帝樂德國餐廳 (Fashion Walk)

营业中

休息中

同朋友都係平日放假，約左去銅鑼灣搵嘢食，假日都好多人，平日嘅銅鑼灣可以好chill咁慢慢嘆，朋友想食特別d，於是搵左呢間德國餐廳。我哋叫左脆皮燒豬肘配酸椰菜及炸薯角，Brunch係揀一個主菜，沙律吧、熱盤、凍肉盤、德式烤薄餅、凍海鮮、甜品同湯係任食。真係好抵食，淨係食d配菜已經好飽同回本。我最鍾意食d甜品，推介開心果芝士蛋糕，好食到唔停口。燒豬手係德國既特色菜，梗係要試佢啦，隻豬手好大隻，燒到好脆，上菜嘅時候仲有人幫手切埋。酸菜配豬手，一d都唔會漏。

好正的二人套餐😍😍😋😋做會員食呢個套餐超值，性價比高。質素比想像中好，份量足料，仲有兩小時無限添飲，跟朋友一起Chill下真好。環境氣氛佳，坐的位置寬敞，非常適合聚會。迷你黑森林火腿德式薄餅🍕熱融芝士搭配鹹香巴馬火腿，還有特製醬汁，香脆餅底，驚喜十足。煙三文魚金橘西柚橙藜麥沙律，鮮嫩開胃，份量足，作為頭盤非常合適。帆立貝鮮蝦芝士通心粉，醬汁濃郁，美味無比。喜歡羊肉的話，紅酒澳洲羊肉入味鬆軟，最驚喜的是菠菜配薯蓉，薯蓉滑溜，讓人想再來一份。吃完朱古力蛋糕，真是大滿足！

同朋友經過維園附近，俾呢間餐廳嘅門面吸引到，再望吓原來係一間德國菜餐廳，好耐冇食過得個豬手所以決定入去試吓！我哋叫咗個二人餐，內容好豐富！前菜有個煙三文魚沙律，不但只煙三文魚數量豐富，仲有柑桔，西柚同橙做點綴，酸酸甜甜又清爽10分開胃前菜仲有個迷你黑森林火腿德式薄餅，雖說菜式名寫住迷你，但係size十足，toppings亦都毫不吝嗇　嚟到主菜，當然係招牌烤脆皮豬手，豬手外皮香脆，肉質卻一啲都唔韌，做到外脆內嫩。仲要配合酸椰菜同薯角，令味道再昇華。食完主菜仲有碟帆立貝.鮮蝦.車打芝士蝸牛通心粉。海鮮數量好足，每一啖都係滿滿嘅芝士！食完主菜仲有甜品特濃朱古力蛋糕，為呢一餐咁好嘅晚餐作結以下是圖中菜式及參考價錢💵・　Set Dinner ($840非會員; $520會員)　▸　迷你黑森林火腿德式薄餅　▸　挪威煙三文魚.柑桔.西柚.橙.藜麥沙律　▸　招牌烤脆皮豬手（半隻）　▸　帆立貝.鮮蝦.車打芝士蝸牛通心粉　▸　特濃朱古力蛋糕配燴雜莓　▸　盧雲堡啤酒.白酒.紅酒 (2hr 無限添飲)

朋友帶我黎呢間餐廳食半自助餐，呢度環境好靚，好似去左德國甘入面仲有好多擺設，亦都會播放住一d好柔和既音樂我地叫左一份脆炸德國豬手，豬手大大份脆卜卜，我地叫左一隻豬手未切既，大大隻好好味，而且外皮好香脆，配左好多酸菜同芥末醬汁另外佢地既半自助餐都係包埋既，就算唔食主食都可以就甘食沙律吧，沙律吧都有好多食物，蛋糕係餐廳自家制既，芝士蛋糕好creamy，仲有生果等，熱食都有好多選擇，食飯一家大細都岩食。

朋友升職請食飯, 黎到呢間德國餐廳享受一下德國情懷和美食, 我都好想去德國旅行呀! 呢度裝潢好有德國風味，獨有露天庭院可以打卡, 又有歌聽, 好有德國氛圍~叫左款春日二人套餐,  又做緊優惠, 好抵食!*頭盤: 迷你黑森林火腿德式薄餅 ~ 呢個Pizza真係好食, 邊邊位好香脆, 芝士味香濃, 配埋火腿, 好夾, 但份量都幾多, 一啲都唔似係頭盤, haha挪威煙三文魚，柑桔，西柚，橙，藜麥沙律 ~ 沙律菜新鮮, 加埋鮮橙, 西柚和三文魚, 相當開胃*主菜:紅酒燴澳洲羊膝配波莱，薯蓉，珍珠洋蔥 ~ 羊膝炆都好軟腍, 很香紅酒味道, 薯蓉綿滑帆立貝•鮮蝦，車打芝士蝸牛通心粉 ~ 蝸牛通心粉好得意, 芝士味香噴噴，蝦隻小小咸咸地又彈牙, 配埋芝士一齊焗, 好creamy又有咬口*甜品: 特濃朱古力蛋糕配雜莓，朱古力味好濃郁套餐包了Free Flow 2 Hours 二小時無限添飲: 有盧雲堡啤酒．白酒，紅酒, 我就揀左黑啤酒, 都好大杯, 小小甜味, 好飲, 朋友揀左Four Season Mocktail, 4種生果製作而家, 好清新佢啲份量都好大碟下, 加埋仲有二小時無限添飲, 真係都

晚上到銅鑼灣享受德國菜晚餐春日二人套餐 迷你黑森林德式薄餅來自德國黑森林火腿配脆脆薄餅，火腿濃香美味😋 挪威三文魚配水果沙律🥗好鮮味挪威三文魚，有柑桔、西柚、香橙及藜麥沙律，配搭好清新 招牌烤脆豬手🍖外酥內嫩，豬手皮特別香脆，搭配特製醬汁及德國酸菜薯條好惹味 帆立貝鮮蝦車打芝士蝸牛通心粉奶香濃郁的芝士搭配海鮮，有蝦及蜆肉，非常鮮味 特濃朱古力蛋糕配濃雜莓最後來一件朱古力蛋糕，搭配新鮮的雜莓，好滿足 二小時無限添飲套餐包兩小時無限添飲，可以選擇紅白酒及啤酒，配搭美食，令整頓晚餐好享受🍺盧森堡啤酒🍸Riesling 白酒

上次在銅鑼灣見客，客人介紹附近有間特色德國🇩🇪餐廳，有户外室內空間，環境極寫意特別喜歡招牌菜脆皮燒豬肘🍖配上酸椰菜同炸薯角，脆皮金黃酥脆，肉質鮮嫩多汁🍖有酸椰菜清新開胃🥬炸薯角外脆內軟🥔 口感層次豐富另更有春日特飲，客人選了cocktail 密瓜口味， 我便選了無酒精的Hibiscus ， 酸甜剛好， 上面有青檸，紫貝天葵打卡都好靚💕📍King Ludwig 帝樂德國餐廳 地址：銅鑼灣 Fashion Walk 京士頓街 8 號地下 A 至 C 舖

King Ludwig Beerhall絕對係一間我好鍾意嘅德國餐廳十幾年前已經幫襯佢哋，之前基本上咁多間分店都去過😌 （除咗赤柱😂）最鍾意飲佢哋Maisel's Weisse啤酒，麥味香唔苦，襯豬手+腸一流🥹🥹！那些年同同事去，會叫成個大桶飲😂真心好飲🥹今次個酒鬼朋友話佢哋出咗個set好抵，會員價$520，包好多嘢食之餘，仲包Free flow 啤酒/ 紅酒/白酒 兩個鐘！！！啱晒我哋😌Free flow有得揀盧雲堡啤酒、白酒、紅酒！！我哋食嘢嘅時候飲啤酒，食完再飲紅酒一路食一路傾一路飲，爽丫丫頭盤有挪威煙三文魚 柑桔 西柚 橙 藜麥沙律好多生果，酸酸哋好開胃！迷你黑森林火腿德式薄餅我同朋友食第一下係有叮一聲，一擺低已經聞到芝士好香～中間仲要有落芝士醬，而且皮係厚身嗰隻（我鍾意食厚底😂）好食！！主菜有得揀紅酒燴澳洲羊膝配波菜 薯蓉 珍珠洋蔥或者#招牌烤脆皮豬手 （半隻）嚟到一定要食豬手！平時單點係全隻嘅份量，呢個餐係半隻～啱晒兩個人，可以食其他野💕豬手皮脆肉厚，一上枱襯個皮脆，要快啲食🫶🏻另外主菜仲有帆立貝 鮮蝦 車打芝士蝸牛通心粉芝士人表示好滿足❤️最後仲有甜品，特濃朱古力蛋糕配燴雜

環境位於銅鑼灣旺區傳統德國菜館，餐廳裝潢保留傳統德國風味，以德國巴伐利亞的裝飾為主，保留美利樓特色。烤法式油鴨髀配鵝肝及炸薯條 $270鴨髀外皮酥脆焦香，鴨肉鹹香入味，肉質軟嫩多汁。鵝肝入口綿密，帶有濃郁的鵝肝香氣，與鴨肉的鹹香完美融合！正！美國安格斯肉眼牛扒(8安士)配炸薯角 $268肉眼牛扒內裡鮮嫩多汁，油脂豐富，帶有濃郁的牛肉香氣。每一口都充滿了肉汁。Brunch Time 12:00-3:00，有自助吧任食，設有多款沙律、凍肉盤、熱盤、德式烤薄餅、凍海鮮、甜品、湯、麵包、水果，多達20款食物任食。推薦必食甜品高質！馬鈴薯湯都值得一飲！

今次朋友帶去左銅鑼灣 King Parrot Group 旗下嘅《帝樂德國餐廳》食Brunch。呢個Brunch 可以加少少$有埋主菜，我就加左以下呢個主菜✨️烤法式油鴨髀配鵝肝及炸薯條油鴨鹹香四溢，而油脂又均勻。鵝肝煎到啱啱好，外脆内軟。炸薯條大大條，香脆可口。我女仔朋友比較細食，冇加主菜，但一樣夠哂飽，因沙律吧和甜品吧有好多野食，包括有：✨️海鮮類主要有蝦和青口，算中蝦，蝦肉Q彈。青口大隻夠鮮甜，乾淨冇沙。✨️風乾肉主要有風乾牛肉，味道醇香。✨️Pizza薄簿Pizza滿怖芝士，非常滋味。甜點就有：雜果啫喱、雜果批、生果盆、蛋糕等。我就鐘意雜果批，雜果新鮮，底餅鬆化。

我曾經是多年King Parrot Group的會員，King Ludwig是我這個飲食集團的首選，美味的啤酒和食物，是和朋友聚會的好地方，這餐廳留給我很多美好的回憶。昨天再次去和家人慶祝生日，啤酒和食物的味道仍然未有褪色，唯獨是服務態度好差，像是餐廳領導的黑衣男人，答應我們點餐時態度冷淡，又或者嫌我發音不準般，要我多次重復，點了一勺的飲品又來了一杯，點knuckle佢答你Mussel ，總是給你冷冷淡淡的感覺！King Ludwig已經縮減很多門店，希望這樣的服務態度只是一個意外，真心希望這餐廳能夠撐落去，但是這樣的服務態度很煞人⋯

經常經過帝樂，但未曾嘗試，這天身為會員的朋友說有個套餐，價格驚喜，可享超過半價優惠，而且酒品任飲兩小時，認真夠抵！頭盤非常豐富！迷你黑森林火腿德式薄餅底部酥脆，搭配黑森林火腿的濃郁味道，完美融合咸香與香脆口感。薄餅上配料新鮮，增添清新層次，令人陶醉。挪威煙三文魚沙律的視覺效果十分吸引，橙色的三文魚與多彩的柑桔、西柚、橙交相輝映，而藜麥不僅提升口感，還提供豐富營養，讓整體味道更加均衡。酸甜的柑橘風味與煙三文魚相得益彰，令人食指大動。而主菜可選招牌烤脆皮豬手／紅酒燴澳洲羊膝，我們選了後者。羊膝燉至軟爛，肉質入味，口感濃郁。紅酒的香氣渗透進肉裡，與菠菜和薯蓉的搭配更是絕佳，讓人感受到滿足。至於帆立貝、鮮蝦、車打芝士蝸牛通心粉，這道通心粉的組合非常豐富，帆立貝和鮮蝦的海鮮風味搭配濃郁的車打芝士，口感細膩。通心粉的彈性與醬汁的濃稠度形成完美平衡，是海鮮愛好者的首選。 甜品有特濃朱古力蛋糕配燴雜莓，這道蛋糕濃郁而不膩，搭配燴雜莓的酸甜，讓整體口感更加豐富。每一口都如同在享受一場味蕾的盛宴，令人陶醉。這個餐最好之處，是飲品兩小時無限添飲。餐廳提供的盧雲堡啤酒、白酒及紅酒選擇眾多，無論是搭配頭盤還是主

餐廳開業居然有廿年，佢哋嘅招牌菜係德國豬手啦，作為德國菜愛好者，一定要來試吓！餐廳有好多德國菜可以選擇，今次我選了雙人德國招牌套餐，裡面包含沙律、湯、主菜同埋甜品。今次我試咗脆皮燒豬肘，配酸椰菜同炸薯角，正！凱撒沙律沙律菜新鮮爽脆，撈埋醬汁，味道開胃好好！湯係是日餐湯，係蘑菇湯，味道濃郁可口。脆皮燒豬肘豬手外皮炸得超脆，眼見油份都完全燒走咗，唔會覺得又肥又膩。服務員幫我們切開，一啖咬落去啲肉質嫩且軟熟，配埋酸椰菜，味道唔會太鹹，高質；再配搭埋薯角真係一流。點了兩杯德國啤酒，絕對係為了配豬手而點最後都有好窩心的生日甜點，果然係完美嘅一日

King Ludwig 是知名的德國菜餐廳，脆皮豬手是必食之選。週末的Brunch Menu性格比高，自選主菜加semi-buffet，豐富滋味，令人大飽口福。餐廳環境舒適，自然光灑進來，可以好好品味愜意weekend。沙律吧、涷海鮮、熱湯及熱盤看起來非常吸引。沙律吧提供多樣化的新鮮沙律菜和配料，色彩繽紛的水果沙律、番茄、炒雜菜及烤南瓜，搭配醬汁，健康又開胃。冰鎮的大蝦和青口，蝦肉鮮甜爽彈，配上檸檬片和特製醬汁，增添海鮮鮮香，令人忍不住品嚐。濃稠的粟米湯，拌勻奶滑忌廉，啖啖蜜甜粟米香，伴以脆卜卜的香草面包，十分暖胃。熱盤還有德國肉腸、火腿芝士薄餅、炸洋蔥圈及肉醬薯蓉等，肉腸油光亮澤，表面微微焦香，肉香細嫩多汁。香脆的薄餅，鹹香的火腿，拉起融化的芝士拉絲，芝味誘人。綿滑薯蓉，散發出誘人的肉香，十分邪惡。德國脆豬手重頭戲: 脆皮豬手終於上枱，令人垂涎。店員幫忙切成一片片，外皮經過精心烤製，金黃酥脆，咬下去的清脆聲音，十分回味。內裡肉質結實，鮮嫩油潤，惹味濃厚的肉汁，滋味香醇，跟配炸薯塊及酸菜，絕對足夠2人享用。Leffe啤酒有買一送一優惠，是豬手的最佳配搭! 甜品/水果水果撻、牛油千層酥餅

之前食過一間幾有特色既餐廳，餐廳裡面好有🇩🇪Feel，所以深深它吸引左，享受了一頓德國菜🥰玉米湯前菜當然要點一個湯，為我們奉上的是經典玉米湯，湯底濃郁香醇,每一口都有好香既粟米味✨烤安格斯西冷牛扒 經典的安格斯，5成熟，外熱內嫩,肉質飽滿多汁，融合了德式風情，值得比個Like👍藍梅芝士蛋糕芝士配藍莓🫐一開始見到呢款甜品幾吸引下，所以另外加左，口感豐富，芝士的濃郁有一種說不出的口感，太棒了🤞好味指數：8/10 性價比指數：9/10餐廳名稱：帝樂德國餐廳 餐廳地址：Shop A & C, G/F, Fashion Walk, 新豪大廈8 Kingston St, Causeway Bay 電話：2556 7033