川滿居 (京都廣場)

营业中

休息中

今日突然之間好想食川菜，所以就同fd一齊去左一間幾有住家感覺既川滿居到食lunch ~地點超方便一出地鐵站就到,裝修好有中國風味😌🌟酸菜炒肥腸豬腸肥厚彈牙且夠腍，口感不錯，配上鹹濕濕的酸菜，口感更豐富。🌟 腊肉炒菊花腊肉炒至出油後，會釋放出香氣，菊花則保持脆嫩，使整道菜的口感更加豐富🌟麻辣土豆絲味道香辣夠味，土豆絲口感脆爽。🌟片皮鴨片皮鴨能做到肥而不膩，皮和肉的比例恰到好處。價錢合理，中午食飯仲有lunch set -

位於銅鑼灣京都廣場既川滿居，餐廳專注於川菜，環境舒適，非常適合朋友聚餐。金湯酸菜魚湯底金黃濃郁，味道香辣，帶有一絲酸味，令人食欲大開。魚片非常鮮嫩，食落嫩滑無比，搭配酸菜更能增添風味。京蔥羊肉配麼麼皮羊肉煮至恰到好處，肉質鮮嫩，帶有京蔥香，口感非常滑順。搭配麼麼皮，包住羊肉同食，充滿層次感，味道豐富。口水雞鮮嫩雞肉淋上特製醬汁，色澤誘人。雞肉非常嫩滑，香辣醬汁開胃又惹味。白飯白飯粒粒分明，米香四溢，搭配金湯酸菜魚同口水雞簡直係絕配。無糖可樂喝完辛辣川菜，飲返啖無糖可樂，清爽又解膩，十分適合搭配重口味菜式。凍檸茶茶香濃郁，檸檬酸味與茶葉香氣完美結合，飲落清新又解渴。川滿居地址: 銅鑼灣駱克道491-499號京都廣場6樓

作為片皮鴨愛好者 我絕對唔會錯過 有機會食片皮鴨的機會🤣 今次食哩間餐廳 其實無諗過有片皮鴨食 因為佢叫「川滿居」係一間食川菜的餐廳 我以為只有「麻辣抄x」果類小抄😛 點知推介個一欄 直接就有片皮鴨🤣 所以我一睇到就決定要食😋 呢個決定真係無做錯～鴨皮得好香脆 又唔會好肥膩 配埋肥瘦適中嘅鴨肉 包係甜醬青瓜一齊食 係難以用言語表達嘅滿足☺️另外，我哋仲嗌咗酸菜一定會叫嘅口水雞 同埋比較特別嘅鮑魚雞煲 兩個口味都比較重 鍾意食川菜嘅朋友應該會好喜歡～～ 因為我覺得有啲鹹，所以就叫咗一杯甜甜的「桃芝夭夭」😂 非常清甜解渴~🫶🏻

不知所謂 住喺銅鑼灣由發現呢間餐廳開始食咗一年幾 之前電腦系統一路都有得撳特制 改咗之後已經每次特登打電話同佢講返特別要求 但可以好肯定並未遵循 食物無論外觀定係味道都唔同 好聲好氣打返去已經願意親身去換 職員態度極之惡劣 喺佢哋員工之間嘅溝通模糊不清嘅情況下推卸責任 之前有類似情況發生嘅時候只會要求去換嘅時候要帶埋本身嗰份食物 呢一點係絕對理解嘅 但係而家只會推卸責任 質問返顧客轉頭 食個飯有問題想改返去詢問嘅時候係會俾人話返轉頭 可以大言不慚咁同你講：係呀 你以前有得揀酸同麻嘅程度 但係我哋嘅產品入邊係冇呢樣嘢嘅 咁你而家想點呀？

今天晚上，我去到銅鑼灣京都廣場川滿居(銅鑼灣)午餐。我選了湖南椒小炒肉，價位$88，炒得香氣四溢，肉質鮮美，搭配青椒的清脆，讓人食指大動。另外, 我又選擇了加多寶涼茶和凍檸茶，清涼解渴，完美搭配整頓美食。

新年前去銅鑼灣行年宵，之後落去搵嘢食搵嘢食，本來諗住求求其其是但一餐。點知又有驚喜發現！川滿居，係正銅鑼灣市中心地點一流！交通方便去邊度都快。一出𨋢聞到滿滿的香辣味。食川菜麻辣香鍋係必定的選擇，絕對係川菜的靈魂所在。肉啊菜啊，要幾豐富都會有得揀。我揀左肥牛，腰花，豬頸肉，蒿荀，薯粉等等，小小辣，一上枱香到不得了，非常下飯。但記得一定要加酸辣粉酸辣粉絕對係麻辣香鍋的靈魂所在。記得新年撈起撈起，食酸辣粉都一定要撈起，先撈得風山水起。第二個係黃金蝦，簡直係超正，勁大粒晶瑩剔透，筷子停不了，一口一個爆哂汁。卜卜脆嘅外皮含淡黃內裏彈牙鮮蝦。令人欲罷不能。呢度有片皮鴨，雖然似北京菜多過川菜。但係想食就食啦，點知又再刷新一次美味記錄，皮脆肉嫰，直頭仲好食過好多酒家！

川滿居永遠是心中第一的川菜館，價錢親民之餘，川菜的款式非常齊全。加上座位又舒適，適合一大伙人一起聚餐必點片皮鴨，半份剛好足夠二人享用，連同饃饃皮、青瓜及京蔥絲一起奉上片皮鴨油膩感唔算高，用薄薄一層的餅皮包裹，口感極之豐富，加上烤鴨醬，鹹香惹味，值得一嚐！藤香雞雞肉非常嫩滑，凍食雞皮略帶晶凝啫喱膏，醬汁以藤椒及雞湯烹調而成，入口麻而不辣。萵筍炒腩片萵筍炒得非常爽口，腩片肥瘦均勻，調味亦恰到好處，很大鑊氣！泡椒田雞田雞肉質細嫩，滑溜溜地保有一點膠質，和泡椒一起炒得甘香，且不覺得過油膩，送飯一流小菜！

今天中午，我們去到銅鑼灣京都廣場6樓川滿居午餐。我们點了一些美味的菜肴。首先是金湯酸菜魚，價格是$188，魚肉鮮嫩，湯頭酸辣可口，十分開胃。接著，我们選了湖南椒小炒肉，價位$88，炒得香氣四溢，肉質鮮美，搭配青椒的清脆，讓人食指大動。此外，夫妻肺片是我必點的佳品，$66的價格讓人感到實惠，片薄而入味，口感滑嫩，讓人回味無窮。飲品方面，我们選擇了加多寶涼茶和凍檸茶，分別是$15和$18，清涼解渴，完美搭配整頓美食。這頓飯不僅美味，價格也相對親民，讓我感到非常滿足。

川滿居 與舊同事在銅鑼灣聚舊晚飯，佢帶我去川滿居食川菜 好在我哋早收工，否則都要等位，反映出品有保證，我們先點了籐香雞作為小食，這裡比一般醉雞微微少了酒，但反而吃的時候，雞味與酒香更加平衡調和，而雞肉極為嫩滑，如果不咀嚼，簡直張開口就可以滑入咽喉，我哋都覺得好吃 。 之後我哋點了孜然羊肉，這裡是包括薄粉皮一起上菜的，吃的方法就像吃片皮鴨一樣，我就試把一大啖放上薄皮上然後包著吃，就像吃了一個大大的羊肉包一樣，冇得頂！孜然配羊肉固然是絕配，用洋蔥的份量不錯，不會蓋過羊肉的香味，汁也煮得濃稠適中，所以伴飯吃也非常好 再點了招牌菜：金湯酸菜魚，起名叫金湯，當然上菜的時候第一下是呷一口湯，嘩，令人驚喜的又再一次是處理味道的平衡，麻辣俱佳，而且互相襯托不搶味道，魚片煮得剛剛好，夠熱得嚟仍保持幼滑，酸菜切得幼細，把魚片加入各樣配料，連金湯一大啖入口，豐富的口感和層次感在口腔內澎湃著，十分滋味，還有索了金湯的薯粉，伴點椒絲和葱粒吃，又可以大大碗吃完呢！ 吃這一餐，選擇凍飲是最理想的，原本以為選擇凍檸樂已經很不錯，但朋友更加叻，選擇了動金桔檸檬茶，更加匹配，而且夠濃，抵讚！

🥢涼拌脆毛肚毛肚脆爽有嚼勁，紅油夠香不過唔會太辣，帶有微微麻感，口感層次豐富。配上芝麻同芫荽，開胃又過癮！🥢金湯酸菜魚酸辣湯底金黃鮮亮，魚片滑嫩無腥味，酸菜酸香適中，入口即化。湯底濃郁又開胃，仲有豐富配菜包括萵筍、薯粉等等，暖身又滿足。🥢泡椒炒牛肉牛肉鮮嫩又掛汁，泡椒辣得帶勁，微酸開胃。辣味同鮮味平衡得好，配飯一流，爽口又有層次，特別適合鍾意重口味嘅人。🥢凍柑桔檸檬茶柑桔香甜清新，配上微酸嘅檸檬茶底，入口冰涼解渴，甜度適中，飲落清爽又解辣！🥢凍檸樂凍檸樂有冰底夠哂凍，解膩一流！川滿居✨📍銅鑼灣駱克道491-499號京都廣場6樓

踏入冬天, 天氣逐漸轉冷, 講到暖胃食物自然想到吃川菜今日嚟到銅鑼灣京都廣場川滿居, 古色古香嘅裝璜, 充滿傳統氣息, 正好品嚐川菜嘅麻辣風味。川香鮑魚雞煲原煲上特別夠暖胃, 鮑魚腍滑有嚼勁, 雞件嫩滑夠入味, 配菜紅椒青椒好爽脆, 加上川香醬汁, 鹹香麻辣好惹味。鮮椒魚魚片鮮嫩甜滑, 大量藤椒麻味十足, 加上紅紅綠綠椒絲和芝麻, 賣相吸引又惹味, 寬粉煙韌彈牙。蒿筍炒牛肉萵筍青綠爽脆, 牛肉嫩滑。乾煽四季豆四季豆配上鹹香肉粒, 香口爽甜。翠玉瓜炒腩片翠玉瓜甜鮮正好中和腩片嘅肥膩, 炒得幾有鑊氣。

誤打誤撞闖進了這間四川及京川菜的餐廳， 裏面裝修都挺有當地氛圍 的。 因為有食得辣的人(我)和不太食辣的人(老婆), 所以分別點了北京填鴨和我在食評看到後極想嘗試的麻辣香鍋。片皮鴨(半隻)去到基本上見到每枱客人桌上面都有一碟片皮鴨就知道其受歡迎程度， 半隻上枱份量都絕對不細， 鴨片層次非常分明， 香脆的皮，少量肥膏再加嫩滑鴨肉， 咬下去更加肉汁四射。 題外話亦都一讚麼麼皮薄身但有咬口， 每塊之間亦有紙隔開，免得糊在一起。麻辣香鍋 這道菜式非常有趣， 你可以在餐牌選最少五款食材， 選擇口味，辣度等等， 再將材料炒成一品鍋送上。 我們選的是麻辣， 配搭蓮藕片，香酥肉，鴨血，四季豆及雞件，份量超級大， 熱騰騰， 隨之就係極濃的香味。 當中非常推介的是香酥肉， 本身都外層酥脆，裏面的肉依然細滑， 配上麻辣香料非常惹味。

開始進入寒冬，除了打邊爐，食川菜都好適合！這晚約了嗜辣的好朋友，去銅鑼灣的川滿居晚餐！餐廳裝修以古風為主，坐低之後打開餐牌，見到菜式都很大眾化，不只有辣，所以不吃辣的朋友到這用餐也絕對沒有問題！有乾鍋、烤魚、水煮菜式、各種小菜，樣樣都想試，重點是價錢相當平民！酸梅湯、金桔檸檬茶兩款飲料都好開胃！甜度和冰量都可以選，好甜心！夫妻肺片特別喜歡川菜的冷盤，都令人垂涎三尺！麻辣味特別香，牛肚牛脷都好爽口，好下飯！皮片鴨(半隻)想不到川菜都有片皮鴨，份量相當足，這個地段這個價錢性價比極高！麼麼皮厚薄適中，包住皮脆肉嫩，油脂豐腴的鴨，加上青瓜、京蔥、甜醬，極之滿足！黃金炒蝦球如果喜歡鹹蛋黃的朋友一定要點這一道菜，粒粒巨型的蝦球，都裹滿了厚厚的鹹蛋黃，口感鹹香沙沙的，蝦肉非常爽口彈牙，邪惡又滋味！蛋炒飯侍應拿出來的時候，我們兩個女生嚇一跳，$68超級大碟，炒飯粒粒分明，又夠鑊氣！下次一定叫多幾個朋友來這裏吃飯，可以試多幾個菜式！

性價比高，份量多!!味道唔錯嘅平民川菜館🥳片皮鴨 $168 已經有半隻外賣仲有九折🤯難怪下午茶時間都咁多人幫襯!!✨片皮鴨(半隻) 🤍推薦!!呢個價錢黎講，味道無得挑剔片皮鴨應有嘅元素都齊備😋皮脆，肉質都OK重點係塊皮煙韌軟糯😍✨香鍋客飯套餐（午餐） 午市套餐有得揀麻辣香鍋自選三餸，跟飲品同白飯揀左牛黃喉、田雞 、土豆片牛黃喉較少見，爽口彈牙醬汁口味唔算重，輕盈一啲✨京蒽牛肉(配6張麽麽皮) $88🤍推薦!! 蔥香滿溢，濃而不膩牛肉係滑牛香軟口感～香口但調味唔重手，食得舒服✨凉拌脆毛肚份量極多嘅涼拌小食😱毛肚爽口，掛滿香辣醬汁我鍾意細細啖，略嫌比較厚切大份辣味為主，食到後期味道較單一適合多人分享～✨黄金四季豆 🤍推薦!! 鹹蛋黃起沙四季豆自帶清甜，有中和作用食落冇油膩之感，香脆可口忍唔住一口接一口🤤✨紅糖糍粑 太抵食! 竟然有八條咁多😱做到外脆內軟嘅口感熱辣辣食風味最佳！

聖誕假期同阿女出銅鑼灣 shopping，佢想食至愛嘅烤魚，選擇了駱克道《川滿居》。烤加州鱸魚(醬香不辣) ~這個自家製醬料味道好吸引，整條魚掛滿這個醬汁非常惹味，啖啖魚肉新鮮好嫩滑，正啊！烤魚配有六款鍋底料：薯粉、木耳、蓮藕、大豆芽菜、青瓜條及金針菇。另外加咗個配料-鴨血~片皮鴨~餐牌這個必食之選，一定要點啦，薄薄的 麼麼皮包住脆脆皮的鴨肉、青瓜條及大葱，多重口感，味覺享受的配搭。黃金白玉菇~鹹蛋蓉包住白肉菇新鮮熱辣辣炸起，又脆又香，勁邪惡。