天祥順德美食

而家好難食返好食焗魚腸，今日終於食到，足料焗出嚟蛋唔老陣陣魚腸香味，酥炸桶蠔漿粉薄身一口咬落去蠔身出煙俾佢辣親！蒜蓉開邊蒸蝦火喉啱啱好！遺憾缺點若果蝦再大啲應該更彈牙爽口，樓下大成街市就係出名平價海鮮，下次一定要預先叫老闆預備大中蝦，睇見菜牌好多嘢都想食，好想試味碌鵝要早日預定期待下次食到…查看更多

同啲舊同事行完大東山，就佢哋落咗去黃大仙食飯，成日都想嚟大成街市試下小炒，咁啱就過嚟補給下。三個人唔叫得多，我就最想試過順德拆魚羹，另外就嗌咗個芥末骨。另外個同事就話要個雜菜煲走油先上載個拆魚羹，行完山凍凍地飲完成個人暖曬。個芥末骨都做得好好，唔會炸得大乾，鎖得住啲肉汁。再加埋個芥末醬相當醒胃。雜菜煲最後上，但最後都係冇走油。不過煲仔唔落油又真係好惡搞。食到咁上下，跟住見到隔籬枱有啲白色嘅碗。問吓侍應，原來係燉牛奶。咁就嗌咗兩碗大家分享吓，出奇地好食唔太甜又夠滑，呢個真係要推介。唯一最先上㗎大良炒鮮奶就杰身咗少少，唔夠滑，同埋好搞笑，裏面有叉燒粒。但整體上十分滿意。…查看更多

之前系IG睇到人介紹，就即刻衝住個黃金南瓜而去，個人系非常中意炸物同南瓜😆😆😆曾經有次想晏晝去食，跟住OpenRice睇11點開門，點知11點幾去到，佢冇開....然後曾經打過電話問佢幾點閂門，佢系答我夜晚大概11點幾，所以我諗OpenRice既營業時間應該同老闆心想既有唔同，大家記得黎之前，打個電話穩陣D。一上菜，真系好養眼👀 佢D餸都要小心熱，尼個好辣口。如果好心急想食，一定一定要好細啖甘食，可以等到既話就隔一陣先食🤭 咬第一啖既時候，嗰個鹹蛋黃味、炸皮同埋南瓜蓉一次過系我個口溶化，種感覺真系好正。佢個南瓜蓉做到吾硬吾淋，真系好好食！之後尼個炸鮮奶都系冇得頂，又系好辣口，要小心D食。不過食落去有種棉花糖既感覺，又系入口即溶，而且佢既奶香味好濃。好可惜佢中間有幾舊，我哋咬落去系黃色，先發覺佢系芒果炸鮮奶，個人認為純鮮奶係最好味！拆魚羹我都冇印象以前有冇食過，吾中意食芫荽既人，記得叫佢走青。入邊仲有蘑菇，對於我吾鍾意食蘑菇既人黎講，就要不停撩走😗 但整體上系好食，佢吾系澀身，亦都吾系稀到似水，個感覺啱啱好👍🏻見芥末骨都系推介餐單上面，諗住應該會好好食，可惜見到$90但系咁嘅份量，已經有D卻步，之後食落去，超級鹹！真係頂唔緊🥲 最後都冇食晒，下次吾會再嗌🫠 或者可能要試吓落單既時候同佢講落少啲鹽🤝🏻最後一道菜，有雜菜有粉絲，食落去D菜都有鑊氣，唯一系食到最尾既時候都系有D鹹，吾知系米D料積晒系下面，可能食之前要撈一撈先？整體而言，雖然有D餸鹹咗D，但系我會再黎食，因為覺得佢仲好有大排檔風味，又唔會乘機加價。雖然唔夠隔籬舖甘人多鼎盛，但我就系中意佢👍🏻…查看更多

朋友介紹在大成街市熟食層的順德菜大牌檔味道不錯。這晚跟老婆兩人專成去試試。我們六点半到，已有幾枱客人在開餐，有吃火鍋，有在樓下買了海鮮來加工，吃小炒粉麵的，好像服務十分彈性多元化。大叔老闆安排座位碗筷後，送上餐牌，見我們只有兩人，便推薦了幾個小菜選擇拆魚，炸鯪魚球，煎釀三寶，煎焗魚嘴，煎焗白鳝，煎釀鯪魚，炸鮮奶，炒牛乳等順德小菜。跟著便點了3個小菜食品嘗下。順德拆魚一大碗滿滿的有点稠，淡水魚折肉配上木耳，冬菇絲，絲瓜粒，入口鮮中帶爽脆，最特別配上粉絲，另到湯更滑口。總體很可口，一個例牌有8大碗，喝畢這也半飽了。個人覺得少些馬蹄粉，沒那麼稠，可能更皆。煎焗鱔片菜上枱很吸睛，一股油香撲鼻。即刻叫枝啤酒配合下。鳝皮脆肉嫩，有11/12件，好吃。可能是成本問題，這裡用了比較便宜的黑鳝作材料，便沒有正白鳝那爽脆感了。大厨出來訪問食客意見時，我也提出這問題，何大厨也認同的，他建議下次來可以在樓下街市自己買靚白鱔食材，請魚檔走骨起片，然後拿上來加工（收費80元）那效果便一定更好吃。雞蛋焗魚腸魚腸上枱很是震撼，像一個圆球放在煲中，三份一圓頂在瓦煲上，表面不像坊間焗得乾脆香口。魚腸也很肥大，入口Q彈，沒有魚腥苦味，吃到油條蛋香。這些工功菜，可見這店手藝不錯。我第一次幫襯吃了三個菜，覺得這店性價比高，傳統大牌檔風格，吃手藝味道便沒苛求了。最重要是人情味，大叔老闆和大厨有空也出來和食客交流問問意見；介紹下這裡特色食品如一魚六食，八寶鸭，杧果/杏仁/榴槤等味道的炸鮮奶，湯水等預定菜式，又可以代客加工，家庭小店做熟客生意，會盡量配合客人口味。下次約多幾位朋友再來吃其他順德菜式。…查看更多

一間很有人情味的食肆。家庭式管理， 幾位老細為人低調， 不hard sell， 但很有禮貌。 老闆娘還很細心地解釋一魚六食的吃法。 老細還親自寫了自家的招牌菜讓我們下次試試。食物亦非常有水準 ! 這裏主打順德菜 ，我們點了：砵仔蒸魚腸 ： 很特別， 準備功夫繁複， 完全是手工菜， 現在很少地方可以吃到了炸鮮奶： 好好好正! 很有奶味。 我們是了原味和芒果味雙拼 菜心炒魚片: 很夠鑊氣手撕雞： 很開胃的前菜，賣相和味道完全一流， 份量很夠!拆魚羹 ： 又是 一味手工繁複的菜式， 很有鮮魚味， 很有家庭式的味道。總括來說， 這餐飯相當滿意， 價錢亦非常合理。 …查看更多

因為娘家住喺黃大仙 我成日返去探媽咪 本身我係唔食魚嘅 但係佢就好鍾意食呢度嘅一魚六食 所以我都會陪佢食 因為呢度啲魚唔會有腥味 特別係咋嗰一味 除咗食到魚香 一啲腥味都冇 蒸嗰啲呢就好滑 有用足夠嘅調味料闢咗就唔腥味 一魚六食都可以分到咁多碟仲有大大碟 真係非常之抵 如果送飯撈汁 好快就食曬一碗飯如果得我同佢 我就會叫一魚六食 同埋大良炒鮮奶 鮮奶整到正方形 卜卜脆 咬落係爭少少流心滑劣劣嘅鮮奶 炸粉用得好少 食落去完全係鮮奶一啲罪惡感都冇 相對亦都唔係好甜 我哋兩個好快就清曬啦 價錢實惠 我哋兩個加埋都係一百蚊左右 已經食到好飽…查看更多

由細到大對於順德嘅印象都係得炸鮮奶近排我啲friend約起話黃大仙大成街市有一間超級好食既順德菜 我地就決定試下我哋先用WhatsApp預訂左某啲餸先老闆都好熱情咁樣慢慢幫我地揀我哋首先杏汁豬肺湯蒸豬肉一魚六食芒果炸鮮奶芥辣沙拉骨口水雞沙律煎鯪魚魚腸焗蛋十人份量既沙律大到好似一座山咁口水雞撕得夠細 無鞋口低層青瓜新鮮無出水佢用五花肉去蒸脂肪好香 呢個大家都好鍾意食 因為佢釀左d 魚肉之後拎去炸得好香口而且好彈牙呢個一上菜既時候大家都不停嗌住要order 白飯因為蛋真係好好送飯魚腸連埋油炸鬼都好夾水入唔多夠乾身重頭戲 一魚六食本身師傅黎問我地點樣煮嘅時候我哋紛紛都估唔到份量係超級超級大相信15個人都會食得飽更何況我地只係小眾10個除左好出色 好食 同埋完美其實都大概形容呢個餸因為真係好鮮美打破晒我係普通大牌檔食既普通魚煲第一次覺得大魚可以整成咁好食既魚片真係好驚喜師傅調味無過重豉椒 同 椒鹽係我最鍾意果隻食法炸鮮奶我地嗌左芒果同榴槤即場炸起有淡淡奶香平時係香港我地都無專登去食魚今次係平民既市政中心搵到呢d 咁出色既野食真係覺得好surprised 價錢我地平均都唔使200蚊已經可以落到樓…查看更多

約了同事一齊飲喺日本買嘅手信，酒逢知己千杯少，上咗去大成街街市順德天祥美食搵食，自己帶酒又唔駛開瓶費。先嚟個極度邪惡缽仔焗魚腸，真係要襯熱食，凍晒就唔好食， 朋友見到廚師即時去買油炸鬼嚟整這個餸，魚肚唔係太腥，零舍好味。翠綠鳳凰卷賣相似煎蛋卷，包著香菇絲，木耳絲，叉燒粒，紅蘿蔔等材料，味道上清淡但合格。煎釀鯪魚香脆嘅魚皮內，混咗冬菇，蝦米及鯪魚肉，鬆脆香口。炸鱔片，又係香口嘢，送酒都OK食到飽，再飲青島不勝酒力，聽日又要拉著疲憊嘅身軀返公司。…查看更多

大排檔在街邊吃有別一番風味，猜不到現在街市內也有不同的大排檔，環境焗促了，但更有熱鬧的感覺。當日想不到吃什麼，就決定到這邊見識一下，原來這裡有數間不同的大排檔，我們並沒有走到較入的店舖，隨意就選擇了這間我們2人，不能別太多，就點了3款菜式芥末味沙拉骨，比平常吃到不一樣的地方就是多了芥末味，味道剛剛好，有點像M記麥樂雞的醬汁(蜜糖芥末味)這個味道我超愛好像有點離題了不過肉和骨有點實，需要一點牙力來咬清湯蘿白牛腩煲不要信看起來小小的，吃起來超多唷，蘿白和牛腩也很入味雞蛋蒸魚腸這個有點遜色，第一次上枱的時候，發現中間並未熟，所以要求再蒸一下，魚腸並沒有很多，好像只是吃蒸蛋，因為對這碟期望比較高，所以令到這頓飯有點失望。…查看更多

呢間最好叫一堆人來,如果唔係會食唔晒最好食既招牌茶,首推大良炒鮮奶,又甜又滑,乾炒牛河真係勁有獲氣,我d男仔朋友超級比like,味道arm arm好。蒸魚腸就係少有既特色菜,加胡椒粉一流好味…查看更多

今日LUNCH去食, 姐姐極力推介梅菜蒸鯇魚, 點知中伏, 見到條魚完全係唔止唔新鮮咁簡單, 聞同食落有怪味同埋係雞肉口感, 仲係一隻瘦既雞肉完全唔似鯇魚。咁咪問返介紹我食果位姐姐，姐姐開頭眼神斯斯叔叔咁死話呢個咪蒸鯇魚囉, 我再講多2句之後佢就話"我都唔知嫁, 我都係按ORDER去做, 點知廚房咁成咁，一係我送２隻蛋比你送飯啦"結果個ＬＵＮＣＨ　食左我３８蚊，　２隻蛋＋白飯（真有"良心"）條魚食2啖無食, 因為條魚都唔知放左幾耐，再食落去肚屙都唔出奇。…查看更多

先前在大成街熟食中心試過全記發仔， 仲寫左一篇……好料 鬥庸厨，昨天老媽生日，一般酒樓無乜驚喜，成二十人自己煮更煩， 所以揀左這裏， 網上對天祥順德美食評價唔錯， 所以早三日放工就開車去訂位， 更預訂左幾個菜， 為表誠意更落訂金500大元。 當日見到個老闆張先生，是一個70左右既老人家， 為怕唔記得所以每個預訂菜都用筆寫低。訂既都係必食菜式：均安蒸豬肉二碟八寶鴨一隻蔥油雞一隻煎釀鯪魚兩條魚茸羮兩鍋原本計劃 ，早d去街市睇下有乜好嘢海鲜， 再加上預訂既菜式就相當豐富啦。訂左7點， 我四點半就係大成街買海鮮， 結果買左鮑魚20隻， 美國生蠔四筒， 花青龍蝦兩隻共三斤半， 雜魚仔兩盆， 見到一種叫龍鬚菜既青菜， 買左個一斤半煮魚湯浸菜，魚方面買了條半海黃立倉。甜品方面，我想搞d新生意思所以帶左d朱古力粉( 上次大女兒從英國帶回來)， 想叫佢加入大良炸鮮奶入面， 比d驚喜大家， 但係原來要早一日雪鮮奶， 所以唯有當朱古力粉係糖霜伴炸鮮奶來食。昨日7點半先齊人， 有兩個臨時有事不能來， 原本訂兩圍後來改為一張大枱，更加高興：先上已所有預訂菜式：均安蒸豬肉先上， 其實買相好似酒樓嘅燒腩仔， 但係佢係蒸 而且用五花肉， 這個菜的源流係順德均安蒸全豬， 我估計張老闆應該在順德鄉下學過， 蒸豬肉時要放一杯酒在鍋內， 所以肉香酒香融為一體， 大家一致叫好。 跟住上兩條煎釀鯪魚， 可能一次過做定好多條備用， 食起來有點喊，但弟弟卻表示釀在魚身內既鱼肉好結實，好有口感。再上係八寶鴨， 原來係一個湯菜， 鴨身內既餡料非常豐富， 慢煮既時間非常夠， 鴨肉香軟湯水鲜甜，弟弟連鴨頸都食埋，餡料中栗子特別香甜， 可謂招牌菜。這功夫菜現在已無人肯做，據知【蓮香樓】還有供應，要預訂先有得食。跟住上竟然間係 甜品？？ 其實係炸鮮奶， 只不過用左朱古力粉當糖霜點來食。 我無得食， 因為比小朋友同女士們槍哂， 事後我阿妹話， 佢個仔非常中意。甜品之前其實上過兩大鍋魚茸羹， 每人超過兩碗， 但係最後都差不多清哂， 顯示師傅顺德菜功底深厚。 後來更發現蔥油雞無上， 原來張老闆先前訂菜時寫漏左。下半集係海鮮：先上炸生蠔， 由於大細不—， 所以大隻熟得剛好， 细隻既就有點過火， 非炸之罪。再上兩碟海黃立倉， 重四斤半， 受佢地養殖兄弟所累， 每兩只叫價3蚊，—共只收我215， 重送多兩個魚頭俾我 。 用欖角椒絲蒸， 順德佬用左 港式蒸魚方法， 只加左原隻欖角同椒絲，但效果唔錯。我吃了半個魚頭，魚汁味黏且濃在嘴內不停迴盪，大家最後都只吃剩中間大骨。椒鹽鮑魚， 有過熟既感覺， 入口有點韌不過可接受。魚湯浸菜， 唔夠薑， 湯水變成有點魚腥味， 龍鬚菜本身又有點過老， 唔係過火那種老， 最後剩一半。最後想既係上湯龍蝦伊麵底，全晚煮得最差既菜式，第—刀功有問題， 塊塊大細不一， 估計佢又無上粉就下鍋 ， 肉汁收得唔好 ，所以煮出來水流流， 龍蝦肉甜味流失， 伊麵又吸收唔曬d肉汁。總結順德佬應該係缺少煮海鮮既training， 埋單加工費連預訂菜式只一千五百大元。  連海鮮料錢每人不到一百五十元。超值！We will be back.…查看更多

朋友介紹，想食順德美食去黃大仙天祥，位於大成街街市的熟食中心二樓，而街市有多個入口，需要問問街坊才找到。先點煎釀鯪魚，將鯪魚起肉，打至起膠彈牙，加冬菇蝦米，釀回魚肉內，半煎炸，非常香口但比較熱氣一點。荔芋扣肉，南乳汁好香，荔芋鬆化，扣肉入口溶化，送飯一流。題外話，碗靚仔好懷舊呢。東江豆腐煲，清清地，又正氣。最後來的薑蔥炒雞，鑊氣夠，薑蔥香，雞有雞味，估不到咁好食。今天我哋比較遲來，沒有那麼多客人，老闆可以得閒同我哋傾下計，又介紹其他食品，非常隨和，對食物誠意十足，味味都係功夫菜，還有多個菜留待下次再試吧。注意，某d菜式須預訂，當天我哋本想食均安豬肉，沒預訂，失望而回，好彩個荔芋扣肉都唔錯。…查看更多

約左朋友去九龍塘睇8點戲見有時間就唔想同人迫揀左去黃大仙食飯之前睇雜誌見到介紹呢間順徳菜當中介紹嘅蒸豬肉看上去好好吃我和友人都是住新界的要看地圖才找到路以為找到大成街市就安全原來街市有幾個入口人流旺，每層都好大十分鐘也找不到上二樓熟食市場的電梯最後問問街坊就找到了6點多到場整個二樓只有三兩檯還以為中伏見到第二間鋪，粉紅色膠枱布的就是天祥坐下就跟伯伯說：我們想點蒸豬肉呀伯伯走進廚房回來說：賣完了本來我打算打電話去留蒸豬肉的可是這一早電話沒人接伯伯說：吃扣肉吧。也好好吃的看看圖片，好像不錯，就點了友人睇左餐牌一秒就決定了芥辣鮮魷！味道同食材都係友人喜歡的我有個疑問：原來順徳菜有wasabi的？熱噴噴送上的第一道聞得到的攻鼻吃一口魷切的很薄炸皮脆脆的芥辣醬真的沒有騙人看上去以為是沙律醬加一點綠色吃下去鼻子和眼晴立刻通了非常意外地好吃過了一會炸鮮奶到每一顆都只有一元硬幣的大小這個皮比鮮魷的更脆內裡的奶醬黏黏的暖暖的一口一口吃著加上鮮魷的芥辣醬也好吃吃得半飽扣肉就來了原來是南乳汁我好喜歡我唔特別好食葛不過佢切得薄薄夾埋肉食，都好味不過最美妙係切得厚薄剛好的腩肉啲肉炆到一篤就散開連肥膏入口直情會溶化好罪疚嘅美食呀食到7點左右整個熟食市場都坐無虛席所以我地爬快兩啖飯埋單讓張枱俾第二輪客食左3個送加白飯都唔洗百五蚊飽到傻抵到爛做街坊生意嘅人情味小店買少見少搵個同你食茶記街市嘅朋友比食麥記嘅更珍貴啦:)…查看更多

蛇年到，買定紅酒，跟好友們吃頓開年飯，地點選擇了博客朋友素顏天使介紹過的黃大仙天祥順德美食。天祥美食，位於大成街街市的熟食中心內，從地圖看位置離地鐵站很遠，反而較接近新蒲崗，幸好有朋友住在該區，帶領我們由地鐵站 C2 出口，抄捷徑穿過黃大仙下邨，大約走十分鐘就到了，很方便。周三晚來，碰巧遇上賽馬日，熟食中心內的電視機全在直播，周遭氣氛熱鬧非常，檯面又有大碟花生贈慶，環境麻甩味甚重。事前兩日致電訂座，並預留了炸子雞、沙葛扣肉、杏仁／芒果炸奶等菜式，據知這裡也歡迎食客自攜海鮮加工的，如果沒時間買海鮮的話，也可以拜託店方代買，服務全面，真不要小看這小小的食檔呢。落單後，第一道菜很快就送來，傻呼呼的我看見粉嫩的豬腩肉，就以為是預訂了的沙葛扣肉，拍照後便著大伙兒一起吃，其後店員表示，由於他們買不到扣肉，臨時改了菜式，才知道這原來是均安蒸豬肉，擺了個大烏龍！這豬腩肉肥瘦呈六四之比，豬皮連肥脂厚疊疊的殊不討好，想不到其實我們執到寶，一放入口，肥脂入口即化，瘦肉位半點不嚡，美味得來，沒帶半點罪惡感，只想再吃一件！接著的煎釀鯪魚，跟均安蒸豬肉一樣以西蘭花作伴 (其後發現是這店的習慣)，香脆的魚皮內，是混了冬菇、蝦米的鯪魚肉，質感彈牙，無疑是熱氣一點，但沒所謂吧。炸子雞賣相不俗，肉質嫩滑，偏偏雞皮不夠香脆，好像失去了靈魂，反而伴碟的炸蝦片味道一流，值得一吃。椒鹽鮮魷是較遜色的一味，賣相是不俗的，食落卻相當失望，魷魚外層絲毫不脆，仲有點韌。沙嗲炒蜆只賣 $50，換來份量滿滿的一碟，蜆肉全開不帶沙，沙爹味道濃郁，連帶洋蔥絲也很惹味，令人想叫碗白飯。煎藕餅賣相跟平時吃到的不同，爽脆的藕片沾著混入芫荽的肉餅，香口，但面層油光實在泛濫，估計是炸不是煎，幸好味道還算不錯。普通不過的涼瓜菜脯炒蛋反而充滿驚喜，以煎蛋餅的形式出現，入口軟滑又充滿蛋香，內裡涼瓜份量十足，加上爽脆菜脯，很好吃。翠綠鳳凰卷 (註：西蘭花出沒注意) 算是整晚比較清淡的選擇，煎蛋卷包著叉燒粒、紅蘿蔔、菇絲、木耳等材料，打了個厚厚的芡，夾起時有點鬆散，但味道上絕對收貨。雜菜煲則平平無奇，不過能為吃得火熱的夜晚帶來一點葉綠素，健康些。最後出場的是杏仁／芒果炸牛奶，炸牛奶的外層很薄很脆，內裡則相當嫩滑，我覺得杏仁味較芒果味突出，誰知女友一吃竟說沒半點杏仁味，原來是負責人刻意混了些原味炸牛奶，據知還可以叫白朱古力味、黑朱古力味、蜜瓜味等炸牛奶，需預訂，榴槤味當然也有供應，但要當造才好吃。除了 $160 的炸子雞及收取時價的菜式外，以上小菜大多 $50 - $60 有找，埋單位位不用 $100，相當抵食，相信會有下一次，因為我還想試八寶鴨及薑汁撞奶呢！天祥順德美食黃大仙彩虹道121號大成街街市大樓2樓電話：9552 8569 / 9746 1826 …查看更多