大邊爐火鍋店

营业中

休息中

系Airside睇完戲，過左去九龍城打邊爐搵左間私房邊爐店享受下，環境清幽，食物質素唔錯東洋金湯$88簡左個清清地的湯底，東洋金湯即系粟米栗子豬骨湯底，湯頭幾清甜，唔會肥膩西班牙黑毛豬$188黑毛豬嘅油脂分布均勻，食落有油香味得來又唔會太過膩西洋菜帶子餃$70秋冬最啱食西洋菜，侍應話推介西洋菜帶子餃比起平時食開嘅豬肉餃，因為加左帶子，味道會更加爽口清甜稻庭烏冬$36一個稻庭烏冬有兩塊，兩個人share食啱啱好西洋菜$40秋冬叫返碟西洋菜食啱啱好

雖然九龍城最多並最有名氣是泰國菜, 但最近開始都開了不少泰國菜以外的餐廳 😚 秋風起, 開始入秋, 又是時候來打邊爐, 我們便選了這間已有20年歷史的大邊爐。我們需要走上一層, 空間比想像中細, 但坐位尚算可以。湯底有十多款, 我們選了海底椰清雞湯, $148, 可以清潤一下 😊 嗅一嗅湯是香氣撲鼻香的, 不過味道偏淡, 配料除了椰子雞外, 還有豬骨, 少量花膠跟蜜棗。個人覺得豬骨比雞更好吃 😝 蜜棗很甜, 花膠就粘性比較高。安格斯肥牛 (大) $428西班牙黑毛豬 $188牛肉色澤紅潤, 油脂分布均勻, 當中某幾塊中間肥膏多了一點, 但是能接受到的程度 😉 肥牛未必算很大塊, 但比一般切得厚身, 口感相對豐富 ☺️ 肉質並不粗糙, 吃到淡淡的牛肉味。黑毛豬同樣新鮮, 明顯是高質豬🐷, 但吃一口就知道牛肉出色甚多! 😆炸魚皮 $50脆香腐皮 $68一大盤炸魚皮, 非常脆口, 浸在湯一兩秒拿上來就剛剛好 🥰 腐皮大概是餐廳自家製, 同外面吃到的有分別, 豆味十分濃郁, 皮薄之餘都有咬口 👍🏻 論脆炸程度就當然不及魚皮吧 🤭手打墨魚丸 $90自制蝦滑 $156特色魚蓉麵 $48手打的墨魚丸果

👎🏻👎🏻👎🏻👎🏻👎🏻👎🏻👎🏻👎🏻👎🏻九點半後半價，一上到見到有個海鮮拼盤，問侍應有冇半價，侍應回答：有最後結賬發覺沒有半價，再詢問侍應，他說：我係回答有海鮮拼盤，不是說有半價多番爭論無果，侍應辯稱在地下poster最下面的細字有列明，侍應回答得氣定神閒，明顯相當有經驗其實去九龍城打邊爐，是體驗比較重要還是揸到盡比較重要💀💀💀💀💀💀要不要去大家自行決定，九龍城打邊爐有千萬個選擇，

網上資訊晚上9點後半價，實情係無。問店員是否有半價，店員立即走開兼黑口黑面。OpenRice 寫自帶酒水不需開瓶費，實情係$100/支，女店員話網上未更新。是次體驗非常不良好，永不幫襯。

「大邊爐火鍋店」喺九龍城已開業超過20年😱作為一間老字號👍🏻優質食材同服務令佢絕對係佢成為區內深受歡迎嘅原因‼️.四川麻辣湯🍲麻香少辣🌶️易入口又惹味😛入面仲有大蔥、寬粉同排骨🦴非常足料💯.蝦滑釀魚肚🐠彈牙蝦滑同滑溜魚肚意外地夾🦐可以點埋自家製醬料😬幾特別.美國桶蠔🦪每隻都大隻飽滿😍鮮甜又滿足🤤.特式魚蓉麵🍜自己將鯪魚肉魚蓉唧成麵條狀🐟魚鮮味香濃😋充滿彈性😆.酸木瓜🧆.竹蔗茅根水(酌)🎋清熱滋潤☺️

呢間餐廳似有返咁上下歷史, 裝修感覺比較舊, 不過都企理。除左打邊爐之外, 仲可以叫刺身食, 餐廳名都係邊爐同火鍋, 小編認為食刺身會比較浪費 😬 湯底要左椰子雞, 味道清清地唔算好濃, 食物普遍都新鮮, 睇下啲牛既色水就知無得頂啦 😁 紋理又靚, 另外試左佢既蝦滑, 有超多蟹籽, 蝦肉夠彈牙, 食落口感幾豐富。仲有魚皮同腐皮, 炸腐皮都係第一次試, 又幾重豆味喎! 餐廳唔係好大, 但知道入面有廂房, 如果太多人黎就要打電話問下先, 由於地方唔大, 職員唔太多, 但招乎都唔會有待慢。

新鮮材料傳統港式火鍋店香港宜家真係越來越少港式手工火鍋店了，周街唔係日式就係台式麻辣火鍋，要搵到間夠貼地又抵食料又靚嘅港式火鍋打邊爐真係唔容易。 九龍城呢間大邊爐真係值得大家嚟支持！🔻麻辣湯拼海底椰青雞湯雙拉湯底都冇加錢，只係$148，仲有邊度做到咁抵！椰青雞湯清甜濃厚雞湯，仲有嫩滑椰子肉係入面架！🔻推介必食火鍋料：封門柳：手切靚牛～肉嫩濃郁牛味～正！加拿大桂花蚌：睇擺盤就知新鮮！爽彈口感十足！🔻自家手工秘制必食推介：西洋菜餃：果然當季時令蔬菜！入秋黎打邊爐一定要食啊！梅菜豬肉丸：好特別好似食緊梅菜肉餅咁正～但口感係彈牙多汁！好驚喜呀！另外小編覺得炸魚皮同響鈴都好出色！鮮炸香脆到食唔停呀！⚡️號外⚡️20週年大優惠❗️9點後入座可享半價優惠！抵啊！堅平靚正！

秋風🍂起梗是想打邊爐🥢，九龍城出名多火鍋店聚集，大邊爐🏆位於城南道屹立20年🙌嘅老店，新鮮又抵食！通常一大群朋友打邊爐有人吃辣，有人不吃辣，大邊爐提供鴛鴦鍋👌給大家選擇，啱味啱曬你！😍和歌滋味牛丸有成12粒😋，大大碟非常豪氣😎，而且很有水準！傳說中的封門柳好厚肉🥇，食落勁滿足，而且牛味濃，必食💯! 份量好足四個男人叫一碟都ok夠食。陝西馬尾牛係最有驚喜📸，脂肪唔多，食落好嫩滑，而且牛味好香！google完先知馬尾牛係牦牛，香港有得食嘅地方都唔多，想食特別嘢嘅你一定要試下🐂🐃🐄!蝦滑真材實料🦐，非常彈牙。美國桶蠔大大隻🦪，而且煮完都唔縮，大邊爐來貨真係好靚。最後響鈴同埋炸魚皮一啲都唔馬虎😋，打邊爐一定要叫嘅香口嘢😝。響鈴係新鮮炸起，輕輕浸一浸食，保持到香脆口感，掛曬香濃嘅湯底，真係勁好食🤤。炸魚皮塊塊都唔細，應該特登揀過啲靚嘅嚟。聽講九點半後做折🈹，大家快啲約朋友去食!🙆

好耐冇食過港式打邊爐，今次黎到呢間開業20年嘅九龍城火鍋老店，餐廳20周年有大優惠，每晚9點後有半價優惠，好抵！沙嗲湯 拼 海底椰青雞沙嗲湯香濃，好香花生味海底椰青清甜有椰味，連雞肉、海底椰都食埋，好足料 手切安格斯肥牛(例)手切切得好靚，擺盤有心思蝴蝶切令牛肉更有口感油花分佈均勻，口感軟熟有牛味墨魚丸拼豬肉丸墨魚丸入面有粒粒墨魚，鮮甜，爽口！豬肉丸係梅菜豬肉丸，第一次見，有驚喜梅菜用量啱啱好，有絲絲甜味唔會過重而且肉質係超級彈牙，推薦！ 雙拼雜菇靈芝菇拼秀珍菇菇菇粗身，有菇味索左湯好好食酸梅湯酸甜解渴，酸酸地好開胃

九龍城除左泰國菜，打邊爐都好出夠，今次去呢間餐廳真材實料，唔會將貨就價，亦都唔會賣到貴一貴劏客，而家仲適逢餐廳開業20年，每晚9：30後入座仲有半價優惠，簡直抵上加抵🍲湯底有十幾款，我地就叫左冬瓜鮮雞同沙爹湯，冬瓜雞湯好清甜，相反沙爹湯就好濃郁，用黎烚牛肉就岩哂。🥩肉類方面我地叫左幾款唔同既牛。封門柳$368大大碟而且仲切得幾厚，非常抵食。滋味牛肉丸，用新鮮牛肉打成，一碟有12粒都係性價比之選。之後仲叫左陜西馬尾牛，雖然唔知係咩品種同部位，雖然只係$118，但食落一d都唔差，牛味同口感都一流，食完忍唔住叫多碟🦪海鮮方面就試左自製蝦滑同美食桶蠔。蝦滑爽口彈牙，桶蠔烚完都冇縮水而且好鮮甜🥬其他配料西洋菜同油麥菜都好新鮮。炸魚樣好厚身，同其他地方食既好唔同。最特別係響鈴，即叫即炸，上枱時仲熱焫焫。最後仲叫左份出前一丁去煮個湯爹一丁，食完非常滿足

天氣涼左又可以瘋狂打邊爐🤗，聽人講呢間火鍋專門店係開業20年嘅老店，歷史悠久當然要試一試佢。 🍴鴛鴦鍋(沙嗲+海底椰青雞)$148海底椰青雞湯清甜 打之前一定要飲返碗暖下胃 好治癒🥰沙嗲湯夠香濃 兩個湯底一濃香一清香very good!🍴手切安格斯肥牛(例)$368例牌份量都幾多 而且厚薄啱啱好食起上黎有口感又唔會韌油花好靚 入口超軟嫩 🍴雙拼菜餃$90揀左西洋菜帶子餃同鮮蝦水餃西洋菜帶子餃好出色餡料飽滿🥟🥟西洋菜清香爽脆 入面有切成一片片嘅帶子帶子有鮮味 唔係cheap cheap貨色鮮蝦水餃 有大隻鮮蝦加上豬肉爽口筍絲同黑木耳 口感香氣都豐富🍴白鱔片$118質素好好大大片 新鮮又肥美肉質脆口冇腥味 🍴時令什菜$50有生菜 西洋菜 油麥菜omg連菜都好值得讚😳每樣都又靚又新鮮  仲靚過平時自己買嗰d👍👍 總括而言，食材質素好靚，食得出每樣都好新鮮，用料實在，好有誠意。餐廳20周年，每晚9點後入座仲有半價優惠添，趁呢個機會快d去食多幾次先😋

📍大邊爐火鍋店 九龍城城南道12號地舖好耐都冇食過港式打邊爐今次嚟到九龍城唔想食泰國菜，突然心血來潮想打邊爐於是就入咗去呢一間餐廳！都幾有驚喜！湯底方面揀咗麻辣拼海底椰青雞湯！海底椰呢個湯底真係唔會同都會必嗌！我個人亦都覺得好好食！鍋底入面嘅配料海底椰我都食埋！好夠嫩好食！麻辣湯底就不過不失，如果鍾意食辣嘅朋友可能就需要嗌加辣特別推介一定要試佢嘅封門柳 $368一上枱已經覺得啲肉好靚，食落口更加冇失望超好食！唔會韌！肉味夠濃！而家越來越少地方食到手切牛肉好多都係急凍嘅肉所以真係推介！另外炸魚皮、響鈴、桂花蚌、仲有梅菜豬肉丸都係推介！仲有西洋菜又開始當造啦所以食西洋菜就係最佳選擇！而家港式火鍋店真係越來越少！好多地方都係台式日式任食打邊爐如果你都鍾意食港式打邊爐嘅話記住要去呢間餐廳試吓啦！而家仲有優惠9:30後入座有半價！快啲book枱試下！

日式火鍋成日食，但傳統既打邊爐越黎越少見，呢間餐廳係已經開業20年既老店，終於有時間去食🤭🥥海底椰青雞湯窩 $148好香椰子味同清甜，湯底好豐富，有花膠、椰子肉、海底椰、啖啖肉既豬肉同雞🐮金錢牛展 $130牛肉非常結實、有啲牛筋所以口感比較爽，牛味都濃🥟四色餃 $92分別有鮮蝦水餃、莧菜帶子餃、沙葛爽爽餃同魚皮餃。最特別係沙葛爽爽餃，沙葛真係好爽口、又帶啲清甜味。粒粒都好飽滿🥬時令什菜 $50有生菜、西洋菜同白菜仔，全部都好新鮮🫓支竹 $36份量多，用黎吸呢個湯底一流🥥泰國椰青 $35椰青好多汁又清甜，飲完仲可以食埋啲椰青肉😙酸菜 $18開胃菜芥醬 $20@1食物新鮮仲有好多特別既配料，依家20周年仲有大優惠，晚上9點後入座有半價優惠🤩

去到見到餐廳見到為慶祝開業20周年，9點後入座有半價優惠，抵食🔥🔥今日我哋叫咗沙嗲湯底，湯味夠濃，重有好多嘅花生🥜粒，唔錯😎見到隔離枱叫咗蟶子皇，我都唔執輸，叫咗2隻嚟食😋非常新鮮👅價錢又唔貴，值得推介👍之後叫咗鱔片，切得好靚，好簿身，淥落去好快熟，食落非常鮮味😋除咗打邊爐，我哋重叫咗2個熟食，分別係椒鹽百福豆腐同椒鹽點粟米、茄子😋2個椒鹽都勁好食，唔會勁鹹，豆腐好滑，唔會太過乾身😋送酒1流👍總結: 9點後半價超抵，海鮮新鮮👍熟食有驚喜😋如果鍾意打邊爐食海鮮，1定唔可以錯過😊

劉德華成日講，服務態度好緊要，呢樣嘢一般系打邊爐嘅場合都唔太適用，因為打邊爐一般都比人有粗獷啲嘅形象，同埋大家吵吵鬧鬧先有氣氛。但係兩杯落肚，幾句不合，氣氛就變成氣憤。最重要系會影響埋其他食客。我鍾意呢度打邊爐，就係因為氣氛舒服寧靜之餘，服務態度同客人質素都好高。侍應非常有禮貌，呢套背景音樂播住70年代歌曲純音樂， 聽住Carpenter 嘅音樂，唔會有急住要食曬嘅感覺，唔會有粗口橫飛，只係需要專注享受食物，同埋同家人朋友慢慢傾計。難怪呢開咗二十幾年，都依然屹立不倒。🍖食物質素都好高，我最想介紹嘅係湯底，系冬瓜瑤柱湯，聽落冇乜特別，分分鐘仲會以為係史雲X，少年你太年輕了，入邊係有真嘅瑤柱，我仲特登筆起嚟俾大家睇，冇諗過真係多成咁！咁都不特止，個冬瓜切成蝴蝶型，而最勁嘅係下面仲有好多舊腌咗嘅牛展肉，功能可以媲美金華火腿，但係食落就好食過火腿好多。🍖 牛肉方面我哋叫咗傳說中的封門柳，為咗保持神秘，我哋冇刻意去問點解係一個傳說，而係選擇咗自己去體會，個人認為牛味繫好足，紋理分明，而特別之處， 係咬落會有床褥嘅口感，我意思係佢會有輕微回彈，可能係我嘅錯覺，又可能系因為牛肉嘅切法，係一片肉中間切