天祥順德美食

营业中

休息中

約了同事一齊飲喺日本買嘅手信，酒逢知己千杯少，上咗去大成街街市順德天祥美食搵食，自己帶酒又唔駛開瓶費。先嚟個極度邪惡缽仔焗魚腸，真係要襯熱食，凍晒就唔好食， 朋友見到廚師即時去買油炸鬼嚟整這個餸，魚肚唔係太腥，零舍好味。翠綠鳳凰卷賣相似煎蛋卷，包著香菇絲，木耳絲，叉燒粒，紅蘿蔔等材料，味道上清淡但合格。煎釀鯪魚香脆嘅魚皮內，混咗冬菇，蝦米及鯪魚肉，鬆脆香口。炸鱔片，又係香口嘢，送酒都OK食到飽，再飲青島不勝酒力，聽日又要拉著疲憊嘅身軀返公司。