好燒式串燒專門店 (砵蘭街)

营业中

休息中

終於等到放寬食肆營業時間，約朋友食飯都唔使就住就住店舖關門。週末仲可以盡情晚飯宵夜直落🍴🌟🍺🍷🍾 🥳🥳今日下午一於來round happy hour熱身一下😎位於旺角砵蘭街「好燒式串燒專門店」，新推限定Happy Hour Tea Set 😋Happy Hour 套餐包括（7:30pm前離座)：-澳洲M4和牛封門柳 (200g) 配薯格 一份-麥西哥薄餅1份- 生啤(500mL）兩杯M4 Grade 封門柳外層煎烤得焦脆，order了五成熟。雖然油花唔多，但味道濃郁肉汁豐富，越嚼越有味道！👍🏻😋薯格即叫即炸，香口到不得了！更可以蘸軟滑嘅芝士醬特別美味。😋👍🏻墨西哥薄餅即叫即做熱辣辣，內有雞肉和刺激嘅墨西哥辣椒🌶🌶，風味十足！旺角分店有Hoegaaden🍺 生啤，超爽！放工啤一啤仲有澳洲封門柳，加上脆薯格同墨西哥薄餅，豐富高質happy hour set 😋😋 🥳除了雞、牛、羊、豬等，還有多款燒烤海鮮🦐🦑🐙🦞，計劃下次再來串燒大雜燴😋🌟

《好燒式 》一間我私心既港式串燒店😚兩年幾前上網搵有咩食，機緣巧合黎到幫襯🤣一試就愛上左佢 耐不耐就會黎食如果想黎食，最好一定要打電話book定位🥰我鍾意佢呢原因 佢鋪頭唔算大，但staff都好熱情會搭下嗲同你吹水🤣但又唔會老尷題外話：次次黎到必叫啤酒🍻有次我唔飲得，叫左支烏龍茶醒神佢地就笑鬼我邊個飲唔掂，大家有互動氣氛幾好🍡講返食物，佢既串燒種類其實有好多 而我最鍾意係雞軟骨、牛舌、羊肉、京蔥、韭菜花、燒茄子（原條/切片）識食一定原條食，d蒜多到不得了，🥢夾起成梳茄子包住蒜蓉😍海鮮係時價💰次次唔同，可以問聲先。我就食過蒜蓉燒扇貝、聖子同燒蠔、鹽燒白鱔😋全部都好香好好食👍🏻整體而言，串燒每串價錢$20左右，選擇多，除左串燒，餐廳其實仲有其他主食，食物高質 性價比高👍🏻PS: 好燒式有兩間分店，一間係太子，一間旺角砵蘭街兩間都有去過，太子鋪頭大好多，一大班人嘅話坐得鬆動啲😂但唔知心理作用定點，個人認為旺角分店食物好食好多

今天放工後來與同事一起到旺角吃晚飯，選擇了串燒店可以慢慢聊天😎除了串燒之外還有很多特色小食菜式等等，選擇好多讓人眼花瞭亂，店員很熱情地介紹海鮮食品的時價以及有甚麼時令海鮮，原來他們部份海鮮是空運到港，另外也有的是即日上午選購，因此並不是每款海鮮都能每天供應，要配合空運的時機以及當天早上海鮮新鮮與否，才有機會吃得到呢😝店員也會推薦一些較受客人歡迎的選項，讓我們不用心大心細😂首先上枱的是原條的蒜蓉燒茄子，將茄子切開攤平後充滿了整個盤子，份量十足！濃濃的蒜蓉香加上少許香料調味，燒茄子絕對是串燒店必吃之選🤤還附上夾子方便食用～再來的是我們被名字吸引到的墨西哥薄餅芝士雞肉🧀外層薄餅香脆，包著半溶的芝士﹑甜椒﹑雞肉粒，還有少量的青辣椒醬，香辣的口味中和了芝士的油膩感，推薦！😍串燒方面分別點了鹽燒牛舌串($30)以及雞軟骨($20)。牛舌烤得剛好，保留了一定厚度之餘又不會過韌，軟淋易咬開之外亦保留了口感。雞軟骨加上調味是非常惹味香口🤩黑松露菌蝦多士的蝦肉部份非常厚，而且十分彈牙！雖然是炸物但一點也不油膩，即是放了一段時間碟子也沒有泛油，配搭黑松露醬的香味令整件多士的香氣味道更豐富☺️雖然餐牌上寫的是花

好燒式✖ 一間唔只食串燒的鋪頭仔。除咗串燒，仲有泰國小食、墨西哥薄餅、辣酒煮螺、鹽燒油甘魚鮫、意粉等。相信係怕客人唔飽而加插。。。價錢睇落唔係好貴，所以今晚兩條女去試下。鹽燒牛舌串牛柳串雞軟骨燒雞胸軟骨串豬仔髀西班牙黑毛豬肋串陰公豬魷魚鬚燒菠蘿串燒豆腐燒韭菜燒茄子日式燒年糕氣溫去骨燒乳鴿再加一支台灣冬瓜茶、一罐台灣蘋果西打詞窮，唔識點樣形容串燒。燒出嚟唔乾，有炭香味，又有啲孜然味。只可以話都ok！但就好似室內BBQ咁。「豬」好食過「牛」， 厚切牛舌唔好食。。。

每次到旺角要選擇甚麼作為晚餐都是一大煩惱，因為美食太多了，今次在砵蘭街找到間串燒，是我最愛的餐廳之一。餐廳地方寬敞，坐位舒服，還可以望到燒烤位置，乾淨企理。首先友人點了餐廳推介的海鮮，蒜蓉燒蟶子王（1隻），有金菇在底，吸滿蒜香精華，蟶子爽彈鮮甜。安格斯牛肋串牛肋肉嫩多汁，香氣撲鼻，加上辣椒粉帶出牛味。西班牙黑毛豬肋串豬肋鮮甜肉香，不會嚡口，絕對要一試。雞中翼（2隻）皮脆肉嫩，金黃色的外皮，皮下油脂溢出，肉質保持嫩滑。魷魚鬚嚼勁不錯，新鮮的味道。蒜蓉燒茄子（原條）每次我都對茄子零抗拒，蒜蓉香氣撲鼻，孜然粉份量恰當好處，不會太嗆。菠蘿甜味一流的菠蘿。鹹檸七鹽燒牛舌串略嫌有啲乾身。雞全翼雞全翼亦是必食的項目，雞翼要食全隻先過癮。煙肉金菇卷鴨舌串好少見鴨舌串，燒得唔會太乾的，口感一絕。羊肉串羊肉味不會太羶，易入口，肉汁鎖緊在內。墨魚丸彈牙，蜜糖味香濃。

食物上：燒雞髀、司華力腸、玉子………都叫咗，可惜無影到，雞髀值得去試！最後一樣大蝦意粉，呢度推介，基本上每次亦會叫，因為個大蝦汁配個意粉真係出色！環境：地方較狹窄，但職員盡量提供額外櫈比大家放袋！態度：職員非常主動會執碟，因為空間有限。由以前由職員落單到依家改了用QR，職員態度如一，有禮貌！

早幾個星期試過深水埗的好燒式，覺得好好食，所以心思思想再試。上 Openrice 見到旺角有分店，所以就嚟試試。 旺角店的店長一貫地熱情地推介海鮮，終於明白箇中的因由，原來佢哋每天去街市買最靚的海鮮，所以今次嚟就無聖子皇食，話今天聖子皇唔靚，於是就食左蒜蓉燒扇貝及日式汁燒南非鮑魚。不過食落麻麻地，扇貝燒得太熟，鮑魚新鮮，燒得剛好熟，但醬汁似是熟後加上，沒有汁燒的效果。而且二者味道都一般。 牛油金菇包，落左好多牛油，熱辣辣食係幾好味。不過一定要趁熱食。燒日本甜心蕃薯，一般急凍食品燒熱嚟食，一般啦！墨魚丸，汁燒效果唔錯，ok 好味！韮菜、牛油粟米、雞軟骨、雞肉腸，全部都正常好味。燒日式芝士年糕，好正！大多數店都只會炸俾你食，好耐無見過燒的芝士年糕。鹽燒白鱔，材料新鮮，好好味。菠蘿，好甜，好多汁，作為餐後甜品一流！ 可能因為期望過高，今次食唔番之前在深水埗食到的好味。整體不能說唔好味，只是有比較，感覺上旺角店的調味好像是欠缺了一些甚麼，若有所失似的。

今次係第二次幫襯上次食過意粉覺得幾好食先再黎食今次叫左個龍蝦汁意粉，有隻蝦但好細隻其他料都係得好少，同埋冇乜味，淨係食到有蒜味，好失望質素完全同上次好唔同⋯呢個係第二轉嘅串燒～ 我覺得都好好食調味好難唔好食，啲肉都燒得好好，好juicy同唔韌有試牛舌、羊肉、雞腎、蔭公豬、雞中翼等等唔建議試蔭公豬，因為個味麻麻，唔係好知食緊咩，同埋有啲肥好嘅係上菜個時佢會同你介紹哂係咩串燒燒茄子正路～好好食，好夠蒜！呢個蝦多士我都係覺得一般冇咩驚喜，另外都叫左個炸蝦餅，冇影相，都係差唔多味3個人食左$602蚊連加一，都好飽

10點想起尖沙咀搵燒烤食，難！朋友話旺角‘好燒式’開到12點就打去問有冇位lahhhh😆好好彩有一張枱就即刻上車過去🏃🏻‍♀️入座後店員為我地介紹今日推介同燒海鮮嘅價錢，今次叫咗1️⃣蒜蓉燒蟶子皇蟶子肉厚，大大隻，燒完juicy 得嚟爽口彈牙，下次一定encore!2️⃣鹽燒馬友馬友肥嘟嘟，肉質滑溜，魚皮燒得好香脆，調味適中👍🏻配埋泰式辣汁冇得輸🤩3️⃣燒蠔分別叫咗煙肉燒蠔同什菌燒蠔，肥美多汁嘅蠔配上煙肉香特別得嚟係好食嘅，什菌燒蠔加埋蘆筍比較清新，一樣配料滿滿4️⃣黑松露菌蝦多士多士炸得脆身爽口唔油膩，蝦肉大舊過多士🤤而且每一啖都食到上面嘅黑松露，極滿足☺️5️⃣蒜蓉燒茄子 茄子一定要原條燒，茄子肉燒得好夠火候，肉質軟綿綿，上面有蒜茸同特調調味，必推！🤫店舖仲有極多款串燒選擇，只係依排戒紅肉無叫到🤣🤣

我哋食夜晚7:15pm 冇book位，但好快就安排入座，一坐低店員熱情地介紹海鮮和串燒，之後我哋慢慢再選擇食物，上菜速度快，而店員很貼心，不會一次過上晒所有食物，睇到我哋差唔多食完一碟先上另外一碟我的推介: 牛油金菇: 金菇充滿着牛油，食落口不會黐牙黑松露蝦多士: 超脆，一定要趁熱食，滿滿的蝦肉，非常彈牙翠玉瓜: 超多汁燒菠蘿: 不會太甜又不會太酸在我們進食期間，店員會走過來問我們啱唔啱食，認唔認得邊串打邊串，還會逐一逐一介紹，好搞笑，實在太一樣！

📍旺角不論商廈·住宿都較多·更有幾個大型商場～餐廳·小店隨著人流越開越多·五花八門各國口味令到係旺角真係唔難搵食·等小編同你講好消息·小店位於砵蘭街·砵蘭街算係一條食街因為好多選擇·同時鄰近朗豪坊·人流旺盛·咁點解要講e間·成日行過都有人排隊·鋪頭仔坐位算多經常坐滿·真係唔試都唔知咁正😌蒜蓉燒聖子王💰時價蒜蓉燒扇貝💰時價兩款海鮮夠新鮮·唔係一般急凍貨色👍蒜蓉味濃👏超正🤩蒜蓉聖子夾埋金菇口感豐富·聖子夠大隻爽滑彈牙又燒得惹味💯扇貝口感同聖子不相伯仲😋而且大隻厚肉💯👏好味指數(7級最佳)▁ ▂ ▃ ▄ ▅ ▆——————————————————蒜蓉燒茄子💰$34原隻燒·可以一絲絲夾出黎入口·唔會煮到好淋👍好味指數(7級最佳)▁ ▂ ▃ ▄ ▅牛油金菇包💰$36E款要讚👍金菇爽口唔淋·牛油香濃唔會食落好油膩·鐘意食金菇一定要TryTry😋好味指數(7級最佳)▁ ▂ ▃ ▄ ▅ ▆燒日本芝士年糕💰$12/1件口感煙煙韌韌·咬開👀見一絲絲濃郁芝士😍邪惡到爆·外層鬆脆可口好味指數(7級最佳)▁ ▂ ▃ ▄ ▅鹽燒白鱔💰$43鱔皮燒得脆口·再配海鹽調味·肉質鬆化魚味濃💯好味指數(7級最佳)▁ ▂ ▃

係香港要搵到好食 價錢又唔貴既串燒店真係唔係咁易架🤫而且經常都會full booking 今次呢間 #好燒式 同朋友第二次黎食啦 整體都唔錯 員工服務都好好❣️〰️{⭐️為高度推薦}▫️牛油金菇包 $36 ⭐️份量超多既金菇😆❣️當麵咁食呀真係〰️牛油味好重 超正 ▫️蒜蓉燒茄子 $36 ⭐️愛茄子人士必試🍆🍆🍆❣️每次食串燒都好中意嗌茄子〰️今次仲encore多份 因為太好味了 多蒜蓉 濃味👍▫️鹽燒牛舌串 $28 ⭐️呢間既牛舌係非常厚身 咬落好淋 唔係爽口個隻牛舌 我個人都幾中意😙▫️牛油粟米 $25特別一提 店員好貼心💓因為同朋友三個人食 佢幫我哋切三份😎▫️翠肉瓜 $28 ⭐️翠肉瓜一份都好多 好抵食😋我仲以為得三件添〰️如果有牛油味🧈更好了💘▫️菠蘿 $19切咗細細件 食落就方便多了✔️▫️特色蒜蓉包 配原粒蒜頭 $38突然想食😚外脆內軟都幾好食〰️每塊包都舖滿蒜蓉❣️▫️韮菜 $17▫️雞軟骨 $18▫️豬頸肉 $19

同朋友出旺角行街買野，行到攰攰地經過砵蘭街一間串燒舖，見好耐冇食串燒就入去試吓😊我地坐低後，職員好有禮貌咁介紹店舖既熱門食物同埋點餐程序，當我地係電話落單遇到問題時，我地未舉手詢問，職員已經好熱心咁走過黎幫我地講解，非常細心👍我地order左司華力腸、牛脷、牛肋、蠔同安格斯西冷扒。首先講左司華力腸先，司華力腸切開一片片方便我地進食，皮脆外香，仲有少少辣味，非常可口。牛脷爽口有嚼口，而且唔會韌，肉質好軟。牛肋味道濃郁，肉質軟嫩多汁，係口度慢慢咀嚼，會食到D肉汁既香氣，非常鮮味。蠔我地叫左2款唔同口味黎試，蒜蓉蠔蠔身飽滿，加上蒜蓉慢慢燒，令蠔身索晒蒜蓉味，非常香口，另一款係什菌蠔，大大隻非常美味，配料好豐富。安格斯西冷扒外嫩中帶少許咬口，牛肉香濃美味，肉汁夠juicy，可以帶出牛扒既味道。

最近冬天想食多啲熟食，所以就去食依間串燒店🍢我地叫咗好多嘢食 但加埋都係二百零蚊左右 超抵食😍首先係蒜蓉燒茄子（原條）🍆 真係超大條😍 雖然好重蒜蓉味但唔會掩蓋到茄子嘅鮮味😋 唔會令你覺得好重口味!!其次係鹽燒牛舌串同豬頸肉串，牛舌真係整得好好味！唔會太過煙韌，但食落又好有咬口😋 配埋鹽味真係冇得頂😍 豬頸肉勁多肉汁，好高質👍🏻另外叫咗個魷魚鬚同埋西班牙黑毛豬肋串😚 魷魚鬚好彈牙，仲有特製醬汁一齊燒所以勁juicyyyy🤤 豬肋串同樣勁多肉汁😍😍最後就點咗安格斯牛肋串、牛柳串、泰式燒豚肉、燒日本芝士年糕😛 特別一提係佢個芝士年糕真係好邪惡，但整得甜甜地好開胃，當係一個甜品中和返都唔錯🤤

一向都鐘意食串燒嘅我，聽朋友講有間串燒小店幾正，一於去試下去。我同best friend兩個女仔叫左超多野食。 首先梗係唔少得叫串燒啦，因為我同佢都唔係好食得太辣，所以叫曬bb辣，出到黎果然啱啱好，有少少辣嘅香氣。串燒叫左有牛舌，雞腎，雞軟骨，安格斯牛肋，芝心丸仲有最最重要嘅甜心蕃薯。牛舌厚切夠淋，雞腎雞軟骨食落脆卜卜，香口。安格斯牛肋好多驚喜，牛味極重又好香油香，甜心蕃薯更加唔使講，my all-time favorite。 除左一串串，我地甘大食仲叫左個泰式豚肉，汁燒魷魚筒，仲有燒茄子，同埋我見到相想食嘅燒蟶子。泰式豚肉個醫好正，超有泰式風味，魷魚筒燒得好，唔乾，茄子大大條，真係落左好多蒜蓉，拉住絲得食好惹味。難得嘅係，無諗到佢嘅蟶子食得出新鮮，無落到好多調味但都好夠味，仲切好俾我地夾，唔使成條黎食甘雞手鴨腳。 去到最後就飽嘅時候，我見到個芝士雞肉墨西哥薄餅，決定要叫埋，入面好多芝士，真係好墨西哥風味，不過對我同朋友黎講就有啲辣，推薦芝士同辣愛好者試下。