天星雲南米線

营业中

休息中

蟲草花雞湯米線$55 勁足料嘅米線，大約有7-8件雞件，幾件厚肉冬菇，雲耳同蟲草花😍，雞肉幾鮮甜，有雞味，湯底亦有冬菇同木耳嘅清甜，米線份量足天星過橋米線大大碗$58配料種類好多，岩曬心大心細嘅朋友🤣材料（芽菜，韭菜，腐皮，豆卜，牛肉，雞肉，酸菜，肥牛，貢丸，牛丸，墨丸），真係好豐富😍😍。而湯底叫咗麻辣小辣，開頭以為冇乜料到，以為係微微辣，但係佢嘅辣後勁先開始，所以越食越辣，而且嘴唇都有麻痹感！好正😍！蒜泥白肉$25（4件）白肉入面卷左青瓜絲，賣相十分精緻😍，蒜味十足，蒜蓉控可以一試😍！🙋‍♀️：呢間新開嘅米線鋪頭喺朗豪坊後面，絕對係旺角區嘅平民美食啊😗

麻辣雲吞雞肉小鍋米線湯底係幾香，配料好足，建議如果唔係好食得辣的, 簡小小辣就夠，雲吞不錯，皮厚薄適中，係豬肉餡料，雞肉不過不失，米線質感彈牙！胡椒豬肚湯底米線係最出色，湯底胡椒味唔算好濃，所以唔會十分之辣，湯底清清地幾好味，韭菜餃有保持應有水準，餸方面夠多，下次都會再叫依個湯底，一句講晒，性價比高！麻辣溏心皮蛋麻辣中帶有D甜味，個皮蛋好似水晶狀，辣度適中，都好岩唔太食得辣的朋友們，全部食哂，十分推介！

係旺角趕住睇戲前有點肚餓，但又唔想食來食去果d 連鎖店，朋友就話不如係砵蘭街一路行一路睇下有咩食啦，比我發現原來呢到開左間米線掂我未食過，愛米線的我緊係唔放過啦！即入去食返碗。店舖簡潔光猛，我地兩人叫左（天星過橋米線大大碗）材料都幾多有韮菜，腐皮，豆卜，牛肉，雞肉，肥牛，牛丸，貢丸，墨丸，芽菜，酸菜配番茄湯底， 番茄湯好濃郁每條米線都好吸汁，甜甜酸酸好開胃。我地仲叫左蒜泥白肉，呢到幾特別佢會地會卷住內裡包小小青瓜絲，一咬濃濃的蒜泥口感豐富又帶點青瓜的青新。小食 ： 叫左 炸雞脾和炸雞翼椒鹽味， 即炸出來超香超吸引， 一口肉汁流出， 椒鹽味好惹味， 雞脾啖啖肉，友人最愛。食咁多重口味食物，緊係要叫返碟菜來平衡返，蠔油唐生菜就最爽了。睇戲前兩人食飽飽感覺好滿足，下次可以再去試下麻辣味的米線先。

難得週末，同男朋友黎旺角行街，附近好多嘢食，睇啱左呢間米線專門店，價錢唔貴，又啱我倆口味，一於入去試下。😋天星過橋大大碗+麻辣湯底+小辣 $58 一碗集齊芽菜、韭菜、腐皮、牛肉、雞肉、肥牛、牛丸、貢丸、墨丸，超級豐盛！！真心一碗滿足所有。不過溫馨提示，小辣比較辣，唔食得辣既建議點BB辣😂蟲草花雞湯米線 $55今日不太想食辣，見到呢個蟲草花米線就啱晒！湯底係真材實料用雞肉熬製而成的高湯，淨係飲湯已經好好飲，雞肉鮮嫩，索晒d湯汁，夠入味。而且非常大碗，唔使另外加餸都夠食😋👍椒鹽炸雞翼5隻 $32譚仔土匪食得多，見到椒鹽雞翼點左份。每隻雞翼都好大隻、外皮炸得好脆、內裡都好入味。真心、十分、非常推薦！！總結：小店開在旺區但價錢卻唔貴，味道唔錯夠足料又大碗。個人覺得好抵食！天星雲南米線 (旺角)旺角砵蘭街136號地舖

突然好想食米線呀，行過旺角發現新開左開米線店，裝修好新淨又企理呀😛嗌左兩碗天星過橋米線大大碗，一碗湯底揀左胡椒豬肚湯底😋岩哂秋冬季節潤一潤呀🤩另一碗叩左蕃茄湯底，夠開胃😛😛材料十足😬芽菜、韭菜、腐皮、豆卜、牛肉、雞肉、酸菜、肥牛、牛丸、貢丸、墨魚丸😋再另外加左韮菜餃🥳芽菜、韭菜、腐皮、豆卜吸收哂胡椒豬肚湯底既精華，滋味呀😗 牛肉同雞肉煮到岩岩好，唔會鞋口😛 韮菜餃有驚喜呀，原來係自家包架，隻隻都好飽滿😋嗌左碟蒜泥白肉，清爽不膩口，微微辣味，好香濃😘加上惹味既香蒜，配米線🍜一流。