大滾友火鍋 (紅棉大廈)

营业中

休息中

最近咁興中國風，見到呢間火鍋店裝飾夠哂中國風味，好似去左故代菜館咁🤩座位安排分明企理🐥玲瓏浮凸花膠雞湯鍋（半隻）滿滿既花膠，雞湯夠濃，一開始飲碗湯好甜😋花膠厚身，口感軟滑有彈性，啖啖骨膠原感覺。雞肉厚肉，半隻兩人食岩岩好🐮大滾友牛肉拼盤（細）手切外裙肉、牛頸脊、美國頂級雪花肥牛口感肥嫩又有彈性。最特別係有牛黃喉，鐘意黃喉既爽脆，另外仲有澳洲和牛金錢展、牛肉粒、牛舌🐷伊比利亞橡果豬滿滿既油花紋，好靚🤩一入彈牙又肥美，好味😋🥚澳洲帶子片鮮甜幾大隻🥚手打蟹籽鮮蝦丸爽口彈牙，食到甜甜既蝦肉味🥬大滾友雜菜拼盤生菜、油麥菜樣樣都新鮮，對於有選擇困難症既人好友善😝仲有特別既紫淮山🍹自家製足料竹蔗茅根甜度岩岩好，仲可以揀暖，夠細心😙最後試埋佢地既火焰焦糖豆腐花，職員會係上面倒一層酒然後點火🤩睇得又食得，仲要豆腐花都幾滑👍🏻

Ooo世一邊爐🥇大滾友ooO每幾個月都會掛住大滾友 原因就係佢係我既邊爐世一之選裝潢走中國風的港式火鍋店 用料新鮮 湯底材料足絕對世一🥇OooooO🔶櫻唇半開特色卜卜蜆鍋每次都好欣賞佢的龍頭氣勢煙霧儀式 💕💕卜卜蜆份量個人估算有2斤+ 卜卜蜆肥美湯底鮮甜先飲2碗湯再邊爐😍OooooO🔶牛肉拼盤（細）7款牛外裙肉 手切牛頸脊 金錢展 頂級雪花肥牛 牛胸爽 牛肉粒 牛舌各有特色 頂級雪花肥牛 油脂均勻 正OooooO🔶伊比利亞橡果豬肉質爽口 食過返唔到轉頭 和牛級數既豬個人邊爐必選既豬💕OooooO🔶手打蟹子鮮蝦丸彈牙爽口 真蝦肉 正OooooO🔶大滾友雜菜拼盤包羅萬有 一定有你鐘意食瓜菜OooooO🔶自家竹蔗茅根 清甜解渴OooooO🌟火焰焦糖豆腐花睇得又食得既豆腐花 好滿足🔥

好耐冇同朋友仔打邊爐，於是我哋就去咗大滾友😆呢間嘢好耐以前已經開始食，最鍾意佢個花膠雞湯今日我哋叫咗個玲瓏浮凸花膠雞湯鍋，再加牛肉拼盤，再加個雜菜拼盤,仲叫咗個和牛墨魚丸，黃喉同伊比利亞橡果豬佢個花膠雞湯一如以往好足料，好多個花膠，我哋一人飲咗兩碗湯先開始食其他嘢，佢個雞係半熟雞放入鍋入面5分鐘就食得，個熟到啱啱好，都好嫩滑另外佢個牛肉拼盤都好好食，睇得出入面啲牛全部都好頂級，塊塊都好正😍另外一讚佢個豬，肥瘦均勻，比例啱啱好，我覺得好好食另外佢個和牛墨魚丸都好特別，外面係墨魚丸入面包住黃牛，我覺得手打嘅口感就係比較好食，呢個都幾有驚喜由於好鍾意食黃喉，我哋就另外再叫多一份，我覺得淥幾秒，而且好爽好好味🤤雜菜拼盤就所有菜都有啲，加埋個湯底好正最後我哋仲叫咗個火焰豆腐花同埋竹蔗茅根😊火焰豆腐花勁好打卡，佢會喺你面前點火燒上面啲糖，變咗好似焦糖咁樣上面脆下面滑，成個口感都好好味

上星期約咗老Best 去荃灣行街～行到餓😆佢即興帶咗我去佢成日幫襯嘅「大滾友火鍋」打個靚邊爐😋✨ 佢話 大滾友食到唔捨得走 喎～～🤣🤣花膠雞湯底雞湯湯底好香濃～ 滾咗之後加入雞肉，忍唔住飲咗兩碗先開始打邊爐😍啲雞肉本身半生熟，淥多幾分鐘就食得～ 好嫩滑😚手打蟹籽鮮蝦丸 蝦丸咬開會「啵啵啵」爆出蟹籽！口感豐富☺️菜苗帶子餃帶子餃裡面有成粒帶子，鮮甜美味伊比利亞橡果豬 & 牛肉拼盤橡果豬自帶淡淡堅果香😌牛肉拼盤有驚喜，牛頸脊嫩到像在吃「牛肉界豆腐」🤤🍮火焰焦糖豆腐花捧著噴槍現場燒焦糖，視覺效果💯！豆腐花都好滑偷偷觀察到隔壁桌點了香滑豆乳濃湯鍋 同 特色卜卜蜆鍋，望落好正咁🤤，唔怪之得老best 成日嚟啦🤣Um…說好的減肥呢？😌

好友約我荃灣地鐵站b1出口行5分鐘就到《大滾友火鍋》宮廷裝潢紅紅燈籠高高掛🏮環境真靚靚。我們點左玲瓏浮凸花膠雞湯鍋（半隻）：店員把剪好的花膠放鍋底倒入金黃色雞湯，待湯滾加入半熟雞件煮5分鐘就可食，雞肉新鮮嫩滑有雞味，湯底黏口膠質重清甜好飲，花膠厚身又腍又滑牛肉拼盤(細) ：有安格斯牛小排、牛柳粒、牛胸爽、牛舌片、金錢牛𦟌等⋯全部牛肉味濃多汁很好食😋伊比利亞橡果豬：豬肉色澤紅潤，豬肉有味清香又甜。金屋藏嬌和牛墨魚丸（4粒）：金黃色的墨魚肉爽口彈牙，中間藏和牛粒超正👍脆鯇腩片：脆肉鯇魚肉爽口彈牙很新鮮。大滾友雜菜拼盤：綠色蔬菜勁大盆真抵食，新鮮嫩綠。自家製竹蔗茅根：少少甜夠健康。火焰焦糖豆腐花 ：店員加紅糖、冧酒，用火槍噴向豆腐花，紅糖燒成薄薄焦糖，豆腐花帶點酒香味，豆味香濃好滑好食😍

之前食過一間宮廷式打邊爐都幾得意，今次呢間都係好古色古香嘅感覺，裝修係好似好咗啲古風橫街小巷，個名有啲麻甩，叫做大滾友哈哈哈😆半隻玲瓏浮凸花膠雞，幾麻甩個名，呢隻雞係好鮮，入口嫩滑添～ 一嚟飲返碗湯先，黃金色嘅雞湯好飲，最開心嘅係當我哋飲完湯開始打邊爐，佢係會再幫我地加返黃金色嘅雞湯，而唔係普通嘅顏色好淡嘅清湯👍🏻大滾友牛肉拼盤，大癲！牛肉極香濃，高質材料！超級推薦伊比利亞橡果豬，食過好難返轉頭，啲脂肪好香滑🌰金屋藏嬌和牛墨魚丸，口感好有層次，真係有手打嘅彈牙！大滾友雜菜拼盤咩都有，加大滾友響鈴拼盤，有三件黃金鹹蛋響鈴同埋三件原味的炸響鈴，2秒入湯啱啱好！竹蔗茅根打邊爐啱晒～ 好耐冇咁chill食咗2、3個鐘邊爐🫕

🤤🤤天氣凍凍即刻捉另一半去打邊爐這一間餐廳真係打邊爐高質店🍴❤️材料非常新鮮 同埋個湯底真係正到爆🤤🤤✐玲瓏浮凸花膠雞湯鍋（半隻）個湯真係超正😍🤤一開始會飲左湯先再加料去打邊爐個湯濃厚 甜 好好味🤤我飲左成2大碗😂清左湯底 職員唔會只加水 會繼續加返湯👍🏻出色✐牛肉拼盤（細）個拼盤包括左7種牛 包括左手切外裙肉，本地手切牛頸脊，澳洲和牛金錢展，美國頂級雪花肥牛，牛黃喉，牛肉粒，牛舌花每種牛都各有特色🤤🤤仲要全部都勁有牛味絕對新鮮好食😋✐手打鵝肝墨汁墨魚丸中間有鵝肝粒粒😳🤣勁特別而墨魚丸有墨魚粒粒 增加左味道同埋口感🤤✐伊比利亞橡果豬伊比利亞橡果豬既肉香味真係不得了聽講係豬中既和牛級數👍🏻食落真係明白✐脆鯇腩片新鮮 有腩位同魚片2個部位👍🏻😆✐大滾友雜菜拼盤勁大份🤣夠曬我地食有唔同款式既菜 粟米🌽油麥菜 生菜🥬蓮藕新鮮好食🤤✐火焰焦糖豆腐花😳😍😍哇 又打得又食得豆腐花好滑✐自家製足料竹蔗茅根

再Encore呢間宮廷風嘅火鍋店,環境舒適,今次揀咗特色卜卜蜆湯底,蜆份量極多,粒粒肥美,湯底鮮甜,未打邊爐已經飲咗二碗仔🤤✨牛肉拼盤(細)牛舌片,牛金錢展口感爽口,牛頸脊牛味香濃,牛肉粒,手切雪花牛油香肉嫩,牛胸油爽身唔膩,各有特色！✨伊比利亞橡果豬大理石紋般嘅油花,肉味濃郁,唔油膩！✨蟹子鮮蝦丸彈牙又多蟹子,正！✨即炸響鈴 & 薯粉響鈴一淥即食已經好好味,薯粉吸收晒食物同湯底嘅精華,好味！✨大滾友雜菜拼盤包羅萬有,番茄、唐生菜、金菇、蓮藕、黑木耳、紫淮山、油麥菜、粟米，全部都好新鮮！✨竹蔗茅根打邊爐又點少得竹蔗茅根,清甜解渴!✨火焰焦糖豆腐花店員喺豆腐花上面加啲黃糖,再加少少酒,然後點火,真係睇得又食得,正! ✨同至愛嘅人享受一餐帝王式嘅火鍋真係太幸福!

天氣凍返又想打邊爐😂😂懶得屋企煮，所以試左大滾友👏🏻👏🏻我哋首先點咗半隻花膠湯雞湯底，呢個湯底真係一流！湯色清澈，味道鮮甜，花膠煮得啱啱好，食落去口感滑溜，雞肉嘅鮮味完全融入湯底，😳😳😳湯都飲左兩碗先開始打邊爐，仲有雞都可以食返，因為超滑！👍🏻👍🏻接住，我哋試咗麻辣魚皮冷盤，呢個冷盤有啲特別！魚皮薄脆，搭配麻辣醬，味道香辣刺激，食落去一啖接一啖，真係好過癮😗特別係嗜辣嘅朋友一定會鍾意！🥰然後，我哋點咗牛肉拼盤，裡面有牛肉粒、肥牛等不同部位，牛肉新鮮，肉質非常嫩滑，無論係直接煮或者用醬汁醃製，味道都好好，真係食到停唔到。😀另外，我哋仲試咗伊比利亞橡果豬，呢個豬肉真係好香！肉質嫩滑，口感豐富，搭配邊爐食材一齊煮，真係一個完美嘅選擇，食落去真係令我驚喜。👏🏻😜雜菜拼盤方面，裡面有娃娃菜、生菜同芋頭等，蔬菜新鮮，搭配湯底一齊煮，令整個邊爐更加健康，亦增加咗口感層次。😋飲品方面，我哋選咗一渣竹蔗茅根飲品，呢個飲品清新又消暑，甜度適中，飲落去非常舒服，完美配搭我哋嘅邊爐。😚最後，甜品方面我哋試咗火焰焦糖豆腐花，呢個豆腐花滑滑的，焦糖香甜，火焰嘅效果好吸引，食完之後真係好滿足🥳

之前適逢人日約咗就快生日嘅buddy食番餐🥢揀咗嚟呢間咁有特色嘅火鍋店🍲呢度除咗環境古式古香好有中國氛圍之外～食物都好精緻～而且服務仲好貼心(每人有杯Welcome drink🍹)又過癮(仲可以自選紙牌/骰子叫員工同你「比武」😂😂)！.✨玲瓏浮凸花膠雞湯鍋(半隻)記得先飲用濃郁嘅滋陰養生湯頭😎暖胃一流！鮮雞件嫩滑又鮮味！仲有滑嘟嘟嘅厚身花膠添！！.✨手打鮮牛丸極之彈牙！牛肉味出眾又突出！鮮味無比！！.✨牛肉拼盤(細)包含多個牛肉部位🐂！肥美又鮮嫩～當中又口感獨特嘅牛胸爽最為印象深刻🤩🤩.✨黑松露午餐肉非常邪惡嘅美味😍😍炸得香口酥脆！啖啖肉香又帶有黑松露滋味！一定要趁熱食哦！！.✨伊比利亞橡果豬係豬中嘅和牛級數🐽肉味濃郁又肥美👍🏻👍🏻推薦！！.✨大滾友雜菜拼盤一盤有齊多款蔬菜種類🌽🥦🥬🍅蕃茄片、粟米、娃娃菜、油麥菜、蒿筍、芋頭、金菇等等等等…營養豐富又新鮮多元！！.✨自家製足料竹蔗茅根😚古式設計嘅酒壺好精緻！清熱又解渴！！.✨火焰焦糖豆腐花店員話呢個又名「出火豆腐花」😂點火果吓就知點解啦！必須要打卡先🔥🔥入口質感滑溜～又甜蜜蜜！！.✨加一服務費✨茶芥

已經多次幫襯嘅大滾友，宮廷風裝潢，食物質量高，座位闊落，一班朋友聚會好去處～網上訂位有好多折扣，建議訂左先～香濃豆乳蜜瓜龍躉雞湯鍋雞湯底加入新鮮豆漿同原個密瓜，煙霧彌漫，打卡一流～店員建議未打邊爐前先飲下個湯～超鮮甜啊！！！湯底仲有新鮮龍躉片，厚身魚片好爽好重魚味～伊比利亞橡果豬必試！！每年夏天，伊比利亞黑毛豬會被野外放養到橡木林，係林中飽食橡果約5個月，令其肉質口感猶如奶油般柔軟，層次感豐富，入口肉香回味濃郁～大滾友牛肉拼盤 (細)選擇困難症就揀呢個牛肉拼盤，由牛味重部位到黃喉等特別部位都有～牛味非常香，好抵食～牛黃喉黃喉新鮮唔係急凍貨，一食就知道，超爽身～決定encore～手打鵝肝墨汁墨魚丸呢度嘅手打丸又係非常值得叫～超級彈牙，墨魚丸裏面有墨魚粒同埋鵝肝粒，超香呢～大滾友雜菜拼盤雜菜拼盤有油麥菜、生菜、娃娃菜、金菇、萵筍同淮山，洗得好乾淨又新鮮～自家製足料竹蔗茅根自家製竹蔗茅根，唔甜，健康解熱之讀～火焰焦糖豆腐花表演打卡好正～店員喺豆腐花桶倒入冧酒，然後放火（哈哈）～豆腐花好滑，好睇又好食～

前幾日終於有機會去試到！啲嘢食都真係好高質，擺盤同啲碟好靚，但都真係好貴..😂 感覺上有1/3價錢係買緊個擺盤，值唔值得用嚟打卡就見仁見智啦🤣如果正常要食飽起碼每位都$500起跳，然後啲高級牛都好細粒食得唔太爽，如果係食肉獸要帶多啲資金先好嚟啦！同樣質素有其他更平嘅打邊爐選擇，不過如果有budget/唔係好餓/有優惠嘅都可以一試！價錢大約牛牛拼盤+丸拼盤+湯底，連加一就900-1000，可能係啲牛太細粒，食完好似冇食過嘢咁🫣都係要叫多好多其他嘢食先夠爽另外個3-4人餐就$22xx加一

今日食咗個好滋補嘅香濃豆乳蜜瓜龍躉雞湯鍋🧡，賣相真係好靚🌹，超多厚身和多骨膠原嘅龍躉肉，店員幫手切開個木瓜，再加入豆乳雞湯，等個湯滾左之後可以先飲一碗補一補，之後先再打邊爐。肉類：我地叫咗大滾友牛肉拼盤🐄，可以試到七種高質嘅手切牛肉，頂級安格斯牛小排和牛頸脊都好正。另外仲叫咗好香嘅伊比利亞橡果豬🐖，兩碟都有乾冰鮮氣效果好靚❄️。餃丸：蟹王餃叫喺必點推介🦀，入面有好多蟹黃，鮮味爆發😍，另外仲叫咗手打蟹子鮮蝦丸，真材實料，🦐新鮮彈牙。蔬菜： 大滾友雜菜拼盤🥬🍅🌽飲品：竹蔗茅根🎍甜品：火焰焦糖豆腐花👍，火焰效果啱晒打卡！仲有少少酒味。

天氣又開始涼，仲唔係打邊爐既日子😆，今次就嚟到荃灣搵食❤️，餐廳環境好古色古香，幾有特色火鍋湯底揀左櫻唇半開特色卜卜蜆鍋勁多蜆，等佢慢慢係既開既途中，就聞到陣陣既鮮香味，蜆肉飽滿，入而仲有芽菜墊底，都係精華所在，索滿湯汁，湯頭係好清甜帶啲啲辣咁，勁惹味打邊爐點少得肉😆，身為食肉獸嘅我，叫左盤細既牛肉拼盤，但份量都唔少，肉質勁嫩又牛香濃，種類都好多，樣樣都高質另外仲有伊比利亞橡果豬，呢個大推👍🏻肉味好獨特，超級好食手打蟹子鮮蝦丸就是正常發揮，應有嘅爽彈都有齊朋友話要飲食均衡🤣，一定要叫菜，大滾友雜菜拼盤就岩哂，咩都有啲咁仲叫左盤小食，酥炸小鮮肉，外酥內軟打邊爐必飲竹蔗茅根食埋個甜品，焦糖豆花收尾，就滿足哂🤣

二訪呢間咁特別嘅火鍋店，佈置得如同古代宮廷，真係打卡一流！一踏入店內，就被龍椅同青花瓷餐具吸引，感覺就像置身於古代的御膳房，仿佛隨時可以接到聖旨，實在係禦膳級嘅享受。食物質素當然係好。另外我就係貪呢啲環境夠特別😌湯底我選擇咗花膠雞湯底，湯底清香濃郁，花膠的份量超大，每一口都能感受到那份鮮甜。這個湯底不單止好味，還帶有養生的效果，令人越食越想食。食材牛肉拼盤，肉質鮮嫩，搭配各式醬料，口感豐富。金屋藏嬌的和牛墨魚丸更是驚喜，牛肉與墨魚的完美結合，口感滑順。伊比利亞橡果豬的味道亦非常出色，肉質鮮美，脂肪分佈均勻，食起來特別香。大滾友的雜菜拼盤，色彩繽紛，搭配著各種新鮮蔬菜，既健康又美味。脆鯇腩片則是另一個必點的菜式，外脆內嫩，吃起來口感層次豐富，讓人忍不住一片接一片。甜品最後，火焰焦糖豆腐花作為甜品，甜而不膩，焦糖的香氣與豆腐花的滑嫩配合得恰到好處，令整個用餐體驗完美結束。