小曼谷海鮮燒烤屋

营业中

休息中

今日老友又帶我入九龍城搵食，嚟得一定係食泰菜。今次我哋就揀最多人入席嘅餐廳，試吓係咪真係咁好食！！室內位置已經坐滿，要坐室外😖睇睇餐牌先，餐廳串燒種類比較多，咁啱有個優惠菜式 可以試吓😛-泰式冬陰公魚片湯$38（優惠菜式）冬陰公湯味道酸辣，令我食慾大增。鮮魚片數量幾多，肉質滑又無骨😛 呢個價錢估唔到幾足料，好抵食。-串燒拼盤B$188心念念乜都想食，就嗌咗個拼盤唔洗諗🤭入面有雞全翼、豬肉串、牛肉串、雞肉串、雞腎、地道燒臘腸… 串燒燒得好香，燒到啱啱好，肉質嫩滑🤭配埋沙嗲醬食一流，香濃花生味又甜甜哋！最特別係臘腸，比平時港版個隻再甜啲多汁啲，不錯嘅體驗。-香葉辣椒海鮮炒米粉$108海鮮鮮有蝦仁、魷魚🦑香葉的清香同辣椒的辛辣結合，令整體香氣濃郁。炒米粉火侯掌握得啱啱好，保持米粉的彈性，而且很夠鑊氣。 一定要叫！！-鐵板豬頸肉炒通菜（馬拉盞）$118雖則價錢唔吸引，但勝在份量夠多。通菜好幼嫩，口感好爽。豬頸肉份量都多，煎得香脆，連埋馬拉盞醬一齊食，好開胃🤤-泰式青檸梳打$42-珍多冰$42飲品正正常常，珍多冰好多粉條，口感豐富

九龍城正宗泰國菜，老字號首選，提供多款招牌菜，包括串燒、冬陰功、咖哩蟹及泰式生蝦刺身，滿滿泰國地道風味。串燒即叫即燒，勁惹味，超香燒烤風味，搭配自家制泰式沙嗲汁，焦香牛肉豬肉串燒肉質細滑，雞肉串燒充滿肉汁。燒羊架表皮金黄酥脆，肉味濃而不太羶，內層肉質粉嫩，鮮美多汁。炒米粉口感絲絲彈牙，加入大蝦、叉燒、蟹柳等配料夠鑊氣，色香味俱全。咖喱大蝦是去泰國菜必點菜式之一，咖喱汁相當惹味，送飯一流。大蝦肉質非常新鮮彈牙有蝦味，蝦頭則有蝦膏香味。煮得十分出色。

九龍城的小曼谷海鮮燒烤屋絕對是讓人彷彿置身於泰國街頭的老字號餐廳。這間餐廳屹立多年，以其濃厚的泰國風情和熱鬧的氣氛吸引了眾多顧客。尤其是週末晚上，還有現場音樂表演，讓整個用餐體驗更添一層趣味，非常適合與好友一起聚會。這次我們選擇了兩款升級午餐，泰王咖喱軟殼蟹和泰王咖喱炒蝦配上蒜蓉包。每一道菜都充滿驚喜，絕對值得一試！冬瓜湯作為開胃湯品，冬瓜湯清新天然，消暑清熱。湯底味道清甜，沒有過多的調味，凸顯了食材的原味，為這頓泰式盛宴打開了完美序幕。泰王咖喱軟殼蟹和泰王咖喱炒蝦作為主菜，這兩道咖喱菜式絕對是亮點！咖喱汁香而不膩，帶有濃郁的蛋香和香料風味，讓人一試難忘。配菜如洋蔥、青椒等為咖喱增添了層次感。軟殼蟹炸得外脆內嫩，與咖喱汁的結合堪稱絕配，每一口都讓人回味無窮。虎蝦肉質爽口彈牙，蝦頭更是濃縮了滿滿的蝦膏精華，愛海鮮的朋友絕對不能錯過。搭配的蒜蓉包更是別具一格！與一般餐廳不同，這裡的蒜蓉包使用了大量蒜蓉，香氣十足，每一口都脆口濃香，與咖喱汁一起品嚐更是絕妙的搭配！我們另點了鐵板豬頸肉芥蘭，這道菜也是焦點所在！豬頸肉煎得焦香，與芥蘭搭配得宜，還加入蝦米提味，讓整道菜充滿鑊氣。豬頸肉的油香與芥蘭

喺九龍城嘅小曼谷海鮮燒烤屋，好正宗泰國料理，呢間店已經喺九龍城屹立多年，係當地人氣超高的泰菜餐廳，每次搭巴士經過九龍城都會留意到依間餐廳，今日終於一試，環境簡潔乾淨，裝修充滿泰國風情今次試咗幾樣招牌菜泰式冬陰魚片湯（2-3人份）$168湯底酸辣鮮美，魚片新鮮嫩滑，配料豐富，有菇菌、芽菜等，與香茅、檸檬葉嘅搭配相得益彰，湯中還加入了新鮮嘅香菜和紅辣椒，增添了層次感，讓人一口接一口，唔止非常開胃，仲好飽肚添呀蝦膏豬肉碎炒飯 $98蝦膏嘅獨特風味使這道炒飯更加鮮美，豬肉碎嘅加入增添了口感嘅層次小曼谷原隻芒果糯米飯 $88原個芒果好厚肉好甜，糯米嘅Q彈口感搭配上新鮮嘅芒果，甜而不膩。淋上香濃椰漿，令整體風味更加豐富香甜可口，係完美嘅飯後甜品椰青 $49椰汁清甜，椰肉爽口，解渴又解膩，仲可以為依餐增添一絲清新嘅感覺總括嚟講，小曼谷嘅食物新鮮美味，價錢實惠，服務又好，係九龍城食泰菜嘅不二之選，值得大家去試吓！📍小曼谷海鮮燒烤屋 (九龍城)🔎九龍城太子道西398號御太子地下1-3號舖

今日去咗喺九龍城嘅小曼谷海鮮燒烤屋兩個人食 嗌咗個泰北火鍋，揀咗金不換湯底個火鍋勁足料海鮮份量好多，蝦同魷魚都好新鮮同彈牙仲有肥牛同埋豬肉片，值得一讚嘅係豬肉片真係好嫩滑其實食完個火鍋已經都幾飽 佢除咗有好多海鮮同肉之外仲有大量菜同埋有個粉絲 以呢個價錢嚟講真係好抵同埋個金不換湯底清得嚟又有啲香茅味，好特別，啱晒想試泰式風味火鍋又怕辣嘅朋友食完火鍋之後我哋嗌咗啲串燒帶子沙嗲串燒好香同埋juicy, 蕃茄仔配埋帶子食估唔到會咁夾最驚喜係佢個珍寶腸沙嗲串燒，完全係外脆內軟，跑落去又係有啲肉汁流出嚟雞腎沙嗲串燒好爽口，牛肉同雞肉串燒就好嫩滑，總括嚟講所有串燒都好高質九龍城咁多間泰國嘢，呢間真係會想keep住不停去！

前幾日同老婆去咗九龍城嘅小曼谷海鮮燒烤屋食飯，真係一個字：正！🍤✨我哋叫咗咖喱炒大蝦加薄餅同埋肉片炒河，味道真係令人驚艷到飛起！咖喱炒大蝦嗰份，蝦肉彈牙得嚟汁多味濃，咖喱香辣中帶點椰奶嘅溫柔，薄餅脆卜卜，咬落去係滿口滿足感！🦐🔥🍕肉片炒河就更加係經典嘅泰式風味，河粉炒得乾身又夠鑊氣，肉片嫩滑，配上嗰啲醬汁，真係食到停唔下來！🍜😋 佢最新推出咗泰式火鍋🍲不過今次就冇試到，期待下次再去試吓🥰環境方面，餐廳氣氛夠chill，夜晚有live music加持🎶，同老婆一邊食一邊聽歌，感覺好relax又浪漫💑。服務員態度都幾好，唔會hea住招呼，點餐同上菜都快手🌟。價錢唔算平，但份量同質素絕對對得住，性價比高到AI都分析得出係「值得一試」嘅結論！💸👍整體黎講，小曼谷海鮮燒烤屋俾咗我哋一次好正嘅泰國菜體驗，食物味道同氣氛都係A級享受！下次會唔會再去？AI預測：99.9%會！😂如果有朋友問我推介泰菜，我會話：「去小曼谷啦，唔會失望㗎！」同老婆都話食得好開心，下次要試吓佢哋嘅燒烤同生蝦刺身🐟🍢，期待值爆棚啦！💖

之前住開呢頭，都有食過呢間小曼谷，果時都覺得尚有水準。呢日行開，發現距地推出新噶火鍋套餐，勁大份都只需198，果斷入去更新下印象啦，俾翻個like，支持下本地食肆。呐呐呐，一般食親泰國菜，起手就系三樣先，飛天通菜(無就轉xxx炒通菜)，生菜包肉外加泰式無骨鳳爪。無他，真系出品夠穩定。今次依然出品有水準，飛天通菜鮮香可口，夠曬鑊氣。無骨鳳爪一如既往Q彈酸爽，十分野味。生菜包肉口感豐富，解膩得黎又開胃。泰式炒飯，呢個要重點講下，個樣好似少少頹，但系味道真系非常唔錯，鑊氣炒飯，粒粒分明。食落口感風俗唔油膩，贊。當晚重頭戲，泰式火鍋，九層塔湯底，真系別有一番風味。你地睇下呢份料，感覺仲多過某啲連鎖速食店火鍋餐，雪花肥牛，豚肉，虎蝦，墨魚片，外加主食粉絲。4人份，真系食到捧住個肚走甘滯。

“小曼谷海鮮燒烤屋”屹立九龍城多年，以海鮮燒烤出名，聽講最近推出火鍋亦都唔錯，朋友鍾意火鍋，咁就來試吓啦。“泰北尖重火鍋”的廣告推廣貼滿舖頭，好難睇唔到，中午時分食嘅人少啲，但都被我哋呢檯哋食物造型，擺盤吸引到，又知道夜晚價錢不變，都係198蚊，都表示之後可以夜晚來幫襯。個set有3個湯底揀，話明泰式火鍋，湯底都離不開泰式，有泰北金不换湯底，冬蔭湯底和 椰汁湯底可揀，跟自己喜好揀咗金不換湯底，唔會辣，但又有泰風味。安格斯牛肉幾正，灼幾秒就食得； 豬肉片亦好新鮮，鮮蝦和魷魚亦都新鮮，有蝦的甜味，魷魚彈牙，雜菜 有幾樣，可以補番我一星期的蔬菜量，仲有粉絲，二個人如果細食一份都够飽。有男士喺度嗌多咗個“辣椒膏炒蝦”，蝦係大大的 兩隻，跟有一個“冬瓜餐湯”和一份“薄餅”，加29蚊多咗份“酸辣鳳爪”，再跟一個免費“泰式龍眼冰”，唔使400蚊就食到咁豐富的泰式食品，超級滿足。

今日叫咗三款食物，包括泰北尖重火鍋、泰式炸蝦餅同蜜糖燒菠蘿，真係每款都有啲驚喜！九龍城向來係泰國菜集中地，去呢度食泰菜真係唔會失望。😋泰北尖重火鍋湯底有三款選擇：泰北金不換、冬蔭湯底同椰汁湯底。我哋揀咗餐廳推薦嘅泰北金不換。上枱嗰陣，湯底清清地，聞到金不換嘅獨特香味，好清新自然，唔會過咸，飲落好舒服。店員仲好貼心，直接畀多一個碗，方便我地飲湯。配料有安格斯牛肉、豬肉片、魷魚、蝦、雜菜同粉絲，份量真係幾多，兩個人食都夠飽。海鮮好新鮮，尤其係蝦，好彈牙，質素唔錯。仲有兩隻生雞蛋，可以沾蛋汁食，或者打落煲到，牛肉沾蛋汁特別滑嫩，味道更豐富。🍲之後試咗泰式炸蝦餅，呢款係泰菜經典，佢哋整得有水準。蝦餅外皮炸得香脆，咬落去有「卡滋卡滋」嘅聲，內裏蝦肉結實，配上泰式甜酸醬，酸甜嘅味道好夾，食落唔會覺得膩。🦐再講蜜糖燒菠蘿，菠蘿燒過之後，表面金黃帶焦香，咬落依然 juicy，唔會乾柴。蜜糖滲入菠蘿，甜度啱啱好，唔會太甜膩。🍍

-香葉辣椒海鮮炒米粉 $108海鮮有蝦、帶子、魷魚等等，加埋配菜香濃可口，份量適中，海鮮都算新鮮，唔會覺得係平價野，辣味剛好👍🏼米粉唔會太硬～啖啖入口都好豐富，非常足料-泰式生蝦刺身 $128一碟有七隻，係大蝦款黎🤩入口夠爽口唔會有腥味～食得出係新鮮蝦！點蝦嘅泰式辣醬非常夠辣👍🏼但冇掩蓋蝦嘅味道～-芒果椰汁沙冰 $42口感超棉軟滑👍🏼芒果果夠濃！加埋椰汁又唔會太甜，兩樣加埋好夾🤩唔想飲奶茶/椰青可以揀佢！

見到呢度新推出嘅泰北尖重火鍋，一食之下覺得真係唔錯！😍👍🏻湯底要咗金不換湯底，火鍋材料有安格斯牛肉、豬肉片、新鮮蝦、魷魚，加埋啲雜菜、粉絲同雞蛋，用料高質、新鮮，食得好健康！👍🏻👍🏻兩個人食都好夠飽！👍🏻椰汁西米糕同泰式千層糕作為飯後甜品，都幾好食，一冷一熱，綿密香甜。😋😋椰青解渴又清涼，珍多冰椰奶清甜。❤️整體嚟講，菜式豐富，地道正宗，服務又好，可以encore！👍🏻👍🏻

這家老字號泰國餐廳屹多年，以其地道風味與熱鬧氛圍，早已成為饕客心中的定番。它最大的特色之一，便是將泰國街頭大排檔的靈魂注入室內，既保留了那份濃濃的庶民情懷，又增添了舒適的用餐體驗。除了美食，這裡的另一大亮點是每晚八點至十一點的現場音樂表演。Live Band氣氛熱鬧而不失格調，特別適合三五知己聚會，或是想放鬆一下的夜晚。服務員態度親切，忙而不亂，讓人倍感親切。菜品推介:泰式炸春卷 份量很多！經油炸後外皮金黃酥脆，內餡鮮嫩多汁。搭配店家特製的甜酸醬，酸甜與微辣交織，開胃又解膩。 泰式原味烤薄餅源自泰國街頭的Roti，以慢火烤製至微微焦香，口感外脆內軟，酥軟酥軟，特別適合配上咖喱一起吃。青咖喱雜菜青咖喱香氣濃郁，椰奶的甜滑很好地平衡了辣度，蔬菜煮得軟硬適中，吸滿醬汁後風味更佳。建議搭配白飯或泰式煎餅，完美配搭！豬肉沙嗲串燒肉質多汁且入味，炭烤的焦香與沙嗲醬的花生濃郁相得益彰，每一口都是滿足感爆棚。串燒是燒烤愛好者的必點之選，熱氣騰騰時最對味！

風味燒豬頸肉，超級大份，肉質鮮嫩，外皮燒到卜卜脆，配搭特製嘅醬汁，口感層次分明，送酒一流！但驚喜嘅係泰北尖重火鍋，特別係金不換湯底。湯底味道濃郁，湯裡面好多香料，十分足料，唔食辣嘅人都好啱。裡面包括埋安格斯牛肉、豬肉、蝦、鮮魷、粉絲同雜菜，肉類，海鮮同兩隻雞蛋，全部都好新鮮，尤其係鮮魷爽口彈牙，最後落埋粉絲，煮熟之後後吸收了湯底嘅精華，粉絲嘅配搭好吸湯好正，比佢100分！。另外，泰式炸蝦餅都係必試！外脆內軟，啖啖肉岩晒我地鍾意食肉嘅人，佢仲有配埋一啲酸辣醬料，成個味覺更加有層次。如果你鍾意火鍋，絕對唔可以錯過泰北尖重火鍋，金不換湯底真係值得推薦！不過提提大家，係期間限定架，要食記得快啲嚟！

九龍城有好多間泰國菜，今日簡呢間食係因為佢有個冬日限定既泰式火鍋，港式邊爐就食得多，泰式真係好少接觸。湯底方面有3款，泰北金不換, 冬蔭湯底同埋椰汁湯底。我地簡左泰北金不換。上枱時，店員會直接比多一碗湯，方便之後食既時候加湯。湯底清清地，金不換既獨特香味好突出，鐘意佢個湯底唔會過咸。配料方面有安格斯牛肉, 豬肉片, 魷魚, 蝦, 雜菜同埋粉絲。整體份量都幾多! 而且海鮮係好新鮮，特別係蝦! 另外仲會配有2隻生雞蛋，可以沾生蛋汁食，或者打落個煲到食都得!2 人份量都好夠，食得好飽！另外叫左個香葉肉碎炒飯，好香口，油香四溢既肉碎加入金不換之後有陣薄荷香氣，非常開胃，而且食落辣辣地，好惹味。仲有煎到焦邊嘅蛋，賣相同味道都一流。野飲叫左椰青，超大隻而且好多椰子肉！

約咗朋友去九龍城食飯，首選當然係泰國菜，小曼谷海鮮燒烤屋在九龍城係老字號。地方簡潔，擺設充滿泰國格調，主打新鮮海鮮。冬蔭海軍海鮮部隊鍋（小）：辣度揀咗少辣，部隊鍋係季節限定，份量分2人和4-6人，一大盆上枱，材料份量十足，有蝦、青口、帶子、魷魚、扎肉、五花肉、蟹柳、肉碎、蛋黃和麵條，相當豐富，材料新鮮，湯底係冬蔭公，味道濃郁，酸辣鮮美，五味俱全，不油膩，麵條吸收到湯汁，彈牙惹味。泰式干炒豬肉片河：豬肉片爽滑彈牙，醬油香氣四溢，炒得乾身夠火喉，炒得乾身夠火喉，非常香濃惹味！正宗泰國風味串燒，做得非常出色，沙嗲醬汁好惹味，雞全翼皮脆肉嫩、豬肉、雞肉有口感。