尚青商號

去開附近間Nitori行街，順便喺附近搵食，見到呢間肉青商號幾有特色，一於入去試吓！

餐廳環境佈置到好似台灣一樣，卡位坐得幾舒服，幾啱同朋友坐低慢慢食。

牛肉麵
湯底幾香，係紅燒口味，我轉咗冬粉，冬粉吸味唔錯，口感都彈牙，掛到湯汁，不過牛肉份量真係偏少，有d唔夠喉。

紅燒腿庫肉飯
腿庫肉配滷蛋半隻，腿庫肉煮得幾淋，入味得嚟唔會太鹹，味道都夠。

但係成碗飯俾汁浸住，搞到d飯濕晒，食落有d膩。如果汁量減少一半就好得多。