德福閣

营业中

休息中

冇諗過二百蚊唔使，食到有質素嘅lunch buffet! 特推甜品，有甜度剛好嘅焦糖布丁，奶凍，檸檬芝士蛋糕（其實似中大檸檬批），同埋一定要試嘅雜菌白湯仲有每人4隻生蠔另上，乾淨衛生食左個半鐘就飽飽，見到多老人家黎食，環境幾好，侍應清碟快，又有禮貌，坐足兩個半鐘。

cp 幾高，個人覺得熟食同甜品好食過刺生waiter收盤好快，refill 都快唯獨係個燒牛肉真係太乾整體都滿意，價錢同質素成正比最令人有驚喜，係竟然甜品有馬卡龍，仲有幾隻味揀，食左差唔多十粒

久違嘅自助餐，前嗰排同屋企人特登搵一間價錢冇咁貴，但係食物種類又多嘅自助餐，呢一間近油麻地地鐵站嘅酒店，完全符合晒我嘅期望！首先一坐低每人就有四隻大生蠔，生蠔食落口好新鮮，離遠都聞到佢嘅海水味！呢一間自助餐嘅食物，咁啱全部都係我自己最鍾意食嘅，包括忌廉青口、咕嚕肉、海南雞同埋三文魚等等，啲食物冇晒嘅時候佢哋都好快咁refill返，而且呢度都有即切牛肉。首先講吓佢嘅冷盤先，三文魚雖然唔係即切，但係都食得出嘅新鮮，亦都好厚切。以佢嘅青口同凍蝦都唔錯，唔會有雪味。而佢嘅熟食方面，海南雞肉質都幾滑身，亦都有啲海南雞醬提供，refill得好快。咕嚕肉同三文魚扒都幾好食，唔會好油或者冇味。呢度亦都有得任攞煙三文魚等等，抵返晒呀！呢度嘅甜品除咗有即整嘅pancake之外，亦都有朱古力噴泉、芝士蛋糕同埋水果等等，最驚喜嘅係佢哋竟然仲有馬卡龍！

我間中也會和太太試試酒店的自助晚餐，這一次便來到旺角的仕德福酒店的德福閣，品嘗一下看上去性價比較高的自助晚餐位置（8/10）：位於豉油街近旺角東站路軌，從旺角站E2出口或旺角東站B出口步行約需7-8分鐘，附近交通也很方便環境（8/10）：餐廳位於酒店閣樓，樓底夠高；呈酒店咖啡室格局，不算華麗但夠整潔；自取區通道闊落；有酒店管理的洗手間；整體環境不錯服務（9/10）：經理細心安排座位並提供清水，亦會不時主動加水；侍應們有禮貌及主動收拾碗碟，另外自助飲品機提供不少選擇的熱飲食物（8/10）：自助餐規模不大，但前菜、冷盤、刺身、主食、飲品及甜品應有則有，以此價格有啤酒汽水任飲及Movenpick雪糕任食，實屬超值容我簡單介紹一下各自助區：前菜區有各式生菜、粟米沙律、紅腰豆等沙律料，亦有預先混好的水果沙律等。另外小食有日式茄子、麻辣豬耳、麻辣木耳絲、中華沙律、各款日式雜錦小食，亦有日式冷麵、巴馬火腿伴蜜瓜、煙鴨胸及火腿等雜凍肉，選擇不少，味道正常冷盤有麵包蟹、凍蝦及青口，另外侍應會奉上每人一碟4隻有海水味的法國生蠔。當然少不了刺身，有三文魚、吞拿魚、希靈魚及劍魚；壽司有三文魚、熟蝦、魷魚及蟹子

尋日放咗學同阿媽嚟旺角呢邊行街，佢話好耐冇食酒店嘅自助餐，所以想嚟試吓～我哋揀咗旺角德福閣呢間自助餐試吓依家晚市一個成人計埋加一大概$400，都有好多款式選擇～坐得幾舒服，環境幾靚生蠔每人免費送四隻生蠔🦪好新鮮嘅生蠔，食落覺得幾嫩滑，仲有好多汁，幾爽口，唔錯生炒排骨有茄汁喺面嘅生炒排骨，肉質幾滑幾好味😋咕嚕雞球酸酸甜甜嘅咕嚕雞球，雞肉幾有咬口西冷有職員新鮮切嘅西冷，大概七成熟，肉質幾嫩滑，食落幾好味😋芝士焗蠔有好多芝士係面，蠔肉食落幾香口刺身有新鮮嘅三文魚🍣希靈魚等等～仲有大量供應，唔錯Pancake係職員現場整嘅，新鮮又熱辣辣嘅pancake，可以揀自己鍾意嘅餡料，有杏仁，忌廉，雜果等等～皮薄餡多，幾正！馬卡龍唔同口味嘅馬卡龍，好似朱古力🍫紅莓🍓芝麻味等等～餅皮幾香脆，幾甜，好味😋蛋糕有唔同種類嘅蛋糕🍰好似甜品放題咁，有朱古力蛋糕🍫芝士蛋糕等等，啊媽好鍾意芝士蛋糕～梳乎厘新鮮焗製嘅梳乎厘，好多人排隊，一出爐就比人攞曬🤣食落幾香甜，有空氣感，幾好味😋

咁耐無同朋友出黎食大餐, 見有八折&睇啲相又唔錯就黎試下.入餐廳見食物種類唔多但價錢平就抵返.  一開始先食蝦蟹類, 但無咗長腳蟹有點失落, 睇相明明有喎.  蝦都算新鮮, 但蟹就有啲鞋口唔似平時食嘅質感, 都可接受, 但食第二輪時就發覺有問題, 有味道並已通知服務員但唔知有無跟進.生蠔.. 每人一碟4隻, 朋友話都OK.跟住食沙律, 好味.  薯仔沙律, 菜, 豆, 粟米...正常 到熟食熱葷.. 一般甜品.. PANCAKE都OK, 加咗香蕉杏仁片.  雪糕係好HIT嘅Movenpick, 食咗朱古力+士多啤梨味.  雪米池_我諗係雪咗好耐, 軟咗嘅皮唔係烟UN.仲有蛋糕只食咗布朗尼, 但只食咗第一口因為感覺NUTS有啲味.飲品.. 最讚, 好多款, 桃味茶, 奶, 各種咖啡.  可惜我最后先飲咖啡, 但已經得番齋啡, 話唔會再加奶因為已夜怕無人飲要倒, 明白不可浪費但好似尚早.這次食飯尚算OK, 餐廳算幾清靜, 食飯之餘最享受就係聊天.   

之前見到有網友post過有開邊龍蝦、三點蟹、生蠔食，而且價錢好吸引。但睇食評好多都話龍蝦要搶，refill 龍蝦比較慢。雖然都有啲卻步，不過最後都膽粗粗訂枱一試。當晚冇開邊龍蝦⋯⋯變左麵包蟹，忘了影相，勁多膏，多膏到要同老公一隻蟹蓋兩份分，驚膽固醇超標呀！雖然係任食，都唔可以搵命博，要珍惜生命😂以前食過麵包蟹啲膏好乾，但呢度一啲都唔乾，仲好好味呀～！三點蟹亦都冇，變左係花蟹，都好好膏，好味呀！生蠔每位有4隻，大大隻，好肥味，好新鮮！我自己唔食蠔，啲蠔一上枱我都冇話臭😂我媽咪仲話啲蠔好食過6百幾蚊位果啲自助餐👍🏻刺身方面，三文魚有驚喜，好香好有三文魚味，超讚！呢度野食款式真係勁少⋯⋯但係啲野食對於我自己黎講好岩口味，而且質素仲幾好，物超所值👍🏻相片比較少，因為湊住個歲半囡，成日唔記得相機食先😅😅最值得一讚係店內員工，個個都好好，好友善，service 好好👍🏻

之前食過尖沙咀間德福閣覺得唔錯幾抵食，今次嚟到旺角嘅分店，位置就仲方便，喺豉油街街頭。開始時首先送上每客一份嘅生蠔，個人唔太喜好食生蠔，不過都夠大隻得黎又幾鮮。食物種類唔係特別多，不過應有盡有，豬雞牛魚每樣都有d。主要嘅食品都可以喺餐廳中間嘅大長枱攞到，而刺生壽司都有幾款，亦有最基本嘅沙律吧，同埋都有番當日精選嘅海鮮，今日有龍蝦食下。而旁邊都有廚師負責切當日嘅扒類，當日係香草肉眼扒，煮得唔算過熟所以入口都唔係太靭，有得揀燒汁同黑椒汁。甜品反而都有驚喜，其中嘅梳乎厘杯即場焗，非常新鮮，所以都好多人唯獨要排隊去食呢樣食品。餐飲方面都算唔錯，雖然冇平時自助餐通常會包一杯嘅即沖餐飲，但呢度有個自助吧，飲品選擇都唔少，有果汁類，汽水，茶等等。總括嚟講，呢間自助餐夠抵食夠方便，幾啱同親戚見面食餐飯嘅地點，如果追求高級享受嘅人就唔太適合。

有種被騙的感覺，越食越氣，食物大多是蛋糕餅點類，40cm寬的死了很久的花蟹仔，提子又軟又壞，牛肉無味，連飲品也衹有少得可憐的不超一個手掌，除了一人一份一次性2個的生蠔，三文魚和2磅蛋糕比較新鮮外，其他食物貭量衰過茶餐廳，中菜衰過在家煮食。未試過一路食，心中一路念F頭的四個大字。食了10分鐘已有想走的衝動。埋單價3人千一左右。早知道去食鷄煲或其他好過。這間餐廳的食物真是敗筆。既然系唔系都系要煮，點解唔把食物貭量做好，服務做好。糟蹋食物，一看就不是用心做菜。還是酒店，太讓人失望。地方小，食物種類小，不是問題，但食品貭量差，絶對是一間食堂虧蝕的根源。總結4個大字，不再光顧。

朋友話想搵個地方坐耐點，於是就嚟到呢間抵食嘅酒店食buffet，環境都幾舒服，食物種類應有盡有，可以慢食傾計 坐低後，店員隨即遞上每人一碟4隻生蠔，生蠔非常大隻，過足口癮 刺身有4款，都幾新鮮，仲有壽司提供，冷盤有青口、麵包蟹同凍蝦，店員refill 速度都好快，一見無就會補貨 熟食都好多選擇，有廚師手切牛肉，焗生蠔，蟹鉗，蒸魚，疏菜，炒飯，炸物等，個人最鍾意食連殼蟹鉗，外殼微辣，而且本身已敲碎咗d 殼，方便食用 甜品都好多款揀，啫喱、布甸、蛋糕、朱古力噴泉、雪糕等，其中焦糖燉蛋幾滑溜同有蛋香，好味 飲品有啤酒、汽水、橙汁，仲有部自助飲品機提供咖啡奶茶等，都算幾多選擇

三號風球🌬️之下同媽咪到德福閣食中午自助餐🍽️， 位於旺角豉油街118號仕德福酒店閣樓。 店內環境不算大， 但座位舒適， 足以坐低慢慢享受一個豐富的自助餐。 自助區麻雀雖小，五臟俱全， 都算應有盡有😁。 首先一坐低店員為我們送上每人一碟生蠔(4隻🦪) ， 估唔到這個價錢都有生蠔🤩， 仲要幾鮮甜添！ 自助區有沙律🥗、壽司🍣、冷盤🦐🥙、 熱葷🥘、扒🥩、 生滾粥🍲、麵包🥐、湯🥣、甜品🍰🧁、班戟🫔、 新鮮水果🍉🍍🍈、 自助飲品🥤和咖啡機☕。 🔹沙律 ～ 我最喜歡德國薯仔沙律， 薯仔軟腍配洋蔥好開胃。 🔸壽司 ～ 蝦壽司、墨魚壽司和三色壽司， 都不錯。 🔹冷盤 ～ 海鮮冷盤的蝦肉，爽口鮮甜。 🔸熱葷 ～ 咕嚕肉、海南雞和上海菜肉餃子都做得幾出色。 🔹扒 ～ 口感軟腍， 配黑椒汁味道更佳。 🔸生滾粥 ～ 可以自選食料， 田雞都有呀！ 🔹麵包 ～ 芝麻麵包配牛油， 軟綿綿好好味。 🔸湯 ～ 有兩款湯， 中式和西式， 中式老火湯，飲落唔會口渴。 西式羅宋湯，味道酸酸地。 🔹甜品 ～ 甜品有幾款蛋糕、 奶凍、芒果布甸、馬卡龍和日式菓子， 奶凍口感香滑，最好味。 🔸班戟 ～ 班戟我沒有食， 但見到很多客人都在

有時想平平地食個buffet, 坐得舒服就會揀酒店食。$258/位加一。每位有生蠔一份4隻，大隻飽滿。去到食物有唔同種類，冷盤有壽司、凍蝦、青口、冷麵等等。仲有火腿、鴨胸、雞。前菜之類有中華沙律、茄子、芽菜、豬耳，味道ok~鍾意食熱野嘅我即睇睇有咩熱食～ 有豬扒、三文魚、炒飯、咕嚕肉、菜。應有盡有。鍾意食羊可以去拎，有師傅即切～夠香～隔離仲有生滾粥，自選配料。我揀咁咗雞、豬膶、皮蛋。熱辣辣幾好味，清清地～可自己加榨菜～飲品有橙汁、咖啡、茶等等。我揀咗橙汁幾好，蜜桃茶就甜左啲～呢度甜品最豐富，有果子、果撻、布甸、奶凍、蛋糕、馬卡龍、雪糕、水果。平平地食算唔錯～

好耐冇食自助餐，見到呢間午餐200元都吾洗就食到國際海鮮美食，十分推介。食物方面，一坐低，就有專人拎左4隻來自美國🇺🇸肥美的生蠔，Texture比較Creamy，微鹹帶甜，好想encore，可惜自助餐冇得仼食生蠔！不過，有其他海鮮，例如蝦、青口。熟食都有好多選擇，咖喱、餃子、咕嚕肉、照燒魚柳、壽司、自家發辦的大排檔生滾粥等，都係港人喜愛的菜式~另外，我自己最鐘意部整熱香餅機，只要㩒個OK掣，就等待3分鐘，就食得，非常方便！值得一讚係當日部機有少少故障，服務員知我好想食熱香餅😂不厭其煩幫我修理好！服務態度👌🏻👌🏻👌🏻👍🏻甜品方面更有師傅即場製作班戟，你都可以揀選配料例如香蕉、雜果等。除此之外，更有大量的糕點，一定有一款啱大家心水！飲料係無限量供應！好多自助餐都係得一杯飯後飲品咋！

🍽旺角中心嘅一間酒店自助餐，麻雀區小五臟俱全。侍應們嘅速度節奏幾好，一見到即將吉盤，就會主動加添食物。另外見到食客桌上有吉碟，亦會主動上前收拾。🥢小編係晚市時間到訪，基本上坐滿晒人，好熱鬧。食物類型方面乜都有啲，前菜、主食、甜品、飲品，如果全部都食一次，應該會好飽。😉整體而言：地理位置方便，坐得幾舒服。待應們服務質素高，態度良好。會係一個「個晚餐慢慢坐幾個鐘，同朋友家人享受相處時光」嘅好地方！德福閣 (旺角)地址：旺角豉油街118號仕德福酒店閣樓電話：27104272/27104273營業時間：12:00-14:30；18:30-21:30#香港食好西 #旺角 #德福閣 #自肋餐 #野生代言人

好耐冇同媽媽食buffet🍴以前都係去旅行嘅時候先會同媽媽食所以今次特登帶媽媽過嚟食性價比高🤓一坐低店員已經每人俾咗碟生蠔我哋🥳啲🦪都好大粒☺️-蝦同三文魚係我嘅至愛我同媽媽無限♾️ refill🦐🤤加啲是油同 wasabi 點黎食真係好正-唔食生蠔嘅朋友都有熟嘅可以揀呀😋-仲有羊髀食，我最鍾意夾埋超級無敵多薄荷啫喱一齊食😚-難得黎buffet我都會食炸物，咬到入面淡淡魚肉🐟😋-食埋甜品🍮🍦🍈，大滿足☺️