大門食堂 (將軍澳廣場)

营业中

休息中

與媽媽一起共進午餐，之前已到過大門食堂光顧，食物質素不錯，今次再來見到他們的新出品，分別是黑蒜油混麵和咖哩混麵，65蚊的價錢相當吸引，坊間吃一碗拉麵也將近一百大元。兩者的味道較為重口味，黑蒜油混麵，味道偏甜，除了蒜油，也有叉燒，玉子溫泉蛋等配料 ，甜中帶辣，很惹味，但多吃兩口有點油膩。而家咖哩混麵，較黑蒜油的辣度更強，有點嗆喉，能夠刺激味蕾，適合吃辣的朋友，加上生雞蛋，醬汁更為濃郁，不過個人感覺太辣了，未能挑戰成功

這天因事到將軍澳。午餐時間，環顧四周，每間餐廳也大排長龍。根據一向策略，沒有人的餐廳便會自動成為首選。這次試這間經常排長龍，價錢極度親民的的大門拉麵，我點了最經典的款式「大門拉麵」。大門拉麵的湯頭極為濃郁，老實說吃完會很膩，但吃的時候很正！而麵款就屬於粗的，相當有咬口；最重要的是並不掛湯，這樣避免了吸了大量湯汁，不需擔心膩上加膩。另外不得不提的就是三數塊的荀片，帶有非常濃郁的荀香，又帶有點微辣，非常美味。蛋的味道普通，沒有任何特別。叉燒的肥瘦適中，不會過肥又帶點脂肪，入口即化。

佢並唔係幼拉面，可能部份客人不喜歡。但中意食有咬口既面質既客人，不防可以試下呀。佢個湯底一定會令你感到日本既味道，好濃好厚的。講真，60蚊左右呢個價錢有碗正正經經既拉面，佢對得住個價錢有突。本人推介係 "大門拉面" 和 "菜拉面"。 "大門拉面"味道就最濃，"菜拉面"湯頭冇咁濃，但少少辣幾野味，啱曬怕濃味既客人。至於份量，女仔夠曬，男仔可能要加餸。間分店在Aeon入面最盡頭，可能有點隱蔽，所以我晚餐時間去都唔洗等，星期日都唔洗等，星期六可能要等。這在將軍澳商場區，每當weekend都迫爆既情況黎講，唔洗點等係好正既。佢有大圓枱或卡位，都啱一家大細。

成日經過aeon 超市買野食都會想試下這一間， 不過次次都食飽野先記得。這間雖然不是熱門餐廳， 不過網上都有不少好評竹，今次決定約埋朋友一齊試下。餐廳有圓枱有卡位， 今次我地兩個人，俾左張圓枱我地。侍應都有禮貌而且會收拾清空嘅餐盤。食物方面我地叫左一個沙律，沾麵同一個牛肉定食。 沾麵質地不會太冧， 湯汁夠濃。沙律都大大碟， 都算新鮮嘅！牛肉定食包一小碟豆腐， 一碗味噌湯， 一碟牛肉同一碗白飯。 牛肉不算太肥，汁都可以。

和同事們外出午餐第一次試這家店～我選了份漢堡扒定食！定食有白飯﹑凍豆腐﹑味增湯及主食漢堡扒拼薯角價錢約近60元，不算太貴～～凍豆腐作前菜，滑溜又香豆味！味增湯味道夠濃，不會因定食價錢便宜而又稀又淡～漢堡扒拼薯角，用鐵板盛載來維持溫度漢堡扒的質感柔軟得來又帶點咬口！送飯一流！薯角的份量足夠，不是很脆口的一款，但有很香的薯仔味～日式醬汁很香，淋上漢堡扒或用薯角來沾也一樣的好吃！！總的而論，這店的價錢不太貴，約是快餐店的售價可食物的質素算是中上，比快餐店的好吃！值得再來試試其他食物啊～～！！

將軍澳好多好野食，而且間間都好多人 ，間間都要排隊 尤其愈近地鐵站就愈多人。呢間麵店為於AEON入面，但人流都不斷。等左大約5分鐘有位。同朋友分別叫左個大門叉燒沾麵及限定的黑蒜醬油沾麵。沾麵汁一向比較濃味。奶白色的豬骨湯底。 叉燒軟淋肉質帶些少脂肪，不過不失啦麵質係比較有咬口煙韌。我喜歡呢個口感，但朋友不喜歡食硬麵就覺得唔唔夠淋。份量夠，性價比高。另外限定的黑蒜醬油沾麵 ，好香未食已經嗅到好香黑蒜醬油味。但食落又唔會成口蒜味，不過呢個比較油。但如果大門沾麵同黑蒜沾比較，味道黎講黑蒜係比較出色。SOFER 我覺得大門食堂中規中舉。對得住個價錢。可以再去。

呢間日式拉麵店可算是是我近年食過的超平民化日式拉麵，只售HKD48，以這個價錢計的話，在香港根本就沒有對手。我點的是大門拉麵，大門拉麵所用的麵條更是在日本製造，我點的正是所著名的大門拉麵，只用了5分手鐘便上菜了，十分之快。雖然價錢便宜，但感覺並不馬虎，所用的叉燒先用火燒過，令味道更香更入味。湯底是日式醬油方味，是幾入味，但當中的湯味有小小的味精味，可能混和了一點點的化學物質提味，但近乎食不出。麵條更是出色，沒有可扣分之處。

整體都係有質素嘅平民日式食品，40-50 蚊就有交易。老闆田中榮一資料：1. 是來自東京埼玉縣的過江龍。2. 曾在多家東京知名拉麵店學習超過十年3. 拉麵界名人4. 為沾麵始創人，山岸一雄最後收的弟子5. 大勝軒丸一老闆 ( 此店乃是日本發起 ) 豬肉炒野菜定食 55hkd( SET dinner 跟 麵豉湯 配白飯 + 一磚冇添加 白滑純豆腐， 冇包飲料) 野菜炒得好爽口，幾香口， 豬肉冇加鬆肉粉， 係少數唔加化學物質係啲肉入面嘅餐廳，非常欣賞， 不過就係因為咁啲肉食落 有啲嚡口，整體味道都, 另外呢碟帶少少辣椒，微辣另外叫咗招牌大門拉麵 48 hkd鰹魚，特級濃湯底， 上面有啲從化以及筍，拉麵非常粗身，好煙韌彈牙，唔慣咁粗， 唔該下次畀其他選擇比我，上網睇資料，原來湯底由埼玉縣直送到港，麵條交由本地製麵所依秘方新鮮製作，麵條煙韌掛汁。

就係吉之島旁, 近窗邊位置較開陽, 大門拉麵湯底係好濃好濃ge慳魚湯, 味道算ok, 但只得粗麵, 麵質較硬, 若有幼麵揀, 相信會更好味, 又可以掛多d湯！ 叉燒味道都ok, 但厚度一般, 若有多件或更厚身就好滿意了！

今晚同老公出街食飯，諗緊食乜嘅時候，突然諗起之前經過呢間店發現有沾麵食，於是今晚嘅飯堂就係佢😁。因為之前喺日本曾經食過沾麵所以念念不忘，好想再食多次。今晚唔多人，唔需要等位，仲要全單免加一。我要咗份大門沾麵，老公就要咗份鹽燒鯖魚定食。麵嘅粗幼度得一種選擇(日本食有粗幼可以揀)，我份沾麵一到，見到個湯汁已經有啲失望😔，同我想像(之前食過嘅)有啲唔同，呢個比較稀身，麵嘅份量都唔少。食完第一啖之後，麵嘅口感都算煙韌，湯汁味道無日本食過嘅咁濃郁，但係當食多幾啖之後會覺得有啲鹹，但可接受嘅，唔會鹹到要不斷飲水。老公嘅鹽燒鯖魚，因為我淨係試咗啖鯖魚，味道都唔錯嘅，所以就唔評論太多喇。另外叫咗份炸雞，味道唔錯，肉質唔乾，炸漿都唔厚。整體嚟講，個沾麵普通無乜特別，可能有比較啦😜

剛開張時我睇好呢間拉麵，拉麵、沾麵各項元素出色，價錢合理。但最近食發現很大退步。不講別的，只是兩點：湯底淡，溏心蛋差不多熟透，失望至極！將軍澳人食拉麵去坑口啦，唔好為大門晒Quota，若真的要光顧呢間，沾麵/油麵可能好啲。

今日放假既大日子 緊系要行下街睇下戲啦 ！！😌 跟住就過左黎將軍澳啦 唔講唔知將軍澳商場都幾大吓有分一二期添 。。睇完戲 已經夜晚諗住行吓 AENO 再搵餐廳食嘢 點知行行吓就見到呢間大門食堂 令我哋諗起日本嘅拉麵啊 🍜 赤大門沾麵 $ 62呢個湯底 由日本工場直送 但系食落就麻麻啦 麵條尚算有口感 湯底就比較鹹啦 叉燒炒飯拼煎餃子 🥟 $ 48 餃子 幾好食 同系日本食嘅餃子差唔多味道 不過炒飯就有少少失望 系比較濕一啲嘅炒飯 同普通茶餐廳有好大分別 比較不喜歡 仲要食到雞蛋殼 豚肉炒野菜 $45 全餐最好食嘅 都係呢個炒野菜 加左少少辣椒系入面 辣辣地好開胃 ！！！。

Upload左幾日又Upload唔到相。反正都係唔好食，算啦，就咁打幾句。難得星期日去行街食Lunch，真係周街都勁多人。想去Aeon入面果間食Pizza，超多人。本來想食八方雲集就算，但仔話佢返學成日食啦；所以去左再隔離果間野食拉麵。依間野都係少人架啦，完全唔駛等，直入，坐邊都得。記得以前佢都OK好味的，有串燒有牛脷。點知今日入去，得好少野揀。一係拉麵，一係炸野配飯。我同老公就叫左拉麵，仔仔叫左炸雞飯。老公重叫左個鹽辛尤魚。先講尤魚，係生既重勁難食；好鹹，好臭重有係勁細碟，係豉油碟咁既Size咋。不過都好彩佢細碟，唔知係咪預左人試完唔食呢？我叫果個拉麵同仔仔叫既炸雞飯都冇乜點既。但真係冇以前咁好食囉。而老公叫果個呢，係辣既。老公話完全超出佢想像既辣囉。食到佢流晒汗要即叫番杯凍飲頂一頂先。老實，以前佢有串燒同燒牛脷真係幾好食，依家咁少選擇又完全冇特別吸引，真係冇下次囉。

今日下午一家三口嚟到將軍澳家庭樂。老公,女,我都諗住食日式嘢。第一次食睇吓好唔好食。點知一入去已經扣緊分,服務,環境差到一個點,眼見啲侍應們自顧自己圍埋一堆你傾我講,完全無視客人,見唔到有客人入座,有幾張枱嘅枱面啲嘢完全無人理無人執。好啦,諗好食乜啦,叫咗一個#咖哩豬定食,滑蛋豬飯,冷豆腐,煎餃子,炸魷魚,燒玉子,可樂#叫人落單點知又落留罐可樂。本身我同老公都好鐘意食日本菜,但食過咁多間日本菜,我同我老公從未食過一間如此極度難食嘅日本菜😤😤😤叫咁多樣嘢#咖哩豬,滑蛋豬同冷豆腐#係最難食,咖哩汁食落完全係想嘔,冷豆腐拎到過嚟真係一舊百褔豆腐完全無汁跟,我問過侍應本身有無汁㗎？同我講枱面支醬油#仲要係寿司豉油#醬油同豆腐完全係唔夾㗎囉,滑蛋豬完全無汁乾啃😤😤😤服務+環境+食物完全係好唔掂😤😤😤同茶記無分别😤😤😤都無下次tim啊😤😤😤

大門食堂我來過好多次，可能因為閒日的關係，食客不多，不用等候便可入坐。是次則點了一客味噌鯖魚。其上菜速度不算快，下單後等了十多分鐘才上菜。味噌鯖魚定食 ($60)鯖魚份量頗多，魚肉很滑身，不會過老，而味噌的味道不會過濃，配上鯖魚一起吃，令魚肉變得多汁。而跟餐附上的味噌湯，不會太鹹，因為我不太喜歡太濃的味噌湯。其喝下有淡淡的味噌，味道剛好。食一口鯖魚，吃一口白飯，喝一口味噌湯，成為簡單又美味的日式晚餐。