富豪坊

营业中

休息中

週年紀念 特登請咗假🥰🥰休閒行過一日喺沙田河畔行完book咗隔離嘅麗豪酒店中菜廳 富豪坊食晚餐🥣地方夠大，河畔夜景靜靜地 好舒服😌店員服務真係酒店級👍👍佢哋嘅廚師推介好啱口味😝砂鍋珍菌乾燒龍躉球 非常有驚喜啊 上台滋滋聲，龍躉球非常大，仲有 豐富嘅魚油，外皮炸得卜卜脆，魚身keep住嫩滑，非常鮮甜，肉完全冇骨，加上乾蔥雜菌 蔥段一齊爆香，好惹味，份量超多！椒麻乾燒大蝦球用上大量花椒乾辣椒蔥段，花生🥜 川菜非常惹味，麻度都比較高，辣度就剛剛好，喜歡食辣嘅一定要試下蝦球大大隻，爽脆彈牙，大大碟，起碼有十隻感覺超抵食😜😜香麻蔥花雞前菜嚟講份量非常多，用上雞髀位，蔥油非常香而且有雞味😌一啲都唔肥，蔥油唔會太鹹，用嚟送飯真係一流👍👍人頭四百蚊左右食到撐住個肚走，因為份量真係超多，最尾經理仲需唔送埋紅豆沙，大大碗😁😁好適合家庭聚會 聽到隔離枱係住客驚你仲主動 打折 😉員工服務好用心值得一讚 仲有好多套餐，下次可以帶埋屋企人品嘗一下🥰🥰

富豪坊是在麗豪酒店裡的中菜廳，地方十分大及寬敞，坐得很舒服，坐在窗邊望著大海，令人特別心曠神怡～砂鍋珍菌乾燒龍躉球～又大又厚的魚塊，全沒魚骨的，吃得超舒服，而魚肉更一點都沒有龍躉的腥味，炆後仍能保持嫩滑，啖啖肉，吃得特別滿足～墨魚仔鮑汁煎蠔～每隻煎蠔的外層包著粉漿炸後再炆，頂部加上了鹹香的黑魚子及蔥花，既矜貴又好味，賣相又靚～蝦乾肉餅蒸飯～飯粒粒粒分明，蝦乾的香味都滲到飯粒裡，加上煲仔飯的甜豉油同吃，超正～

富豪坊 Regal Terrace 沙田大涌橋路34-36號麗豪酒店2樓位於沙田河畔嘅麗豪酒店2樓有間Regal Terrace 第一個感覺 好大🤣坐近窗邊位特別精神 開揚 善用日光 自然 舒服店員態度友善 有服務有禮貌 裏面有好多宴會廳 廂房 好多選擇 可以唐經理查詢訂房 其中一間大房可以睇到大半個城門河畔 景觀非常好 食完最後經理好客氣送上每人一碗綠豆沙😜砂鍋珍菌乾燒龍躉球 $268乾燒口味 食落脆口 砂鍋煮珍菌 醬汁甜甜地熱辣辣上枱 記得撈一撈 炒一炒 更滋味椒麻乾燒大蝦球 $268勁多辣椒 🌶️花椒 八角 成碟紅通通😂睇到都覺得好辣 蝦球好大隻 肉質彈牙爽口 惹味食得爽 勁多麻辣花生🥜香麻蔥花雞 $98

難得有機會和老朋友好好享受一頓美食！ 早幾晚，去了沙田麗豪酒店二樓的「富豪坊」晚膳，雖然離“驚喜”還有些距離，但卻不失其滋味、有回味的感覺！由於「富豪坊」座落於酒店內裏，空間非常寬闊，枱與枱之間有較遠的距離，坐得特別舒服！先來的【乾貝汁珍菌煎焗鮮蝦球】 珍菌吸盡那乾貝汁精華，濃香惹味，非常爽嫩。 蝦球是用大蝦拆殼調味後煎焗，蝦肉彈牙，香味盈腔，好味到吃不停口！【保健足料老火湯】並不大碗，用馬蹄、紅蘿蔔和豬肚熬製，雖然份量不多，清甜可口，仍是水準之作！【砂鍋竹笙上湯虎班球】以砂鍋盛載，揭蓋時香氣濃郁撲鼻！竹笙用上湯煨後入饌，尤為爽滑。 班球大片厚身，用新鮮的大虎斑起片，魚香味四溢，口感綿密。之後叫了一個【砂鍋西施杞子烏雞滋補炒飯】上枱時先圍繞砂鍋蓋邊加上黃酒， 稍焗一會後酒香飯香同時四溢！飯粒炒得粒粒分明軟糯，內裏滿滿的烏雞肉及杞子，吃得津津有味，回味無窮！最後，餐廳還送了兩碗【紅豆沙】，是起沙那種，滿足！

早排Search下邊間酒店嘅Staycation時留意到呢間中菜廳今晚收工專登過嚟試一試菜式．服務，比起其他酒店質數更高窗外更可眺望城門河景揀咗幾款都是即叫即製嘅小菜熱辣辣 好足料✨ 砂鍋竹笙上湯虎斑球竹笙吸盡上湯嘅精華，斑球大大片 啖啖肉✨鮑汁花膠鵝掌煲原煲上枱好有份量，花膠同鵝掌 可以補充下骨膠原加埋大大隻腍滑嘅花菇味道恰好唔會太鹹✨瑤柱臘味扒豆苗幼嫩嘅豆苗同瑤柱真係絕配加入粒粒臘味，令口感同味道更豐富紅豆沙煲到起沙，唔會太甜為今餐個晚餐劃上完美句號。行咗一圈，原來好多獨立房間場地好大，可以容納好多圍客人下次做節 / 公司搞Party都可以考慮再嚟

大夥朋友一齊到沙田麗豪酒店富豪坊聚舊，定咗間房，富豪坊比嘅地方都相當闊大，我哋12人都差不多畀咗可以擺四圍12人枱嘅房我哋，相當闊落；朋友一輪紅酒暢談甚歡之後，就埋位開始晚飯，朋友點了一個富豪套餐，有豪華燒味拼盤，鮑參翅肚，燕窩，蒸魚等等！十多味餸；碟頭都相當巨大，雖然我哋係12人，但係真係冇可能食得曬，而每道菜都做得唔錯，質素亦都相當高，連炒飯和炒麵都有高水準嘅質素，最後重有紅豆沙糖水和壽包，紅豆沙亦都有好香嘅陳皮味！

一行八人慶祝生日及餞行，因為有餐飲券，所以選了富豪坊。首先點了大家都認為是邪惡但又美味的黃金脆魚皮，入口鬆脆、鹹度適中，這小食已成為了每次必吃。麻辣脆鱔片，不但鬆脆，配上加了芝麻醬的卷心菜一起吃，更是不會有膩的感覺。今天試了蟹肉粉絲煲，外觀不太特別但非常美味。這裡的北京烤鴨也挺不錯，我們點了「二吃」，今天只有薑蔥廣島蠔煲，稍微鹹了一點。整體來說食物、環境及服務都不錯。

之前見到網上介紹呢間點心放題. 相約幾個工友一齊黎試下. 相信酒店旗下. 應該都唔會太差吧!地理位置就真係唔算太市中心. 如果由沙田站過來. 都要行20分鐘左右. 如果由港鐵站沙田圍過來. 就10分鐘多少少. 如果遇上有巴士. 其實都好方便. 幾乎直達! 準時1430 來到. 食2.5小時. 其實時間好充裕(通常都係一開始1小時食食食.之後都停晒手) . 6個人.  安排坐圓檯. 可惜沒靠窗. 如果有會更好. 因為 可以望住城門河. 都唔錯丫!    但內裡其實人煙稀少. 唔過10檯人. 似乎生意真係好難做!  6丁友. 幾乎樣樣都想叫. 但明知眼闊肚窄. 哈哈哈.  點心紙得一張. 大概有30款食物左右! 不過都已經足夠. 基本的點心都會有! 等左大概20分鐘就陸續上菜., 用震撼黎形容! 因為太多了LOL . 仲要加埋送既鮑魚燒賣 & 灌湯餃. 簡直未食都飽一半!鮑魚燒賣-- 每人一件, 正常燒賣口味. 上面加隻鮑魚. 算係誠意之算花膠灌湯餃-- 超大隻. 平時出去食一盅都要HKD40-50 .  呢度仲要配上一塊花膠. 好有HEART蝦餃/粉果/素粉果-- 皮唔算太厚. 適中.

今天新年1月1日到沙田麗豪酒店的富豪坊食點心放題。曾看過網上提到這間餐廳，很是好奇，尤其係以前約朋友也到此試過佢哋係出品。價錢偏貴，但食完也想再約去食過。可惜，今非昔比了。可能係生意唔好，搞吓點心放題，吸引人流。但佢哋知唔知，食完這次，我永遠再也不回頭幫襯富豪坊。茶一到，還未入口，服務員已經端上免費附送的灌湯餃及鮑魚燒賣。鮑魚和燒賣放在同一個籠，分體的。燒賣釀得好實，很多瘦肉，好似蒸咗好耐，放咗一段時間。嗌咗兩碟腸粉，嚟嗰陣係凍嘅，不是暖。皮很厚。蝦肉還爽口，帶子就不值一提。碗瑤柱花膠粥，也是涼的。上湯浸牛肉球，很有牛肉「蘇」味，我接受不了。蝦餃、魚肚雞扎、潮州粉果還好，上枱時熱呼呼，但味道一般正常。炸蝦多士，一口油。旦散有油益味，一啲都唔鬆化。旦撻及炸魚皮合格，有正常的味道。雖然百零蚊唔係好多錢，但希望酒店出品可以對得住客人，用料應該可以新鮮啲，點心可以即叫即蒸，上枱時可以出煙，客人感覺會好啲。服務員好多，服務都殷勤，但廚房一定要改善。

話說朝早突然間我丈夫話要搵個正整地嘅地方飲茶，我就去OpenRice尋找一下。結果找到呢一間。因為得兩個人所以只叫咗四樣點心，但係都做得相當好味。點心列表上邊仲有一啲懷舊點心，而家應該冇乜人識整所以我諗應該有老點心師傅注場。其實去飲茶除咗啲點心之外，查都好講究。這間餐廳的茶真係夠晒熱，但係就冇乜茶味。不過睇到晚餐餐牌D小菜，都好想嚟試吓。

沙田區假期是很難訂位的，這間充滿懷舊氣息的酒店卻很容易訂位，這地方比想像中多人，一早坐滿城門河窗邊的位置。叫三個小菜，分別是茶皇燻雞半隻、香莤蒜子蟹肉粉絲煲、南乳齋煲，還有富貴櫻花蝦蛋白炒飯。雞的烹調方法是好吃的，有獨特的茶香味，但不太新鮮，有點隔夜的味道，另外兩個煲也有粉絲，味道和外觀不太突出，這樣的價錢可以接受的。炒飯是最佳的菜式，有點XO醬口感良好。一個月內吃滿$2000可以做會員，可以考慮一下。

今日食評有✍🏻 富豪坊@麗豪酒店試食指數⭐️⭐️⭐️⭐店舖衛生⭐️⭐️⭐️⭐侍應態度⭐️⭐⭐️⭐((每項5⭐️為滿分)) · Openrice中的素食2.0吸引到可惜到訪時被告知已經冇咗呢個menu🥺不過menu都有部分素食點心和主食午市點了1️⃣煎堆仔⭐️⭐️⭐️⭐/5型態靚，圓碌碌唔油冇涵才試到真正味考驗真功夫2️⃣蒸腸粉⭐️⭐️⭐️⭐/5排列得整整齊齊乾乾淨淨夠熱也ok滑醬汁正常3️⃣奶黃包⭐️⭐️/5太乾身了冇包點的鬆軟不太甜啱我應該唔啱喜歡甜食嘅朋友4️⃣羅漢齋麵⭐️/5整體味道好好可惜面嘅鹼水味太重鹼水對身體唔好所以我哋冇食晒5️⃣素炒飯⭐️⭐️⭐/5粒粒切得細緻炒得香口但唔油膩味道淡左少少但可接受·三人盛惠503·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

早上在附近參加講座，散會後見到此店在馬路另一邊，正好在此午飯。不作多想便决定試二人套餐。小食是手柏青瓜，瓜脆唯醬味不足。頭盤帶子西湖牛肉羹，值得一讚，帶子切粒後亦爽口，湯底味鲜。四個點心春卷亦鬆脆，牛肉球，燒賣，义燒包大路貨色。上湯浸白菜味道不錯，大良牛鬆炒飯份量未足夠及煑工一般，甜品红豆沙亦平凡。

冬至限聚午餐二人一檯家庭聚會，餐廳安排位置妥妥當當兼舒服靚景。有點心有小菜可供選擇，款式價錢都應有盡有，五個人點左一個燒味、一魚一飯再加八個點心。燒肉有層次但偏凍，龍躉魚球有彈牙爽口但偏少，福建炒飯鮑魚汁香濃但炒飯偏軟，點心中規中舉，罐湯餃有驚喜、湯底清甜可口。環境寧靜舒適，適合不同敍會，有貴賓房作私人空間。而且泊車方便，部長友善簽多咗一個鐘免費泊車。窗口位可望得到城門河，係沙田區中菜餐廳中我其中最愛嘅選擇！

今晚冬至，訂了這間沙田麗豪酒店富豪坊晚飯，雖然預了做節，間間食肆的員工都好忙碌。諗住話晒酒店級，應該會好些吧。但結果食得好飽……（激到成肚氣嘅飽）非常失望。之前落訂金時，已講明要套餐，7:15pm 入座。到當晚入座後，告訴侍應可以起菜了。但等到8點還未見第一碟餸出現。再追問侍應，答覆是“乳豬現在整緊”。哇…冇嘢呀，一早預定套餐，我訂7:15pm枱，竟然告訴我第一碟餸嘅乳豬現在還整緊。好算數，問佢有什麼餸可以上菜先。起碼等了1個鐘都有d 嘢食吓。結果來了大蝦， 但唔熱囉，好明顯是放涼了,煮好冇人拎出嚟😑 跟住冇耐出嘅乳豬，肥到有些難食，也有些酥味。冇諗過酒店級都咁差。其他食物都係，等等等，跟本其實d 食物是煮好了，但酒店沒有人手。所以每樣食物都係等了又等，好多都不太熱(大排檔仲熱過佢）。完全冇諗過酒店會係咁。到上甜品，又係三催四請，才出現。雖然出現，但都冇侍應理會，2個侍應只僱同一時間去執拾已結了賬冇人的同一張枱。冇嘢呀，已接近尾聲，都不會翻枱，既然張枱d 客已結賬走晒。是不是應該去招呼還未上甜品的枱。竟然可以由得甜品及糖水原地不動，只掛住執冇人嘅枱。真係火都嚟，唯有自己起身問嗰兩位執枱