小城大廚

营业中

休息中

✨滷水鵝掌翼$68滷得夠耐，鵝皮鵝肉易咬又入味。✨欖角蜜餞一字骨$88一字骨多肉少肥膏，略帶香脆口感。欖角味道好突出。✨沙嗲粉絲肥牛煲$98港式沙嗲味道香濃唔過鹹。芡汁收得乾，粉絲索晒啲味。✨當紅炸子雞(半隻)$108雞皮金黃香脆，雞肉軟腍易咬又多肉汁，連雞胸位置都好軟熟。五香粉味道都幾重。餐牌上面有好多甜品好吸引，想食甜品要提早預訂🤫。📍小城大廚 (觀塘)觀塘成業街19-21 號成業工業大廈地下3號舖

價錢，公道合理！食材，時令新鮮！服務，貼心到家！環境，乾淨舒適！燉湯，鮮甜夠料！鹵水，正宗入味！生蠔，鮮甜多汁！好食可以一食再食仲有抵食的一蚊雞煲值得一試的私房菜

同老婆行街順便食埋嘢，估唔到工廈都有唔錯嘅中菜小炒😍😍😍。🥢惹味金沙大蝦球$108蝦球大隻又彈牙。鹹蛋黃鹹香惹味，質地起沙。就咁食比較鹹，配白飯就啱啱好😋。🥢蟹粉扒豆苗$108呢碟菜除咗蟹粉亦有唔少蟹肉，味道好鮮甜。豆苗口感脆嫩，一啲青味都冇。🥢手釣大尾魷魚（椒鹽）$128魷魚彈牙厚肉，炸得略帶香脆。椒鹽味道唔過鹹啱啱好。🥢果皮蒸南非鮑魚 $58/隻八頭鮑肉質緊實彈牙，加少少果皮更提鮮。📍小城大廚 (觀塘)觀塘成業街19-21 號成業工業大廈地下3號舖

「超生猛波士頓龍蝦🦞」新開張黎試下先，近近地係觀塘地鐵站B出口步行4分鐘就到。上到黎環境好光猛，好潔淨。上湯波士頓龍蝦加伊麵底 $228店員推介超生猛龍蝦🦞，係水缸岩岩拎出黎，跳下跳下。第一啖食落去有鮮甜口感，肉質細嫩Q彈。吃到嘴軟，lam lam利。果然是新鮮空運過來　。CP值超高，呢個價錢食得過！柱侯蘿蔔牛筋腩煲$98用瑤柱煲的湯底 好鮮甜 牛筋腩煲得好琳。牛肉和蘿蔔的數量很多。魚香茄子煲$88超大份量！而且味道適中不會太鹹。每條都超大條，加埋炒香的肉粒 多汁好送飯。凍奶茶 少甜 $16凍奶茶是奶味很重，不錯👍🏻推介指數：⭐️⭐️⭐️⭐️⭐️魚缸裏的款式很多，每條都超生猛即叫即蒸。另外還有一個小角落，有些台式小食，例如台式蛋餅，台式飲品等等。

屋企人食飯搵左間係觀塘既鑊氣小炒👍🏼幾唔錯。.✅同一般小炒有啲分別，有海鮮食，同埋有啲特色菜✅份量大碟，好有鑊氣✅叫左個咸香雞超級推薦，隻雞好大隻，半隻都夠4人食，仲有埋雞雜，鹹香嫩滑好高質。✅勁少地方有豬腳筋食，呢度有。口感超彈又爽，膠原蛋白勁多，用沙薑整咸咸地好夾。✅ 小炒皇有炸魚仔，鑊氣夠，多料✅枱與枱之間相隔得算遠，某啲位有電視睇🙈.❌簡單工廈食堂格局，無乜裝修❌門口有啲難搵，要跟著啲牌先搵到入黎❌樓底唔算高，所以多人時會有啲嘈.🍴Order左既菜式：客香咸香雞$170 半隻秘制沙姜豬腳筋$138招牌小炒皇$128紅燒乳鴿$38

#小城大廚 (觀塘)一段時間已經無喺觀塘覓食，唔經唔覺好多餐廳都轉換了模樣，新開嘅小城大廚，聽個名都好似有啲來歷。有客家菜中菜有火鍋🍲。環境闊落，新開張加上我六點幾食飯，人流未算多。#招牌小炒皇喂！呢個必食，係我暫時食過最好食嘅小炒皇，😍上枱時面上啲腰果同炸魚仔多到小山丘咁，脆卜卜又好夠穫氣。仲有新鮮魷魚，又香又惹味～～～正正。#胡椒豬肚雞煲第二好食，雖然面頭油左啲啲，但胡椒湯夠辣又濃味，雞塊煎炸過，比較香口而且嫩滑，凍冰冰飲就暖粒粒。#客家鹹香雞似乎係餐廳首推菜，除左雞肉仲有雞嘅內臟，應該係新鮮雞，雞肉好實淨而且比較重雞味。#鹵水大腸無諗過$58有咁大碟🤣勁抵食喎，大大舊，味道偏咸少少🤏，最啱送飯送啤酒。

今日同女朋友黎到觀塘呢度好多工廈餐廳，全部都卧虎藏龍今日黎到呢間中菜店試一試餐牌有好多選擇，小菜款式豐富，豬牛雞魚都有當紅炸子雞雞炸到外皮香脆但肉質嫩滑，好神奇食落雞味好出，第一道菜就已經令人驚艷梅菜扣肉煲扣肉肥花均勻，做到一層肉一層肥膏食落層次感好足，非常香口加上梅菜既酸甜，令成道菜味道好平衡唔會覺得油膩菠蘿咕嚕肉做到外脆內軟，咬落有肉汁加上醬汁酸酸甜甜，好開胃金沙大蝦球蝦球size好大，食落啖啖肉佈滿咸蛋黃好邪惡，好香口好好送飯

見到觀塘成業工業大廈的小城大廚新開張，所以特意與朋友過來嘗新。餐廳樓底高，裝修企理舒適。餐廳食傳統中菜，尤其客家菜。馳名客家鹹香雞半隻$170 鹹香雞份量足，裏面有雞潤、雞腎球 球……等等，最特別是底下有咸酸菜，鹹香雞顏色金黃，肉質帶緊實，鹹香入味。蠔仔肉碎湯飯$88 蠔仔肉碎湯飯用煲仔上，裏面蠔仔細細粒，有頗多啲芫茜及蔥、肉碎、蠔仔……等，令湯飯頗鮮甜。西蘭花炒帶子$128西蘭花炒帶子，帶子的份量頗多，口感煙韌。西蘭花清脆及很爽口。自製涼粉$20這裏的甜品都有多款，不過侍應話昨晚因昨晚冇電，所以無緣食到其他甜品，隻有這個自製涼粉，裡面加了奶，軟軟滑滑都很香甜。

最近有嚟咗觀塘嘅工廠大廈發掘美食，今晚嚟咗呢間小城大廚，諗住食餐local正嘢😚蒜蓉粉絲蒸元貝超級大隻，滿滿嘅蒜蓉鋪晒表面，而且粉絲好多，仲要索晒啲精華，最重要係佢個元貝好新鮮好juicy，食落啖啖肉❤️魚香茄子煲都一流，茄子香軟，仲有好多肉碎，天氣凍，食到呢個熱辣辣嘅茄子煲真心好正，配搭埋鹹香十足嘅鹹魚雞粒炒飯不得了😍紅燒乳鴿都好有質素，乳鴿表皮燒得好香脆，乳鴿肉好嫩，而且一隻都幾大隻，夠晒兩個人食，係近排食過都幾高質嘅乳鴿🤩啫啫雞煲都還可以，有好多豬潤、冬菇、洋蔥，雞件都尚算嫩滑同入味☺️飲品方面有齊汽水同啤酒，叫咗枝hoegaarden同埋一罐芬達，美食連埋啤酒，食得好開心😁餐廳環境都算闊落，衛生情況都唔錯，而且上菜好快，食得好開心，值得encore，下次可以試吓佢嘅打冷嘢🥰