天星雲南米線

📍 天星雲南米線 – 旺角🍲 酸菜魚米線魚片嫩滑得嚟又無腥味，酸酸辣辣真係幾開胃。份量都幾大。但老實講，味道雖然唔差，但未必有傳說中咁驚艷。🍜 雞肉＋牛肉米線 酸辣米線幾彈牙。雞牛都算正常發揮，唔會話特別出色。🥘 豬軟骨＋鴨血米線 麻酸辣鴨血意外好食，口感嫩滑唔會散，推介必試。麻酸辣湯底辣得好爽。豬軟骨香口但份量唔算多。👉 味道上只係ok，冇到驚喜位。如果你本身鍾意食米線，呢間可以一試；如果你期望神級米線，可能會覺得有啲落差。📍 旺角砵蘭街136號⏰ 12:00 – 22:00…查看更多

米線關注組一向力推自己食過一次都不錯今日趁lunch過後先食諗住少d人佢依家有2間連住既店舖2個人等一張枱仲諗住太好我地之後有3個人都排隊食佢突然之間俾個3個人入去先仲話你地自己行過黎呢邊既，佢地3個人入左果面d機架（佢一早俾曬code我地懶好人話落住單先）態度當然串覺得搞笑位係依家香港食飯吾使排隊已經搞吾清佢邊間舖先可以俾人入去食野（上次經過係排一邊，之後佢其中一邊有位就會順序叫人入去食）吾會再食望世人警惕…查看更多

呢間米線舖唔算大，喺內街，其貌不揚，差少少行過咗😂，枱與枱之間有少少迫，食食下見出面開始有人排隊，人氣可見一斑。叫咗麻酸辣米線，配料揀咗豬軟骨同豬大腸。豬軟骨炆得夠腍，入口有膠質感，唔會太油；豬大腸處理得乾淨，冇異味，煙韌有咬口。湯底麻香突出，酸味適中，辣度唔算太強，但夠濃香醒神，味道濃郁層次分明，不過我覺得個湯油膩咗少少。米線口感滑溜，掛湯力唔錯。整體有獨特風味，食物有誠意，適合鍾意重口味米線嘅人，午市時間就建議早啲去。…查看更多

朋友推薦 話豬軟骨好食 今日來試佐 真係好味👍 湯底麻酸辣 味道剛剛好 豬軟骨肉質香 軟骨Q，值得再來，唯一就係冷氣不夠大 ，其他都唔錯，希望可以保持住呢個質素出品，下次再來食其他…查看更多

聽過呢間米線一段時間 不過冇話特別想去試今日行過見到冇人排就走入去試吓啦冇咩做資料蒐集唔知道有咩出名所以就揀啲自己想食嘅嘢就算見到有麻辣胡椒湯底覺得幾特別就叫左食落孜然味好香跟住又有胡椒嘅辣同埋麻辣既麻個湯底唔係好油飲落都幾舒服最開心嘅係飲完竟然冇口渴幾surprised叫咗牛肚韭菜同埋腩肉腩肉嘅味道唔算特別出不過質感幾好食佢係有啲肥有啲瘦但係啲肥呢都係爽彈嗰種瘦嘅部份唔乾柴所以都幾好呀煮得韭菜份量好多亦都煮得唔好呢個係幾值得讚唯一要彈嘅就係佢嘅牛肚一絲絲同啲網上睇既都唔同因為太細條食落都冇乜特別又唔係好出味🤣下次會為咗佢個湯底返嚟再食同埋試吓其他小食…查看更多

見佢依家都可以擴張，應該味道真係唔錯，lunch time就一班人去試下去到好好彩即刻有位，唔洗喺炎熱嘅天氣下排隊。同檯分別叫左沙爹麻辣，酸辣，醉雞米線。同埋必叫嘅豬軟骨落單後，無幾耐陸續上台，份量驚人，仲配有大量芫荽😍芫荽愛好者極度開心，而醉雞米線，雞肉另上，但係都好足料。豬軟骨份量大到筷子都夾唔穩，有足足兩大塊酸辣同沙爹麻辣湯底都非常濃郁同惹味，沙爹麻辣偏厚重而酸辣就更開胃，兩款都十分推薦米線煮得剛剛好唔會過淋，好有口感。同埋整體食完不會口乾舌燥，唔洗不斷飲水…查看更多

之前聽同事介紹過，終於有機會過來食！14:00左右去到，都要等10-15分鐘試咗佢哋嘅麻酸辣湯底（微辣）～麻味夠、酸味足，飲落開胃之餘唔會辣到好辛苦！最驚喜係落咗好多芫茜，湯底夠足料👌🏻配料方面揀咗豆卜同黃金墨魚餅～豆卜吸晒湯汁，非常入味😋魚餅都幾彈牙！另外見到有食評話食完呢間唔會生暗瘡，暫時我食咗兩日又真係冇喎😆（再觀察多幾日先可以下定論哈哈）…查看更多

總結： 天星雲南米線二人套餐整體表現出色，米線湯底有層次，配料豐富而味道到位，小食亦有驚喜，飲品稍遜但不致影響整體體驗。環境雖普通但尚算整潔，服務亦算得體。性價比不錯，值得推薦。叫左嘅食物有：- 天星二人套餐（HK$180）- 第一碗小鍋米線（豬軟骨、酸菜、雞肉，中辣酸麻辣湯底）- 湯底酸麻辣三味均衡，中辣程度恰到好處，刺激感適中又唔會太嗆。- 豬軟骨炆得夠腍，有膠質感；雞肉嫩滑，與酸菜配搭有層次，增添開胃感。- 米線煙韌掛湯，口感理想。- 第二碗小鍋米線（脆肉鯛魚片、金錢肚，大辣麻辣湯底，轉左薯粉）- 湯底辣味明顯，麻香突出但唔會蓋過原材料風味。- 薯粉稍淋，口感不太理想。- 鯛魚片外脆內嫩，口感特別；金錢肚炆得入味，爽口彈牙。- 整體組合豐富，辣得過癮。- 小食：涼拌豬耳 & 墨魚春卷- 涼拌豬耳爽口有咬口，醋香同麻油味道適中，開胃效果好。- 墨魚春卷外皮香脆，墨魚彈牙，味道突出，令人驚喜。- 飲品：涷鴛鴦 & 涷朱古力- 雖然味道一般，涷鴛鴦偏淡，涷朱古力甜度普通，但作為配餐飲品仍屬可接受範圍。環境： 整體環境一般，坐位安排雖不擠迫，但裝潢簡約，氣氛偏平淡。服務： 店員態度正常，點餐流程順暢，整體無失禮。價錢： HK$180; 無加一; 人均 HK$90進食時段： 晚餐時間評分： 8.4/10詳細評分解釋： 綜合食物（味道與賣相）、環境（氣氛、空間、衛生）、服務、性價比四方面作整體評估。比分偏重食物與飲品部分。- 1‐5分： 不推薦- 5‐6.9分： 普通，低機會回訪- 7‐8分： 都可以，會考慮回訪- 8.1‐9分： 相當不錯，大機會回訪- 9.1‐10： 各方面都好好，一定會回訪整體而言，天星雲南米線係米線控可以考慮到訪嘅選擇，特別湯底及小食表現亮眼！…查看更多

見無人等位，就行入去試下，叫酸麻辣湯底，餸叫蘿蔔豬軟骨，好酸好難食，食得出放咗好多醋，建議放返d酸菜落去吊味呀唔該。湯底無乜特色，酸同淡茂茂，蘿蔔無味。其實唔明點解網上咁多人講，完全唔係果回事。環境方面，好窄好逼，呢個都唔緊要，搭台都唔緊要，坐四人台搭台係正常，坐二人台再搭台坐對面，對面食客一索D粉，d汁彈曬過對面😓，其實唔怪食客，食粉面就預咗會有汁，但大佬，你間店明知d台咁細就唔好二人台再搭台啦，今時今日大家咁注重衛生既年頭。我食過咁多店，二人台坐咗人通常都唔會再安排入客，或者人地中間會放塊板。…查看更多

幾咗不下10次，次次都係食係自選熱拌涼皮，知熟哂有咩配料。今次漏咗落花生，同位事頭婆講返：漏咗，佢答我：涼拌先有😂😂😂，食開㗎喎師姐。仲同我講我要嘅就俾我。心諗：你個code有得走花生㗎喎🤨講到好似唔洗錢送係我咁。臨走叫個外賣，叫個涼拌豬軟骨鯛魚薯粉，再另加14蚊豬軟骨。都怪自己顧住同朋友吹水無check個外賣。返到屋企見到個外賣：鯛魚游走咗，豬軟骨應該兩份4條變得一份2條。厨房呢排應該係好忙，又可能係我運滯，兩個麵都出事。不過豬軟骨仍然好味因為無特別影相做証，避免被懷疑老作，我係6月5號下午2左右入座枱號c13?定c15?堂食兩個麵加一外賣，2:45左右埋單㗎…查看更多

睇下你叫乜食啦，並唔係咁神級啫🤭🐑酸辣湯底多酸，夠晒濃郁，酸味亦足。🐑腩肉肥瘦相間，口感好爽。🐑招牌金錢肚，炆得好入味。🐑墨魚春卷味道都唔錯，質感如果要形容的話，就似係用墨肉做嘅炸魚片咁啦。偷咗老婆嗰碗少少餸：🐑白蘿蔔有渣，唔係好夠甜。🐑炸醬屬正常，冇乜特別。🐑鯛魚片雖然好滑，但係啤水啤到冇晒味。…查看更多

這次在天星雲南米線用餐整體體驗相當滿意。店鋪位於市中心，環境乾淨舒適，適合朋友小聚。點了一份米線小辣，搭配竹笙、萵筍、滷水蛋和香菜，味道清新又有層次。米線滑嫩有彈性，湯頭清淡而不失鮮美，微微的辣味恰到好處，讓人感受到南方米線的特色。竹笙口感爽脆，增添了不少層次感；萵筍則清脆可口，帶來一股清新的味道。滷水蛋鹹香入味，蛋黃濃郁，與米線搭配十分完美。香菜的香氣提味，讓整體風味更加豐富。價格合理，兩人用餐約一百多元，性價比不錯。整體來說，天星雲南米線的菜品新鮮，味道純正，讓人感受到地道的雲南風味。若喜愛米線或想嚐試不同的南方美食，這裡絕對值得一試。…查看更多

米線食得多嘞， 米線食完之后，十間實有九間好容易上火兼塊面出大瘡。呢間嘢隔日都冇事，化學嘢加得多，實口渴牙肉腫上火就必然嘅，竟然呢間天星食完咩事都冇。大腸偏軟腍，浸到爛曬頭尾大腸，唔選擇唔啱我口味。墨魚春卷好食，必食吖。 墨月餅唔好揀啦， 墨月餅系包裝食品貨嘅 ，哇，不點。腩肉切到薄薄片，咬落去煙靭，不過腦水味唔夠。偏喜愛佢嘅紅薯粉。加8蚊， 有杯凍檸檬茶，抵…查看更多

小編今日來到旺角一間米線店「天星」，米線店成為「香港米線關注組」的熱門米線小店，主打湯底有麻辣、酸麻辣、清湯、胡椒豬肚及番茄，有超過30款配料，如豬頸肉、腩肉、冬菇、金錢肚等，任君選擇🧡 招牌米線有包括黃立倉米線和酸麻辣台灣鴨血豬軟骨小鍋米線，米線控不能錯過的人氣熱點🙌🏻「3餸酸麻辣小窩米線（小小辣）」選了招牌腩肉、金錢肚及冬菇，小窩米線靈酸麻辣湯底，有韭菜、酸菜、芽菜及肉碎，肉碎自帶醬香味道，湯底配菜足料豐富🧡 湯頭酸中帶麻，麻中帶辣🌶️ 招牌腩肉肥瘦均勻，肉質軟嫩且充滿滷水肉香🐷 金錢肚口感彈牙帶嚼勁，層次感十足✨冬菇口感厚實啖啖肉，吃得夠過癮🔥🍽 ：小窩米線+3餸👅好味指數：8.25/10💰消費：HK$67（小窩米線HK$34；+HK$12招牌腩肉；+HK$12錢錢肚；+HK$9冬菇）📍 地址：天星雲南米線 (旺角)旺角砵蘭街136號地舖…查看更多

當日經過 不用排長龍 所以去試一試店內坐位可以話係非常擠擁 叫左一個二人餐分別有一碗清湯米線配墨魚春卷及蘿蔔；一碗麻酸辣（小辣）豬軟骨及鴨血；兩個小食為麻辣青瓜及另一個墨魚小食及兩杯凍飲，兩個人食左180蚊。米線彈牙，湯濃味，豬軟骨有兩大條，又淋又入味，大推！蘿蔔都好甜，好大塊！小食都好好味，青瓜非常爽脆！總結：推薦一定要試豬軟骨，見好多食客都有叫金錢肚同豬扒，下次可以再試！（如果唔駛排隊）唔叫二人餐，一碗叫三個餸可能更好！…查看更多