小曼谷海鮮燒烤屋

营业中

休息中

今日搭屯馬線一天遊，Lunch揀左黎九龍城食泰國嘢，search過小曼谷比較出名，而且好近地鐵站，超級方便，門外重有泰式吹氣公仔，歡迎你，店內坐位寬敞，原來夜晚仲有live Band添起黎豬同雞沙嗲串燒豬牛雞串燒都燒得剛剛好，肉質唔老，點埋沙嗲醬食，好惹味燒牛肉都好正！個樣烤得好靚配果種酸辣汁真係好開胃，原來呢個係小曼谷signature既牛小排真係好正好有牛味又夠淋，真係好出色泰國嘢必吃蝦餅厚身而且夠彈牙啖啖肉超好味飲品叫咗芒果沙冰，香濃唔太甜，好適合夏天飲

九龍城必食泰國餐廳，我一定推薦呢間，樣樣食物都好味又夠多款，真係好吸引❤️香葉肉碎炸蝦膠皮蛋😳第一次叫黎食，真係滿足晒我三個願望，重點係個皮蛋係流心的，蝦膠又彈牙，口感層次極豐富🫡泰式燒牛仔骨😳好味道👅不得之了，又香又惹味，重要有4塊，好抵食🤩再黎個串燒拼盤B😍勁多款 雞全翼（1串），地道燒臘腸（1串），豬（1串），牛（1串）雞（1串）同雞腎（1串），調味好味🤤仲有個沙嗲醬，簡直係加分位😋額外叫多串珍寶腸，啖啖肉😛黃咖喱海鮮配泰式蒜茸包😚簡直係絕配，缺一不可🫡而且個黃咖喱海鮮非常豐富，又有青口又有帶子又有魷魚，仲有啲蔬菜薯仔添😘最後嚟多個泰式鐵板蠔餅❤️超級無敵多蠔仔，真係每一啖都有，個蛋又鬆又酥脆，一齊食真係不得了❣️

個個都話九龍城出名食泰國菜既都係嚟呢間小曼谷食，但原來係名過其實星期日去到唔算多人，職員安排我地坐咗張由兩張二人枱拼埋一齊既四人枱，但有六張凳，凳與凳之間係冇空位可以郁既，雖然係有D奇怪但都覺得冇咩所謂後尾有多一枱兩個客既坐咗喺我哋隔離，因為本身一張二人枱係好細，咁兩枱唔識既人坐埋一齊就顯得好逼唔夠位擺餸，但明明成個場仲有其他空位，職員係都要安排坐得咁逼到上菜既時候因為張枱太細唔夠位，個職員問咗一句杯水係哋唔要架啦，我哋都未開口佢就一手隊咗落我同朋友杯水度，我哋已經不斷重複杯水係要飲既，因為我朋友杯水啱啱加咗藥粉，飲都未飲就俾佢隻手指插咗落嚟，咁就冇得食藥，完全唔知佢問嚟做咩！食客都未答就隊隻手指落整污糟晒杯水，咁都唔係諗住俾人飲架啦！到食完果下啲職員又急急腳咁收走晒枱面啲野，好趕客。但明明出面已經冇人等位，而個場就仲有好多空枱，唔知咁急收晒D野咁趕客為乜

今日專登去到九龍城試吓地道嘅泰國菜，大概七點幾去到，入面都唔算好full，好快就等到位入去。一坐低嘅時候，店員就放低咗個QR code我哋自己落單，之後我朋友問過佢哋有冇啲咩推介，但係佢哋好似太忙冇理到佢，咁所以我哋都自己落單叫嘢食 咁我哋就叫咗四個餸，一個鐵板蠔餅，一個鹹肉炒芥蘭，一個明爐烏頭，同埋一個生菜包，叫咗2杯嘢飲咁啲嘢好快就已經上晒枱，咁但係可能因為張枱唔算好大，所以放到好滿咁首先就講吓個鐵板蠔餅，下面佢用咗一啲芽菜嚟墊底令到塊鐵板唔會令到個蠔餅咁燶，可惜嘅係芽菜水份太多令到蠔餅太濕，搞到成塊蠔餅都好難食，就算一上枱就食，佢都冇蠔餅應該有嘅脆口，有種放咗好耐再加熱嘅感覺感覺鹹肉炒芥蘭就正正常常，但係啲鹹肉本身應該要脆厚啲，唔知係咪放得太耐，所以好快就有種好濕好腍嘅感覺，冇咗嗰種同芥蘭對比嘅感覺個生菜包就做得幾好食，有少少辣，但係嘅肉都好多，就算食晒啲菜都仲未用得晒啲肉，整體個口感都唔錯而個明爐烏頭，魚嘅份量係偏細，同埋個湯未夠入味，就算下面個蠟燭已經燒晒，但係個魚都好似唔夠味，可能因為太多客所以做唔切整體嚟講，好似冇以前咁好食，有啲可惜最尾仲要講吓佢哋嘅服務，雖然出面冇乜人

今日難得到好耐冇見既朋友出黎聚下，揀左黎九龍城呢間餐廳，其實呢個名聽左好多年都未黎試過~3個人都食左7百幾蚊，又唔算好貴，整體份量都大碟既冬陰公湯(蝦) - 小大概2-3人份量每人都飲到兩碗左右，不過蝦就得2隻，真係甘岩我地係3個人，分唔均。有得揀小辣既，配料主要都有食到菇,菇同埋菇串燒拼盤(6串)拼盤set好左每款一串，有雞全翼,牛,豬等等，都幾香幾脆，仲有重點沙嗲汁芒果海鮮炒飯大大碟，3個人share都好夠飽，不過主要都係飯，海鮮同配菜都唔係特別足料泰式咸魚炒椰菜苗最好食係呢個菜，好入味又唔會太咸，好岩送飯蒜蓉包(4片)軟硬度岩岩好，仲有小小脆邊，我個人中意點冬陰公湯，吸曬d湯汁好正!!仲叫左幾杯飲品，正正常常

久唔久就想去九龍城食泰國嘢，今次朋友都係揀咗小曼谷，佢實在太多款式而且價錢合理食物好食。泰式拼盤(S) $178每次嚟都必點，拼盤有齊四款，我實在太鍾意食蝦餅、魚餅、雞棗、春卷，沾上泰式酸辣醬，實在太好食。曼谷夜市火山骨$38餐廳星期一至五做緊唔同優惠，我哋星期三係呢個火山排骨，優惠價錢勁抵，都幾大碟有成四五條大排骨，肉都幾多，煮得肉質鬆化，配埋個惹味醬汁好正，唔會好辣好醒胃。泰式鐵板蠔餅 $138蠔餅用鐵板上熱辣辣，勁多蠔仔，粒粒飽滿脹卜卜肥美，蠔餅充滿蛋香，仲有大量爽脆芽菜，沾上辣醬更加惹味。極上安格斯牛柳粒沙嗲串燒 $55安格斯牛柳粒大大粒，口感好好，肉質鬆軟，沾上特調醬汁味道一流。鐵板豬頸肉啫通菜（馬拉盞）$118我好鍾意馬拉盞嘅香味，仲要用鐵板上，夠晒鑊氣，通菜爽脆，配上惹味豬頸肉好香。泰式干炒豬肉片河 $98呢個炒河就不過不失，正常發揮，唔算好油，材料都份量足。蝦膏豬肉碎炒飯 $98呢個飯都係正常，材料有蛋同埋一啲泰式臘腸，蝦膏味道如果再濃一啲會更加惹味。

去完泰國旅行一個月，好掛住泰國嘅味道。 今日同家人去九龍城食泰菜回味一下。我地叫咗好多嘢食，好豐富。蝦膏肉碎炒飯$98炒得好有鑊氣，蝦膏香氣撲鼻，炒飯粒粒分明，肉碎炒得好香口，超惹味。干炒泰式肉片河$98又是另一鑊氣之作，河粉口感好好，不會炒到碎晒。小食拼盤（小）$178炸蝦餅，炸魚餅，春卷同雞棗，樣樣齊，全部炸得金黃香脆可口，暫時放棄減肥。曼谷夜市火山排骨$38呢個係餐廳優惠，每日都有唔同嘅特價菜式，星期三就有呢個。真係同曼谷嘅夜市火山排骨一模一樣，無論賣相同味道都係，就好似去咗曼谷夜市度食，肉質唔韌，汁醬微酸帶辣。極上安格斯牛柳粒（4粒）$55燒得香口，牛柳粒嫩滑，牛味香。鐵板豬頸肉啫通菜$118呢個好有鑊氣同惹味，豬頸肉香口爽滑，通菜爽口。泰式蠔餅$138第一次食泰式蠔餅，原來好足料，好多肥大蠔仔，好鮮甜，蠔餅煎得充滿蛋香，而且好多芽菜，唔會太油膩，不錯。

九龍城泰國料理林立，小曼谷算老字號，水準穩定，服務好好嘅泰式料理店。🐷曼谷夜市火山骨🌋🦴令我想起泰國火車頭夜市，排骨煮到細細力咬就離骨，湯汁帶起晒肉嘅鮮味👍🏻🐔泰北木瓜椿鳳爪新嘢，木瓜沙律拼鳳瓜，2樣都酸酸甜甜有少少辣，好對味。海鮮孖寶 - 鹽燒東風螺 + 燒脆皮白鱔鹽燒東風螺，無浮誇嘅調味，簡簡單單鹽燒帶出累肉原味，火候拿捏得好好，累肉唔會乾柴👍🏻燒脆皮白鱔，魚皮燒到脆卜卜，魚肉彈牙無骨，油脂豐富，好食👍🏻🦐泰式生蝦刺身厚肉大隻，爽口冰涼，肉質結實，我個人可以食4隻👍🏻👍🏻食完先睇到有每日唔同嘅夜市堂食推介，有泰皇咖哩青口/泰國熱爆火山骨/傳統冬陰雞湯，每款都係$38，唯有下次試。

🐮🥩極上燒安格斯西冷牛小排好好呀，可以揀唔同嘅生熟程度 ，分別有 50% 60% 同 70%，燒牛肉上枱熱焫焫香噴噴，咬落油脂會由肉同肉之間B出黎，好好食👍🏻👍🏻🥬泰式馬拉盞炒椰菜苗泰國椰菜苗爽脆鮮嫩，用上馬拉盞蝦米炒，咸咸香香👍🏻👍🏻泰式拼盤（蝦餅/魚餅/春卷/雞棗）蝦餅正常發揮；魚餅水準鮮味；春卷餡包入芋頭，出奇地好食，外面香脆裡面鬆軟；泰式雞棗平時少食，好似用豆腐皮包住起膠嘅雞茸炸，有啲似麥樂雞感覺😆⭐️日日至荀優惠 - 今日 - 泰皇咖哩青口⭐️用帶少少椰香加左蛋嘅黃咖哩炒青口，青口其實見唔到個樣，因為掛滿晒汁，入口肥美無雪味，咖哩汁一定要用蒜茸包點，絕配👍🏻🧄🥖泰式蒜茸包（4塊）好多蒜茸，烘到外脆內軟👍🏻

要去食泰國嘢一定係去九龍城😋坐低見到餐廳推出每日指定菜式夜市堂食，只需$38就有一份菜式!立即叫左一份!!逢星期三至星期五 ，曼谷夜市火山骨 $38😱我無睇錯!真係$38火山骨！上枱見到有四至五大大件，肉質煮到好軟，啖啖肉，汁配料有勁多切碎嘅蒜蓉、芫茜酸醉地加少少辣，十分開胃。大件夾底食!!😋✨黃咖哩海鮮黃咖哩味道主要係甜不太辣，濃濃的椰漿加上蝦、帶子、青口、魷魚及多款蔬菜。海鮮的鮮甜，加上黃咖喱的濃厚咖哩味，仲可以點麵包添，正！✨蒜蓉包蒜蓉包單食又得，每啖都香脆可口👌點咖喱又得黃咖喱配上蒜蓉包係無敵咖喱滲透整個麵包，令蒜蓉包美味提升✨豬肉碎生菜包肉碎加上幾種香料，食落肉碎香辣，啖啖肉汁。配埋生菜一齊食，清爽的生菜包住香辣惹味的肉碎一起吃，滋味無窮，當小吃或餸菜下飯都很適合📍小曼谷海鮮燒烤屋 (九龍城太子道西店)地址: 九龍城太子道西398號御太子地下1-3號舖#九龍城美食 #香港美食 #香港必食 #香港探店 #香港打卡 #香港旅遊 #香港必喝 #九龍城探店 #香港泰國菜 #香港好去處 #九龍城推薦食品

📍地點位於九龍城❕全香港最出名食泰國嘢嘅地方都唔係咩新聞🏅但係你又噏唔噏得出邊間係最好食呀😂我諗都噏唔出名😂今次嚟到呢間可以擔保呢一間係全香港最好食嘅泰菜🥰即係要同大家介紹一下💯==============================Food List📝🥥椰皇沙冰口味 椰青就飲得多啦❄️但係椰青整嘅沙冰我就真係絕少飲 夏天嚟到呢個真係消暑恩物😍清新得來又解渴 保留住椰青嘅清甜👍🏻🦪牛油蒜蓉燒蟶子 好少泰國餐廳有咁高質嘅海鮮食 其實佢有唔少選擇㗎 呢一間係食海鮮做主打嘅👍🏻呢個蟶子非常新鮮 大大隻啖啖肉🥰好重蒜香 食完佢會上癮嘅😍🥦青咖喱雜菜 揀咗少辣口味 少少辣更加惹味😍雜菜及收晒咖喱汁不得了🥰🥞泰式原味烤酥餅 就咁食又食 點咖喱食又得💕各有各好食😪

講到食泰國菜，點少得過去九龍城覓食。小曼谷多多少少食過唔少次，水準十足而且環境舒服，款式提供亦幾多。今次約埋朋友一齊去～泰皇咖喱青口咖喱汁超多，無論撈飯定撘麵包食都超滿足！青口數量都唔少，推介滷水豬手煲滷水味唔會話好重口味，豬手肉質好淋。豬皮同肉嫩分離❤️冬蔭雞湯酸酸甜甜辣辣，食飯前飲返碗，作為開胃暖胃，非常舒服。泰式馬拉盞炒通菜鑊氣小炒，惹味馬拉盞醬同通菜好夾，送飯一流泰式濕炒牛肉河材料好足，牛肉好嫩滑。河粉炒得好香，醬汁惹味冬蔭海鮮部隊鍋啱晒朋友們開心分享。超級豐富足料：魷魚、帶子、青口、雞蛋、蟹柳同公仔麵。韓式食得多，泰滋味都幾正幾特別👍🏼泰式蒜蓉包蒜蓉味超重，惹味香脆。撘配咖喱食，正🤪小曼谷泰國美食 (南角道) (九龍城)九龍城南角道9-11號地舖

呢間最令人深刻嘅一定係個人型吹氣公仔😂長期見到好多人排隊，算係九龍城最人氣嘅泰國餐廳之一🥳呢度菜式選擇真係多到眼花，好多係第二到都少見，幾值得一試☺️.🌋曼谷夜市火山骨 $38呢款係餐廳嘅新菜式，原本要$198，但而家試食價，$38就食到😱想講呢碟嘢嘅性價比真係非常之高，啲肉多到食唔曬，仲要舊舊都有軟骨😳味道就冇泰國嗰啲咁濃咁辣，冇咁重口味，所以男女老少都食得😋.🐷泰式豬頸肉炒飯 $98又係性價比好高，份量足又多料🥰炒飯有鑊氣，粒粒分明，而且同豬頸肉十分之襯😎.💰人均消費～$200.🍽味道：4/5🏙環境：4/5👨🏼‍🍳服務：4/5💧衛生：4/5💰價錢：4/5

近排小曼谷做緊優惠，每日晚市都有$38指定菜式優惠！咁抵食，即刻約埋朋友去開餐😆適逢當日星期一，$38指定菜式係泰皇咖喱青口❤️餐廳絕對冇因為價錢將貨就貨，依然大大份好足料😚再叫多份蒜蓉包點咖喱食冇得輸‼️額外再點咗冬陰雞湯，酸酸辣辣夏天食好開胃😋滷水豬手煲，豬手炆得好腍好入味👍🏻冬蔭海軍海鮮部隊鍋，冬陰功湯底再配公仔麵，味道又幾襯，而且好足料入面好多海鮮同配料，食得好飽🥰泰式濕炒牛肉河正常質素，馬拉盞炒通菜好香口😌

每次坐屯馬綫經過九龍城，都會有衝動去吃一頓小曼谷🙏🏻😜他們定期推出新菜餚，總是百吃不厭。最近又再約朋友再訪，又發現了幾道美味菜式啦！先來試試新菜式「香葉肉碎炸蝦膠皮蛋」🌟🌟🌟將帶有泰式風味的肉碎和炸蝦皮蛋合而為一，口感豐富而獨特。酥脆的外皮下包裹住的皮蛋黃還帶有少許流心效果，層次分明，出色啊！另一道「香葉辣椒炒豬肉」絕對是一大亮點。因為友人不吃洋蔥和香菜，店家細心的為我們特製。上菜時神奇地依舊香氣四溢！新鮮豬肉與泰國香葉、辣椒等材料炒製得恰到好處，微辣爽口，相當下飯。「串燒拼盤」每次不能不點！當中有各式用上上乘肉類烤製而成的串燒小食，碳火味剛剛好。最好吃的是香嫩的雞肉，還有特別只此一家的泰式香腸，在花生醬汁襯托下非常風味😙還有「鹽燒馬友魚」，用上新鮮的馬友魚被以鹽封藏，保持了魚肉鮮甜彈牙的口感，再配以泰式酸辣醬汁，酸中帶辣，幾個人下次就把它吃光光😝最後還意猶未盡的點了一份「小曼谷原隻芒果糯米飯」，香香的芒果和軟軟的糯米都很出色，甜品來說很推薦！