城中鴨子

营业中

休息中

免費送生猛小強🪳很好吃。Free cockroaches with every meal, cockroach yummy. very special experience!! Service is great, even when food not fully arrive, they kick you out within 90minutes. Please come to this GREAT restaurant! Make sure to ask for the cockroach special

城中鴨子以前海港城可以用優惠券嘅時候，經常6:30已經冇晒位。但因為佢哋一年365日都係唔能夠訂位❌🥲而家平日晚飯時間幾乎唔需要等，可以直接入去😏北京填鴨（半隻）🦆$198（3.5/5）嚟到城中鴨子，梗係要食鴨啦！😌片皮鴨皮脆，皮薄。配上青瓜和聰等配料，配上鴨的油脂，把整個味道也昇華。但係大家一定要快啲食，薄餅好快就會凍，凍咗就唔好食😵‍💫 鴨肉炒飯🦆（4/5）應該係用片皮鴨剩返嘅鴨肉炒飯😂，不過鴨肉嘅份量都好多。炒得粒粒均勻，幾好味。出邊唔多地方可以食鴨肉炒飯😋阿里巴巴椒鹽小羊腿 （4/5）羊肉味道濃郁，肉質嫩滑，沒有騷味！分量十足，抵食兼好食🥰小籠包都唔錯，但未去到非食不可（3/5）城中鴨子 (尖沙咀)📍地址：尖沙咀廣東道3-27號海港城港威商場3樓3319號舖💰:人均250+🌿環境：5/5 （環境安靜，是人多聚會的好地方）味道：4/

招牌填鴨，叫左半隻既份量, 感覺肉有小小柴。入到去係咁吹我落單，原來係廚房要趕係落場，但入黎前又冇提及過佢地要落場。BTW見到隔離檯既人早過我地好多落單都等左好耐。

作為一間fine dining, 想侍應斟水，要叫3次才有人斟，付款要自己去櫃檯比，再講下食物水準，招牌填鴨，肉柴，少許脂肪都沒有，小籠包牛肉陷餅，勉強到街坊酒樓既質素，應該無下次👎🏼

話說新年流流其實開市都唔算好多人去餐廳食飯畢竟好多人屋企自己煮啦👨🏻‍🍳咁啱入到呢一間平時排隊排到天都黑嘅城中鴨仔🦆食個便飯 入到去當然係背山面海⛰🏝景觀優美啦個view 又靚啲餸又靚添👍🏻可惜入口😅質素麻麻😅簡單啲講係個調味出曬事😅🌝叉子燒餅通常叉子燒餅係食個餅嘅香再加個餡嘅鑊氣，而正路佢個餡會係偏濃油赤醬少少，ie.重口味啲又有鑊氣嘅可惜在😅個餅就燒得好到位喇仲好重麥香添，但係個餡又油又漏，上碟嘅時候唔夠熱食唔出鑊氣，個肉碎仲要偏淡，失左個精髓🌝小籠包呢個其實幾好食，個湯足餡實在，皮薄餡靚個醋仲幾香 🌝上海粗炒作為一個屋企係上海人嘅人，expect 入口嘅粗炒應該係有鑊氣，照舊濃油赤醬，個麵應該係有啲咬口，仲有少少少少燶香，成碟野先啱味佢呢😅麵腍算啦冇咩好講大眾口味，個醬油唔夠味，啲料eg.菇唔錯，但係都係冇鑊氣加偏淡，食得唔爽，而冇鑊氣又導致佢食落偏油🌝北京填鴨唉😪一間用鴨做名嘅sort of 名店😪我咁大個仔食咁多次燒鴨/北京賣鴨都未食過隻鴨入口係騷嘅🥲姐係我想講，認真嘅你鴨以外嘅野都係好食嘅但係唔知你肥膏片唔乾淨定係擺凍左隻鴨真係入口係騷嘅😅希望係我唔識貨而唔係你QC出左咩問

自從冇左海港城優惠券呢間都唔洗再大排長龍，基本上平日晚飯時間等一陣幾分鐘就入得！片皮鴨1隻 $380★★★☆☆北京填鴨需要時間整，最好一坐低就點，之後先慢慢點其他菜。呢到完全分開左淨鴨肉同淨皮，唔會有皮連肉。外皮烤得幾香脆，帶油脂，全皮冇帶肉，偏向油膩，一定要包埋肉食先得。鴨肉冇味亦冇鴨香，肉質鞋口，如果淨食佢唔掂。薄餅夠熱，厚薄適中，連埋蔥絲、青瓜、甜麵醬、鴨夾埋一齊食味道正常，唯一係個鴨肉出事。麻辣水煮魚片 $298★★★☆☆見每枱都叫，忍唔住又叫埋一份。用左魚柳而唔係魚片，急凍貨用哂生粉醃過所以食落係好滑口。魚柳份量多，夠麻同夠辣，食落入味之餘夠惹味，加上有少量配菜金針菇、萵荀、薯粉片，索哂個湯汁一流。味道唔差，但呢個價錢應該用番魚片。霸王雞丁 $128★★★★☆新鮮熱辣炸，夠哂香脆同麻辣，雞肉夠咸夠麻但又唔會炸到太乾爭爭。但雞肉份量太少，巨多辣椒，呢個價錢唔係幾抵食。小籠包6隻 $98★★★★☆小籠包皮算係薄身多汁，湯汁偏向清甜唔油膩，肉餡肥瘦肉各半，一啖一個啱啱好。生煎包5隻 $98★★★☆☆小籠包個包底煎得夠脆，但個人略廉個包厚實左少少，肉餡都比較少，肉汁唔多，做唔到爆汁。

鴨子好吃.鴨子皮真的很脆。但係皮厚黏牙🙁唔知咩感覺，價錢198半隻。墨汁炸醬麵冇乜味道。酸辣湯只有辣味，飲緊麻辣湯um……小籠包可以ok，可以食，小籠包熱有湯汁係入面。ok的，第一次食可以叫。0服務，水都要舉手叫，舉手叫都唔係問題，問題係你覺得，你會feel到佢唔想理你，個個都想扮睇唔到😑唔知係唔係我要求太高，期望高左少少，定係我唔識得叫野食。但係我會推薦食片皮鴨&小籠包。重點係我唔會再黎。可以不可再。

網上推薦呢間北京填鴨所以就走過嚟試試，其實宜家海港城多左好多好食嘅餐廳，雖然小貴🥹但有時都可以食好少少～～今次嘅食物叫左：1）烤北京填鴨 半隻（$198）2）阿里巴巴椒鹽小羊腿（$148）烤北京填鴨上菜嘅時候幾有儀式感🤣幾大個碟！肉量方面都夠包10-12塊🤣2個女仔share都夠，試過食多就滯醬汁、配料、肉都新鮮好食嘅，正常水準🤔未到真係好驚喜反而阿里巴巴椒鹽小羊腿有驚喜，肉質嫩而多汁，配上椒鹽好夠味😋😋仲要肉量好多😂😂根本食唔曬，仲有包配埋一齊食🥰👅食物評分：⭐️⭐️⭐️⭐️環境：⭐️⭐️⭐️⭐️回訪度：⭐️⭐️⭐️⭐️

今日舅父聽到婆婆話好想食片皮鴨，就二話不說揸車入嚟食😆唔知係我哋好彩定假期啲人未返… so far泊車唔算難，等位都係4張枱，大概半個鐘…食物烤北京填鴨🔥必食 $380/隻呢個真心等得耐，如果大家係想食呢個，一開枱就即落單先！之後先慢慢睇其他嘢食…因為呢隻鴨都等左成個鐘…食晒野都仲未上，催至有🙃我哋今日食呢個都可以！皮係脆嘅…肉質都ok，唔太乾~我哋4大2小就食1隻…其實嗌1隻係抵啲嘅羊肉湯麵🔥呢個都真心好食！個湯好濃…(食到尾覺得有啲鹹)個拉麵似手打🥰幾彈牙！2個細佬食得最多係呢個❤️麻醬雞絲粉皮 $98食我最愛嘅雞絲粉皮🥰但點解個底有麻辣🥴墨魚汁炸醬麵呢個冇墨魚味，但有XO醬嘅味！一定要撈勻先😂如果唔係會有啲好鹹，有啲冇味炒拉麵鐘意淡味嘅，可以嗌呢個，因為係我哋嗌嘅野食之中，佢算冇乜味…呢個都係嗌黎for小朋友食炸春卷呢個一上枱😂小朋友隻手已經飛過去拎真係即炸即上，超熱！超脆！個涵係菜，都好食😋蜜桃泡泡好有茉莉茶嘅味道！反而冇乜蜜桃味…環境我哋㩒咗5個人飛，等4張枱都唔算好耐，佢哋俾咗有轉彎位嘅卡位我哋，都坐得舒服嘅！食到9點幾，開始近窗邊冇人坐，2個細嘅就企係到睇夜景🌃

今日城中鸭子消失655.6，以下是所点菜式与个人感觉。1、上海云吞鸭汤不推荐，味道普通，送的时候还潵了一点。2、扬州小葱鸭肉炒饭不推荐，入口很油，比较普通的炒饭油下的比较多，米饭有点偏干，咸味正常3、点的两杯饮品还不错4、重点是烤鸭！等待的时间超级漫长，基本上吃完了都没有送来，最后等了55分钟，烤鸭是推荐的，挺好吃的（酱有点偏甜，鸭皮放多会腻）5、隔壁桌后来的，十分钟就上了烤鸭，就很不合理。6、凉菜是可口的

今晚男友話想食飯 上網隨意搵緊中餐見呢間啲食物唔太貴 食物環境相片又睇落幾好最緊要係佢喺海港城 可以泊車我哋食咗3樣餸：松子魚 4/10北京填鴨 5/10宮保雞丁🌶️7/10由於本人唔食魚 只間中炸魚無骨魚 好怕魚腥味呢條魚對於唔食魚/唔鍾意魚味嘅人 真係會好低分。不過我男朋友鍾意食魚嘅，佢就話唔係特別腥🥹北京填鴨，佢將肉同埋皮分開咗，我就唔係太鍾意，味道都冇乜特別驚喜。我會希望係肉同皮連埋一件 唔好分開，比較傳統正宗填鴨切法，所以呢一碟餸我都唔係太滿意😔最後本來諗住要我京都排骨，但最後見到有宮保雞丁轉左軚。好彩都轉得非常啱，因為呢碟係最好食嘅餸。佢辣得來非常爽，我不停食，不停噴氣，但真係幾好食😍😍🤪😋所以我諗其他餸應該都幾好食，我會再返嚟試唔同嘅嘢。

📝有朋自遠方來，一連幾日為食mode啟動😋同朋友嚟試吓呢間喺海港城嘅長龍店「城中鴨子」，今日around八點鐘嚟到，二話不說衝去攞飛，見十張枱倒就去行陣街，唔夠半個鐘行返嚟已經過咗一張枱，幸好侍應姐姐即刻後補返👍🥢釀香樓牛肉餡餅牛肉餡餅賣相沒有特別吸引，Size比想像中小，皮薄酥脆，肉味不濃，但肉質嫩滑，口感還是不錯，皮脆而爆汁🥢燻魚燻魚口感外酥內軟，味道濃郁，料理重點在油炸、浸泡、做法繁複，魚切成小塊吸收了鮮甜嘅醬汁，最適合做餐前小食🥢田園蟲草花炒翡翠苗加了高湯嘅翡翠苗配搭蟲草花和荳芽，味道爽脆清甜🥢烤北京填鴨重頭戲北京填鴨等咗半個鐘終於嚟喇，近年在香港頗受歡迎，價錢亦平易近人得多，香嫩的鴨肉及富有油香的鴨皮配青瓜和青蔥，加上傳統海鮮醬夾住薄薄嘅餅皮，風味十足🍨炸雪糕金黃酥脆的外皮配上軟滑朱古力雪糕，灑滿脆片和腰果，加上外熱內冰的口感，十分邪惡🥰🚩城中鴨子📍海港城港威商場3319舖#尖沙咀美食📌總體食物有水準，甜品有驚喜，坐位間距稍逼，服務一般

第一次來到這家食店，北京填鴨是必吃的小菜。我們點了烤北京填鴨半隻，無錫罐湯小籠包，雲吞鴨湯，還有青蔥麻香雞。北京填鴨的皮和肉分開，皮烤得得脆，肉的質感有嫩也有韌也有烤出來的味道，口感也不錯。麻香雞吃起上來十分惹味，入口極佳，吃起來十分開胃，小籠包稍為遜色，沒有什麼突出，跟－般餐廳吃的差不多，也算是不過不失。這裏在於座位環境寬敞，坐得非常舒服，和朋友進餐聊天必定是其中一個好的選擇，價格算是中等，值得到來一試

平日午餐時段，海港城尖沙咀店沒有訂座服務， 全店滿座， 但上菜速度都好快， 客服人員也很親切有禮，每款菜式份量適中，味道都很有水準。有加一服務費，但没有茶芥收費，值得一讚。

兩個人晏就想食中菜又想單調咁去飲茶就可以試下佢，可以食佢個小龍包，加其他小食，都叫有啲唔同😂😂最好味都係個甜品，其他野食就不過不失咁，四喜拼盤都可以試下，叫做可以食副唔同野