帕維亞意大利餐廳

营业中

休息中

竟然有一間開左好耐既西餐係九龍城，都係朋友話想試先知咋喎！趁佢就生日，黎試下！原來呢間餐廳企左係九龍城咁耐唔係咁容易，係食到用心做，每道菜食完先上第二碟，唔會放到成枱都係👍下次再會回食！🔆意大利巴馬火腿配蜜瓜$128🔆麵包$38🔆煙三文魚忌廉汁菠菜扁意粉$138🔆香煎智利海鱸魚柳$328🔆餐飲 - 熱檸水☕️凍檸茶 $38🔆是日甜品- 心太軟配果仁雪糕頭盤同朋友叫左巴馬火腿配哈蜜瓜，巴馬火腿咸香，肉唔會太薄，又唔會太乾。麵包都用心，有餐包同蒜蓉包各兩片，值得讚既係麵包熱脆，好香口，配左小塊牛油。味道新鮮。想讚下個意粉菠菜麵，煙韌不厚，加埋汁料非常掛汁！朋友生日叫埋個心太軟，好香濃，雪糕有驚喜，因為果仁味道大過雲呢拿味，朋友都大讚！主食我地叫左較少食既海鱸魚，魚肉質地好滑，魚香魚油足夠，皮脆肉香。配以薯蓉翠玉瓜甘荀配菜！下次都要推薦朋友黎試下！❣️Pavia 帕維亞意大利餐廳❣️九龍城打鼓嶺道85號地下#hkfoodie#pavia#kowlooncity #九龍城西餐廳 #九龍城美食

🥗🍝Pavia🍨🍮九龍城你永遠唸起泰國菜，但我反而記住了一間開左好耐既西餐，因為有一期好有熱潮，成日想食但又無黎到食，適逢朋友就生日，就黎試下😋🔸意大利巴馬火腿配蜜瓜 - 頭盤想fresh 下，同朋友叫左巴馬火腿配哈蜜瓜，巴馬火腿咸香，肉風乾得剛剛好，唔會太薄，又唔會太乾。🔸餐前麵包 - 有餐包同蒜蓉包各兩片，值得讚既係麵包熱辣辣，好香口，脆邊，配左波浪型牛油，形狀都好靚。🔸煙三文魚忌廉汁菠菜扁意粉 - 忌廉汁出奇地唔膩，原來聽到係用純忌廉做既，同出面既麵粉加奶做成既忌廉汁唔一樣。煙三文魚暖和，不柴不乾，剛好。🔸香煎智利海鱸魚柳 - 主食我地叫左較少食既海鱸魚，因為真係好少地方食到，果然魚肉質地滑而不實，皮脆肉香。配以薯蓉，翠玉瓜，甘荀等配菜🔸餐飲 - 熱檸水，凍檸茶☺️😆正常味🔸心太軟配夏威夷果仁雪糕 - 朋友生日點都唔少得小蛋糕，心太軟好耐無食，好香濃，不得不提係雪糕有驚喜，因為果仁味道好出，大過雲呢拿味，香而不甜，朋友都大讚！整體原來呢間餐廳企左係九龍城咁耐唔係掛名咁簡單，係食到佢地用心做，服務員又好好，每道菜完成先上第二碟，唔會放到成枱都係👍值得試！

九龍城美食🥳 朋友最近搬左去九龍城，陪佢食晚飯經過呢間Pavia係食意大利餐好岩今日既胃口叫左西餐必食既白酒牛油煮紐西蘭青口上菜果陣嚇左一跳，都幾多隻而且隻隻都好肥美！超正！牛油白酒非常香同出色青口好新鮮無怪味，好味道！同場見到生蠔，都係$188有一打，又幾抵食wor！不過要下次先再食了今晚是青口night ～ 之後主菜叫左蒜香大蝦墨魚麵，墨魚麵比較健康，彈牙到不得了主廚煮麵嘅技巧不錯，蒜香都好入味另外叫多左個西班牙黑毛豬就咁睇，真係好似牛扒黑毛豬本身就好好食炭燒帶出個香味，意大利人愛用醋佢地配上醋醬，係真係幾開胃嘅！食完主菜就已經好飽，今次冇食到佢啲甜品，但係感覺上佢哋個提拉米蘇應該都好食。下次有機會再試啦🥰

呢間餐廳位於九龍城，依家搭地鐵去好方便了，宋皇臺B3出口行5分鐘就會到。餐廳雖然唔大，但員工服務質素都幾好👍 好主動又有禮貌咁介紹菜式。食完呢餐飯，最令我欣賞既係廚師既廚藝。我只能說，係絕對值得一試同絕對有料到的！就咁講前菜既包點，係好香濃既焗蒜蓉包配牛油，另外仲有豬仔包配牛油，兩個包到好鬆軟完全唔會硬，好食😋主菜叫左白酒煮紐西蘭青口，一樣係加咗牛油煮，所以好香，而且啲紐西蘭嘅青口都偏大隻，淡淡都係肉，白酒去左腥味，唔知點樣形容，但食落嘅口感係偏鬆軟有咬口唔會好硬好凍🙈 之後Pasta類叫咗一個大蝦墨魚意粉，一樣係用蒜香嚟炒，墨魚意粉好煙韌入味，蝦嘅份量都多，全部都大大隻。最後係一個西班牙黑毛豬，炭香味濃，配上類似酸醋咁嘅醬汁，食起嚟幾開胃。總括嚟講，我覺得廚師煮嘢係出色嘅，因為　每一道餸都好味😋 就連平時好難煮得好食嘅青口，我都覺得佢整得幾好食😂😂 九龍城人可以沖了！

因為存了點積分剛好家裡最近都沒什麼能吃的在靜靜的午巿裡在下把自己的下午茶訂好這次是第一次用這樣的外賣程式呢還滿方便的除了會顯示所點餐點是否已準備好能取餐時還有訊息提示只是到店時店門似乎開不到還是活在石器時代的我不懂打開現代的門？也沒關係在下拆門的舉動引起了店裡在用餐的店員注意她便直接把外賣拿出來給在下嗯..煙肉芝士焗薯皮 $98外賣的賣相總是很難做得好吧而這個樣子其實看來並不差焗薯皮依然是很香脆煙肉芝士的微咸會慢慢變濃一層不厚們足夠口感的薯肉舔一點淡淡的酸忌廉醬既香口又能飽肚清炒蒜片辣椒意粉 $130炒得乾乾的比預料中沒那麼油膩有蒜粒味和橄欖油慢慢溶合略帶香辣香芫茜的香氣誘人非常蒜肉粉粉的口感與麵身軟硬度成了剛好的對比簡單的終始不容易連改賣也能保有質素實屬不錯

今次同屋企人嚟到呢間九龍城意大利餐廳食，點左幾道菜式，全部都感覺唔錯，等我介紹吓1:火腿鹹鹹地配又甜同多汁哈蜜瓜 味道啱啱好2:蒜蓉味好重 烘到好脆 牛油同蒜蓉3:青口有得揀白酒 忌廉 茄汁煮 我就揀咗白酒煮 可以食到佢新唔新鮮 食落口好爽 冇腥味4:意粉唔油而且彈牙 唔似出面食到嘅意粉好粉質 西班牙火腿 Parma ham 夾意粉 好香口 啲意粉一拉起身就聞到好香 落咗好多唔同配料 所有加埋嘅味道互相配合 道意粉嘅味道就好好5: 西冷牛扒好嫩 唔洗同佢鬥牙力 薯蓉有調過味整體感覺非常良好，我覺得我下次會再嚟呢間意大利餐廳

真係估唔到原來九龍城都會有咁高質嘅意大利菜，今次放工嚟到呢間食，相當值得推介第一款Parma ham + melon 一甜一咸，放埋一齊啱啱好第二款白酒煮紐西蘭青口，睇相都知真係勁大粒，店員仲教我哋分公乸第三款Parma ham露筍意粉，一擺上檯已經聞到勁香，食落意粉偏硬，但我幾鍾意呢個軟硬度第四款西冷牛排好食，煮得好腍又juicy另外仲有餐包同餐茶，享受一個悠閑嘅夜晚員工態度幾好，會教我哋分辨啲食材同埋點樣食會好啲

同朋友行去九龍城搵食，本想食返平時嘅選擇，但朋友見到這裡外觀整潔，於是便入去了。餐廳內在環境燈光柔和，播住音樂，座位闊落十分舒適！先來店員推介嘅新鮮日本生蠔半打，隻隻新鮮即開，飽滿大隻，入口香滑肥美，食完還帶點回甘，估不到這裡都有咁好味嘅選擇！主食就係點了煙肉芝士蛋意粉，呢個煙肉芝士蛋意粉都真係有得選擇都會係必食之選，上枱時，見到意粉上混雜了超香濃忌廉汁，入口時意粉沾滿了個醬汁感覺，味道十分配合，意粉亦超有口感，加埋煙肉同芝士，真係十分另人回味！最後加入杯意大利即磨咖啡，入口咖啡味香濃，夠晒醒神！

九龍城高質有驚喜意大利菜✨🦥小店嚴選高質的食材，環境舒適寬敞，吃得開心又滿意的意大利菜。一就坐，便有熱辣辣，香噴噴的餐包，連餐包也是有質素，餐包和蒜蓉包也很軟熟好吃！《香煎法國鵝肝配意大利黑醋汁》$118餐牌上，頭盤也有多款選擇，這份鵝肝配上了哈蜜瓜，切些少鵝肝，與水果一同進食，簡直是完美的組合！清新中帶出鵝肝的油香味道！《清炒蒜片辣椒意粉》$128意粉方面有多款的選擇，若主食是豐富的肉類，這款蒜片意粉可中和一下。蒜片意粉有微辣的感覺，以清炒的方式，令意粉清新帶點層次。《燒澳洲羊架》$358主菜是羊架，澳洲羊架完全不會膻，燒得完美，肉質鮮嫩多汁，粉紅色的嫩肉，軟腍腍的口感，點上芥末和薄荷醬，令羊肉味道更佳。《朱古力心太軟配紐西蘭雪糕》$78甜品同樣是高質的選擇，暖暖的心太軟內裏流心的朱古力，濃度高朱古力味重，有種甜品的感覺，再配上紐西蘭雪糕，雲尼拿的味道，冷與熱之間的交替，非常好吃！總結：享受高質食材的意大利餐廳。

記錄下今天下班後的Girl’s Night🥳去九龍城食西餐，chill 一Chill 餐前麵包❤️我食西餐都好鍾意品嚐餐前麵包😋😋蒜蓉包加咸包，兩個都烘得好鬆脆，香味撲鼻😝義式薄片生牛肉Beef carpaccio $188生牛肉的品質不錯，造型有啲似生火腿，用蒜、胡椒和烈酒醃制，可以很好的中和生肉感。生牛肉入口即化，很美妙的口感，強烈推薦，必點！❤️北海道帶子藏紅花意大利飯❤️伴以原只北海道帶子等海鮮，每口都充滿鮮味。 意大利飯，味香濃，雖然偏軟身，亦算有咬口，感覺creamy ！燒春雞❤️燒春雞外皮紅潤，香料醃出的味道帶上一點微香，肉絲滑嫩。 多汁又不油膩！配菜都好好食

放工跟朋友車去咗九龍城食飯，佢揀親啲餐廳門口都有排位嘅，今晚佢就帶我去食一間幾 Classic 的意大利餐廳！位於九龍城打鼓嶺道，九龍城自從有咗宋王臺站之後，交通都變得好方便， Pavia 餐廳 喺九龍城都已經有多年歷史，人氣都幾高。餐廳門面幾有懷舊feel晚餐，裝潢很有品味的特色牆，别緻廚師壁畫，跟意大利小店感覺相似。麵包籃雖然我哋未嗌嘢食，但係店長已經送上熱辣辣的自家製麵包籃。餐包有質素，配搭香滑牛油🧈 芝麻包好鬆軟，蒜茸包夠香脆。Fresh Oyster新鮮日本生蠔 🦪 $188/半打這一款是廚師推介！又點會少得新鮮日本生蠔 ，擺盤好精緻，新鮮肥美的日本生蠔 ，淡淡的海水味道很鮮甜，食落鮮嫩彈牙，檸檬汁提升了生蠔 的鮮味啊！軟滑令口感更 creamy。Spaghetti Carbonara煙肉芝士蛋意粉 $128純忌廉做汁果然係真材實料，不計成本，味道相當濃郁，師傅幾十年經驗，真係少啲功夫都搞唔掂 Carbonara，忌廉汁聞到香味，意粉軟硬度適中，口感彈牙，入面有煙肉芝士，配上juicy 忌廉汁，味道層次好豐富，食得出好滑好正！扒大蝦賣相非常吸引的主菜，色香味俱全，好有水準的新

這裏嘅餐包非常美味因為一間西餐廳嘅餐包就係歡迎人客胃口嘅使者 這間餐廳的麵包加上牛油就令到全個晚餐起了一個非常好的開始燒澳洲羊架喜歡食羊肉嘅人一定要叫 因為呢個羊架 羊肉味非常之好 而且燒烤嘅功夫都好好 外面燒得好令肉質仍然保留得非常幼滑及肉汁仍然保留在內 無論口感與味道都係傑作清炒蒜片辣椒意粉常常都覺得一個簡單嘅意粉就可以睇到餐廳功力水準去到邊度這間餐廳都不會令人失望 因為這個簡單的意粉無論蒜頭味辣椒味都非常出眾 配上軟硬適中嘅意粉 非常可口可見這間餐廳廚師功力深厚 喜歡食意粉的人一定要叫一個意粉食呀香煎法國鵝肝配意大利黑醋汁這個鵝肝煎得非常可口 首先來貨必須好 這樣的鵝肝食落去先至唔會有任何異味 加上廚師煎封功夫一流 令到鵝肝保留得原汁原味 配上意大利黑醋汁更加令到味道提升 加上其他蔬果 令人吃到一種清新嘅感覺朱古力心太軟配紐西蘭雪糕邊個話食甜品係女人嘅專利喺呢個咁好味嘅甜品面前 男人同女人都爭住食因為實在好食得五體投地朱古力味非常濃 切開內有乾坤 心太軟顧名思義 流心出嚟的醬汁幾又滑又甜美加埋這個紐西蘭雪糕 凍凍熱熱加埋一齊口感非常之好 真係好食到不得了

用餐環境氣氛好有格調~餐包餐包分別有芝麻麵包、蒜蓉包，配上牛油😃意大利火腿無花果沙律無花果味道清甜，加上鹹香火腿鹹香中帶清甜，進食口感層次十足！煙肉辣肉腸薄餅煙肉、辣肉腸、Mozzarella Cheese，三樣我個人喜愛的配料🤪Pizza餅底口感香脆之餘，同時不會出現「乾爭爭」的情況，屬於一份非常有水準的Pizza🤩香煎智利海鱸魚柳海鱸魚魚肉肥美、白嫩，生熟程度控制得剛好，擺盤精美😍餐飲上述餐點相當豐盛，餐飲只需簡簡單單一杯熱檸茶就好😃Tiramisu精美甜品Tiramisu，完結一頓美好的用餐體驗！🤓

Parma ham salad $168最近都興食無花果呢個沙律嘅無花果超級新鮮加埋鹹度適中嘅Parma ham同埋店主親自調製嘅醬汁成個沙律都好開胃Scallop and porcini mushroom ravioli $198同平時食嘅好唔同佢入面唔係一舊硬梆梆嘅菠菜或者芝士餡料反而係食到一粒粒嘅scallop再配上唔同嘅菜有一條條有一片片一啖咬落去好多質感加上香濃嘅黑松露香味我覺得呢個係必試嘅菜式Roasted Spanish iberico $358第一啖無加醋食真係好似牛肉肥瘦適中煮得啱啱好唔會過硬半熟嘅程度如果想多啲口感就可以點側邊嘅vinegar sauce另外薯蓉都係新鮮製造好creamy 好smooth

Parma ham salad $168Well balanced salad with greens fig and Parma hamHomemade vinegar sauce is provided and feel free to pour in the amount you want It’s nothing to strong to overwhelm the ham Overall a nice starter to have Scallop and porcini mushroom ravioli $198Highly recommended It’s definitely not those traditional ravioli you can find in any supermarketThere are scallops in between the thin dough wrapWhich is full of umami and chewyThe sauce is slightly watery to make the dish less dry Roa