四寶食堂 (已結業)

補寫食評用餐日期：2021年12月27日 星期一聖誕假期最後１天，到旺角做facial treatment，做完剛好是下午茶時間，找地方tea 一tea，一直想試試豉油街的四寶食堂，要等位，等了約５分鐘，才入座。點了下午茶餐，包括以下的：#招牌熱狗：脆皮腸、芝麻包、黃芥末的經典組合，我吃熱狗就是為了脆皮腸，四寶食堂的熱狗用上雙腸，開心double up！#熱鴛鴦：有澀味，失望！服務：不能算好！被安排坐到最裏面的桌，人手不足，點餐等了挺久；阿姐上熱鴛鴦時太大力，鴛鴦倒瀉在碟上，鴛鴦不好喝，少喝1、2口也沒損失。

外觀睇上去係西式的Tiffany blue，名字好港式，餐牌都好港式冰室，但入去一牆的花，非常少女心餐牌上有d新穎，草莓豬扒，酸酸甜甜的，食到草莓的味道，唔會好膩，驚喜精選甜品系雪糕配炸冬甩，驚喜，好食

呢間已經第二次食，坐得舒服的茶記仲有靚靚花花牆打卡，款式又多👍🏻.黑蒜油叉燒滑蛋飯 $60上次已經想試係呢到招牌，好大碟呀勁多叉燒，滑蛋相當不錯大大塊又細滑，黑蒜油味道幾得意同蛋幾夾.椒鹽豆腐金磚 $68好多呀！！！豆腐真係好滑，同唔會太濃味正👍🏻.紅菜頭鯷魚軟殼蟹意大利粉 $98見到個名好得意就叫來試下，紅色嘅意粉入邊仲有一塊塊紅菜頭，仲有好大件軟殼蟹🤩味道似茶記炒油麵但用咗意粉炒幾得意嘅fusion咁菜，蒜味濃厚.兩個女仔食唔哂🫣呢個價錢好抵又可以嘆杯港式咖啡，經開附近會再來食！

午餐時間，經過旺角四寶☀️見到有個好架勢ga名：馬糞海膽c 伴坑燒半熟中拖羅忌廉汁意粉🍝仲要只係$6x!! 即刻衝動入去試🤔！👍半熟拖羅🐟有油脂香味👍🍝海膽汁掛係意粉，野味，有咬口～😽絕對唔係hea 粉本人非常滿意😉超有誠意嘅茶記西餐👍

第一次食拔絲咕嚕肉既拔絲唔好脆，而係好似啲中左重感冒既鼻涕咁杰到拉絲既效果同口感， 師傅有返兩度板斧，啲肉炸到乾爭爭俾鼻涕包住都搞唔掂。乾炒牛河冇鑊氣，食多幾啖仲苦落地既。西多唔脆，errr，自己整仲好食。#test_tst______________________________🏠 四寶食堂📍旺角豉油街23號地舖‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾........#hkfood #hkfoodblogger #hkfoodreview #weekendvibes #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt #travelhk #茶餐廳 #西多 #咕嚕肉 #throwback#먹방 #맛집 #맛 #홍콩  #홍콩맛집#comida #restaurante #everysingleday #happyhour

中午同同事過左黎呢間四寶食堂食lunch , 因為經過見到佢門口大大張poster 介紹呢個「蔥油煎蛋豬扒飯」，所以過嚟試下佢。一般我都會預實物係會差過poster ! 點知今次竟然係調返轉！個飯實物上枱，又香又大碟！ 我男人老狗都忍唔住影返張相支持下。件豬扒真心正👍🏻煎得又靚又香，肉質都唔錯，幾易切，又唔會乾。個蔥油直情係世界級！油份又足又香！撈飯食一流👍🏻仲叫左杯奶茶，不過冇影相！幾滑口，茶味濃！呢間一定會再幫襯👍🏻

正所謂生意難做，要係香港飲食界哩片咁激烈嘅土地上爭一席位唔容易！香港嘅茶記五🌼八門，數目可以媲美7仔，要點先可以突圍而出呢？🤔八寶食堂就正正係可以打卡之餘，食物又抵食夾大件嘅餐廳喇😋！舖頭裝修以👰🏼‍♀️👸🏻閨密喜歡嘅色調同風格為主，就咁睇令人聯想起Barbie 嘅少女色系。旁邊一大片嘅🌸🌼🌺花花牆更係打卡必坐嘅位置！食物方面就不得不提店舖招牌菜 - 喜哥蔥油豬扒太陽蛋飯🐷🍳🍚（$62），哩個飯簡直係一人價錢2人份量！講緊唔係d 飯多，而係大大塊豬扒！豬扒唔柴，配埋蔥油味道好好送飯。而飯都撈左少少甜豉油，加埋豬扒係咸咸，味道有層次！💁🏻‍♀️作為一間茶記好多時都會係中西合璧，而佢嘅西餐亦唔會遜色過一般cafe 質素！🐮🥩板燒美國頂級封門牛柳 ($168) 非常出色，今次叫左medium well， 但都十分嫰口又多肉汁！是關所謂嘅🐮「封門牛柳」(Hanging Steak) 係指橫隔膜邊上嘅肉🤪，油花比較少，肉味亦都係偏濃，每隻牛都只係得一條，非常矜貴✨！🥚🐔邪惡咸蛋黃松露雞中翼 ($48/6隻) 係餐廳嘅highly recommend菜式，啖啖咸蛋香同細砂口感，同時又會有松露嘅野菌香味

四寶食堂 今次又食茶記，又黎四寶，之前去過其他2間分店都好食，試埋呢間炒蛋丶多士丶奶茶之前食過印象好深刻 所以今次再叫haha食材越簡單越考功夫最欣賞個多士烘完個包甜甜地 都仲係好軟身 熱辣辣奶茶無得彈 茶香濃 少甜都依然好好飲炒蛋 嫩滑 火候剛好燒美國頂級封門柳5成熟 蒜蓉醬封門柳好出色 覺得媲美到高級餐廳既牛扒5成熟真係5成 牛肉粉粉嫩嫩 吸睛之餘 入口美味 肉味濃 基本配烤蒜頭已經好好味 吾洗靠醬汁調味招牌瑞士汁牛河瑞士汁吾係好甜個種 熱辣辣好食牛肉都比好多 滑身蒜蓉炒菜心我好中意haha 有大排檔風味獲氣再勁d就更出色燉湯甜甜地 好補既感覺西湯忌廉粟米湯超濃郁 好好飲呀阿華田雲朵打卡一流 都幾好飲

呢間茶餐廳裝修別具特色以湖水綠色為主調，並有打卡花花牆🌸食物亦具創意呢！-🍗冬蔭功腐乳醬雞中翼（$48）一碟有6隻雞翼大大隻，外皮香脆👍🏻面頭嘅加咗冬蔭功同腐乳醬咸香嘅腐乳味好濃郁不過就食唔到酸辣嘅冬蔭功味喇！🍜招牌沙嗲牛肉公仔麵($55)沙嗲牛肉公仔麵好足料牛肉大大塊沙嗲醬唔但只有花生香仲有花生粒，增添咗口感呢🥜呢款晚市常餐仲包括有嫩滑炒蛋、香煎火腿及牛油丹麥多士，超級豐富！凍奶茶（+$3）晚市常餐奉送熱飲，好抵食💕奶茶香滑，正呀😋🍲三杯鮑魚雞煲（$98）除咗港式常餐、西式扒餐之外呢間茶記仲有小菜供應，款式多元化呢！雞肉非常入味食到有三隻鮑魚，好足料呀😍醬汁甜甜哋帶微微酒香撈飯食一流🍚套餐仲附送燉湯及熱飲喔👍🏻湯底好多配料味道唔太咸，相信無添加味精呢！

未睇食評之前次次經過呢間野都以為係打卡呃like餐廳。但睇左一輪OpenRice d 評論，膽粗粗去試下佢。————————————————————————呢次係接近lunch time時間去，本身想去食常餐，但入到去比lunch set吸引到，所以我叫左個麻辣滑蛋牛肉。————————————————————————呢個度個麻辣滑蛋牛肉飯好正 好足料。蛋嘅部份cover曬成個飯，個面重有十塊以上嘅滑牛配埋辣度適中嘅麻辣汁好易就食曬成碟飯。

以Tiffany Blue顏色做招牌嘅茶餐廳 好特別完全有別於一般嘅茶記今次去咗旺角分店入面仲有花花牆嘅特色裝修打卡•依間茶記真係好多嘢揀如果中茶唔啱食 仲可以揀西餐意粉/据扒黑松露帶子意粉🍝意粉質地軟硬適中香濃黑松露汁 令每條意粉都掛到汁仲係即叫即整 夠晒熱辣辣估唔到西式同樣美味招牌沙嗲牛肉麵 配炒蛋牛油多士$54去襯茶餐廳真係必食嘅常餐嚟 今次都唔例外濃濃嘅沙嗲汁 再加上好掛汁嘅牛肉真係超開胃😆港式奶茶🥤有別一般茶餐廳超濃茶香奶茶 仲要大大杯配埋個常餐真係大滿足🤤頂級封門牛柳$158 拼薯條🍟嚟到茶餐廳 估唔到仲有封門牛柳鋸扒🫢叫咗5成熟 除咗個薯條超大份之外連啲牛柳都大大份 啱晒我依啲食肉獸啦😂如果嚟到旺角諗唔到食咩依間都係不錯嘅選擇價錢合理 又多選擇👍🏻

🥢喜哥蔥油豬扒太陽蛋飯 $60連骨嘅豬扒差唔多有兩隻手掌咁大，肥膏唔多。豬扒醃得入味，煎得香脆多汁。大量蔥油毫不吝嗇，香得嚟唔會太鹹。整體份量超多，兩個人食都夠。🥢招牌沙嗲金菇安格斯牛肉煲$88沙嗲汁充滿花生香味，味道偏甜，餸飯一流。🥢蟲草花杞子高湯白菜仔$68清淡健康。蟲草花份量超多。🥢比利時朱古力千層蛋糕$48餅皮唔算薄，但忌廉口感順滑，👫一致認為有冧酒香味。🥢奶茶雪糕紅豆冰 +$15📍四寶食堂 (旺角)旺角豉油街23號地舖

自從佢一年前開左之後，我成日星期六都會黎食下午茶，坐得舒服，有得打卡，而且又價錢相宜。今次係第一次嚟食晚餐蔥油豬扒煎蛋飯 大推👍🏻👍🏻👍🏻👍🏻👍🏻首先豬扒厚切，多汁美濃，配上新鮮沙律菜，加上半熟太陽蛋，豬扒配上嘅醬汁非常夾，我超級鍾意😬😍燒美國頂級封門柳（五成熟）大推👍🏻👍🏻👍🏻👍🏻👍🏻呢一份絕對有驚喜，因為冇諗到係茶餐廳都可以食到一份多汁肉淋既牛柳，呢一份配咗黑松露薯條，冇諗到薯條都咁好食😀亦都配咗蒜頭同菜，入口啖啖肉，超級滿足，超級啱我食肉獸。😎山楂菠蘿咕嚕肉西班牙黑豚肉呢個都超級好食，入口非常甜，配上一啖啖的菠蘿，再用豬扒飯嘅白飯黎送餸，一流嘅選擇，絕佳嘅配搭☺️美味指數100分安格斯牛柳配黑醋汁 都係大推👍🏻👍🏻👍🏻👍🏻👍🏻成晚咁多肉同飯類，梗係要點番一個菜類，牛係我最鍾意嘅肉類，呢一個安格斯牛柳薄切，配上酸酸既黑醋，幫助解除油膩飲品方面，點左一杯草莓雪糕拿鐵，但係略嫌太甜，唔係太鍾意😩

入去既時候係11：15am ，踏正早餐尾聲同開始午餐，睇完早餐menu, 都係諗住食午餐，飽d，叫左個叉燒滑蛋飯加凍咖啡份量好大，我一個人同個女食到好飽好飽，杯咖啡都飲淨2/3 ，叉燒滑蛋係我心目中其實佔好高席位，如果餐廳有呢個飯我9成機會都會叫黎食，四寶的叉燒切細片，滑蛋份量好足，而且上枱時係熱到出煙，係即炒，有誠意！咖啡就屬於正常類別，見其他枱個個都叫奶茶，下次有機會都要試下杯奶茶我女話呢間餐廳個老闆應該係港女，裝修係Tiffany blue, 仲有一大大大幅花花牆打卡😂，一d都唔似平時普通既茶餐廳

聽講旺角有間用Tiffany Blue為主色調嘅茶餐廳，仲有一大面打卡花牆，今日有時間終於黎咗朝聖。雖然餐廳太旺場坐唔到花牆下嘅位置，但餐廳環境舒適，嘢食整體都唔錯。喜哥蔥油豬扒太陽蛋飯 $62做得呢到嘅招牌菜之一，係有佢嘅原因。豬扒厚切而且勁大塊，cover咗大半隻碟，睇顏色就知入哂味。豬扒肥瘦適中，入口腍嫩juicy仲要啖啖肉。加埋蔥油同太陽蛋蛋汁一齊食就更加香。黑醬油胡椒粉絲大蝦煲 $88另外叫咗個粉絲大蝦煲，d蝦超大隻，肉質鮮嫩彈牙。粉絲乾身，仲好香胡椒味。燒美國頂級封門柳 $168雖然係茶餐廳，但都有得鋸扒，仲要係頂級封門柳。牛柳好大份，我哋叫咗5成熟，外邊焦脆入面粉嫩，牛味香濃。跟餐仲有廚師發辦沙律同湯。鹿兒島吉士窩夫伴雪糕 $48甜品就叫咗份窩夫，雖然窩夫皮唔夠脆身，但入面夾咗融化嘅棉花糖，點埋雪糕一齊食，都唔錯。粉紅草莓雲朵 & 熱情果檸檬梳打(跟餐+$15)兩杯餐飲都加錢轉咗做特飲。草莓雲朵其實係士多啤梨奶昔面層唧咗d忌廉扮雲，粉紅色打卡一流。熱情果檸檬梳打就酸酸甜甜，好refreshing。。。四寶食堂 (旺角)旺角豉油街23號地舖。。