小曼谷海鮮燒烤屋

营业中

休息中

今日同朋友去九龍城小曼谷海鮮燒烤屋食晚餐，來品嚐美味嘅泰式食品，餐牌有不少飾物款式，亦見到有好正嘅優惠，有日日至荀優惠，每日都有好抵食嘅泰式食品，只係$38，仲有二人及四人優惠套餐，全部套餐都免收加一，我哋當然叫個優惠二人套餐B來品嚐，有泰式咸肉炒芥蘭、黃咖喱雞肉、泰式蒜茸包、泰北木瓜春鳳爪、牛、豬、雞、泰式臘腸串燒、小曼谷原隻芒果糯米飯，非常豐富，充滿泰式風味的經典組合。🥩泰式咸肉炒芥蘭鹹香濃郁的泰式醃製咸肉與清脆芥蘭的快炒，帶有蒜香、魚露的鮮味，微辣開胃，芥蘭莖部脆嫩多汁，葉部柔軟，火候得當會保留微苦回甘的風味，咸肉使用醃製豬肉，鹹香濃郁，質地偏韌有嚼勁，油脂部分煎至焦脆更添層次蒜片與辣椒爆香後鑊氣足，醬油調味讓蔬菜鮮甜與肉香融合，口感爽脆與油潤並存。🐔黃咖喱雞肉溫和香甜的黃咖喱，椰奶香氣濃郁，帶有薑黃、咖喱粉的辛香，雞肉嫩滑多汁，咖喱醬綿密濃郁，黃咖喱香料帶來溫和辛香，無紅咖喱的刺激辣感，加上配料馬鈴薯、三色椒燉煮後鬆軟吸汁，令口感滑順中帶香甜味，醬汁非常適合搭配蒜茸包蘸食，口感 creamy 且不嗆辣。🥖泰式蒜茸包外酥內軟的麵包，內裡鬆軟帶奶油香，塗滿蒜香奶油，烤至金黃香濃郁且

今日同男朋友慶祝，揸車去咗九龍城食泰菜，泊車又方便，呢間小曼谷海鮮燒烤屋，真係一流，地方又方便，氣氛又好，裝修有靚，服務好，最重要係價錢平靚正，好食得嚟，又大件夾抵食。見到menu揀，揀左牛油蒜蓉燒蟶子，之後就見到個二人餐，398元好多熱門岩食，咁嗌個餐真係好抵，有咖喱又串燒，有菜，有新菜鳳爪，仲送芒果糯米飯啊，正。唔使等好耐就有得食喇，畀佢嗰份量嚇親，因為碟碟都大大碟，我覺得二人食已經飽到不得了，先講蒜蓉燒聖子，佢係燒嘅，所以仲係好彈牙，而且好惹味，食得出鮮味，好新鮮，值得叫。之後二人餐我嗌咗個黃咖哩雞，仲有串燒有雞牛豬同埋泰式臘腸，第一次食泰式臘腸，燒得幾好食，腸皮香甜脆口，吾錯。之後有個極大碟嘅泰式鳳爪，鳳爪去曬骨，食落好方便，而且個醬汁好惹味，小小辣好開胃，最後仲有一碟大大碟嘅菜，我揀咗椰菜苗，一波一波一粒粒咁又幾得意，一口一個，又有咬口，好食，我哋揀咗兩個白飯，其實仲可以揀蒜蓉包同烤餅。食到好飽，仲有個芒果糯米飯，估唔到送嘅份量都係大大碟，芒果好甜，椰醬又好香滑，糯米飯熱啦啦好軟熟好好食，我哋兩個都食到好開心，好飽，真係超級抵食呀。值得推介。

跟家人在九龍城的泰式晚餐經歷讓我感到無比開心。餐廳的氛圍輕鬆，服務人員熱情周到。點了香芒蟹肉泰式炒飯，米飯粒粒分明，搭配新鮮的蔬菜，口感清爽，散發著香料的迷人香氣。而且超多芒果及蟹肉😋😋😋旁邊的豬頸肉及雞豬牛串燒更是讓人垂涎，肉質鮮嫩多汁，搭配特製沙嗲醬料，味道相得益彰。此外，泰國的Singha啤酒是這頓晚餐的完美搭配，清爽的口感讓人一飲而盡，消暑又解膩。整體而言，這頓晚餐不僅味道上乘，更是一次愉快的用餐體驗，讓我對泰式料理有了更深的喜愛。下次一定會再來光顧！

呢間泰式餐廳食物幾高質，咖喱味道有驚喜，完全無伏，有機會會再嚟😙黃咖喱雞肉 $108🍛咖喱汁超好食！一定要嗌！！配飯一流！！味道甜甜地，帶有小小香辣味🌶️唯一不足係雞肉好嚡，配菜味道麻麻地，但係都好值得嗌😆風味燒豬頸肉 $128豬頸肉外圍燒得啱啱好🙈唔會煮得太過，豬肉揀得幾好，肥瘦相間。嗰醬汁都好好食，酸酸辣辣，同豬頸肉好襯🐷泰式原味烤酥餅 $48烤酥餅外皮香脆，搭配🍛咖喱汁都好夾，不過本人鍾意配飯多啲🥰椰青 $49椰汁清甜😋椰青肉質爽滑椰皇 $42椰子味更加濃郁🤓味道都好清甜🥥總結整體而言，呢間泰式餐廳味道出色，無論係主菜定小食都令人十分滿意，絕對值得再來！😚

前幾日我同朋友去咗九龍城有名嘅泰國餐廳「小曼谷海鮮燒烤屋」聚舊食飯，整體用餐體驗真係好好，值得推介。呢間餐廳位置非常方便，地鐵一出站就見到，唔使行得太遠。入到餐廳，環境唔錯，氣氛熱鬧，非常適合朋友聚餐。就算人多，都唔會覺得嘈，大家都可以開心傾計。店員推薦我哋試下期間限定嘅「泰北二人火鍋」。呢個火鍋嘅椰子雞湯底味道非常香濃，真係令我驚喜！配料都好新鮮，尤其是牛肉同海鮮，真係一流。我哋仲叫咗一個「炸物拼盤」，每一樣都炸得香脆可口。我最鍾意就係炸蝦餅，咬落去彈牙又好味，真係一口接一口，停唔到手。之後，我哋仲試咗「牛油烤蠔」同「牛油烤蟶子」，兩道燒海鮮都好新鮮，用牛油燒出嚟嘅味道，海鮮嘅鮮味同牛油嘅香氣融合得啱啱好。另外，燒粟米同燒牛肉串都唔可以錯過。燒粟米嘅甜味再加上微微嘅焦香，口感非常好。而燒牛肉串就真係牛味十足，咬下去滿口肉汁，真係好正！整體而言，「小曼谷海鮮燒烤屋」無論係食物嘅質素定係服務，都令我哋有個愉快嘅用餐經歷，肯定會再返嚟！

今日請朋友生日去食晚飯，我同朋友都好喜歡食泰國菜，就請佢去九龍城太子道西嘅小曼谷海鮮燒烤屋泰國餐廳食晚飯，這間泰國餐廳係我嘅同事介紹我哋嚟食，佢話食物質素好，食物款式又多，店員服務態度又好，價錢又唔貴，佢仲推介優惠套餐叫我哋來食，仲有優惠免加一，咁我哋當然來食美味泰國優惠套餐。我哋入到餐廳都見到有好多優惠嘅餐牌，尤其是星期一至星期四先有優惠套餐，我哋今日來食都係想叫二人A優惠套餐，食物款式有泰式煲仔翅、香熱辣椒豬肉碎燴飯（配荷包蛋）、豬肉串燒、牛肉串燒、雞肉串燒、泰式馬拉盞炒通菜、是日甜品，價錢又唔貴，所以我哋仲叫多一款粟米沙嗲串燒及飲品嘅芒果沙冰同椰汁冰，真係款款菜式都好吸引，來這裏食真係不錯。泰式煲仔翅份量不少，材料十足，有魚翅、冬菇、雞絲、小鮑魚，鮮味爽滑，材料彈牙爽口，令口感豐富，加入醋更有香惹味，感受到泰國地道風味，足料又好味，簡直色香味俱全。沙爹牛肉串、豬肉串、雞肉串嘅肉粒都大粒，亦燒到岩岩好，外面香脆，肉質嫰滑多汁，加上香濃嘅沙爹醬，食落十分惹味。粟米沙嗲串燒味道鮮甜，粟米唔乾唔柴，識落好爽口香甜。飲品嘅芒果沙冰香氣濃郁，沙冰打得細滑，令口感綿密，好味香甜。椰汁冰嘅椰子味

今晚夜晚要加班到已經好晏，所以去到九龍城食飯，已經好晏呢邊食店又會開晏d ,去左呢間好出名嘅小曼谷海鮮燒烤屋。入到去，地方大，坐位又舒適，仲有個台比人表演，氣氛好，店員都是泰國人，我地嗌了個$398二人餐，超抵食，因為全部都大大碟，好正啊，應該可以三人食都得。先來咖哩雞，大大碟，吾太辣，好送飯，雞香滑又入味，仲有豬牛雞同泰式臘腸串，香口惹味，泰北木瓜椿鳳爪，超大碟，鳳爪爽口冇骨，辣辣地很開胃。除咗白飯，其實仲可以揀蒜蓉包同泰式烤酥餅，最後仲揀咗個泰式鹹魚炒椰菜苗，我都係第一次食椰菜苗，佢嘅醬汁好嘢味，椰菜苗好爽口新鮮，又係大大碟啊，正，食到好飽。最後原來仲送埋芒果糯米飯，賣相好靚，有個心嘅，芒果份量又多又香又甜，滿足的一餐，抵食又好味。

小曼谷海鮮燒烤屋，這個充滿異國情調的餐廳。海鮮孖寶A+B首先，我點了海鮮孖寶A和B，這道套餐的價格為$258.00，以牛油蒜蓉燒蟶子皇和燒脆皮白鱔為主角。當我將蟶子皇端上桌時，陣陣香味撲鼻而來。它們的外表金黃誘人，表面均勻塗抹著濃郁的牛油和蒜蓉，讓人垂涎欲滴。一口咬下，蟶子的鮮甜與蒜香交融，口感滑嫩，讓人印象深刻。接下來是燒脆皮白鱔，這道菜的外皮烤得酥脆，內裡卻保持著魚肉的鮮嫩。搭配特製的醬汁，味道更是升華，讓人一口接著一口，停不下來。這兩道菜的搭配無疑是海鮮的完美組合，讓我感受到小曼谷的用心和創意。接著，我點了明爐香檸汁蒸桂花魚，價格為$268.00。這道菜以其清新的香檸汁為特色，桂花魚本身肉質鮮嫩，加上蒸煮的方式，保留了魚的原汁原味。香檸汁的酸甜滋味讓整道菜更加提味，清新的口感讓人感到無比舒爽。每一口都像是在享受大海的鮮美，讓人忍不住想再來一碗白飯來搭配。此外，我還嘗試了火山排骨，優惠價格為$38。幾抵食，分量又多，酸酸辣辣的，幾開胃。

黎親九龍城就自然會想食泰國菜依間小曼谷啲泰菜以前食過都幾正，今日黎九龍城附近做野，即刻去encore下先見到餐廳推出左泰北小火鍋二人餐，好似幾抵食就同朋友叫黎試下一上菜都真係嚇親！因為佢個份量都幾多，有齊牛、豬、魷魚、蝦同雜菜，啲蝦仲要係剝好殼既，正😆牛肉食落都幾軟嫩同幾有牛味，質素都幾好！湯底方面有三款選擇，我地揀左冬蔭功湯底，只能說果然係做泰菜既餐廳！個冬蔭功湯底調味岩岩好，唔會過酸又唔會太淡，同海鮮超級夾！！除左二人餐，我地仲叫左優惠串燒，有一串豬肉一串雞肉$29兩串真心抵！個沙嗲醬甜甜地又好香花生味～另外仲叫左半隻海南雞，個雞都幾滑，而且份量十足，另外佢跟既海南雞醬仲有蒜蓉，配雞食好惹味！最尾一定要飲埋杯泰奶，成餐泰國菜就perfect！

食泰國嘢嘅天堂，真係講都講到口水流。細細個就跟阿媽嚟呢度捐窿捐罅，搵好嘢食。嗰陣時啲舖頭仔仲係好隱蔽，唔似而家咁，間間都裝修到金碧輝煌。泰國菜即刻諗起冬蔭功、青木瓜沙律、芒果糯米飯？呢啲嘢係基本啦！但係，九龍城嘅泰國菜，好食嘅地方在於佢哋夠地道，夠鑊氣，夠人情味。小曼谷九龍城抵食泰國菜 日日有荀野冬陰功/火山骨/木瓜捧鳳爪 樣樣$38蚊九龍城泰菜自然唔伏菜品樣樣大兜價錢公道！黃咖喱雞肉 $108你哋有冇試過啲黃咖喱，啲雞肉柴到好似咬緊樹皮咁？嗰下真係，人生嘅意義都冇埋！Menu寫到天花龍鳳，乜嘢「秘製醬汁」、「祖傳配方」，點知食落咪又係味精溝水？嗰下真係覺得自己好似俾人擺上枱咁，慘過食檸檬但呢度就唔會，你睇到相同片，真係大大兜一啲都唔稀！咖喱濃又唔好味精泰式飛天炒通菜 $108其實呢個名嘅由來，係因為啲廚師炒嘅時候，會將啲通菜拋鑊拋到好高，好似識飛咁，所以就叫做「飛天通菜」囉。咁點解要拋到咁高呢？唔係為咗表演㗎！而係為咗等啲通菜可以均勻咁沾到啲醬汁，等佢哋可以喺最短嘅時間之內熟透，保持爽脆嘅口感。呢個就係「鑊氣」嘅精髓喇！如果啲通菜炒到軟趴趴，濕濕碎碎咁，仲有乜嘢好食？正宗嘅泰式飛天通

本土化的泰國菜，木瓜沙律好味道，木瓜夠清爽，咖喱蟹，蟹肉新鮮，加個蒜蓉包，可以領略最佳的咖喱汁味道，燒烤，中規中矩不太難吃，唯獨是燒雞，為真店滋補，但係肉質偏硬，而且比較乾身，亦都係沒有什麼雞肉味，比較失色，要留意飲品，一般價錢較貴又30多元至40多元，可樂最抵飲$19.1罐，買市揀餐可以考慮一下

呢間小曼谷海鮮燒烤店門面好大，裝潢亦好有特色。首先，我地叫咗個「泰皇咖哩法包軟殼蟹」，原隻軟殼蟹炸到卜卜脆，浸喺金黃咖哩汁度，個汁椰香勁濃，最正係用脆卜卜嘅法包點汁食，索晒啲咖哩真係邪惡到爆！跟住個「香葉肉碎炸蝦膠皮蛋」玩層次玩到盡，外層蝦膠炸得香口，中間流心皮蛋鹹香爆漿，仲有肉碎同金不換提味，一啖有四重口感，如果送啤酒就一流！杯「菠蘿沙冰」更加係賞心悅目，冰沙打得綿密，菠蘿甜味天然，解辣一流。至於「冬蔭公湯」就真係落足料，大頭蝦好大隻又鮮味，酸辣度啱啱好唔嗆喉，飲完成身暖粒粒。最後個「串燒拼盤B」有齊豬牛雞，炭火味香，點埋個沙嗲醬，啖啖肉超滿足！而且道道菜份量都好大，兩個人食到個肚都圓晒！環境有泰式大排檔風味，總括嚟講，呢度嘅菜式夠晒「玩味」，將傳統泰菜加咗新搞作，啱晒一班後生仔女嚟chill住食，下次一定要再嚟試埋佢地嘅泰式火鍋先得！

今日中午去咗食泰國嘢，真係好抵食！叫咗兩個lunch set，飽到捧住個肚走🤭首先要推介嘅係泰皇咖哩軟殼蟹🍛🦀配蒜蓉包，個咖哩真係好香。濃郁嘅咖哩汁，配埋炸到金黃色嘅軟殼蟹！軟殼蟹外脆內軟，蒜蓉包索晒啲咖哩汁，真係食到停唔到口！另一個set係魚翅撈飯套餐：泰式煲仔翅配白飯，配豬+雞串燒各1串🍢。雖然係lunch set，但個煲仔翅都幾足料，湯底濃郁，撈飯一流！豬肉串同雞肉串都燒得唔錯，夠晒惹味。飲品方面，叫咗個椰青同咸檸七。

九龍城一直係食泰國菜的最佳選擇地，所以我地經常都會聚埋一齊去九龍城食泰菜。呢間鋪頭係時間比較長，味道都算正宗的了。然後我地到左先發現泰國菜竟然都有打邊爐，原係冬季限定2人198算係好抵了，睇距又有蝦又有牛甘，我地就點左。一上來覺得OK喔，牛肉睇落新鮮，其他肉都一樣新鮮，好驚喜！唯一五好的係，我地本身想要辣湯底，結果上了九層塔湯底，但係其實呢個湯底五差，都好好味的。要推薦一下呢個生菜肉包，係我摯愛，距滴肉碎整得好好味，生菜又清甜。無骨鳳爪應該係我食過甘多間，最多鳳爪的一間，都好好味，停五到口。飛天通菜，比較辣，味道都足夠泰式燒烤係經典泰菜搭配，不過不失。距地個啤酒我第一次試，其實打邊爐飲呢個啤酒，真係覺得好配。好好味。

今日老友又帶我入九龍城搵食，嚟得一定係食泰菜。今次我哋就揀最多人入席嘅餐廳，試吓係咪真係咁好食！！室內位置已經坐滿，要坐室外😖睇睇餐牌先，餐廳串燒種類比較多，咁啱有個優惠菜式 可以試吓😛-泰式冬陰公魚片湯$38（優惠菜式）冬陰公湯味道酸辣，令我食慾大增。鮮魚片數量幾多，肉質滑又無骨😛 呢個價錢估唔到幾足料，好抵食。-串燒拼盤B$188心念念乜都想食，就嗌咗個拼盤唔洗諗🤭入面有雞全翼、豬肉串、牛肉串、雞肉串、雞腎、地道燒臘腸… 串燒燒得好香，燒到啱啱好，肉質嫩滑🤭配埋沙嗲醬食一流，香濃花生味又甜甜哋！最特別係臘腸，比平時港版個隻再甜啲多汁啲，不錯嘅體驗。-香葉辣椒海鮮炒米粉$108海鮮鮮有蝦仁、魷魚🦑香葉的清香同辣椒的辛辣結合，令整體香氣濃郁。炒米粉火侯掌握得啱啱好，保持米粉的彈性，而且很夠鑊氣。 一定要叫！！-鐵板豬頸肉炒通菜（馬拉盞）$118雖則價錢唔吸引，但勝在份量夠多。通菜好幼嫩，口感好爽。豬頸肉份量都多，煎得香脆，連埋馬拉盞醬一齊食，好開胃🤤-泰式青檸梳打$42-珍多冰$42飲品正正常常，珍多冰好多粉條，口感豐富