御 ‧ 家上海

圍方呢一間上海菜，成日都好多人排隊，今日放工就嚟同朋友食吓，一入去就有前菜同茶，用we code落單。

叫咗佢哋幾有特色嘅鐵板小籠包，上到枱嘅時候啲油仲彈吓彈吓，咬落去好多湯汁，肉質都好好味，唔會太鬆散，而且個底係脆卜卜嘅，有少少鍋貼嘅感覺，我都幾鍾意。

另外叫咗醉雞同埋上海粗炒。
醉雞嘅份量都唔少，每一嚿都有好香濃嘅花雕酒味，而且碎骨唔多，咬落去啖啖肉，幾好。
上海粗炒，味道都幾濃，麵條咬落去煙煙韌韌，肉同菜嘅比例啱啱好。
呢度環境都幾舒適，枱同枱之間嘅距離唔會太迫，同朋友傾偈都幾舒服，下次可以再嚟食。