影片
营业时间
今日营业
11:30 - 17:00
17:30 - 22:30
星期一至日
11:30 - 17:00
17:30 - 22:30
以上资料只供参考，请与餐厅确认详情
有关奖赏计划
相关文章
今日我地一家4个女人黎食lunch, 叫左个4人餐都食唔哂11:30黎唔洗等位，到一点钟我地走就开始排队😱好食既有：锅贴🥟 一咬爆哂汁，唧到件衫都系😆 但好juicy!! 又够热辣辣小龙包 皮够滑 肉汁丰富系东坡肉有啲失望！唔淋，唔够入味
继续阅读
赚咗一日黑雨假，午饭食好啲。$298二人餐，有头盘小菜、三𩠌一饭、仲有甜品！食到饱，要打包做晚饭。头盘：糖心蛋几好味，豆干、糖醋排骨，都几开胃。瑶柱赛螃蟹：嫩滑好味，点醋更加鲜甜！葱爆牛肉：惹味可口，送饭最啱！排骨炒饭：炒饭底不错，排骨味道亦好，但排骨的炸粉略厚，吃起来有点油腻。我全部都咬走先食。可以改善。小笼包：有六只。唔记得影相。味道不错。但夹起时容易穿，漏晒啲汤汁。人参乌龙茶：入口甘甜，有淡淡的人参味。令整餐饭提升质素！吃完饭想饮多两杯。甜品： OK ！服务整体算唔错，冇啲人讲得咁差。基本上都好有礼貌。应该会再嚟！
继续阅读
今日同朋友嚟午餐食御·家上海，我哋叫咗个二人餐，前菜系四季烤麸、烟熏糖心蛋同埋糖醋排骨，烟熏糖心蛋烟熏味有啲重有啲似烟灰缸，四季烤麸味道唔错，糖醋排骨个汁都酸酸甜甜几开胃，略嫌啲肉有啲柴。小菜方面我哋叫咗回锅肉同埋荔枝菠萝鱼柳，回锅肉炒得唔错，肉嘅份量都好好，调味略嫌有点咸，𩠌饭应该唔错，最有惊喜系荔枝菠萝鱼柳，酸酸甜甜几开胃，个皮都炸得几脆。另外主食方面我哋叫咗招牌虾蟹炒饭同埋小笼包。个炒饭略嫌有点普通，小笼包个皮有啲厚，唔系好够热甜品方面系高力豆沙香蕉，本人唔太食香蕉，但系觉得香蕉同红豆唔系好夹，但高力豆沙个皮系几软熟，有啲试食嘅疏乎厘。整体嚟讲性价比唔错，值得同朋友再嚟。
继续阅读
为庆祝姪女大陆高考超常发挥光宗耀祖，我作为家族里喺香港读书定居发展第一人嘅——“有料”长仙女是也，自不甚荣幸，吾家有女初长成，自要一显大气阔绰宴请我哋劳苦功高嘅一大家子喇。俾阿女买咗最新苹果16plus（阿女依家17岁，仲想同佢买部17air，可惜要等3个月先有出，可惜可惜），带埋大家香港周围玩玩食食，不亦乐乎。晚餐时段去到呢间好名声嘅——家上海，大围围方商场。的确要赞嘅系：食物水准新鲜可口，卖相精致，我哋一班人都觉得好好味，大快朵颐想再度光临。同埋，环境都好清雅舒服，装修清幽之余又有生气，得深得吾心，可能系我心情好好嘅原因，食物每啖入口，感觉自己又年轻不少，回忆系港大读书时候嘅点点滴滴。好食，价钱亦好抵，系值得褒奖。当然，我系有唔开心嘅point，服务态度真系唔好，真系要好好改善吓。本身我哋开开心心都唔想计较，但我自己愈谂愈嬲，都系要直叙胸臆讲喇。今日六月尾，我哋坐前台，四人餐。我睇得出睇场著西装嘅职别几高吓嘅“女经理”。戴高高在上嘅眼镜，藐视一切，目空一切，想叫佢点餐推荐添添水，佢怨气撞铃好似我得罪佢全家，欠债不还如仇敌。名牌叫水晶，人却唔玲珑唔好相处，正常对话系有刺嘅，我都好彩自己脾气好，庆幸姪女一家听唔明粤语喇，唉，总括来讲，我都唔明现在世风日下至此，大公司嘅经理、紧样嘅门面同服务，请好好留意一万下，今时今日，好食抵食确实可以留住食客，但系，服务素质会令鲜美食材大大扣分，我回家后，冇爽口美味嘅念想，只得心田一抺苦，此时此刻，我已经写好食评，请注重人员培训，请在意顾客评价，唔该晒。
继续阅读
因为openrice 只有6点可以book, 咁就book 左呢个时间，而且知道限时食1个半钟。上菜上得好快，但同时执枱都执得好快，全程好似去左茶餐厅咁，d 侍应不断埋去你张枱收起你食完既碟, 想催你走咁。你可以话佢系服务好，但我地真系受不了。好多时系夹紧野食，佢就过黎收碟，系跨过你夹紧𩠌既手去收，等我夹完先收唔得？全程好密既黎左好多次，有几次正头未食完都想收你碗野。。。。其实个阵未够7点，即系我食左一个钟都冇，有必要咁急住收碟？感觉系好想你快d 食完就走。去到7点问你嗌唔嗌甜品食，其实想嗌，但我心谂嗌完你又会过黎催我快d 走，所以最后都冇嗌。野食其实系有质素，好食既，但全程食得好唔舒服，系咁被骚扰。 我明白餐厅系想做多一两转生意，但我未食够一个钟就咁样，过份左。所以都唔打算黎第2次。
继续阅读