天丼

每天经过天丼都见到劲多人排队，难得见到排队嘅人唔算好多就去排下试下新嘢。排咗大约十分钟左右就有位，唔算话等得太耐，可以接受嘅程度。我地点咗《豚骨白汤荞麦面》同《天妇罗荞麦面》两个set，佢个set嘅天妇罗有两只虎虾，仲有蟹柳、茄子、莲藕同四季豆。佢个天妇罗嘅粉浆唔算好厚，亦炸得好松脆，唔会好油淋淋，呢方面佢处理得好好。我点个餐系《豚骨白汤荞麦面》，佢个汤底嘅味道同出前一丁个猪骨浓汤味几乎一样，系一种熟悉嘅味道。豚骨白汤同荞麦面加埋一齐亦冇违和感，虽然习惯咗食荞麦面系冻食，原来热食都一样咁好食。而《天妇罗荞麦面》则系正常水平，荞麦面正常都唔会有太大嘅反差。我哋另外点咗个茶碗蒸，个蛋蒸得好滑，材料亦算丰富，但比较另一间知名寿司店嘅茶碗蒸，都有一段距离差距。今次蠢咗嘅系我哋点嘅嘢系几乎一样，应该要点一个饭就理想啲，下试要试下佢其地嘅丼饭，始终我觉得佢嘅饭出名过面。…查看更多

夏日炎炎，拣左呢间食天妇罗冷荞麦面/丼饭既「天丼」，天妇罗配冷荞麦面呢个组合简直超级满足。可以享受荞麦面既清爽口感，搭配酥脆既天妇罗，简直系完美既搭配！⭐️巨星天丼 ($89)呢款天丼有多种美味既天妇罗，有黑虎虾、青森帆立贝、鱿鱼、蟹柳、紫菜、本菇同四季豆。每一啖都感受到唔同既滋味，非常丰富！⭐️华味鸟盛合·冷荞麦面 (全份 $109)呢款盛盒包括天妇罗鸡肉、鸡宝、黑虎虾、南瓜、紫菜、莲藕同四季豆。清爽既荞麦面加上多款天妇罗，口感非常正，最岩夏天食😋！…查看更多

呢间天丼喺日本都见过 系日本过江龙嚟天妇罗新鲜炸出来 即叫即做所以如果赶时间嘅话要考虑吓因为大概都要等15-20分钟但天妇罗质素有保证炸皮唔会过厚 唔会油腻肥淋淋特别推荐虾天妇罗…查看更多

早两日行到东港城谂住食下野，见好耐冇食过天妇罗就入去食，下午茶上天丼饭$63+满记招牌仙草芋圆$29 加埋1就$101Like 佢ig/fb 会随机送多两件天妇罗 唔错！整体饭味道唔错既 但系汁可以我自己落就比较好 送到黎既时候 天妇罗已经淋晒 反而送既天妇罗冇落汁重比较好 因为脆！甜品白色珠比较脆口 唔知咩黎 比较有趣 但都比想像中甜 可以一试面豉汤味道都唔错总括黎讲 隔好耐可以食一次😂…查看更多

菜式选择唔多，天妇罗炸得都ok但食到后半part就觉得好油腻好滞唔想食，成旧水个饭冇配菜又冇饮品，有d唔系好值，最大问题系冬天佢都可以热到焗炉咁，食完出汗拿拿声埋单走人…查看更多