安娣瑪萊

营业中

休息中

假期同屋企人去咗尖沙咀行街，之後順道係附近食飯。餐廳裝修雅緻，平時可以望到海景，不過咁啱當日有郵輪亭泊遮住咗，但係用餐環境都依然舒適。🐥香茅椰糖烤雞全翼呢個烤雞翼係其中一個最滿意嘅菜式之一，雞翼外皮有少少燒焦香，配埋香茅嘅草香同椰糖嘅微甜，味道好平衡，雞皮下肉層嘅口感好嫩滑，調味又唔會太重，好食。🍢瑪萊沙嗲沙嗲醬花生味幾濃，豬肉燒得啱啱好，冇乾柴，仲有啲炭燒香。🥣招牌海南雞飯配清雞湯雞肉皮滑肉嫩，富膠質，唔會過鹹或者過油，雞油飯都好香，飯粒分明。湯味道清甜，帶椰子香味，仲有白蘿蔔提起甜味，飲落好舒服。🦑香草青檸汁蒸原隻魷魚魷魚口感彈牙，中間釀入帶有芫荽香氣嘅肉餅，配埋青檸汁，食落係酸酸辣辣嘅泰式味道，幾開胃。🍞斑蘭咖椰多士咖椰醬好滑，帶濃濃嘅椰香同斑蘭味，唔會太甜，夾喺脆卜卜嘅多士中間，再加上濃郁原塊牛油，個人好中意。肉骨茶：藥材香氣濃郁，甜甜地，味道養生。而且材料都幾豐富，裡面有支竹、一字排、腩肉、豆卜等等🧋飲品：香水檸檬泰式冰茶，味道清新，甜度啱啱好，飲完成個餐都冇咁膩。鍾意濃郁奶味嘅話就可以試吓佢哋嘅泰茶，兩款都幾唔錯。優惠tips:餐廳有提供二人套餐選擇，會員價$388起（部份

之前海南少爺執左覺得好可惜，佢地個肉骨茶真係心目中頭幾名，最近先發現原來改左名🤣🤣點可以唔黎食多次佢嘅海南雞同肉骨茶▪️瑪萊肉骨茶$158最掛住就係呢個肉骨茶～必食🩷🩷藥材味濃郁，帶點胡椒味，入面嘅排骨都好厚肉，仲有腐竹、冬菇等等，補身又養胃，加多$20仲可以免費任飲肉骨茶▪️少爺海南雞 半隻$188一個set配清雞湯同埋椰香雞飯，海南雞仲係用白皮雞，皮薄肉滑。最鍾意佢個雞飯用橄欖油，香得黎又健康啲，加埋清甜椰子湯，整體好夾～又唔會覺得好heavy▪️椰香青咖喱豬頸肉$118豬頸肉燒得幾香脆邊，放落咖喱食蘸滿汁超正👍🏻青咖喱唔辣，重椰子香，加多碗飯就perfect ▪️香脆蝦餅$88經典印尼蝦餅，脆卜卜又夠大塊▪️森巴蝦仁通菜$68正正常常～上面淋左甜辣汁嘅蝦▪️瑪萊沙嗲 （豬/雞） $58揀左全豬，同平時嘅沙嗲串差唔多，醬汁鹹香▪️香茅椰糖烤雞全翼$22/隻雞全翼燒得幾香，椰糖食落同蜜糖雞翼差唔多▪️斑蘭咖椰多士$48一份三件，多士哄到金黃脆底，入面唧滿斑蘭忌廉醬，中間再夾多塊牛油，邪惡美味🤤▪️芒果糯米飯$68飯底煙韌，芒果夠晒甜，不錯▪️手標正宗泰式奶茶$35有泰奶揀當然要試下～茶底香濃，帶煉奶味道

經 Open Rice 訂有優惠，買一送一的少爺海南椰子雞飯套餐或主餐牌 7 折，海南雞正常，無乜特別，油飯有椰香，反而跟餐的小食沙爹豬有驚喜，肉質有灰燒香味，醬汁並不是一般的花生沙爹醬，而一種有小許酸甜，小小辣紅色的醬汁，買一送一套餐已包一包海南雞飯，小食加一杯飲品，兩人埋單合共祇是 $184，座位坐得舒服，面對無敵大海用餐，十分超值3👍👍👍

「瑪萊沙嗲」雞肉入口即化，沙嗲醬香濃唔辣，好過癮。「香茅椰糖烤雞全翼」外皮薄，肉質嫩，雞肉味突出。「瑪萊肉骨茶」以自家調配藥材包煮成，淡淡香氣，加入一字骨、腐竹、冬菇等配料，老少咸宜。「少爺海南雞」白皮雞滑嫩，呈現粉紅色、欖油椰香飯好香又唔油，淨食都好好味、椰皇水雞湯清甜可口。「酸辣汁蒸原隻釀魷魚」即叫即整需要等候30分鐘，魷魚爽彈，釀肉紮實，適合分享。「森巴蝦仁通菜」蝦仁炒新鮮，醬汁辣且惹味，通菜無渣。「斑蘭咖椰多士」大大力推介，斑蘭咖椰漿十分香甜，質感細膩，多士微微脆身，口感豐富。「芒果糯米飯」一定要趁熱食，糯米飯暖笠笠，軟糯可口，微微甜，搭配芒果同椰漿，讚。

餐廳走小清新風，粉紅/綠/白系 點了一桌 ⭐椰糖燒雞翅 ⭐馬來沙爹豬肉串 ⭐冬陰功湯 ⭐招牌海南雞(配雞油飯+冬瓜湯) ⭐馬拉盞通菜 ⭐斑蘭咖央多士 ⭐青咖哩豬頸肉 ⭐泰式冰茶，荔枝薄荷梳打 📌必點的是👑斑斕咖央多士!!!斑斕咖央的椰奶香味和斑斕特殊的葉子香味配合得天衣無縫，多士烤得酥酥脆脆，一上來就吃了兩塊!!這個很好吃📌還有可點的是海南雞，已經去好骨了，很滑📌馬來豬肉沙爹串，很入味 兩個人來的話我推薦海南雞飯套餐+斑斕咖央多士+兩杯飲料+串燒/炒菜旁邊是海景的話，美食都會更美幾分，菜色顏值也很高，很適合出片想坐窗邊位置的話記得要先訂座，這個海景view真的很難輸

同大少係海港城排隊買完chiikawa之後，都攰到冇朋友，所以就去左下一層嘅安娣瑪萊食返個豐富馬來西亞晚餐抖返一下。餐廳佈置都好舒適，而我地被安排坐窗口位置，係日落時份望住個維港VIEW真係勁正呀！一坐底就先為我地送上蝦味濃郁又脆卜卜嘅蝦片同埋香濃嘅荔枝茶，絕對係開胃之選。一場嚟到緊係要叫返兩杯靚靚又清新解渴嘅打卡特飲，分別係荔枝玫瑰梳打同埋荔枝青檸梳打。先嚟香茅椰糖烤雞全翼，兩大隻雞翼都烤得金黃色，咬落去皮脆肉嫩，而面層仲帶點點香茅椰糖嘅香味，所以食落甜甜地，味道唔錯。之後就嚟一客瑪萊沙嗲豬肉，依個串燒豬肉燒得剛剛好，香濃沙嗲味道同個豬嘅味道好夾，所以唔洗點附設嘅醬汁都已經好夠味。當然唔少得招牌瑪萊肉骨茶，依個完全係驚喜之作，恰到好處嘅濃郁藥材湯底，加上排骨、冬菇、豆卜、腐皮….夠晒足料，而且各樣食材都索晒啲湯汁，所以一啖咬落去超夠味，最好就係用個熱爐係保持住個保溫，所以飲啖湯時即刻驅寒又暖胃。單睇招牌火山骨嘅賣相都已經非常吸睛，入口都一樣唔野少，三大舊排骨煮得好入味，而且肉質嫩滑鬆化，配埋個酸酸辣辣嘅湯底，真係越食越開胃。而另一重點就係個組/白蘿蔔，索晒個湯底所以係勁入味，完全係我

海港城嘅泰國菜「Auntie Malay 安娣瑪萊✨」同時可以享受美景及美食，餐廳面對維港景色，令人感覺舒暢，餐廳提供城泰式美食，當中二人餐性價比極高，只需$388已經包括前菜、湯品、主菜、甜品及飲品，豐富又美味。香茅椰糖烤全雞翼🍗✨ 燒得香脆嘅外皮，味道香濃十足，充滿肉汁，令人回味馬來沙嗲豬肉串🥓🔥 豬肉串經過醃製，味道濃郁，搭配特製花生醬，口感層次分明，肉質鮮嫩，好味肉骨茶🍲❤️ 湯底由多種香料熬製而成，味道濃郁，配上豐富嘅配料如豬骨同豆腐卜，食落暖心又暖胃 招牌海南雞飯🍚🍗 雞肉滑嫩，飯粒分明，搭配特製嘅醬汁，令整碗飯更加美味，香氣四溢，必試嘅經典菜式招牌火山排骨 🍖🌋 火山骨份量滿滿，排骨肉嫩，口感豐富森巴蝦仁通菜🍤🥬 新鮮嘅蝦仁搭配爽口嘅通菜，簡單又好味斑斕咖央多士🍞🍮 咖央多士配上斑斕醬，外脆內軟，味道香甜，完美為呢頓飯畫上句號Auntie Malay 真係一間唔可以錯過嘅餐廳，無論係美食定美景，都令人好滿足😋👍

同屋企人行尖沙咀海港城，諗起食貨閨蜜推介嘅呢間餐廳，於是我哋去食馬來西亞菜。香茅椰糖烤雞全翼 $22/1 隻大大隻嘅雞全翼，出邊有香烤嘅椰糖，入邊嘅雞肉好鮮嫩滑溜，非常之滋味！酸辣青檸汁蒸原隻釀魷魚 🦑 $188呢個特別嘅青檸汁，口感清新，魷魚🦑非常之惹味，不失為一個特別嘅小食！瑪萊肉骨茶 $158同一般肉骨茶唔同嘅地方係佢係可以有個爐喺度打邊爐，所以可以保存肉骨茶嘅熱度，食落口好舒服。椰香青咖喱 $98我哋揀咗咖喱雞肉串燒，雞肉都幾鮮嫩，而且青咖喱其實係唔辣嘅，而且好多椰子汁味道！森巴蝦仁通菜 $68呢個醬比較似XO辣醬，蝦仁大大隻，通菜幾新鮮，即叫即炒夠鑊氣！少爺海南雞 （半隻） $188會清雞湯湯同埋椰香雞飯，估唔到個雞湯有好多椰子汁非常之清甜，海南雞好鮮嫩同埋出色，特別喜歡佢嘅醬汁，非常之惹味！呢個甜品可以叫起！班蘭咖椰多士 $48綠色嘅斑蘭醬汁滿瀉而出，夾雜着薄片入口即溶嘅牛油，仲有非常鬆脆嘅多士，打卡靚之外都幾好食。ChaTraMue Collection 手標正宗泰式奶茶（凍） $35好濃郁嘅泰式茶香味道，沖咗鮮奶好滑溜！荔枝玫瑰梳打 $38賣相充滿粉紅色少女心有一塊塊玫

今日同朋友行海港城行到攰攰哋，經過安娣瑪萊見環境好舒適，餐牌價錢幾抵食，仲可以望海景，即入去試下。坐低睇餐牌真係花多眼亂，最後叫咗成枱嘢食，每樣都好有驚喜！豬肉串燒，呢度串燒係配左冬陰功醬，食落非常夾。豬肉燒得啱啱好，外皮微焦，咬落去juicy得嚟又帶少少炭香。個冬陰功醬好過癮，酸辣得嚟仲有啲香茅嘅香氣，同平時食開嘅沙嗲醬好唔同，好有泰國風味！🍗 椰糖燒雞翼雞翼燒到金黃色，面頭搽咗層椰糖，甜甜哋又帶少少焦香。咬落去皮脆肉嫩，仲有少少蜜糖嘅黏口感，好邪惡好正！招牌肉骨茶肉骨茶好足料，除咗必備嘅排骨，仲有五花腩、豆卜、枝竹同冬菇。個湯底藥材味濃得嚟好溫和，飲完成個人暖笠笠。特別鍾意啲五花腩，肥瘦均勻，煮到好淋好入味。豆卜索晒啲湯汁，一啖咬落去爆湯，正！招牌海南雞雞肉真係滑到不得了，雞皮仲保持到爽口。配嘅油飯好香，個雞湯清清哋，帶有椰子既香甜味，飲落好舒服。火山排骨視覺效果滿分！排骨煮得好入味，肉質鬆化。個湯底酸酸辣辣，越食越開胃，而配菜白蘿蔔紅蘿蔔勁入味，越食越辣，好過引。 上湯娃娃菜食咗咁多重口味嘢，呢個娃娃菜嚟得啱啱好。湯底用蝦米同肉末煮，鮮甜得嚟唔會太鹹，娃娃菜煮到剛剛好，仲保持到爽

係海港城海運大廈行街，行過見到呢間餐廳幾吸引，就入去試下，果然充滿驚喜。餐廳環境設計充滿馬來風情，座位十分闊落，我地坐嘅位仲要望到海景，真係好驚喜。入座坐低後，即刻送上一壺熱茶同餐前脆口蝦片。香茅椰糖烤雞全翼（2隻）兩隻大大隻嘅雞翼烤至金黃色，外皮香脆，肉質鮮嫩多汁，仲帶有淡淡嘅焦糖香茅香味，十分滋味。瑪萊沙嗲（3串豬）串燒我地揀左豬肉，燒到啱啱好，完全唔會好柴，配埋個醬一齊食，甜甜辣辣，十分惹味。瑪萊肉骨茶用煲仔上枱嘅肉骨茶十分正宗，用個爐熱住，唔怕凍曬，十分貼心。呢間餐廳嘅肉骨茶係純正馬來西亞派，湯底顏色較濃較深，藥材香味更為濃郁，慢慢滲出濃郁而不苦澀嘅藥材味道。看似細細一煲嘅肉骨茶，卻十分足料，除了有排骨外，仲有腩肉、冬菇、豆卜、枝竹，應該像我見多最足料嘅肉骨茶。招牌海南雞飯（例牌）配清雞湯招牌海南雞飯嘅雞肉已經拆骨，皮靚肉質嫩滑，啖啖肉，配有三樣調味料（薑末、辣椒醬、黑醬油），配油飯一流。油飯粒粒分明，但又唔會好油膩，配埋碗清雞湯，清甜好飲，配搭得啱啱好。招牌火山排骨香港比較少見嘅火山排骨呢度都有得食，一樣有個爐熱住，一共有三條嘅大排骨，有芫荽同蘿蔔搭配，份量十分足夠。排骨肉質

早排去海港城行街，晚餐就揀咗bookmark咗好耐嘅馬來西亞茶食，被安排坐窗口有得睇埋維港景好正點咗2杯特飲，羅漢果龍眼冰好清潤唔會太甜，朋友杯青檸梳打酸咪咪好醒胃先嚟香茅椰糖烤雞全翼，一見到咁大隻開心，2隻雞翼都烤到金黃色，，食落香口惹味，仲有點香茅椰糖香味到呢到必食招牌海南雞飯，一食雞件就食到廚師功夫，雞肉浸得勁嫰滑，而且好夠雞肉香，配埋油飯好足肉骨茶朋友大讚好正，藥材味恰到好處湯、入面有大大舊又好肉嘅排骨，另外仲有枝竹冬菇，近排又涼涼地，飲番碗肉骨茶真係好暖胃食馬拉菜緊係要食串燒啦，瑪萊沙嗲點咗豬串燒，豬肉香嫩又有香濃沙嗲味道，我覺得唔洗點跟上嘅牆汁都已經好好食牛筋牛肋肉係用上椰香黃咖哩，兩者都做得好嫩腍，咖喱走清香路線唔會好辣，而重點係香口薄餅點上黃咖哩汁，另外娃娃菜係上湯肉碎蝦米去浸煮，食咗咁多肉來個鮮甜蔬菜做個平衡呢到嘅斑蘭咖央多士真係必點之一，用佢嚟當甜品真係一流，多士烘得香口脆身，中間夾埋清香斑蘭醬，甜度適中，整餐飯好圓滿

🌟🍴 【尖沙咀 •安娣瑪萊 】 🍴🌟 📍 (尖沙咀)尖沙咀廣東道3-27號海港城海運大廈地下G16號舖🍖🥟🍟🥚🍰🍲🍇 • 🥪🍓🍤🍪🍜🍡🍹 脆蝦片 🦐🍘香脆可口，蝦味濃郁，開胃必備！😋👍香茅椰糖烤雞全翼 🍗🌿🥥香茅香氣撲鼻，椰糖甜而不膩，雞翼烤得 juicy 又入味！🔥❤️瑪萊沙嗲（3串） 🍢🌶️肉質嫩滑，沙嗲醬濃香微辣，三串剛剛好解饞！🥜👌瑪萊肉骨茶 🍖🥣湯頭濃郁，藥材味香，肉骨軟爛又暖胃，超滿足！😍🍲招牌海南雞飯（例牌）配清雞湯 🍚🐔🥄雞肉滑嫩，飯油香撲鼻，清湯簡單卻鮮甜，經典美味！🌟🥰椰香青咖喱配豬頸肉 🥥🌶️🍖青咖喱濃郁帶點辣，椰香迷人，豬頸肉軟嫩多汁，太好吃了！🤤✨上湯蝦米肉末浸娃娃菜 🦐🥬🍲上湯鮮美，蝦米提味，娃娃菜吸收湯汁超嫩，家常卻驚艷！😊👏原個椰皇海燕椰子雪糕 🥥🍦椰子清新，海燕窩口感獨特，甜而不膩，超級清涼！❄️😎手標牌正宗泰式奶 🧋🇹🇭濃郁奶香，甜度剛好，喝下去滿滿泰國風情！🥛💖鮮鳳梨泰式冰茶 🍍🧊🍵鳳梨酸甜清新，冰茶解渴又爽口，夏日必喝！🌞🥤🍙🥤 餐廳評分🥤🍙 🔥 餐廳環境：🔥🔥🔥🔥🔥 ⛄ 服務質素：⛄⛄⛄⛄⛄ 🍾 食物味道：🍾🍾🍾🍾🍾 🎟️ 性價比：🎟️🎟️🎟️🎟️🎟️

最近喺海港城行完街，發掘咗間主打馬來西亞菜嘅餐廳—Auntie Malay，除咗食到充滿地道風情嘅菜式，餐廳仲有超靚嘅海景添😌椰糖燒雞翼：外皮燒得焦脆，帶有椰糖嘅香甜，肉質鮮嫩多汁！馬來沙嗲豬肉串：一碟有三串，可以揀要豬肉/雞肉。豬肉串燒得啱啱好，點埋花生醬，味道濃郁👍🏻招牌肉骨茶：藥材味香濃，排骨燉到好淋，暖胃又滿足。招牌海南雞：必食！雞肉超滑嫩，啖啖肉，配埋雞湯同油飯，好正！椰香黃咖喱牛肋肉：咖喱香濃帶椰奶嘅甜香，牛肋肉夠哂腍，配埋酥餅，點住咖喱食，簡直係絕配。上湯蝦米肉末浸娃娃菜：娃娃菜吸晒蝦米同肉末嘅精華，清爽又入味。斑蘭咖央多士：外皮脆口，斑蘭內餡香甜，食得好滋味！飲品羅漢果龍眼冰同埋話梅蜂蜜梳打都值得試下～

.香港🇭🇰都有高質新派馬拉菜🇲🇾 在海港城海運大廈望👀住迷人的夜景海景真係食咩都好味😋.🌟椰糖燒雞翼 (2隻)好味😋 $20/隻其實幾抵因為好大隻 啖啖肉用椰糖有點特別 甜度啱啱好.🌟馬來沙嗲串燒雞 🍡🍢燒完熱辣辣🔥 雞香滑軟腍淋上沙嗲汁好好味.🌟招牌肉骨茶☕️ 有香濃的中藥味 仲有好多五花腩好🈵足好補身.🌟招牌海南雞 (配雞湯及油飯各一碗)🐔 海南雞去哂 好嫩滑加埋油飯好好味.🌟椰香黃咖喱牛肋肉 (配酥餅一客)🍛 牛肋肉炆得好Lum加上濃郁的黃咖喱🍛配飯好夾.🌟上湯蝦米肉末浸娃娃菜🌟斑蘭咖央多士.好多選擇又樣樣都好味海港城又方便絕對可以encore

最近去咗Auntie MALAY 安娣瑪萊覓食，一踏入餐廳，就感受到一種輕鬆愉快嘅氛圍。餐廳設計充滿馬來風情，營造出溫暖而親切嘅感覺，令人感到十分舒適。佢哋嘅菜式幾吸引我，同朋友點返幾道菜試下先。椰糖燒雞翼雞翼燒得好香，椰糖帶嚟香甜味，咬落仲有肉汁，整體味道唔錯。馬來沙嗲雞肉串醬汁微微辣，香料同甜味出啲，雞肉好入味唔柴。招牌肉骨茶湯底濃郁藥材味幾出，肉嘅份量好多呢！招牌海南雞雞肉好滑嫩，配埋雞湯同油飯好滿足。椰香黃咖喱牛肋肉煮得好好，牛肋肉幾腍嫩，黃咖喱配白飯或者酥餅都好正。上湯蝦米肉末浸娃娃菜食落幾清爽，啱啱好可以平衡其他重口味嘅菜式。飲品方面，我點咗青檸梳打，清新解渴酸酸甜甜，非常爽。朋友點咗菠蘿熱情果沙冰，果味幾突出，好冰涼。當日仲見到餐廳一周年優惠可以加一蚊換購斑蘭咖央多士，當然要換返份嚟食。多士烘得好薄脆，內餡凍凍嘅斑蘭咖央醬，香滑濃郁嘅味道，好推介。整體食物質素唔錯，下次可以再嚟試下其他菜式。