城中鴨子

营业中

休息中

————————————————————————城中鴨子 (尖沙咀) Duck Victoria 地址：尖沙咀廣東道3-27號海港城港威商場3樓3319號舖（另外荃灣將軍澳都有美中鴨子~)尖沙咀呢間城中鴨子門口長期超長隊，平日收工都要準時收工去排隊先食到，烤北京填鴨好正，鴨味十足，下次想試下佢個雲吞鴨湯🟠推薦食物🔹烤北京填鴨(半隻 $198）：好出色，基本上每枱都會嗌，不過等左差唔多成個鐘先上，門口會有切鴨睇，每塊面皮都係熱辣辣，皮同肉分開，鴨皮烤到香脆，鴨肉鴨味十足，嫩得黎有嚼勁，同青瓜相比，搭配既蔥更加能夠體現香味🔸無錫灌湯小籠包（$98/6pcs）：趁熱食好味道，湯同肉都好足🔹桂花糕凍伴鴨件($118)：成個combination一開始覺得好奇怪，但係店舖推薦，食落去好得意，桂花糕又軟鴨皮同薯片又脆，記得加埋桂花，味道會再上一個層次🟡不推薦食物🔹墨汁炸醬麵（$98）：幾fusion菜既感覺，可惜炸醬味完全唔出🔸桂花拉糕（$60/4pcs）：基本上成舊糯米，上面既桂花蜜都比較少，中間有層次會更佳🟠員工nice，落場時間都俾我地坐低傾左好耐，期間好nice咁斟茶🟡環境一邊係對住海，都

之前幾年都有食過幾次的片皮鴨，印象中是很不錯的，剛巧有$300-$100的商場餐飲優惠卷就去排隊再食吧，前一日1:45到因為已滿座白走一次，改天11:00就到排隊，11:30準時入座，11:45全店滿座了，人氣爆燈，終於片皮鴨在下單後45分鐘上枱了，賣相驟眼看以為還好，一食，不得了，一個字肥，兩個字好肥，要自行去了皮下油脂仍食到一口油，而且片皮又厚又有大又細又拖刀不斷，本人絕對不會回頭再來，不知道是否因為商場有推廣大家有優惠券，餐廳唔憂做而令水準大降，呢個價錢不值。

城中鴨子一向好難排隊，要6:30前拎飛仔，但當飛仔拎晒之後又無得上網睇叫號，有時又一次過叫10個號碼，有時又半個鐘先一個號碼，所以極之難等。今日都等左45分鐘先入座。入座前會幫客人落左烤鴨先，坐低先用QR code慢慢叫其他野食。今日叫宮保雞丁、蒜泥白肉、煎窩貼同埋半隻烤鴨。宮保雞丁好香口、好夠熱又惹味，係覺得有啲太濕同埋花生有啲林左；蒜泥白肉就咸左啲，啲醬料太濃味，不過白肉夠爽又夠薄，青瓜新鮮，吃落都好清新；窩貼熱辣辣，皮唔算厚，底煎得好香脆，肉餡鮮味，重有好多湯汁呢，呢幾樣野都好有水準，不得不提當然係主角烤鴨，雖然上枱時係熱的，但好快就俾冷氣吹到凍晒，連皮都好快硬埋，鴨就肯定係冰鮮貨，所以都不能期望有咩鮮味，好彩佢唔算好肥，最怕一大舊肥膏。整體質料都算唔錯，所以都回頭左幾次。

Coupon下的片皮鴨🐤(Emoji係未無鴨？😂)因為海港城coupon就嚟到期，所以約咗爸爸媽媽去食片皮鴨！基本上如果5:30去到其實唔使排隊就直接入得，不過我遲到6:30先到😂好彩派咗一家之主去咗排隊先，所以我一到就入得啦🫣四個人食咗全隻片皮鴨、小籠包、蔥油餅、芒果楊枝甘露雪糕。埋單減咗$200，人均$120，有Coupon就真係幾抵食嘅！整體來講片皮鴨質素都唔錯，皮下有厚肉，唔係淨得皮，有肉汁。醬料方面唔算有特色，都係普通嘅醬、青瓜、大蔥。皮方面份量都預得咁上下，同埋都幾保到暖，唔錯嘅。其實講到片皮鴨，我反而想提另一間海港城有coupon嘅餐廳 羲和雅苑，佢係有特色、創新嘅餐廳，價錢偏貴，但我覺得係值。想了解多啲可以PM我，或者自己OpenRice𥄫𥄫🤓小籠包厚皮，味道尚可，肚餓時食都還可以😆因為第一道餸所以唔記得影相😂蔥油餅裏面嘅蔥分布得唔平均，佢切開四舊之後，其實另一邊係冇蔥，真係麻麻。總括嚟講，有coupon，唔使排隊，可以去試。正價，排成1-2hrs，就不如去排Lady Nara😂

見成日都排晒長龍就試吓，專登佢啱啱開晚市6點零就黎，人齊就可以入座😌 試咗半隻片皮鴨，個樣幾靚仔，個皮都幾脆，整體都唔錯幾好食不過唔熱。另外仲嗌咗個炒豆苗一般般

慶祝生日既一餐飯～因為突然好想食片皮鴨，經過朋友既介紹選左呢間餐廳⋯首先一提係⋯呢間餐廳係唔接受訂位既如果想食係要早早黎排隊晚飯當天朋友收工早，早早黎到拎飛（大概6點半）我哋4個人大概要等10張台，全部人到齊等到大約8點先坐得低少啲耐性已轉場了（比左一張6-8人既大台我哋）坐低後快快手用手機落單野食，好彩上菜速度快黎呢度緊係食片皮鴨啦，入坐前係門口已會問定你地要一隻定半隻，因為想試埋其他野食所以叫左半隻片皮鴨好快上（本身係門口等個陣已經見到個姐姐係度密密切架啦）片皮鴨油脂充足，一咬落去好香早知叫一隻啦⋯之後仲有叫左：雞絲粉皮（正常野，間間都差唔多）擔擔麵（沒有足夠花生醬既擔擔是沒有靈魂）黑松露百合炒蘆筍（出色，口感很好）小籠包（咁貴仲要咁普通，皮厚左啲）海鮮粉絲煲（炒得乾身但入味）麻辣炒雞唔記得名（好入味，麻麻辣辣咁，譚仔最多小辣既我食左兩塊就投降了）食到8點45分，餐廳員工話last order之前上網再睇，先知原來餐廳收9點係我冇留意清楚既，冇諗過收得咁早，因為入坐個陣放低左蛋糕（切餅費$100）所以埋左單就馬上叫佢上蛋糕了⋯雖然食完蛋糕都過左9點，不過餐廳員工都冇講d咩，感恩感恩

之前試過walk in幾次都冇位，今次平日晚上六點幾成功攞飛，不過都要等一個鐘，有裝修，有海景，座位很舒適，除咗有員工，亦都有機械人藤來藤去收集下欄嘢。見到有推廣，食滿$800又以PayMe,支付寶等電子消費會有七八折👍🏻，食物款式有啲都幾吸引，當然要試吓出晒名嘅片皮鴨🐤，我哋兩個人叫咗半份，$198 ，鴨皮已清走肥膏👍🏻，墊底的鴨肉都好味，值得推介。另外叫咗🌶🐟水煮魚片 $298，很多魚肉，又大嚿又厚肉，不過配菜好少（只係得少量薯粉，萵筍和金菇），都唔算太辣，可以一試。再嚟就係松子黃魚半條$168，賣相很精緻，份量細，相信只夠兩個人食，切開都係得四舊，芡汁略甜，可以試吓。小籠包$98有5隻，內裏有湯，塊皮感覺唔夠滑，正正常常冇驚喜。叫了杯特飲，🍹熱情果菠蘿梳打$38，賣相好睇，味道清新，👍🏻眼見很多人都有叫這杯飲品。兩個人冇浪費，飽到捧住個肚走，總括食物質素都唔錯，78折即全單平咗成176蚊👍🏻👍🏻，如果冇折扣就覺得偏貴。

一行6人即興約食飯最後決定去城中鴨子食片皮鴨由於不能訂位 只能早點六點去拎飛都要等到7:30才能入座 .一開始叫1隻片皮鴨加7個菜但第一個上菜的竟然是上海粗炒!而重點的片皮鴨要等到最後才有…而且份量都偏小松子黃魚也只能奇怪的叫半條份量食完片皮鴨後要再叫幾個菜才夠味道正常 不過略嫌有點油膩炸蟹鉗外層炸得鬆脆而裏面肉質彈牙 不過對比其他價錢有點略貴反而當中比較驚喜的是賽螃蟹和左宗棠雞賽螃蟹口感嫩滑 當中還有許多蟹肉和瑤柱絲而左宗棠雞咬落去充滿肉汁 味道也剛剛好片皮鴨比較欣賞的一點是皮和肉是分開的而且鴨肉部份也不會太韌不過份量比較少 味道普通沒有鴨香而且他的餅皮比較厚以及容易破經常在包的過程中已經穿了

今晚同屋企人食飯，因為心心念念左扁皮鴨好耐，就決定去城中鴨子食見佢個柚子沙律係推介，就叫咗嚟試吓，柚子好清甜，上面仲加一啲芋頭絲做點綴，好有口感，令個沙律食落更有層次。跟住係個牛肉餡餅，比想像中好吃太多了!!!一切開啲肉汁爆曬出嚟，好juicy呀😋😋😋😋而鴨肉炒飯就好有鑊氣，啲飯粒粒粒分明，但係唔食青豆嘅慎叫呀!!!😣小籠包都超級美味，加少少醋一入口啲肉汁又爆出來了，屋企人都好鍾意🥰🥰🥰跟住去到個蟹鉗，兩隻原隻蟹鉗好鮮甜，配埋佢比嘅酸甜汁，好想再encore呢一個，小朋友大人都鍾意😝屋企人好鍾意食魚，同埋佢都有特別推介，所以就叫咗一個水煮魚片，魚片非常之多，配料有腐竹，金針菇，寬粉等，好香辣好惹味終於嚟到重頭戲扁皮鴨，覺得完全冇揀錯餐廳，將扁皮鴨放上面皮上，加上青瓜同蔥，一啖擺落咀，覺得沒有白行一趟，稍有不足就係所有鴨都係已經在後邊切好，寫到依度已經好想再食多次😙😙😙😙

早前海港城推出優惠券，每$200 - $100, (新一輪優惠券每$300 - $100）所以就去咗好想食好耐嘅食中鴨子。見佢比尖沙咀其他食扁皮鴨嘅地方平，所以一開始都冇乜期望。本人5:30pm去到餐廳等位，最後都要差唔多8:30先入到去。所以入到去嘅時候就真係好肚餓。講返食物先，我哋嗌咗小籠包，擔擔麵，茶樹菇上湯翡翠苗，同埋半隻片皮鴨。.食物賣相方面認真唔錯，嘢食嚟到嘅時候香噴噴。扁皮鴨比我預期中好食，肉質唔會太肥，包皮夠薄唔會易穿，入口感覺一啲都唔肥膩。絕對對得起$198呢個價錢.至於小籠包同擔擔麵，覺得同其他地方差唔多，但係小籠包勝在皮夠薄，擔擔面亦都唔算太辣。上湯翡翠苗湯底一流不過偏鹹（本人食得較淡口）.總括嚟講，如果你有時間，肯等位，就去馬啦！

為左慶祝生日，男朋友安排左一日嘅美食之旅，第一站午餐就去食我講左好耐想食嘅北京填鴨，每次經過城中鴨子都好想食，但係每次都覺得嗰兩個人食唔到啲咩，終於今次午餐唔駛點等，又因為生日就咩都唔理，照衝左入去先🏃‍♂️得兩個人，再加上我戰鬥力唔高，所以只係叫左半份北京填鴨($198) 同上海粗炒麵($138)就完了😋上海粗炒麵都上得幾快，5-10分鐘度就已經上菜了，我鍾意佢唧嘅麵偏硬，有咬口，係我喜歡嘅質地，味道都足夠，唔會過鹹，不過如果可以多啲配料就好了🧐到重頭戲北京填鴨了，呢度嘅係片到皮肉分開，你可以自己選要唔要淨皮唔要肉，定淨肉唔要皮，再加上配料京蔥同青瓜，淋上甜麵醬，用餅皮包住食。鴨皮烤到香脆，痴住少少脂肪，連埋鴨肉一齊包嚟食，有鴨油嘅香，鴨肉都好有味道，配料就加返少少清新嘅感覺，食落去好幸福🥰最後兩個人都食到飽一飽都食唔晒所有野，半份片皮鴨我估都足夠填飽我地6-7成肚，下次可能半份片皮鴨再加啲小食就可以了。最後埋單連加一$369，但有海港城dining券，用完只係$269，人均$135可以食到片皮鴨，食到飽一飽，CP值超高🤤

是日星期六12:10呢個時間去唔需要排隊⋯來食「城中鴨子」最重要緊係食佢個扁皮鴨啦今次嗌左扁皮鴨：三個人食如果唔係好大食，其實嗌半隻鴨就夠，但其實雖說半隻，可能得十幾片，唔係好多宮爆雞丁：呢個我覺得似係甜辣，肉粒比較細，整體評價麻麻地炒飯：炒飯都唔錯，但係因為扁皮鴨比較流，所以就無食曬d飯四季豆：可能因為無食早餐肚餓，一上菜就不停食，好好食，個送裡面有小蝦乾同肉碎，味道唔錯如果下次來，我會想試水煮魚/牛肉，扁皮鴨都緊係要再嗌

5級評分好味😋😋😋😋回頭 🤩🤩性價比 💯💯💯去親海港城都見到勁多人排隊間城中鴨子，見到名氣咁大一於去試吓片皮鴨肉質鮮嫩外皮夠脆，食落都幾唔錯，但係冇得任加京蔥同其他配菜，有少少失望另外仲叫咗個生煎包，推介都幾好食

叫左填鴨、雲吞鴨湯、肉絲炒拉麵、生煎包、豆沙鍋餅，四人食，埋單千零蚊好抵食。填鴨飽肚，雲吞鴨湯有驚喜，不過只有walk in 比較麻煩，經常大排長龍，今次甚至要食六點個輪。

每次經過店外都好多人排隊，見有海港城coupon，今日專登早啲去拎飛，點知都等左一個鐘有多.🦆🦆🦆🦆🦆🦆🦆🦆🦆🦆🦆🦆無錫灌湯小籠包皮薄肉嫩，肉汁量足夠烤北京填鴨半隻鴨皮烤得脆口，鴨肉已去骨，肉質軟嫩，捲皮較厚配上甜醬、大蔥&青瓜🤪不過等咗起碼45分鐘南翔生煎包生煎包外皮好酥脆，餡料好充足，一咬落去d汁爆哂出嚟，要小心啲肉汁辣親個嘴，好滿足春卷齋春卷，香脆可口，冬菇味出眾樣樣食物都好食，又有海景，難怪人龍不斷！味道 Taste：🙂🙂🙂🙂/5環境 Ambience：🥰🥰🥰🥰🥰/5消費 Spending：$250 /人 Person推介度 Recommendation：3.8/5