員都好有禮貌，印象分已經加分不少🌀冷盤🍣🦪餐廳非常豪氣，厚切三文魚一大盤任你夾，仲有中蝦、墨魚同青口等等，呢個回本位質素唔錯壽司方面有熟蝦、八爪魚同蟹柳，小朋友都啱食冷盤又點少得沙律，今日嘅款式有華都夫沙律、牛肉沙律等，個人就鍾意華都夫沙律，加咗蘋果絲，爽口開胃，健康之選👍🏽🌀主菜🥘🍝主菜方面，有豬軟骨、咖哩牛腩、香橙燴鴨胸、燒三文魚腩等等，其中香橙鴨胸呢個配搭幾新鮮，酸酸甜甜味道討好海南雞同小籠包都好受歡迎，餐廳refill嘅效率都好高，基本上每次出去攞嘢食都唔會空手而回🌀 生滾粥可以自選材料，熱門嘅皮蛋、瘦肉、魚片、豬膶都有齊，睇住師傅即場整，特別有風味🌀甜品🧁🍩甜品有朱古力噴泉、芝士蛋糕、奶凍、芒果布甸、日式菓子等 ，仲有唔同味道嘅macarons ，咖啡、黑芝麻味道最impressive另外朱古力brownie超香濃，

今日放假 想平平地食下buffer之前已經聽過呢間好平因為都係$200 以下 真係好平 唔會有好大期望點知原來真係咁抵食 超級超級推介餐廳係酒店閣樓 我地被安排坐窗邊 雖然係平價 但食物種類應有盡有中式熱點 湯 西式炸物 沙律 壽司 甜品 pancake 熱香餅都有咖啡機同雪糕都係任食任飲竟然仲有生蠔 坐左一陣staff就開始派 每人一碟4隻的生蠔size都唔太細 仲幾鮮味 真係好驚喜平時好多lunch buffer 因為平 好多都唔會有生蠔 咁平都有4隻真係好抵食!!!仲有一個section 係可以叫生滾粥 呢個真係少見自己點完想食咩 等5-10 分鐘就有 好新鮮熱辣辣 冬天食超正甜品都好有好多款 當然唔及d 4 5 星酒店但都有好多款式唔錯 macaron 蕉糖燉蛋都唔錯大約1點鐘仲有section 係整 水果pancake 好正平平地食buffer 真係唔可以錯過呢間!!! 抵食之選!!

旺角雖然有好多放題任食，可以隨便食到好多唔同種類食物，但係質素就相當參差，而咁啱旺角有一間酒店自助餐朋友大力推薦我去試下！只係放題嘅價錢就有酒店級質素，環境仲好唔錯添😁🥰冷盤冷盤有多種海鮮同刺身，個人最欣賞就係佢哋嘅潮州凍蟹，啖啖肉，而且蟹肉好鮮甜。凍蝦同青口味道都唔錯❤️亦估唔到有帕馬火腿配蜜瓜，鹹香火腿配多汁香甜嘅蜜瓜，好正👍🏻👍🏻食咗好多舊🤣熱食相比冷盤嘅青口，仲有冬陰功青口，佢冬陰功嘅酸辣好鮮味開胃，真係令我哋驚艷！😱😍食到停唔到口，拎左好多次！buffet竟然有duck confit？！😱係咪傻㗎😱超高質素！！我起碼食咗十幾舊！外皮微脆，入面肉係好實淨又滑！激推！😍😍😍川椒雞球都好食，有少少咸，不過整體係好食🥰應該先輕炸過再炒，keep到肉好嫩👍🏻紅酒燴牛脷係另一道我最鐘意嘅菜式，通常buffet食都麻麻地，呢度係高水準👍🏻👍🏻👍🏻肉好冧，肉味濃，講完又想食多次🤤牛油薯蓉焗田螺已經分唔到自己食緊buffet定法國菜🤣點解咁高質㗎😭？香濃嘅牛油味滲透晒入田螺入面，田螺嘅外皮焗到有微微脆。烤西冷牛肉生熟度恰到好處，肉質有口感，唔會話烤得太老，配上自家製嘅黑椒汁或黃芥未都幾正🥰甜品方

今日男朋友生日就同佢去食酒店自助餐啦 呢間位於旺角嘅仕德福酒店自助晚餐非常抵食 每人都唔使400蚊閒日嚟到人唔太多 坐得非常舒服 而且餐廳食物refill速度都幾快坐低冇耐 餐廳會奉上每人四隻嘅美國生蠔 生蠔大大隻非常飽滿 而且肉質鮮甜味道唔錯前菜有幾款唔同嘅刺身 三文魚都幾肥美沙律款式齊全熟食選擇唔多不過質素幾好 有原條蒸鱸魚 火候控制得啱啱好點少得原條牛肉西冷扒 入面仲係粉紅色 牛肉味濃郁呢個價位嘅自助餐竟然有Movenpick雪糕任食 即刻食番幾杯輕鬆回本 現場即整嘅生果pancake同梳乎厘 都十分有水準

今天朋友約吃自助餐，讓他選了一間性價比不錯的來試試，而且還有他喜歡的生蠔送！這裡麻雀雖小，五臟俱全！常見的海鮮，沙律，刺身，熟食，燒牛扒，甜品，雪糕，飲品都有！其中比較特別的是海南雞，雞肉挺滑和香的，配上醬汁，吃起來特別惹味，就欠香油飯了！而且還有川椒雞球，但吃起來不是太辣，再新一點會更好吃，雞肉炸得非常香！而送的生蠔，吃起來挺新鮮的，海水味較重，回甜，沒鐵鏽味！甜品，這裡有我喜歡的栗子蛋糕，吃起來味道香甜，蛋糕鬆軟！而且還有即製的梳乎厘，吃起來入口即化，牛油味香！還有即製鮮果班戟也挺不錯！當然最重要還是Movenpick雪糕任食了!