德福閣

营业中

休息中

今日去左旺角睇野, 行行下朋友話好耐無食過buffet想去食下, 小妹o左咀😨, 大佬突然之間邊到搵地方食呀🤣 於是就上網睇下旺角邊到有, 點知又真係search到有, 於是就同朋友去德福閣試下佢個lunch buffet! 上到去環境幾大, 座位都闊落, 坐得幾舒服😊! 以lunch buffet嚟講, weekend連加一都係人均258, 都幾抵食, 仲有生蠔😆, 食物種類都算幾多, 有多款cold cut, 沙律, 幾款刺身, 仲有壽司冷面等等, 熟食方面都有十幾款, 例如牛腩, 龍脷柳, 荷葉飯等, 全部都係熱辣辣! 湯有中湯西湯, 中湯幾有驚喜, 係粉葛湯, 煲得好濃郁, 小妹都飲左兩碗! 甜品方面亦有數十款, 除左雪糕🍨, 藍莓芝士蛋糕🫐🧀🍰, 芒果布丁🥭🍮, macaroons, 仲有朱古力噴泉🍫⛲同pancake🥞機可以自己整!

最近6點後又禁堂食，閒日要返工根本冇得同朋友出去食飯，所以趁星期日約咗個friend去食lunch buffet。我哋揀咗位於旺角仕德福酒店既<德福閣>冷盤方面有刺身，壽司同埋沙律吧。凍肉，煙鴨胸，海南雞熟食方面有牛腩，雞翼，龍脷柳，青口，荷葉飯etc 每人仲有四隻生蠔🦪，每一隻都脹卜卜肥嘟嘟，有幾隻食落比較爽口，重海水味，另一部份食落好creamy，無乜海水味，各有各好😂首先我就梗係食咗個沙律先啦，嗰度仲有部整熱香餅嘅機，我整咗舊Mini pancake比自己😂另外用咗部咖啡機整咗杯Mocha俾自己醒神下😎即製湯麵麵底可以揀米粉或油面，配料有肥牛，鮮蝦，蜆，水魷魚，白蘿蔔，炸魚片，時菜，任君選擇。落完order可以返埋位，轉頭會有人親自送去枱到😁食到咁上下梗係要食返啲甜品啦！呢個最正係有個朱古力噴泉！可以用竹籤拮啲水果，又玩得又食得🤣甜品仲有藍莓cheese cake，芒果布甸，泡芙，椰汁糕etc我最鍾意係呢個師傅即叫即整嘅crepe! 有六款toppings可以揀，我揀咗雜果，桃，提子乾同埋cream。再揀咗朱古力醬淋喺面，熱辣辣好味😋雖然食物種類一定冇出邊嗰啲大酒

餐廳：德福閣 地區：旺角地址：旺角豉油街118號仕德福酒店閣樓日期：12/1/2021時間：12:15人數：2人 等位： 0mins 餐廳中間位置就已經係自助區域，所有熟食，沙律，冷盤，甜品都係同一個位置，行出去拎嘢食非常方便👍一入座每人會額外送四個生蠔🦪，生蠔質素不錯👍肥美大隻，鮮甜得來海水味十足😋真心覺得正👍主菜區🧆🍲XO醬炒牛脷、天多利燒雞中翼、豉椒炒青口、檸檬焗龍脷柳、芝士忌廉焗薯、紐倫堡腸配德國酸菜、海南鮮雞、荷葉飯、蔬菜、素鴨拼錦鹵雲吞等等個人覺得海南鮮雞同素鴨拼錦鹵雲吞幾好食，都拎左幾轉😚雞肉幾滑配上醬汁特別惹味😋而素鴨酥脆鮮香，美味可口，鹹中帶甜，清爽不膩🤗冷盤區🦐有加拿大青口同大蝦、日式雜錦小菜、涼拌小食、壽司、冷麵，壽司食咗幾款都唔錯，其他就個人唔食所以唔知質素如何🙈雜菜沙律新鮮而且選擇種類亦都很多☺️甜品區🍮🧁🍰甜品有法式馬卡龍、香蕉冰卷、咖啡奶凍、雲呢拿泡芙、法式焦糖燉蛋😍、金寶蘋果批、香芒布甸、黑森林蛋糕、芒果慕斯蛋糕、椰汁紅腰豆糕，勁多選擇😆仲有三款雀巢雪糕，有朱古力，雲呢拿同芒果味😋而且仲有個熱香餅機，㩒個‘OK’就可以出新鮮熱辣嘅熱香餅😚非常方便，而且口感

喺正旺角鬧市中心的酒店午市自助餐，每人先嚟四件紐西蘭生蠔，肥美大隻， 蠔味濃，估唔到午市自助餐都有生蠔食～ 開心～冷盤自助餐當然少不了海鮮啦， 新鮮三文魚不停refill， 仲有八爪魚、青口和海蝦，絕對係回本位什錦小食有煙三文魚、火腿等，驚喜位竟然還有海南雞熱盤新鮮即蒸大魚，一出場個個排隊爭住夾有即切燒肉卷和即煮海鮮湯麵 甜品 甜品除了有大路嘅芝士蛋糕、啫喱布甸之外， 還有朱古力噴泉、即整熱香餅、格仔餅和馬卡龍飲品 有自助飲品機

聽聞「德福閣」嘅lunch buffet好抵食！假日$258/位，依家喺OpenRice book枱仲有85折添！梗係帶埋媽咪嚟嘆吓branch啦～.店內中間位置為自助區域，附近便係座位，行出去拎嘢食時都好方便！.【主食】熱盤熟食有蒜蓉炒時菜，豉椒炒青口， XO醬炒牛脷，荷葉飯等等，特別推薦炒牛脷，軟唸又入味～另外仲有海南雞，肉厚嫩滑，真係不錯👍🏻另外一邊有自選配料海鮮湯麵同燒肉卷，值得一試～.【冷盤】冷盤有三文魚刺身，魷魚，仲有各式壽司。另外每人更會額外送四隻生蠔！生蠔質素唔錯，肥美肉滑，清甜得黎鮮香味十足。當然仲有DIY沙律，日式蕎麥麵.【點心/小食】點心款有小籠包，炸饅頭，炸魚柳，食落脆於好香口.【甜品】甜品嘅種類比想像中更多，一口甜品，如金寶蘋果批，馬卡龍，泡芙， 360奶凍， Cheese Cake，斑馬雲石蛋糕，芒果布甸，特別啲嘅有班戟，專人幫我哋即叫即整架～最高方面有雀巢雪糕杯同雪糕糯米糍

今晚去咗德福閣食自助餐。因為而家係OpenRice 訂位有8折，咁抵食無理由唔食呀！準時18:30開動！第一輪已為攞咗好多嘢食啦！涷蝦、涷蟹、鴨掌、燒羊髀、生蠔、巴馬火腿配哈蜜瓜😋涷蟹唔錯鮮甜好食！仲有好多膏Tim。正呀！生蠔每人四隻，餐廳員工會送上你枱，唔洗排隊攞😆焗蠔就可以任攞任食配埋個醬又幾好味😋巴馬火腿配哈蜜瓜😋燒羊脾 外脆內軟又唔會太so 😆唔錯！疏乎厘7:30就有得攞！朱古力味好食！Movenpick 雪糕同甜品吃到飽。芝士蛋糕有驚喜😋

以前自助午餐生蠔無限量供應，而家只係每人4隻。蒸魚不是新鮮的，一放入口是（梅）的，甜品冇樣好味，全部都係平價蛋糕，大菜糕面上的士多啤梨是爛的，還可以拿來制作，無言

味道是唔錯的，環境可以，但食品種類很少，連牛扒都欠奉，無任何驚喜，亦無太大投訴，價格算是便宜，但強烈建議大家花多壹佰多元找其他多食物種類餐廳，會吃得開心很多，但年紀大食唔多，但求方便舒適便可，亦可一試！

最近看youtube有不少本地blogger都推薦這一家平價酒店自助餐，不用$200就有豐富的自助午餐，趁著聖誕後檔期終於比較少人，所以就來一試究竟🥴 .在豉油街直走，經過新寶戲院再走一分鐘就到仕德福酒店，想不到三星級酒店的外觀也不錯🏤亦有安排職員在門口推門，十分細心，可以乘電梯或走一層樓梯上到閣樓的德福閣就是今天午餐的用餐場所。 .一上到閣樓就已經見到長方型的食物檯，嗅著香氣已經快要流口水了🤤跟職員確認訂位後入座，餐檯椅選用了悠閒咖啡室款式，不會顯得廉價沒特色。餐廳仍然保留聖誕節主題裝飾，聖誕老人和吊飾的設計也毫不馬虎，場內很有氣氛🎅 .剛剛安坐後就奉上每人四隻生蠔🦪雖然是每位限量，但這個價位仍有生蠔實屬不錯。生蠔來自美國，加了點點檸檬汁就吊出鮮味，無甚腥氣，海水的金屬味較突出。 🍽食物位置分為一個大的長方形區、飲品及雪糕區和即切肉及生滾粥區域，和其他酒店自助餐一樣有齊凍海鮮、熟食料理、壽司、沙律、蛋糕、生果和麵包，驚喜地還有朱古力噴泉和即製鮮果Pancake。 凍海鮮當中蝦最為出色🦐蝦肉爽彈鮮甜，隻隻也夠大有咬口，不知不覺就吃了快一打才收手轉戰其他食物。 熟食料理方面最愛蒸小籠包🥟

最近放假，多咗時間約朋友食lunch，朋友想食buffet，揾到呢間仕得福酒店既德福閣，午市平日衹係💰188,仲有85折，每位送四隻生蠔，抵食吸引，就訂位去食😄自助餐用餐區唔算太大，但空間足夠，雖然食物款式唔太多，各種類都有：沙律、壽司、冷盤、熱食、中西式炸物、湯、粥甜品、雪糕、生果，仲有即切烤大雞，火腿，自助咖啡機，茶啡，果汁任飲👍坐低一陣，侍應就送上每人四隻生蠔，生蠔好大隻😂，新鮮爽口，有鮮味，加少少檸檬汁食🤤沙律菜新鮮，亦有薯仔沙律選擇，冷盤有加拿大青口，凍中蝦，日式冷麵，日式什錦小食，熱葷豬牛雞類都有，椒鹽三文魚骨腩，什菌扒時蔬，中西湯，拿破崙意粉，皮蛋瘦肉粥，芝麻糊等等，中式小籠包有驚喜，包皮唔太厚，裡面肉丸有肉汁😋，火雞肉肉質較實，我鍾意食金文腿多D😉，甜品都有多款，又可以揀材料叫廚師即製pancake，桂花糕清甜，粟子蛋糕鬆軟，紅豆芝麻球煙韌，紅豆蓉飽滿😋，每樣食少少，都已經好飽，最後要食埋至愛甜品同pancake😂侍應有禮，清碟效率高👍，折扣後每位💰180，呢個價錢，有生蠔食，抵👍👍

德福閣Lunch Buffet只係$258+10%服務費，食物味道都唔錯，算抵食！每位客人都會送4隻生蠔，生蠔幾大隻，都算新鮮。熱食方面有: 豬軟骨、咖喱牛腩、紅酒燴雞、青口、炸魚柳、小籠包、椒鹽三文魚烤火雞、烤金文腿，味道都唔錯☺️☺️有啲喜出望外😀仲有海南雞添！肉質幾唔錯，refill得好快！☺️冷盤方面有刺身、壽司、冷麵、三文魚同沙律等。甜品有桂花糕、椰汁糕、聖誕布甸、香蕉班㦸，我最喜愛既係香蕉糕、牛乳布甸、芝麻糊😋重點有朱古力噴泉！我至愛！🤣用左哈密瓜、棉花糖、雲呢拿泡芙、菠蘿、西瓜去沾朱古力，正！😬😬仲有飲品、雀巢雪糕任食😀

臨近年尾好適合食個自助餐嚟獎勵吓自己，呢間可以平平哋食到自助餐，呢晩都差唔多滿座，但出去攞嘢食唔會感覺好迫!! 有四款魚生同三款凍海鮮，魚生最推介三文魚，夠晒肥美，海鮮就推介凍蝦同凍蟹，見到店員有refill，每次出嘅蟹好似係唔同種類，好彩攞到一個超大蟹蓋好多膏!! 每人會送四隻生蠔，有店員親自攞俾你，都幾大隻有海水味!! 熟食有蒸魚、辣響螺、糯米飯、西蘭花、牛油炒雜菇、燒牛肉、燒蠔等等，特別推介炸牛腩，炸粉唔厚，幾好味肉質好軟腍!! 冷盤就鍾意巴馬火腿伴蜜瓜，蜜瓜非常甜，另外涼拌茄子同埋薯仔沙律都好食!! 甜品款式都幾多，推介芝士蛋糕、楊枝甘露、即製嘅pancake，三款Movenpick雪糕任食，仲有即場整疏乎厘蛋糕，但製成品有限今次冇機會食到，大家記得望住佢幾時出然後去排隊!!

今次試左出名抵食嘅buffet- 仕德福酒店嘅德福閣。星期一至五lunch buffet只係$188，而星期六日同公眾假期就係$258，非常抵食😗-餐廳環境好乾淨，食物擺位都好整齊，有分冷盤區、熱葷區、甜品區、飲品區等等。食物選擇以呢個價錢黎講都算幾好👍🏻 -坐低後每人會送4隻生蠔🦪 隻隻都幾大粒，都幾鮮甜👍🏻 係海水味比較重個種。刺身有三款，全部都係有個大兜可以任夾😆海鮮有凍蝦🦐青口等。-熟食方面，有師傅會幫手切西冷，同時師傅都會整即叫即煮嘅生滾粥🥣 有張落單紙可以自己tick想要咩餸，有田雞、皮蛋、魚腩、滑雞、豬潤、鹹瘦肉，選擇都幾多🤪～椒鹽三文魚骨腩、什菌扒時蔬、咖喱牛腩、海南雞、小籠包、青口等等。-甜品方面選擇都算多，有黑森林蛋糕、香芒雪花慕斯餅、班戟、朱古力噴泉、朱古力慕斯、雜果啫喱、雲石蛋糕、奶凍、焦糖燉蛋、芒果布甸等。🍰🎂🍮🧁-

前排網上見倒呢間酒店自助餐做7折優惠 平日晚市加埋一 計返都只係大概三百蚊自助晚餐黎講 算係幾抵食 我即刻book黎試下以下個小總結 寫低邊樣野值得食多D黎之前已經知每位會送4隻生蠔我個人係幾鍾意佢呢個做法而佢地嘅生蠔都有返咁上下質素4隻都幾大隻又飽滿 蠔肉鮮味爽口涷海鮮選擇唔多 有蟹 蝦 青口 三文魚刺身蟹嘅質素比較飄忽 真係睇你好唔好彩第一round食嘅有膏又鮮甜 再食就冇咁正沙律bar 冷盤同凍肉選擇都唔少湯品中式冬瓜湯同西式羅宋湯都好飲熱葷方面 我最鍾意牛同埋芝士生蠔呢度嘅甜品真係相對出色 記得留肚有movenpick雪糕任食 我食咗兩杯仲有即叫即製香蕉pancake同梳乎厘仲有芝士蛋糕都好鬼好味 又食咗兩件馬卡龍個texture做得好好 可惜比較甜

見到評價都唔錯， 而且價錢唔算太貴所以去試下， openrice訂位有九折， 都係埋單嗰下先知😂😂自助餐六點半開始， 不過你可以提早入座， 可以坐下影下相先👍🏼六點半之後就正式可以出去拎嘢食食物嘅款式唔算太多， 比我想像中少， 得一張長枱，食物放滿兩邊咁..係我之前食過食物款式最少嘅自助晚餐之一🤭🤭然後就講下食物質素， 食物嘅味道唔算太差， 不過不失啦！ 刺身類別或者生蠔就係普通質素， 唔會特別鮮味，唔好抱太大期望， 唯一好處就係刺身可以任夾， 而且都補充得幾快👍🏼甜品嘅質素就麻麻地， 可能只係值一星至兩星級酒店嘅甜品質素， 唔好抱太大期望啦🤭 其他熟食都還可以啦， 有啲就幾好食， 啲肉就會比較鞋口..在講下服務質素， 侍應比較有趣著polo恤， 而唔係平時嗰啲酒店一樣著恤衫西褲， 而且係多數上咗年紀嘅阿叔， 佢哋都收碟收得好快， 而且幾有禮貌，呢度都係一個加分位😂可能星期日嘅關係， 每位都要398， 如果呢個價錢嚟講， 可能我會寧願補多少少錢試下其他自助餐🤣