尚青商號

素來都知利東街嘅食肆係偏貴嘅，見到呢間未食過嘅台灣嘢，裝修有心思，想營造出台灣復古感覺。入門上一層先係用餐區，掃QR code落單，食物頭一頁係湯麵，就覺得佢應該係呢樣做得比較出色，佢配料，麵同湯都有很多選擇。一見到有我最鍾意食嘅牛舌同大腸二話不說就揀咗呢個，要紅燒湯。佢冇套餐，另叫咗一杯復古奶茶加珍珠。珍珠奶茶大大杯算好味，但又冇好味過街邊嘅手搖有品店，所以試過一次就夠啦。食物方面中規中矩，應有嘅味道，沒有驚喜，有小碟油炸鬼及雲耳作配菜。兩樣嘢加埋大概$120。唔講性價比的話可以一試。…查看更多

去開附近間Nitori行街，順便喺附近搵食，見到呢間肉青商號幾有特色，一於入去試吓！餐廳環境佈置到好似台灣一樣，卡位坐得幾舒服，幾啱同朋友坐低慢慢食。牛肉麵湯底幾香，係紅燒口味，我轉咗冬粉，冬粉吸味唔錯，口感都彈牙，掛到湯汁，不過牛肉份量真係偏少，有d唔夠喉。紅燒腿庫肉飯腿庫肉配滷蛋半隻，腿庫肉煮得幾淋，入味得嚟唔會太鹹，味道都夠。但係成碗飯俾汁浸住，搞到d飯濕晒，食落有d膩。如果汁量減少一半就好得多。…查看更多

今日 lunch time 已經早咗少少落灣仔搵食，點知呢度都仲係咁多人排隊，等咗成半個鐘先有位，而且上菜時間比較慢 🙈 店內裝修走台灣文青簡約風，木枱白牆，環境感覺幾 chill。酒香椒麻牛絲拌麵 ~ 牛絲係幾入味，食落唔會太乾，但就無乜牛味。有少少酒香但唔突出，椒麻唔算好辣，麻味都係比較輕。蔥香雞油雞腿拌麵 ~ 雞腿煎得香口，皮脆肉嫩，雞油香味幾突出，香氣十足。雞油拌麵就比較油香，麵條吸晒 d 油汁又幾滑口。不過食落有少少單調，食多幾啖會覺得膩。三寶牛肉麵 ~ 三寶滷得幾入味，湯底香料味唔重，偏清，唔似台灣果種濃厚牛肉湯，整體算穩陣但唔突出。椒鹽豬排魯肉飯 ~ 豬排炸得幾香脆，肉質唔算厚但唔鞋口，正常一般台式魯肉飯。今次試咗幾款麵飯，味道方面就中規中矩，無乜太大驚喜，價錢唔算平，等位時間又長，建議避開 lunch peak。…查看更多

中秋將近，囍帖街都會有靚靚的中秋佈置，每年都會特登去影下相今年都唔例外，影完靚靚金魚裝飾，去左食台灣野醫肚晚餐無套餐要散叫，飲品原價再加，價錢稍貴蔥香雞油雞腿拌麵$78雞腿拌麵可以自選幼或粗麵，簡左幼麵底幾Q大，不過個汁唔係好夠雞腿肉有少少嚡，滷蛋有半隻，份量偏小紅燒腿庫肉配金腿雞湯麵$98紅燒腿庫肉其實係紅燒豬手，個豬手炆得幾腍滷水汁甜甜地味道唔錯，成碟上份量都OK 金腿雞湯麵湯底有濃郁嘅雞味，略嫌個面有少少腍…查看更多

由蘭杜街搬到利東街後 — 重溫吓尙青商號嘅台式風味地下繼續有尚青柑仔店，賣台灣地道麵食、調味品、小食等而家仲有夾公仔機玩，放咗幾張高櫈可以歇歇腳、飲吓到樓上雅座用餐，牆身滿滿的鐵路牌依舊記得佢嘅嘢食大大份，唔貪心一人一款叫住先🌟臭臭鍋 = 大腸鴨血冬粉湯底好正！加少少辣醬平衡咗個湯偏鹹嘅味道🌟椒鹽豬排滷肉飯豬扒份量好足！滷肉醬味道亦OK只係$78呢個性價比冇得輸仲有好多滷物同小食都想試想品嚐台灣地道風味可以去呢間試吓…查看更多

-經過灣仔諗唔到食咩就去咗食尚青，台灣菜嚟講佢嘅椒鹽豬扒算幾正宗，大皮完全係同台灣鹽酥雞一模一樣，佢嘅滷肉飯我覺得仲好食過米芝蓮-▶︎午市套餐 椒鹽豬排魯肉飯 | $78滷鵪鶉蛋兩隻 + 凍烏龍茶-📌#sorriso_灣仔 #sorriso_灣仔區-🏠【尚青商號 SHANG CHING】 📍灣仔皇后大道東200號利東街地下G31號舖及1樓F31A號舖🕑星期一至日 11:30 - 21:30-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #灣仔美食…查看更多

喺灣仔利東街試咗尚青商號嘅台灣菜，環境充滿台灣風，牆上嘅裝飾同燈光好有氣氛！我嗌咗半筋半肉麵，牛筋煮得軟腍，入口滿滿膠質，牛肉厚薄適中，嫩滑又有咬口，湯底清甜，飲落好舒服。叫咗鹽酥雞，雞肉炸得外脆內嫩，但用蒜片代替九層塔，略為失色，少了嗰份台灣街頭味。麻辣鴨血冬粉味道惹味，微辣開胃，但湯汁偏少，冬粉吸汁後略為乾咗啲，食到尾有啲撐。甜品點咗朱古力粒雞蛋仔，外脆內軟，朱古力味濃郁，係一個驚喜嘅收尾。店員服務態度好，環境乾淨企理，雖然座位唔多，但坐得舒服。整體嚟講，食物質素唔錯，台灣菜嘅風味做得正宗，適合想喺香港食台灣小食嘅朋友！…查看更多

因為位置便利，經常幫襯。一入門口就有人歡迎你上樓上雅座入坐，室內懷舊環境、卡座都坐得舒服既，近排唔知係咪人少，基本上冇咩人催交檯。朋友叫左個🍲 麻辣鴨血臭豆腐煲（冬粉），上菜的時候個火大，朋友打開蓋的時候，服務員一手攞走個木蓋，講一聲唔好放近個火就走左，搞到朋友煮冬粉就冇蓋用咯，好尷尬😒 一上枱成間鋪都聞到臭味同🌶️辣味，鴨血滑嘟嘟似食緊豆腐花，臭豆腐外脆內爆汁！冬粉索盡麻辣湯底，食到鼻水都出埋🤧小辣已經好夠喉。免費配返杯凍冬瓜茶，剛剛好中和返。我自己點左個🍚 台酒三杯杏鮑菇雞煲（走蔥少飯） 三杯酒香濃惹味既🍶雞肉嫩滑，不過雞皮多多，肉唔多舊，杏鮑菇索晒醬汁仲juicy，不過得3舊！少飯版啱晒我呢啲怕澱粉嘅OL～我另外點左復刻奶茶（熱少甜）：茶底厚到掛杯，但可惜對我黎講少甜都係超甜，唔推薦～埋單加一，HK$207。利東街鋪租唔平，仲要租2層。咁既價錢，咁既食物質素，合格。…查看更多

在我公司附近 我蠻常吃的 但是！今天晚餐去吃炸排骨配擔擔麵套餐 排骨有有豬騷味🤢 炸排骨都這麼重口味了 豬騷味還是很濃厚我實在不懂水要自己倒，為什麼還要收10%的服務費。…查看更多

份量極少 90幾蚊2舊豆腐2舊鴨血 碗飯仔兒童餐咁 9點未到已經要求付現金 劣質食材唔係咩值錢野 非常唔合理 女朋友個雞脾撈麵 雞無味 仲好柴 香港飲食業真係要俾小小心機 咁搞法真係全部北上 …查看更多

我認為尚青係一間幾唔錯的台式餐廳 - 位於遊客打咭點的利東街但價錢都唔會特別貴，店舖環境舒服有特色，食物質素唔敢講係同區最好但都Keep 到唔錯嘅水準而且選擇都幾多。曾經多次到訪，以下係自己總結的好味推介：羅東雞配干貝雞湯飯 - 雞肉肥美香滑，配特製香䓤醬好開胃，湯飯好有香濃雞湯同瑤柱味，仲有少少炸葱油。比起跟麵或菜飯，這個組合可以稱得上絕配。紫菜金腿湯餃 - 份量唔少（好似六隻），餃子飽滿肉新鮮多汁，湯底同樣好味唔係滾水加味精。配有木耳同油炸鬼，胃口細的可以當係主餐食。炸物方面覺得必叫嘅係椒鹽炸大腸，炸得外脆內軟，加埋蒜粒同椒鹽味道好香口，但我不喜歡大蒜會撥開。而且炸大腸份量似乎比其他小菜多，係抵食好味之選。令外虎咬豬即係刈包亦係美食之一，試過酸菜控肉同蚵仔煎蛋，比較中意前者邪惡得黎啖啖肉有口感好滿足，酸菜同芫西又中和左油膩感。蚵仔煎蛋刈包味道就較淡，始終個包面積有限蚵仔份量唔多。柴魚片皮蛋豆腐花 - 一款幾特別的甜品，咸咸甜甜幾得意，只不過台灣的柴魚片比較硬身，口感唔及日本木魚片。不過都有一些食品不似預期，就好似鴨肉雞油撈飯的鴨肉就好乾瘦，雞油唔夠香。飲品都幾多選擇，但如果有奶蓋類的會更加好食完夠一定金額可以到地面玩括括咭，（以前可以夾公仔）獎品包括labubu公仔。再出去利東街行吓，整個體驗頗愉快，係好適合尤其係假日，同家人朋友聚餐的好地方。…查看更多

琴日去咗間台式餐廳，門口裝修得幾有特色，紅色嘅招牌醒目到爆，入到裏面，牆上貼住好多台灣嘅風景相，環境熱鬧又有台灣味。• 台式擔擔麵 價錢：$60，呢碗擔擔麵一上台，賣相真係唔話得，湯底呈乳白色，好似奶昔咁濃稠，上面鋪住嘅食材豐富到好似一座小山。麵條爽滑彈牙，應該係用咗高質嘅麵粉製成，煮嘅時間控制得啱啱好，唔會過軟或者過硬，口感一流。湯底嘅味道濃郁到不得了，應該係用豬骨、雞骨等食材精心熬制而成，入口醇厚，咸鮮味十足，不過可能因為熬制嘅時間太長，有少少膩嘅感覺，如果可以搭配返啲清爽嘅蔬菜，例如豆芽或者酸菜，就可以中和返個膩味，令口感更加平衡。上面嘅肉臊真係靈魂所在，肉粒細膩，應該係用咗肥瘦適中嘅豬肉製成，經過精心炒制，肉香四溢，同湯底嘅味道融合得好好，每一口都充滿咗肉香同湯底嘅鮮味。同其他台式餐廳嘅擔擔麵相比，呢間餐廳嘅麵條口感更加出色，肉臊嘅味道亦都更加濃郁，但係湯底嘅清爽度方面就稍微遜色咗少少。不過整體嚟講，都算係一碗令人滿意嘅擔擔麵。講起擔擔麵，真係勾起咗我好多回憶。以前去台灣旅行嘅時候，幾乎每日都會食一碗擔擔麵，喺街頭巷尾嘅小店裏，坐喺簡陋嘅桌椅上，感受住台灣嘅人情味，一碗熱騰騰嘅擔擔麵就好似可以帶走所有嘅疲憊。而家喺香港食到呢碗擔擔麵，雖然冇咗喺台灣嘅那種氛圍，但係味道依然可以帶我返到以前嘅美好時光，好似喺嘴裏面上演咗一場台灣美食之旅，真係令人回味無窮…查看更多

餐廳上樓梯話要冇攞飛要返落去下排隊攞飛，都2025而家仲有食肆冇機禁飛要排隊人手攞飛已經相當落後！放飯時間係仲要企左成個鐘！坐低揀午市套餐set送飲品，規矩多多飲野冇得走冰及少甜，吓~唔加冰唔落糖唔得? 係水吧白痴唔識定餐廳問題?結果再等左26 mins個餐到喇，見飲野杯杯都咁大粒冰仲要紙杯size果隻。好啦~ 到食食下問職員拎紙巾，拎杯水清洗下，職員竟然話冇?！搞錯, 我拎杯水食粒藥都唔得? 出事搵餐廳負責?餐廳連紙巾同水都驚蝕！香港飲食業已死唔係冇原因！有呢種咁小家的諗法可以玩完!…查看更多

📍 尚青商號 (灣仔)🌏灣仔皇后大道東200號利東街地下G31號舖及1樓F31A號舖📝 5/10 今日與同事再次光顧了位於利東街的這家台灣小店，之前在舊舖蘭杜街吃過一次，餐廳經過重新裝修，依然保留了許多台灣元素，讓人一踏入就感受到那股濃厚的台灣氛圍。半筋半肉麵牛筋煮得相當入味，口感軟腍，彷彿每一口都在釋放膠質的鮮美。牛肉的厚薄適中，既有咬口又不失柔嫩。鹽酥雞 我的認知中鹽酥雞應該搭配九層塔，配搭出獨特的香氣，但這裡卻是配上了蒜片，讓我有些失望。麻辣鴨血冬粉味道尚可，但略嫌湯汁太少，冬粉的吸附能力強，讓人感覺越吃越多，最後一口似乎有點“撐”。如果湯能再多一些會更好。朱古力粒雞蛋仔最後甜品反而有驚喜，朱古力味道濃郁，雞蛋仔外脆內軟。…查看更多

昨晚在這家餐廳的用餐經歷令人失望。第一份餐在點完餐之後二十分鐘才送上，然後在點完餐半小時後才告知另一份餐點已經賣完。令人更加不滿的是，服務員態度一般，並沒有表現出任何歉意，以很草率的態度來告知餐點沒了。餐廳管理層應該加強對員工的培訓，以提高服務品質。總體來說，這次用餐經歷相當失望，不會推薦給朋友，也不會再來光顧。餐點：麻油雞飯：雞肉味道還可以，不過吃不出麻油的香氣茶香豆乾：豆乾跟調味還不錯鹽酥杏鮑菇：沒有特別的記憶點但也不難吃腿庫飯：等了半小時才告訴我們沒了…查看更多