帕維亞意大利餐廳

营业中

休息中

今次同朋友去九龍城食意大利菜，真係好有驚喜，有嘗試左真正西餐廳既感覺。今日既menu我地叫左個前菜，係生牛肉呀，第一次食，唔腥，有d似parma ham,加埋上面既菜黎食，十分夾。之後食左個帆立貝意大利飯，佢足足有3隻帆立貝，又夠晒大隻，抵，意大利飯十分有咬口，有少量芝士，有拉絲效果。之後再食左個燒春雞，個薯蓉好滑好香，雞夠大份，兩人夠食，燒得皮金黃香脆，雞肉唔會有雪味，唔錯!最後想讚下一開始食既餐包都十分好味，夠熱又夠脆，令人由餐包開始，對呢餐飯，充滿期待!

自從屯馬線通車後，嚟九龍城呢區搵食真係方便咗好多！今日阿叔又同靚女朋友嚟搵食，嚟咗呢間外貌普普通通，但原來食物質素又幾好、非常有誠意嘅意大利餐廳食晚飯。 蘑菇湯 ($68)，阿叔好鍾意呢種濃稠嘅質感，加上味道濃郁，片片蘑菇，飲完好有溫暖感。 大蝦墨魚麵 ($268)，賣相非常吸引嘅主菜， 4大隻大蝦，隻隻肉質爽口彈牙；墨魚麵味道濃郁，食到啖啖蒜香味。 北海道帶子意大利飯 ($268)，誠意十足嘅主菜，值得一食！首先，大大粒嘅帶子由廚師輕輕煎過，做成半生熟效果，肉質幼嫩之餘又夠咬口。另外，餐廳深明香港人唔太鍾意食傳統嘅意大利飯，感覺太生，所以佢哋特登輕輕改良咗，令飯更軟滑，口感更creamy。

又到假期一家人緊係周圍搵下野食，經朋友介紹知道屋企附近有間隱世小店整西餐唔錯，緊係即刻book枱食下，餐廳係泰國餐廳為主嘅九龍城都可以企得穩，一定有過人之處，所有都令人未去嘅時候已經有啲期待。。一去到餐廳，老板都幾熱情招呼我地坐低，仲因應我地嘅個人口味同我地介紹餐廳嘅野食，令人感覺都幾貼心，所以係餐廳推薦下都試左幾款令人驚喜嘅菜式焗瑞士芝士，芝士夠香濃又帶有拉絲效果，芝士嘅咸香味同薯仔非常配合，作為前菜非常岩深海鱸魚，廚師煎得岩岩好，皮脆肉嫩，唔會好似出面其他餐廳咁成日煎到太老龍蝦意大利飯，龍蝦煎得好夠香口，入口唔會似像根，意大利飯硬度岩岩好，個人鐘意硬身啲，不過可惜好多地方煮太淋啦白酒煮纽西蘭大蜆，呢個我直頭連汁都想飲埋，大蜆夠鮮，底汁夠哂香濃惹味，如果有碗白飯絕對係絕配美國斧頭扒，廚師火喉掌握得好好，斧頭扒入口仲係好juicy，唔會乾哂，最緊要有肉味，唔會淨係得雪味餐廳都係個一家人開開心心食餐飯嘅好地方，有服務之餘仲有好野食

我覺得呢間餐廳都坐得幾舒服😊😊我哋淨係得兩個人都安排咗四人枱俾我哋坐。👍🏼👍🏼啲音樂都幾好聽，播吓英文情歌咁💕💕🥰🥰餐廳以橙色為主，幾特別。老闆娘都幾熱情招呼我哋，同我哋傾偈同埋介紹啲菜式。食物都幾新鮮。土耳其無花果原來咁好食😋😚老闆娘果然冇介紹錯，好甜好多汁。😛甜品Tiramisu好大杯，一杯都夠晒兩個人食。最好食嘅係個餐包，好高質。地點都算方便，同地鐵站都算係幾近。😊

以前覺得九龍城好似好遠咁，好少嚟呢邊。但屯馬線開通之後就變得十分方便了。今晚又嚟左九龍城呢邊食嘢🌸餐包兩款餐包都好好食，拎到上枱都係熱熱哋，好香比咗好多牛油🧈，搽埋就更加好食喇。🌸意大利巴馬火腿配土耳其無花果土耳其無花果當做，好甜，同巴馬𝐡𝐚𝐦好夾👍🏼🌸香辣蜆肉扁意粉呢個係偏有口感嘅意粉，有咬口，唔係煮得好林個種口感，係硬硬地嘅口感。🌸燒法國春雞$218仲有提供汁可以點或者淋上面，旁邊仲有啲薯蓉同配菜。凍檸茶最後以tiramisu 甜品作完結。

經過朋友推介下今次就去九龍城食正宗嘅意大利餐，呢一間餐廳以橙紅色色調為主，感覺好高貴優雅，門口嘅水晶燈吸引咗我哋，店員安排我哋坐四人枱非常寬敞嘅位置。女店員隨即先倒水給我們，再送上一籃暖笠笠的餐包，芝麻麵包及蒜蓉包烘得很香，搽上牛油更Creamy又香脆。厚厚的餐牌有太多食物選擇，雖然沒有圖片，但係見到隔籬枱嘅食物咁吸引，都參考吓叫嚟食。牛油果大蝦沙律驟眼睇好colorful，亦都估唔到咁有份量咁大碟，裏面有一整個切成片狀的牛油果，還有燒得很香嘅大蝦，仲有好fresh嘅蔬菜，酸酸甜甜好開胃。點少得我最鍾意食㗎法式焗田螺，原來係廚師親自整自己炒，難怪佢嘅味道同一般坊間食嘅好唔同，而且每一隻田螺都非常入味，蒜香味滿溢。白酒煮新鮮紐西蘭青口翠綠色感覺好新鮮，好少見到青口係咁大隻，而且食落去係一啲腥味都冇，廚師煮得恰到好處，青口肉質爽口又新鮮。法國鴨髀就咁睇都覺得好香脆，最重要係肉質比較軟口，朋友都大贊好好食。

今日嚟到位於九龍城嘅西餐廳食lunch, 味道屬於中上水平！☺️鴨胸沙律🥗沙律菜好新鮮，仲有啲甜蜜桃🍑真係好加分☺️黑松露菌忌康汁意大利帶子牛肝菌雲吞🥟🥟🥟係皮較實既餃子口感，黑松露菌忌廉汁夠多，而味道又唔會太鹹！雲吞入面都真材實料，粒粒都有帶子😍燒西班牙黑毛豬啲豬肉好好食😋，唔會太實太硬牛排🥩叫咗五成熟，口感剛剛好☺️ 保留到牛肉既嫩滑感😆Tiramisù夠creamy😋😋😚

黎九龍城成日食泰國嘢，都食到悶悶地。我哋係九龍城兜左個圈，又睇左Openrice，發現左呢間意大利菜小店，感覺好似唔錯咁。😎我哋見到有Set Dinner，但我哋最後都係散叫。Staff跟我哋講「只有1個廚師，請耐心等候」，呢度啲Staff啲服務態度超好超Nice。🥰 我哋覺得上菜速度係正常，廚師煮野又快又有水準。🤩 餐廳有供應特製意大利葡萄籽油&醋 👍麵包籃有香脆嘅蒜蓉包&外脆內軟嘅芝麻包，又點會少得香滑嘅牛油🧈黑松露忌廉汁意大利帶子牛肝菌雲吞一上菜就聞到黑松露味，入面有帶子粒&牛肝菌，配上Juicy嘅黑松露忌廉汁，食得出個皮好薄，又好滑又好多料，正。😏 餅底香脆嘅意式風味薄餅 8‘’，鹹鹹香香好好食，食極都唔會膩。😄 北海道帶子忌廉汁意大利飯入面帶子好新鮮，做到意大利傳統半生熟嘅效果，外層有微微煎一煎，食落鮮嫩彈牙，口感煙韌，意大利飯好Creamy，正🥳。是日甜係Tiramisu，食落咖啡味濃，酒味也比較突出，忌廉口感亦比較厚身軟滑，整體不會甜膩😍最後飲埋Coffee or Tea -檸茶，成餐飯好滿足呀～❤️我哋今次無中伏呀，我哋決定左要係大清拆前再黎食多幾次，讚讚😋

A lovely night try out the 3 courses from Pavia. Fresh start with the French oyster 🦪 follow with king prawn tonnarelli 🦐 Ended with roasted lamb leg steak with sweet pumpkin.  The oysters are very fresh, for a set dinner for 2, 6 oysters are well served with 3 oysters per head.  Personally i love their lamb leg steak with sweet pumpkin very much. The gilled lamb leg is very tender and delicious. To end with this great dinner, both me and my friend tried their Italian hot coffee.  It's a great p

今日收工約咗朋友，朋友話想行下附近九龍城，平時都少行呢到舊區就一齊行下，見到呢間西餐廳就試吓~餐包我覺得食西餐佢一開頭個餐包相當重要，如果求求其其就知質素唔慌好啦。好彩呢度啲餐包都有質素嘅，芝麻包香軟而蒜茸包都夠香脆。黑松露菌忌廉汁意大利帶子牛肝菌雲吞隻忌廉汁黑松露菌味道相當濃郁，配上雲呑入面粒粒帶子同牛肝菌，味道層次好豐富，好食~意式風味薄餅入面有巴馬火腿，水牛芝士，蕃茄，火箭菜同馬蘇里芝士。薄餅送到上嚟芝士可以拉到絲，食落去餅底夠香脆可口，再加上巴馬火腿鹹香十足，但我反而鍾意佢加上火箭菜令個薄餅無咁膩，唔會食一兩件就覺飽飽濟濟咁~北海道帶子藏紅花忌廉汁意大利飯帶子都煎得好好👍🏻，煎得外脆內軟無過火，帶子鮮味仲保留到。而意大利飯都夠creamy，唔錯~提拉米蘇最後就嚟個Tiramisu呢個經典甜品做尾聲啦，酒味都幾濃，幾好食😋食完呢餐完都好滿足，估唔到喺九龍城呢種舊區都食到有質素嘅西餐，環境都舒服，另外值得一讚嘅係店員會留意你幾時食完一道菜，換碟同斟水速度好快同有禮貌嘅。

餐廳離宋皇臺站不遠，主打意大利菜，牆上有彩繪和掛左唔少畫，食物高質呀😚。1. 燒西班牙黑毛豬🐖 $388 呢碟非常推介呀！暫時係我食過數一數二好食嘅黑毛豬扒🐷。黑毛豬食橡木果長大，食落有獨特既堅果香味，也因為飼料乾淨衞生，唔洗煮到well done 都食得😍，所以肉汁特別嫩滑和juicy🤤。而餐廳的秘製醬汁，更令味道昇華。2. 白酒煮新鮮紐西蘭青口 $208 名符其實，呢碟紐西蘭青口真係超級新鮮，好鮮味和爽口，白酒味也很香🥰。3. 意式風味pizza (Small $148) 材料有好好食既parma ham🐖、蕃茄🍅、火箭菜和兩款芝士🧀，pizza 餅底夠薄和脆口，幾好食呀。

九龍城最岀名應該係佢嘅泰國菜同潮州菜，兩樣我都好鍾意食，不過九龍城將會大規模重建，咁就趁佢重建之前試多幾間餐廳，今日呢一站就係呢間叫Pavia嘅意大利餐廳。唔知食咩好問咗職員有咩推薦，佢介紹我哋每人叫個Set Lunch，套餐包餐湯或沙律同埋一份主菜，咁我哋叫咗一人一份套餐，另外再加多份意大利雲呑。餐湯同沙律我哋一人要咗一樣，沙律係蜜桃鴨胸沙律，沙律同醬汁分開上，個醋汁酸酸哋食落相當開胃。餐湯係薑汁甘荀湯，我咁大個人未飲過薑汁湯，味道又岀奇地夾。另外前菜會跟埋四片蒜蓉包，冇乜咩特別不過勝在夠熱。成餐最貴嘅就係呢碟雲呑，仲貴過主菜，個雲呑比較特別之處係佢隻餡，一般意大利雲呑都會用肉類或者蔬菜加芝士做餡，餐廳用咗帶子同菇做餡，而且都相當足料，醬汁亦都非常香濃，唯一缺點就係真係有啲貴。主菜叫咗西冷扒同豬扒，兩款嘅配菜一樣，牛肉跟黑椒汁豬扒跟醋汁，兩款肉都唔會好硬，雖然我平時鍾意食牛扒多啲不過今次我會投豬扒一票，佢隻醋汁唔係成日見到，我覺得同豬扒非常夾。可以加錢要埋個甜品不過太飽冇叫到，總結而言水準都幾好，如果經過九龍城又唔想食泰國潮州菜可以考慮一下呢間。

去親九龍城搵食，相信絕大部分人都係食泰國菜，再不然就係沙嗲火鍋，好少人會聯想起意大利菜🥲如果唔係咁岩經過，我諗自己都未必會試，但有驚喜😙😙白酒煮新鮮紐西蘭青口白酒汁同青口有幾夾有幾好味，唔使多講🤣特別要講既係用左新鮮紐西蘭青口，好鮮味😍肉身爽脆，同我之前係Aeon買454g約$200既有過之而無不及!!🤣🤣意式風味薄餅 薄餅焗得好脆口，餅上有巴馬火腿、水牛芝士、馬蘇里芝士、蕃茄、火箭菜。特別係巴馬火腿，似有24個月，夠晒咸香。😋😋燒西班牙黑毛豬是日最驚喜，豬可以好食過牛扒既感覺🤩🤩店員介紹所揀選既西班牙黑毛豬係食橡果大，所以肉質偏嫩、肉色偏粉紅、肉味偏甜。吃時再加上自家調配既黑醋汁，豬味既濃，同時帶甜味！真係隱世美食😚😚😚📍#Pavia #帕維亞意大利餐廳 (#九龍城美食)九龍城打鼓嶺道85號日康閣號地下➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

朋友約我嚟九龍城呢邊食嘢，我都好耐無食過比較高級意大利菜，去到間餐廳正常size，不過環境幾優雅，幾好坐。朋友發板叫咗幾樣嘢食，望個餐牌都幾多靚酒叫不過我哋無叫。意大利雲吞幾大碟，一口食一個連埋汁，入面都幾多料，口感好豐富。炸魷魚炸得好脆仲有陣海水味，好原汁原味。燒西班牙黑毛豬，我本身唔係好知黑毛豬原來生嘅都食得，朋友叫嘅，初頭望落以為平時D豬扒咁啦，一切開見到紅紅哋我有D唔知食唔食好，店員(定老闆我都唔知）話我知呢D豬食橡木果大，所以係可以咁食。我靜雞雞上網睇資料，果然無"水"我，而且真係好好味，未食過咁好食嘅豬。價錢對我嚟講都算豪，但D嘢食又真係好正。

前排又去咗宋皇台站果邊行下, 上次去咗優雅日本嘢食tea, 今次去咗呢間意大利餐廳浪漫下，個牆壁畫我覺得好可愛。餐廳背景音樂係浪漫英文歌(我都幾留意餐廳有咩嘢播緊，播岩心水有氣氛好多)。餐廳職員好有心講解食物，feel到好有heart。講返嘢食，兩款包都好香，香脆鬆軟，個牛油都好靚，一揸落去滑嘟嘟。曾經食過朗豪坊一間唔知咩嘢嘅意大利雲吞，以為呢味好唔岩我自己口味，點知今日再叫，原來係可以好好味入面仲有好滑嘅彈牙帶子。脆卜卜嘅魷魚意想不到用好新鮮嘅魷魚，食得出絕對唔係雪藏貨，配埋佢跟嘅汁真係好夾。燒黑毛豬扒真係超正，嗰陣鮮味不得了，對上食到呢種味都好多年前，睇嚟下次想食真係要呢度食返最尾飲埋個靚咖啡，成餐都對得住個價格嘅。