御 ‧ 家上海

营业中

休息中

賺咗一日黑雨假，午飯食好啲。$298二人餐，有頭盤小菜、三餸一飯、仲有甜品！食到飽，要打包做晚飯。頭盤：糖心蛋幾好味，豆乾、糖醋排骨，都幾開胃。瑤柱賽螃蟹：嫩滑好味，點醋更加鮮甜！蔥爆牛肉：惹味可口，送飯最啱！排骨炒飯：炒飯底不錯，排骨味道亦好，但排骨的炸粉略厚，吃起來有點油膩。我全部都咬走先食。可以改善。小籠包：有六隻。唔記得影相。味道不錯。但夾起時容易穿，漏晒啲湯汁。人蔘烏龍茶：入口甘甜，有淡淡的人蔘味。令整餐飯提升質素！吃完飯想飲多兩杯。甜品： OK ！服務整體算唔錯，冇啲人講得咁差。基本上都好有禮貌。應該會再嚟！

今日同朋友嚟午餐食御·家上海，我哋叫咗個二人餐，前菜係四季烤麩、煙燻糖心蛋同埋糖醋排骨，煙燻糖心蛋煙熏味有啲重有啲似煙灰缸，四季烤麩味道唔錯，糖醋排骨個汁都酸酸甜甜幾開胃，略嫌啲肉有啲柴。小菜方面我哋叫咗回鍋肉同埋荔枝菠蘿魚柳，回鍋肉炒得唔錯，肉嘅份量都好好，調味略嫌有點鹹，餸飯應該唔錯，最有驚喜係荔枝菠蘿魚柳，酸酸甜甜幾開胃，個皮都炸得幾脆。另外主食方面我哋叫咗招牌蝦蟹炒飯同埋小籠包。個炒飯略嫌有點普通，小籠包個皮有啲厚，唔係好夠熱甜品方面係高力豆沙香蕉，本人唔太食香蕉，但係覺得香蕉同紅豆唔係好夾，但高力豆沙個皮係幾軟熟，有啲試食嘅疏乎厘。整體嚟講性價比唔錯，值得同朋友再嚟。

為慶祝姪女大陸高考超常發揮光宗耀祖，我作為家族裡喺香港讀書定居發展第一人嘅——“有料”長仙女是也，自不甚榮幸，吾家有女初長成，自要一顯大氣闊綽宴請我哋勞苦功高嘅一大家子喇。俾阿女買咗最新蘋果16plus（阿女依家17岁，仲想同佢买部17air，可惜要等3個月先有出，可惜可惜），帶埋大家香港周圍玩玩食食，不亦樂乎。晚餐時段去到呢間好名聲嘅——家上海，大圍圍方商場。的確要讚嘅係：食物水準新鮮可口，賣相精緻，我哋一班人都覺得好好味，大快朵頤想再度光臨。同埋，環境都好清雅舒服，裝修清幽之餘又有生氣，得深得吾心，可能係我心情好好嘅原因，食物每啖入口，感覺自己又年輕不少，回憶係港大讀書時候嘅點點滴滴。好食，價錢亦好抵，係值得褒獎。當然，我係有唔開心嘅point，服務態度真係唔好，真係要好好改善吓。本身我哋開開心心都唔想計較，但我自己愈諗愈嬲，都係要直敘胸臆講喇。今日六月尾，我哋坐前檯，四人餐。我睇得出睇場著西裝嘅職別幾高吓嘅“女經理”。戴高高在上嘅眼鏡，藐視一切，目空一切，想叫佢點餐推薦添添水，佢怨氣撞鈴好似我得罪佢全家，欠債不還如仇敵。名牌叫水晶，人卻唔玲瓏唔好相處，正常對話係有刺嘅，我都好彩自

因為openrice 只有6點可以book, 咁就book 左呢個時間，而且知道限時食1個半鐘。上菜上得好快，但同時執枱都執得好快，全程好似去左茶餐廳咁，d 侍應不斷埋去你張枱收起你食完既碟, 想催你走咁。你可以話佢係服務好，但我地真係受不了。好多時係夾緊野食，佢就過黎收碟，係跨過你夾緊餸既手去收，等我夾完先收唔得？全程好密既黎左好多次，有幾次正頭未食完都想收你碗野。。。。其實個陣未夠7點，即係我食左一個鐘都冇，有必要咁急住收碟？感覺係好想你快d 食完就走。去到7點問你嗌唔嗌甜品食，其實想嗌，但我心諗嗌完你又會過黎催我快d 走，所以最後都冇嗌。野食其實係有質素，好食既，但全程食得好唔舒服，係咁被騷擾。 我明白餐廳係想做多一兩轉生意，但我未食夠一個鐘就咁樣，過份左。所以都唔打算黎第2次。

圍方入面嘅上海菜餐廳，算係高價位，平時都幾多人食茶：佢嘅人蔘烏龍係不二之選，飲落甘甜微苦☕️雪菜黃魚煨麵：碗野上到枱好熱，黃魚碎好細粒而且數量比較少，麵條夠淋，比嫩雞煨麵好食好多🍝金牌大排湯麵：呢個比較失望，炸排幾韌同乾身，唔夠多汁金牌小籠包：正常發揮，皮薄餡料多汁，不過佢嘅鐵板小籠包會更香同惹味♨️桂花拉糕：雖然要等20分鐘左右，但正因為係即叫即蒸，食落超級煙韌，食落有淡淡桂花香，大推🌸整體不差，但性價比唔高，有更便宜嘅選擇

呢間bookmark 咗好耐想試，終於就嚟到時間在OpenRice book 位，如果唔係假期唔知要等幾耐，呢間主打傳統 ×新派淮揚菜，菜品又多選擇同多元化，怪不得係人氣排隊店。✨淮揚五福拼盤 $258 ✨五福拼盤有醉雞、鎮江冰官肴蹄、涼拌陳醋紅蜇頭、蘇式燻魚、四喜烤麩，呢個拼盤有五重享受，最鍾意蘇式燻魚，炸得香口，味道甜甜地，同埋涼拌陳醋紅蜇頭，紅蜇頭勁爽口，好食。✨煙燻脆皮雞 $198 （半隻）✨ 推薦⭐️超有驚喜，雞肉鮮嫩多汁，雞皮超脆超香，仲有淡淡煙燻茶香氣四溢，好好味，推薦大家必叫之前選。 ✨金牌小籠包$62（六件）✨皮薄多汁，肉汁滿滿，又多餡料，正。✨雪菜黃魚春卷 $88 ✨ 推薦⭐️用咗黃魚同雪菜做饀料，幾特別，炸到香噴噴卜卜脆。✨流沙奶黃千層酥 $56 ✨ 推薦⭐️外層好似蘿蔔絲酥卷咁，入邊係流沙奶黃，外酥內軟，仲加埋奶黃超好吃😋。喜歡我的分享？記得like 🩷 + Follow📌我！

一年一度母親節到啦，媽咪話想食上海菜，每次經過圍方呢間都好多人等位，應該味道唔錯掛😝果然性價比高😋推薦😬今次試咗「淮揚四人套餐」（$1,288)，份量其實夠哂6個人食👍🏻因為唔想食壽包，經理都俾我哋換做小籠包🥰#冰菜沙律伴伊比利亞火腿及粉皮呢個沙律幾特別，唔係一般滬菜餐廳有嘅菜式😊芝麻醬撈埋新鮮冰菜沙律菜粉皮好fresh，好開胃😋1. 海派花膠醃篤鮮好足料，每碗都有兩舊花膠🤩啲湯好重金華火腿味，完全無味精👍🏻2. 瑤柱賽螃蟹味道偏淡，蛋白炒到好滑嘅😹唔太食到瑤柱😅3. 黃金蝦球呢個超正好邪惡😈🤤每隻蝦包滿咸蛋黃，蝦肉大隻彈牙😋4. 松鼠桂魚手工菜，啖啖魚肉，除咗魚肉仲有小柱同松子🤩雖然已經食到好飽，但個酸甜汁可以解吓油膩😎5. 濃湯百頁浸菜苗無乜特別，但點都要食返啲菜嘅，清清地😅6. 上海煙燻脆皮雞（半隻）隻雞超正，一定要食埋啲脆皮😚雞肉連雞胸都好滑🤩7. 上海粗炒意想不到好味呀，唔太油膩，味道偏甜😋8. 金湯小籠包外皮好薄，裡面爆哂汁🤤為咗呢個小籠包都想嚟多次🤓9. 夠薑湯丸薑湯好辣，辣到有啲苦😅芝麻湯丸好流心😬

除了食物質素，我都注重服務。這間店第一次食晚飯，人數十人，有大有小，限時90分鐘。服務員態度好，沒趕客情況，只有溫馨提示，有沒有漏單才埋單。食物就是一般上海菜。第二次就試中午，與朋友一行五人，預先訂枱，限時一樣90分鐘，由於是平日，我們都沒有趕客情況，態度亦很好，5人叫了個4人套餐，份量夠，只是上海粗炒略嫌甜了，其他都算不錯👍🏻如果沒訂枱，那就比較麻煩，所以，就算圍方很多選擇，我還是選可以訂枱的。

本身去之前都有期待，因為見到有啲食評都唔錯，不過假期午飯時間去到間餐廳都唔係好多人，已經覺得有少少伏，因為商場其他好多餐廳都要排隊，門口個侍應仲話要限時90分鐘，我心諗使唔使呀脆煎灌湯小籠包同經典家上海蝦蟹炒飯都非常油膩尤其是個炒飯好似油浸咁，非常失望，不適合注重健康既人士。桂花拉糕就係一大舊糯米加糖漿，再灑啲桂花，完全不適合做飯後甜品，食完好滯價錢都唔平，性價比低，不推薦，類似嘅餐廳香港有更加好嘅選擇。

可惜他們沒有壽司郎那麼受歡迎，服務也沒有壽司郎那麼有禮貌就是了。也許應該稱讚他們餐廳的執行力，90分鐘用餐時間非常嚴格，即使你未吃完也要走。餐廳經理在我們口中還有食物的時候過來急切地問要不要幫你們打包，同時想要立即替我們上蛋糕（原本是要慶祝生日的，所以寄放了蛋糕，切餅費$50。），另一位阿姐的用詞真的是他們需要「夠鐘就趕客走」，而門口只有一兩組客人等，同時也有幾台客人買單。OK，規矩就是規矩，那我們就表示蛋糕不切要帶走，立即就可以結帳，當時是90分鐘用餐時間完結後的3分鐘。然而他們拿蛋糕過來和結帳也沒有想像中那麼快，前後起碼等了10分鐘，所以你們是趕還是不趕？需要返枱可以理解、提醒用餐時間也沒有問題，但一般餐廳的慣例是早15分鐘提醒及提早提供賬單，而不是突然用行動告訴你：夠鐘喇，你而家好走，未食晒你咪打包，有生日蛋糕都同我即刻啪咗佢。食物質素我覺得是中上，性比價還好，如果有信心吃得夠快或而不介意受氣可以去。

唔知點解呢間普通嘅餐廳有冇時候都要排隊，總之之前就有一日紅日午餐就選擇咗呢一間餐廳。服務態度麻麻哋，坐得都幾逼夾，衛生狀況就良好。我同另一個朋友就叫咗一個五福拼盤去share ，另外每人就嗌咗一碗麵，我個朋友嗌咗一碗擔擔麵，而我就嗌咗碗酸辣湯麵。嗰五幅拼盤有海蜇、醉雞、烤麩等等，味道算唔錯，份量亦都好足，甚至好似有啲太多 ，至於嗰兩碗麵就平平無奇，中規中矩。整體嚟講係一間都幾普通嘅上海餐廳，我睇唔到佢有咩地方優勝過佢啲競爭對手(例如翡翠拉麵小籠包或者樂天皇朝)。

係沙田食飯都食到唔知食咩好🙂有時都想試下啲新野😚之前呢間餐廳都食過晚餐🤗都好唔錯既，上菜又快員工又有禮貌😂今次就做孝順女，陪屋企人黎到食午餐。😋順嫂魚羮少少帶酸，好足料，有魚肉有蛋白有木耳等🤗😋乾煸四季豆好夠鑊氣，肉碎再加埋醬汁好惹味🤗😋十景炒飯夠鑊氣之餘仲粒粒分明好乾身🤗大大碟仲好足料添🙂有蛋有肉有菜粒有帶子仔😚好抵食👍🏻😋小籠包皮薄餡靚😚又多湯汁🤗最佳夾小籠包嘅方法就係用筷子夾住個頂😝擺落個匙羹度篤穿個窿放啲湯出嚟☺️再加薑絲同喼汁一啖連湯一齊食就最正啦😍😋荔枝蝦球呢個係圍方限定既，咁冇得唔試啦😂一上枱就知係即叫即整🙂熱辣辣🤗一咬落去個皮脆卜卜，入面既蝦肉好彈牙🤗舔舔脷指數👉🏻7😋/10😋滿分 可以一試😋

-脆膳去親必點食物 脆扑扑1啖1啖勁快食晒😋-黃金蝦翻點菜式 🦐蝦勁大隻 黃金味濃好滑口-荔枝蝦球打卡1流 老人家好鍾意😻 蝦好爽口-炒年糕每片年糕都好入味 正👍🏽-蟹黃大湯包 （掛住食唔記得影相😹）超大個 用飲管啜哂D 蟹黃再食皮薄餡靚🤣好過癮-炒䈑筍絲勁大碟🤩清清地好味道-蟹黃大湯包 （掛住食唔記得影相😹）超大個 用飲管啜哂D 蟹黃再食皮薄餡靚🤣好過癮整體來講：成個圍方食肆係佢長期有人等位都唔會差得去邊🤣食物對得住個價錢成完又食再食值得🥰最愛係個脆膳 😋飲酒嘅朋友話配啤酒1流👍🏽有機會要嘗試埋其他菜式

無喺呢度寫食評幾年，幫襯兩次後，絕對認為值得讚嘅一間餐廳！👍🏻第一次係大約三星期前，4人食左$1200！食物質素好，有招呼過我呢枱嘅職員都好好 👍🏻因為有3張$100coupon,所以今日再幫襯😎今日4大1個1歲大BB,職員安排位置很好，同樣有招呼嘅職員都好，職員仲主動提供小朋友餐具👍🏻同樣食物質素好！上菜勁快😂！（我地上菜到中段有要求停一停，職員都有幫忙，亦提醒我地下次可以事前要求慢啲）！但中肯講句……佢係快，但每道菜都好食新鮮👍🏻同埋快慢嘅準則對每個客人都唔一樣，所以呢個唔係問題！

門口安排坐位，個位瘦高戴口罩女職員態度差，講野無禮貌安排坐位失當，4人檯坐5個成人，食品價格比一般貴都唔緊要，怎能安排坐得迫及唔舒服。食物食到第4個餸已過味精非常重，吃兩碗餸就要飲茶解味精，食到第九個餸，已叫職員水壼加水5次！而其中有個男職員送菜埋檯，只放檯邊，不會收去檯中無餸碟，要叫才執走。埋單離開半個鐘已非常口喝，要即時買飲品解喝，回到屋企成晚飲水！一間收費略貴食店有裝修，但門口安排坐位失當及無禮貌，已經感覺唔好，再講食品味精非常重食完好囗喝，整體表現差！