小城大廚

觀塘食小菜嘅好選擇😋😋今日同男友去咗觀塘呢間「小城大廚」食晚飯，鋪頭喺工業大廈裡面，唔算難搵~我哋叫咗幾樣嘢食，樣樣都唔錯！首先個鼓油皇龍鬚炒面🍜，鑊氣夠又唔會太油，麵質彈牙，大排檔風味，好正！👍跟住係蜜椒薯仔安格斯牛粒，真係要大力推介！即叫即整熱辣辣，炸到香脆，啲安格斯牛粒咬落去入味juicy 一啲都唔韌，仲有好香嘅蜜糖甜味，同黑椒嘅微辣夾到絕～😍 重點係啲薯仔！外面煎到有少少脆口，裏面就軟綿綿，吸晒啲蜜椒汁，好入味！幾乎清晒~椒鹽鮮魷🦑都係必點之選！炸粉唔會太厚，咬落去外脆內軟～椒鹽份量落得啱啱好，鹹香惹味，但又唔會蓋過鮮魷本身嘅鮮味。食到「嗦嗦聲」停唔到口，真係好邪惡呀～😂 如果配杯冰凍啤酒就真係無得頂啦！另外每位仲送中式糖水綠豆沙~總共食咗$402，兩個人食到飽飽，食物選擇多又有鑊氣，服務都唔錯～下次一定會再嚟！💯**溫馨提示：佢哋嘅份量都幾足，情侶嚟食可以叫少個飯，留肚試多款小菜～😉**…查看更多

觀塘工廈隱世鮮味 蠔迷必試！講真，觀塘工廠區搵食，估唔到伏低咗間「蠔」門盛宴！小城大廚嘅台山蠔，真係一上枱就嚇親人——手掌咁大隻，肥嘟嘟脹卜卜，蠔肚撐到幾乎透光！重點係：一啜落去，濃郁嘅海水鮮甜即時爆出，跟住係澎湃到漏嘅金黃蠔膏，邪惡得嚟甘香到痺，食完隻蠔仲掛住啲膏香，真係「蠔」冇得頂啊！金銀蒜粉絲蒸 鮮味鎖到足佢哋用嘅係台山蠔王級數，師傅火候拿捏超準，猛火快蒸，蠔肉剛熟唔老，保持超嫩滑爆汁口感！墊底嘅粉絲吸盡蠔汁精華，加上炸過嘅金蒜同生銀蒜夾擊，蒜香濃而不搶，仲帶微微辣勁，惹味到忍唔住連汁都撈埋！每隻蠔都鋪滿閃令令嘅蒜蓉，視覺同味覺都大滿足即叫即蒸夠新鮮 性價比爆燈食到呢種質素嘅台山蠔（視乎時價），仲要係即叫即劔即蒸，上枱仲熱辣辣噴煙，誠意分加爆！蠔癡如我，覺得比出面高級蠔吧平一大截，但鮮度絕對有過之而無不及！同場加映：蠔殼堆到成座小山咁，就知有幾受歡迎啦～街坊飯堂格局 人情味濃雖然餐廳藏身工廈，但晚市坐滿熟客，阿姐落單爽快有笑容。環境就係典型大排檔風，但枱夠大坐得舒服，最緊要係食物有水準！另外再叫左碟黑椒牛仔骨，香辣惹味得嚟份量又唔少。再嚟一碟蝦膏銀魚仔蝦仁炒飯，啖啖鑊氣風味十足！最後再嘆多碗起沙紅豆沙，為呢餐畫上完美句號。總結：台山蠔控必點！小城大廚嘅台山蠔，大隻、多膏、鮮甜到犯規，金銀蒜蒸法完美帶出蠔鮮，食過真係返唔到轉頭！想食靚蠔又唔想捱貴價？呢度絕對係隱藏版首選！觀塘友有福了，呢個價錢食到蠔中極品，仲唔快啲約班蠔友掃場？…查看更多

如想帶朋友或家人吃小菜，位於觀塘工廠區的小城大廚，以小菜餐廳而言，價錢屬實惠之選；每道菜式味道均屬水準之上，整體性價比高。餐廳人氣挺高，店內幾乎每張餐桌都座無虛席。🍍 菠蘿咕嚕肉外層香脆可口，酸甜開胃；若菠蘿份量再多一點，味道層次將更豐富。 🧈 椒鹽豆腐外脆內嫩，炸功恰到好處，令人回味。 🥬 通菜啫啫煲份量十足，熱氣騰騰上桌時香氣撲鼻，極具鑊氣。 整體而言，小城大廚在味道、用料及價位都合理，是觀塘區值得重訪的一間平實小菜館…查看更多

又到觀塘晚飯時間  好友相約要食小菜粵菜經佢帶路初試位於工廈裡的 小城大廚餐廳範圍都算大 , 一入去有拜神位 , 入少少有烤爐自家出品一入去坐底後就發現差不多全場滿座了 , 勁爆場有茶芥及前菜 , 坐左一陣就點D大路既小菜因為得兩個人, 就費事點太多蒜蓉粉絲蒸元貝 $48 x2 - 鮮甜帶有海鮮的清香 , 蒜蓉辟腥又提鮮 , 滑溜入味又彈牙豉椒炒蜆 $88 - 份量得宜 , 蜆鮮美而辣度適中 富鑊氣 , 蒜蓉爆香新鮮熱辣炒出 豈有難食之理客家蔥油雞 半隻 $78 - 雞肉屬鮮嫰亦唔老 , 蔥油調味富鹹香 , 醬汁相對清爽魚香茄子煲 $88 - 豆瓣醬香氣撲鼻 , 茄子軟糯入味 , 搭配肉末肉碎配料提味 , 口感豐富 , 不會太辣餸飯一流蠔仔肉碎泡飯 $128 - 海鮮鮮味與肉碎的肉香融合 , 蠔仔鮮甜香味佈滿成碗泡飯 , 開胃可口 , 份量不容小覷 , 兩個人差D食唔晒價錢算合理, 最後埋單$500左右 , 實在唔差, 朋友無介紹錯既呢間都幾近公司, 放飯LIST之選…查看更多

之前同朋友聚會已經來過這隱藏在工廈的鑊氣小炒，現在與家人一起過來吃晚飯。入座先附上兩個開胃小食拍青瓜和雲耳，味道正常。兩個人叫了四樣食物，包括：海鮮蒸荷葉飯海鮮蒸荷葉飯的海鮮選擇多樣，包括蝦、龍躉魚柳、元貝和青口等，米飯在蒸製過程中充分吸收了海鮮的汁液以及荷葉的香氣，米粒晶瑩剔透，口感軟糯而不黏膩。煎蠔餅蠔餅煎得外表金黃，內裡飽滿著鮮嫩的蠔肉。蠔餅的麵糊調製得恰到好處，既不會掩蓋蠔的鮮味，又賦予了蠔餅一層酥香的口感。搭配香菜和自製辣醬一起食用，更增添了風味的層次。小炒王小炒王的配料豐富包括韭菜花、爽脆的菜莆、魷魚乾和蝦仁經過大火快炒，這道菜色香味俱全，是一道不容錯過的下飯佳品。客家鹹香雞雞肉保持了肉質的嫩滑和多汁。外皮微微帶鹹，與內裡的鮮嫩形成完美的對比。雞肉的鹹香滋味恰到好處，沒有過於搶味，反而讓人一口接一口，無法抗拒。搭配上，酸菜、蔥花或薑蓉醬，更能提升整體的風味。是晚入座嘅時間為平日的晚上，入座率有八成，氣氛熱鬧，人多的話建議先訂座。…查看更多

📍小城大廚 (觀塘)觀塘成業街19-21號成業工業大廈地下3號舖優惠套餐B $468 ✨脆皮燒鵝皇皮脆肉嫩專屬燒味櫃，櫃內的燒鵝、叉燒和燒肉都被懸吊，絕對是餐廳的焦點，深吸引食客的目光。✨冰鎮咕嚕肉擺盤非常吸晴，菠蘿酸甜可口，口感清新，咕嚕肉用了冰鎮急速降溫後更能突顯外層酥脆口感。✨豉汁蒸黃花魚魚肉鮮嫩多汁，搭配豉汁提升了魚的整體風味。✨金銀蛋時蔬沙沙的鹹蛋黃配搭滑順皮蛋，色澤鮮明及口感豐富，莧菜清新軟嫩，恰到好處。這間中菜餐廳真心不錯————————————————————整體用餐體驗✨味道(3/5)✨環境(3/5)✨服務(3/5)✨性價比(3/5) …查看更多

隱藏喺觀塘工業大廈深處的小城大廚，店面口唔起眼，但有齊家常款式小炒粵菜。我哋一行三人最近去試，點咗金銀蛋時蔬、泰式無骨鳳爪、客家香煎蠔仔餅，同椒鹽九肚魚。總括嚟講，呢餐食得飽足，價錢親民，菜上得快，適合繁忙午市。先講金銀蛋時蔬，金黃蛋黃同銀白蛋、菜心同豆腐，入口滑溜溜，有埋蛋黃清淡之中有啲香口。泰式無骨鳳爪，辣度啱啱好，酸辣泰汁滲入雞爪肉，凍食開胃。客家香煎蠔仔餅就係經典客家味，外脆內軟嘅蠔仔餅金黃酥脆，蠔肉口感ok鮮甜多汁，配蔥花同蠔油，餅身唔油膩，份量大，啱晒share。最後椒鹽九肚魚最驚喜！九肚魚皮炸得金黃，椒鹽調味啱啱好，唔會太鹹。總結！小城大廚用料實在，味道地道，雖然喺工業大廈，但絕對值得一試。…查看更多

今晚追月夜，賞完月嚟左呢到食小菜，一坐低職員就比左兩款小食，每位＄10，分別係花生同醃黑木耳，黑木耳酸酸地又爽口，幾開胃。茶錢每位$8。豉椒炒蜆＄88蜆都算多，個醬汁調味做得好好，唔會過濃或者無味，蜆肉係無沙，呢個好重要。當紅炸子雞（半隻）＄128雞皮好脆口，唔會食到成口都係油，雞肉點埋個淮鹽嚟食，成件事好邪惡，雞肉係竟然一啲都唔覺得乾身。魚湯海味浸娃娃菜＄98海味有蝦同魷魚，魚湯鮮味十足，加上本身娃娃菜的甜，好夾。另外仲叫左兩個白飯，＄12一個。竹蔗茅根海底椰＄48一大揸，我哋兩個人每人都飲到三杯，好抵飲，入口好透心涼，食完啲濃味野可以平衡中和返。兩個人食左咁多食到飽一飽，加埋先係四百幾，幾抵食。…查看更多

今次第四次嚟食之前一直都係叫套餐有凍烏頭，咕嚕肉，燒餓，菜樣樣都ok今次試下散叫乳鴿，梅菜扣肉，豉椒炒鵝腸樣樣都失望先唔講梅菜扣肉等咗40分鐘一食，成煲好甜，有啲肉好大塊，似豬肉乾，好鞋我心目中嘅扣肉唔係乾柴嘅肉梅菜得個甜字完全冇撈飯嘅意慾豉椒炒鵝腸冇豉椒味冇鑊氣，啲汁冇打獻冇食過豉椒炒嘅嘢係咁多汁水乳鴿冇特別，唔香送嘅紅豆沙冇味，少甜ok但好似溝咗好多水嘅味冇下次了。。。。…查看更多

欖角蜜餞一字骨呢度菜充滿廣式懷舊風味！一字骨又炸又煎依然皮脆肉嫩欖角有獨特既鹹香回甘，與蜜餞既溫潤甜味交織成層次豐富既醬汁，濃郁得來毫不膩口送飯一流整體口味鹹甜平衡黃金金沙鱔球鱔球炸得外皮金黃酥脆，內裡肉質依然飽滿彈牙。鹹蛋黃炒成綿密金沙，均勻包裹每塊鱔球，入口鹹香惹味，帶微微沙感一定要需趁熱食用，如果唔係金沙可能變韌整體鑊氣十足，風味極佳兩碟餸，兩個人食都好夠因為份量好大另外前菜同埋茶 唔駛加一夜晚好有氣氛好多人…查看更多

觀塘工廠區平靚正中式小炒，性價比高👍🏻第一次到訪是朋友帶我嚟食，一試難忘，為左再食呢碟爽彈魚皮，今次到我帶我至愛朋友一齊去食。今餐叫左蒜蓉粉絲蒸蟶子皇，蟶子上佈滿生熟蒜蓉，蔥花和吸滿調味鼓油的粉絲，好味😋蔥油雞，滿滿的蔥花，就算係雞胸位置啲肉都滑吾柴，Good。我至愛爽彈魚皮，一樣甘爽彈，小辣夠惹味，送酒一流，停不了口，令人繼續一口接一口追住嚟食👍🏻呢間觀塘工廠區抵食中式小菜，平日嘅夜晚都爆曬場，好彩一早響OpenRice book定枱，所以可以響晚上黃金時段7:15用餐，同朋友叫左幾支大啤慢慢淺嘗呢餐非常好味的中菜，滿意的一餐。…查看更多

觀塘這間專門店的「豉椒炒蟶子煎米粉底」絕對是必試招牌！上桌時鑊氣十足，蟶子肥美鮮甜且份量慷慨，豉椒醬汁濃郁香辣卻不過鹹，完美滲透每條米粉。最驚豔是煎米粉底——外層酥脆如餅乾，內裡吸飽海鮮精華仍保持彈性，雙重口感讓人停不了筷。海鮮新鮮度與火候掌控盡顯師傅功力，這道菜將酒樓小炒提升至藝術境界，值得專程來訪。不過「淮山百合炒藕片」就令人失望。落單時明確包含百合，上菜竟以萵筍偷換！雖然淮山爽脆、藕片清甜，萵筍亦算新鮮，但百合獨有的清甜粉糯根本無可替代。重點是店方全程未主動告知替換食材，此舉有失誠信。若因缺貨調整菜式，理應提前徵詢客人意向，擅自更換實屬欺客。這道菜本該是養生佳品，卻因管理疏失變成扣分項。所幸服務員的專業表現挽回印象。從帶位到上菜全程笑臉盈盈，留意到我們翻動缺失百合的菜餚時，立即主動詢問狀況。解釋時態度誠懇，更即時提出補救方案。添茶換碟節奏細心，介紹菜式如數家珍。這種以客為尊的熱忱，在現今餐飲業實屬清流，必須大力讚賞！總體而言，主菜水準與服務質素俱屬上乘，唯食材替換的處理亟待改善。建議店家嚴格監管出餐準確度，缺貨時務必預先溝通。期待下次再訪時，能無憾享用每道匠心美食。…查看更多

小城大廚坐落於觀塘工業區心臟地帶，雖然隱藏在工業大廈內，但晚市時分總是門庭若市。餐廳保留了傳統大排檔的裝修風格，牆上掛著手寫菜牌，充滿地道風情。環境雖然不算豪華，但整潔乾淨，通風系統良好，不會有油煙積聚的問題。晚市時分人聲鼎沸，氣氛熱鬧非常，適合喜歡熱鬧氣氛的食客。如果是追求寧靜用餐環境的話，建議選擇平日晚市剛開始的時段。🥩 蜜椒薯仔安格斯牛粒 [$138]這道菜絕對是必點之選！安格斯牛粒煎得外焦內嫩，肉質鬆化且肉味濃郁，蜜椒醬汁香甜中帶黑椒的微辛，非常惹味。最出色是薯仔，先蒸熟再炸，外面香脆內裡軟糯，沾滿蜜椒汁後非常美味。份量足夠，牛粒數量也不少，絕對真材實料。🐷 酥炸豬大腸 [$98]這道菜處理得相當出色，大腸炸到剛剛好，外皮微焦帶勁脆，裡面處理得幾乾淨，沒有什麼肥膏。吃起來香口而不油膩，配搭甜酸醬更加開胃。雖然是油炸食物，但不會感到膩滯，令人一條接一條停不下來。🍆 魚香茄子煲 [$88]魚香茄子煲煲氣十足，上桌時還在滋滋作響，香氣撲鼻。茄子煮得軟糯入味，肉碎份量也不少，醬汁鹹香帶微辣，非常好下飯。雖然這道菜相對較油，但正是這種風味讓人無法抗拒。…查看更多

係觀塘同朋友行完街，朋友介紹呢間位於成業街工廠區「小城大廚」，性價比都幾高，除咗小菜，晚市仲有打邊爐，見到隔離枱料都幾足，今次就試吓啲小菜先～🍽️芹香油鹽水浸蜆 ($88) $88竟然有咁大份，蜆肉鮮甜，浸喺香噴噴嘅芹菜油鹽水湯底，清甜到飲咗幾啖湯。重點係底層吸晒精華嘅粉絲，索滿蜆湯鮮味，兩個人食都食唔哂🤤🌿 招牌小炒王 ($138) - 鑊氣足料多！** 超有鑊氣！韭菜花、腰果、蝦乾、魷魚鬚炒到乾身香口，仲有脆脆魚仔添！啖啖都係料，鹹香惹味，送啤酒一流。🐦 紅燒乳鴿王 ($68/隻) - 必食！$68一隻乳鴿王，皮燒到脆卜卜，肉嫩多汁，咬落爆肉香，唔乾唔柴。點淮鹽食超正，即叫即炸熱辣辣，必encore小菜高質大份，價錢貼地 ，每日都有唔同既特價小菜，環境乾淨坐得舒服。 下次可以約埋朋友試吓打邊爐🍲📍小城大廚 (觀塘)觀塘成業街19-21號成業工業大廈地下3號舖…查看更多

在節奏急速的觀塘工廠區穿梭，想找一處能靜心享用高質粵式海鮮的角落？某間隱藏於工廈或商廈內的老字號中菜專門店，正是您尋覓的味蕾綠洲！這裡以嚴選生猛海產聞名，而芸芸招牌菜中，「蒜蓉粉絲蒸蟶子」 絕對是識食老饕每訪必點的殿堂級美味！✨ 鮮活蟶子，肉厚飽滿 ✨店家深諳海鮮之道，每日精挑細選「當造」 的肥美蟶皇。上桌時，隻隻蟶子開邊排列整齊，肉身雪白飽滿，宛如白玉貝殼中鑲嵌的珍寶，視覺上已先聲奪人。關鍵在於其「鮮度」 無可挑剔——入口瞬間，蟶肉的「鮮甜」 洶湧澎湃，質感「爽脆彈牙」，毫無沙粒或腥味，盡顯食材本真之味。🔥 黃金拍檔：蒜香、粉絲、豉油 🔥這道菜的靈魂，在於那畫龍點睛的調味！大廚毫不吝嗇地鋪上滿滿手剁「金銀蒜蓉」—— 生蒜的辛香與炸蒜的酥脆焦香交融，香氣霸道卻不搶戲。墊底的「龍口粉絲」 更是精髓所在，盡吸蟶子蒸煮時釋放的「天然海洋精華」 與秘製調味豉油。粉絲變得晶瑩剔透，每一口都飽含「濃郁蒜香」、「鮮甜蟶汁」 與「甘醇醬油香」，滋味層次豐富得令人吮指回味！👨‍🍳 火候精準，原汁鎖鮮 👨‍🍳成就這道經典，除了靚料，更在於師傅「精準的火候掌控」。猛火快蒸，時間拿捏得恰到好處，確保蟶肉剛熟至最「嫩滑」 的狀態，絕不過老。蒸製過程中，蟶子的「原汁」 被完美鎖住，與蒜蓉、豉油共冶一爐，成就那令人一試難忘的「鮮香湯汁」，拌飯或淨食粉絲都屬極品享受。📍 觀塘中菜海鮮控注意！ 若您追求的是海鮮的極致新鮮與粵式蒸功的純熟演繹，這道「蒜蓉粉絲蒸蟶子」絕對值得您專程到訪。鮮、香、爽、滑集於一身，每一口都是傳統風味的完美呈現。立即訂座，讓這道「蒜蓉粉絲蒸蟶子」成為您觀塘美食之旅的難忘亮點！…查看更多