天星雲南米線

营业中

休息中

旺角天星米線前幾日有人喺米線群組勁彈呢間，但亦都好多人讚好呢間米線好味，評語比較兩極。咁啱經過附近，肚餓就入去試下。腩肉大腸豬軟骨鴨血，酸辣小辣米線。辣度偏低，湯底都濃味。米線幾滑，大腸豬軟骨都入味，腩肉就一般。最好味係鴨血，好滑，唔散有咬口，值得encore。凍檸茶好好飲，檸檬薄切夠大塊，茶底幾好，完全去除米線油膩感。臨走時舖頭坐滿晒人，其實整體都唔錯，服務衛生都幾好，芫荽份量多，我鍾意❤️#旺角 #天星

呢間係巷仔既米線舖 門口睇落平平無奇 但食物有驚喜見到門口呢個二人餐咁豐富抵食 我地二話不說就行左入去一入去 雖然舖頭細細 但老闆同d員工都好好招呼 介紹我地食呢個新推出既二人餐138蚊包兩個兩送米線 冷盤小食同炸物 炸物可以加錢升級做鴨血 而且包埋野飲 真係非常超值兩個人分別叫左竹笙雞肉米線同雲吞炸醬米線兩碗米線非常足料 多到個碗都就黎裝唔落 而且仲有大量既芫荽同芽菜 鍾意芫荽既朋友真係不能錯過 湯底飲落濃厚而且香辣 米線軟糯 同湯底一齊擺入口非常好味 小食方面 我地叫左蒜泥白肉同加錢轉麻辣鴨血蒜泥白肉每一片都包住青瓜絲 配上辣汁同蒜泥 食落口蒜香味十足 青瓜絲配豬腩肉呢個組合 放入口亦唔會覺得膩鴨血方面 一碗鴨血竟然有8-10舊 湯底係鴨血獨有既湯底 而唔係米線既湯 飲落又係另一番風味 而除左鴨血之外 碗內仲有大量小雲耳 金菇同芽菜 就好似一次享受曬4個小食一樣食熱湯米線又點少得一杯冰凍凍既飲品 而呢度既凍飲係唔洗加錢 大家可以唔洗就住就住兩個人食呢個二人餐 絕對係夠曬飽啊 埋單都係148蚊 實在係性價比之最

天星雲南米線又係一間近期米線關注組討論度幾高既米線舖。試下究竟係咪真係咁好食先！米線既選擇好多，有得揀麻辣、酸辣、清湯、蕃茄、胡椒豬肚湯底，仲可以揀要米線、紅薯粉定係淮山麵。配料選擇都非常之多，唔食米線既話仲有唔同小食同飯類可以揀👍1️⃣台灣鴨血+炸醬小鍋米線（麻辣中辣）(轉淮山麵）（$45）碗麵都幾多芫茜，愛茜之人必愛❤️湯底麻味唔算好出，不過係幾濃幾惹味既，特別係加左海量既炸醬，成碗麵感覺好濃味，而且淮山麵幼啲，比起米線更加可以掛到啲炸醬肉碎同埋湯底，重口味人士啱曬。台灣鴨血就有兩大舊，唔腥，唔錯😋  2⃣️泰式吉列蝦餅拼墨魚餅（$35）蝦餅同墨魚餅各三件，薄薄地，可以點佢啲泰式酸辣醬食。個人覺得比較普通。 

最近加入米線組，看到這家，正好就在家附近，放工就想試試，點了熱拌米線，點了三個送，打包回家發現，竟然少了腐皮，只能作罷，在說說味道，不如一般的拌面，味道不夠濃郁，略酸，豬軟骨的骨頭也不能吃下去，太硬了！

旺角天星米線Ig地點暫時未搵到一直見#米線關注組 好多人推介🍴天星過橋米線大大碗（麻辣小辣）湯底選了麻辣小辣個人認為麻味和辣味都不算太辣嗜辣者可以選辣一點配料有雞肉、牛肉、肥牛、貢丸、墨魚丸、牛丸、腐皮、豆卜、韭菜、芽菜、酸菜黎到見到表面超級多芫荽😂配料超級豐富！每款肉都有五六片個人比較喜歡雞肉和豆卜丸類反而沒甚麼特別米線軟硬適中值得一讚既係第一次食一碗米線係餸多過米線食到底都仲有好多餸經過的話可以一試

❤️味菜胡椒豬肚豬潤米線 $45湯好夠味，又夠辣，仲幾好飲添；豬肚超級多，豬潤煮到啱啱熟，但份量少；味菜好貴，一條都冇 😑🖤黃金墨魚餅 $8 三件好實、好彈牙、好假，真心覺得唔好食❤️蜂巢豆腐 $8 三件唔係普通豆腐咁簡單，已經好少舖頭有得食呢個餸，索哂D湯，豆腐好有質感，超級好食😍❤️鴨血 $8 得兩件少少辣，好細件，都算都幾好味❤️舖頭冷氣夠凍，地方尚算乾淨，食完有少少口渴，但整體都OK嘅，都會再去嘅。

話說本人其實幾喜歡食米線閒時都會周圍去試吓不同米線聽聞呢間米線好多人讚話好食連啲乜乜米線群組都話好食所以一路都心郁郁想試吓今晚終於有機會啦！一入到去，一位疑似是老闆的人很有禮貌地招呼我們可惜座位稱不上好坐，坐落有少少狹窄而落單是自己剔，再交回店員今次點了酸辣過橋米線，檸檬茶，香辣手拍青瓜滿心期待的食物終於送來但已經發現第一樣錯誤叫熱檸茶變了凍檸茶既然都送來了，也沒理由浪費了飲品所以就直接飲了接著送來的米線，發現了第二樣錯誤剔了走韭菜走芫荽，最終只走芫荽沒走韭菜如同凍檸茶一樣，不錯都錯了也沒有理由浪費食物，所以唯有繼續食說回食物，其難食程度堪稱為食過最難食的米線(沒有之一)酸辣湯底只是死辣沒有酸味湯底味道沒有層次感肥牛又嚡又韌，牛肉亦無味貢丸又一陣怪味實在唔知自己食緊啲乜隨後香辣手拍青瓜也送來了雖然叫做香辣，但其實香辣欠奉既不香也不辣而且青瓜下了大量芝麻整碟青瓜竟變了芝麻味青瓜.....縱觀整個用餐經歷唯一優點只是服務好所以對於此餐廳擁有大量好評實在難以理解但對本人來說絕對不會再有下次

見網上有人推呢間米線店今日出開旺角就過黎試下呀點左~鴨血蝦餅生菜酸辣小窩米線(小辣)個湯底都比想像中辣唔太食得辣既可以建議叫小小辣味道ok wor酸味都夠又唔會over左米線同配料正常特別一讚既係個鴨血好好好入味食落又有口感反而個蝦餅就無驚喜下次可以試下其他呀

呢度啲食評係咪假㗎平時都成日食米線呢間暫時係我排名最差既一間上網睇咗人地介紹旺角邊間米線好味見到呢一間有人推介在特登走去試吓2:45入座下午茶時間$40包兩個餸呢度啲餸試咗三樣三樣都唔掂叫左招牌腩肉 豬軟骨 腐皮三個餸首先「招牌腩肉」係勁厚切勁多肥肉無味好難食「豬軟骨」根本唔係軟骨每件都係有大骨嘅排骨咬落去牙都痛「腐皮」少都好似無加禁點知加咗好似冇加咁少呢度嘅食評係咪假㗎？好難食 好誇張冇下次唔會再嚟幫襯

今日終於去旺角試咗天星米線，佢哋舖頭好光猛，叫咗少少辣，腩肉，黃金墨魚餅，同埋金菇！加$3已經有一杯凍檸茶，你杯凍檸茶要特別講係因為，佢俾咗5塊檸檬，冇因為加$3就呃你錢！米線上枱時，我問佢可唔可以多青，佢話梗係可以，咁問我夠唔夠，唔夠攞個碗仔裝俾我！定係呢一下都加晒分！重點黎啦，雖然我叫咗少少辣，但係我竟然辣到食唔到！好彩佢哋服務真係好好，即刻有碗清湯俾我，同佢講嘅時候，老闆非常虛心接受意見，隔離嗰一台有個男仔都話要少少少辣！我辣到頂唔順，仲問佢拎左一大杯冰無加錢！黃金墨魚餅有啲硬，有三大塊，腩肉係無腌過譚仔個一款，所以同金西南，雲家個一隻，所以無味無驚喜！金姑都有好多，米線唔夠酸！但係好大碗既！個人喜好：去唔到好好味既級數，但勝左服務夠好，肯聽意見，有交流！或者食得辣既朋友會好岩嘴型，但我唔係好辣得🤭覺得專登去就唔洗，路過旺角可以一試！

今晚去左旺角天星食小店格局，員工服務友善叫左酸辣小辣，比出面既米線較辣個人認為比較酸，不過味道幾好豬腸肥膏多左d，腩肉ok另一碗叫左鴨血豬軟骨韮菜餃鴨血有驚喜👍🏼叫夠$100會送小食，揀左麻辣皮蛋個汁勁好味😋個人認為必食！會繼續幫襯呢間❤️米線 3/5 😀😀湯底 3/5 😄😄鴨血豬軟骨韮菜餃 5/5 👍🏻👍🏻麻辣皮蛋 5/5 😍😍價錢合理，重送小食，出品唔錯，可以keep住食！🥳🥳🥳

係米線關注組見到組員大推趁平日就潮聖一下又真係有surprise喎Lunch time未夠1點去到店內坐滿一半人餐廳唔大 坐位亦較逼坐底即刻點野食先啦梗係好多好多選擇 對有選擇困難症既我黎講真係好大獲因為樣樣都想食呀真係最後我揀左腩肉蘿蔔墨魚餅米線麻辣小辣超大碗！仲要多芫茜😍😍😍身為芫茜黨黨員見到真係加十分餸量好大 有4-5舊蘿蔔(淋小小更好)墨魚餅3舊 (我食淨一舊)豬腩肉 (厚身夠入味，但個人鐘意食山哥個款薄既豬腩肉多d)辣度黎講我平時食開山哥小辣所以今次都係嗌小辣食完覺得下次可以試下呢間既中辣不過佢個麻都好正 剛剛好Keep住個咀震震下有麻既感覺性價比真係高跟餐加3蚊叫多杯凍檸茶埋單先$56蚊下次要帶埋老公黎試埋其他野先得！

有一日同朋友喺朗豪坊行完街經過就嚟咗呢間米線店，環境乾淨而且光猛，見到價錢仲好平，所以就決定試一試。〰️竹笙雞肉番茄湯米線佢哋嘅蕃茄湯真係好真材實料 好 濃 郁！湯底有好多番茄粒粒 係偏甜嘅番茄湯另外湯底仲有酸菜 同芽菜等等 好有咬口幾加分加埋竹笙吸晒碗湯嘅精華 真係不得了另外佢哋嘅雞肉都醃製過 入味嫩滑 不錯🥳仲可以加錢轉淮山麵或者紅薯粉個人覺得番茄湯同淮山麵真係絕配 呢個價錢咁大碗仲要好食真係好推介😂🤟🏿墨魚餅墨魚丸麻辣米線另外朋友叫咗一款麻辣米線食開辣嘅佢都話佢個辣都做得好好！另外見佢哋仲有蟲草花米線 胡椒豬肚湯米線等等有好幾款都好吸引 配料都好多選擇有機會再試埋其他款

返半日有先生接放工，例牌喺油尖旺附近搵食，今日揀咗位於砵蘭街嘅天星雲南米線，行過門口就能夠聞到香濃嘅米線湯底味，非常吸引。米線價錢唔算超值，但勝在湯底同配料選擇非常多，仲有飯餐同超多款嘅小食，非常吸引。酸辣湯底既濃郁又惹味，而且好足料，米線軟硬適中，份量夠多，腩肉嘅份量亦唔少。腩肉半肥瘦，切得唔算薄，煮得軟腍入味，白肉嘅部份近乎入口即溶，有驚喜！我嘅豬軟骨腐皮米線同樣揀咗酸辣湯底，香辣惹味，豬軟骨同腐皮嘅份量同樣令人喜出望外。豬軟骨同腩肉一樣，煮得夠哂香軟入味，連軟骨嘅部份都可以輕易咬開。炸雞翼有香草、椒鹽同孜然三種味道選擇，我哋揀咗香草味，雞翼即叫即炸，入口香脆之餘肉汁鮮嫩，灑上香草碎更加香口。總括嚟講餐廳嘅食物有驚喜，米線配料份量足之餘湯底亦夠哂惹味，老闆亦會問下食物有冇需要改進嘅地方，非常有心，相信會越做越好！

行過見到一間叫天星的米線店，睇睇餐牌，幾多野揀價錢又貼地，就試下佢先。店內很光猛，感覺挺乾淨。除左米線，仲有飯餐㗎。點左小鍋米線，揀左腩肉大腸麻辣湯底，配淮山麵麻辣湯底很鮮味，小麻小辣很啱口味。大腸滷得入味，多肥好正呀。腩肉厚切，脂肪位咬落爽口。淮山麵吸飽湯汁好好味。再加左份蒜泥白肉，細size有四件。勁多蒜好正，白肉爽口，加上青瓜絲去膩，連食幾件都無問題。再加左杯檸樂，食辣野飲檸樂特別夾㗎。麻辣湯底真係幾正，想食米線又多個選擇啦。