德福閣

营业中

休息中

市區酒店內享用，重要三百幾蚊嘅晚市自助餐真係抵。地方唔大，但就勝在唔使行好遠去攞嘢食，對應返個價錢，款式選擇都唔錯.。到達後入座安排順暢，而人齊之後職員會送上每人四隻生蠔（肉質肥美）。職員勤快收已用完嘅碟，唔會擺到一枱都係。其實好多自助餐雖然有過百款嘅選擇，但真心有幾何試得晒，所以就算佢款式唔係太多，但對想食自助餐又唔想太貴嘅，係一個唔錯嘅選擇。冷盤- 四款魚生，壽司，冷麵，沙律吧，中西前菜及幾款嘅一口小食。熱盤都有成八款以上，配以糯米飯及中西餐湯。甜品除咗水果及糕點更有即整疏乎厘，pancake及Macaroon. 果汁就只有橙汁。