囍筷大排檔

营业中

休息中

由坪洲開到嚟銅鑼灣，港式復古風，門口就已經係打卡位——霓虹燈招牌、懷舊牆壁，每一個角落都好似時光倒流返去舊香港咁📼🐟 馬友煎鹹鮮（⭐大推）每日由出名多靚魚既坪洲直送，新鮮、魚油脂一咬爆晒出嚟！煎到魚皮脆卜卜、魚油香到...🤤一啖落去即刻知道唔係普通街市貨。真係食過返唔到轉頭～🍞 帶子多士酥炸多士好鬆脆，冇油淋淋嘅感覺，每件上面鋪住兩大粒帶子，好豪氣～咬落去外脆內嫩，層次感勁足。性價比高，打卡又夠靚！🐙 椒鹽新鮮鮮魷外皮炸得夠酥脆，內裡仲保持到鮮魷嘅爽彈！椒鹽味唔會太heavy，啱晒拎住杯嘢邊夾嚟送～有啲似以前酒樓椒鹽中蝦嗰種風味，勁懷舊。🐚 口水花甲王花甲粒粒開晒口，醬汁係偏香麻辣口味，唔係嗰種淨咸！🍲 上湯魚腐浸時菜魚腐吸晒湯汁精華，入口好滑，配埋爽口嘅菜，係成餐飯入面嘅溫柔一頁～鐘意清淡啲嘅一定會鍾意呢味。🐍 頭抽煎焗金錢鱔香口濃味、鱔身煎得焦香，有鍋氣，配合頭抽嘅鹹香提鮮，係懷舊大排檔風味嘅精髓！啱晒啤酒控同飯控。🍊 富士山碳酸柚子飲品造型復古懷舊，打卡一流！味道甜甜，加上氣泡感勁開胃，食咗幾味濃味餸之後飲返杯真係透心涼～

今次嚟到銅鑼灣登龍街永光中心嘅囍筷大排檔，源自於坪洲呢個小島上，店舖延續坪洲主店主打新鮮海鮮，店主每日從坪洲攞新鮮活海鮮，保證顧客可以食到坪洲原味道，餐廳保留咗坪洲鄰舍氛圍嘅熱鬧感同埋人情味，同客人打成一片，亦為客人慶生搞氣氛。餐廳裝潢以懷舊港式大排檔氛圍為主，係一個好地道嘅體驗。脆皮芝麻雞囍筷大排檔嘅招牌座之一，雞肉外皮炸至香脆，雞肉鋪滿芝麻，外層滿口芝麻香，香氣四溢，內裏保持鮮嫩多汁。口水花甲王每日坪洲新鮮花甲，花甲肉質肥美，加上餐廳嘅秘製麻辣汁，麻中帶鮮，開胃過癮，麻辣加鮮甜充滿豐富味覺體驗。乾迫粉絲蝦煲 粉絲用砂煲鍋迫至乾身，砂煲鍋保持熱力同埋溫度，粉絲爽彈入味，粉絲吸收咗海蝦嘅鮮味，再搭上芫荽，非常惹味。懷舊炸大腸炸大腸炸至外酥內軟，油脂香氣濃郁，係好懷舊嘅香港街頭小食之一。鍋塔蝦籽豆腐蝦籽豆腐炸至金黃色，再加上醬汁喺鍋度燜煮至入味，口感外脆內嫩，蝦籽濃郁嘅鮮味同豆腐豆香結合，好鮮美。琥珀糖合桃琥珀糖合桃外層香甜酥脆，內層爽脆，帶有核桃香同埋焦糖味道。

銅鑼灣又一新店開業，今次迎嚟新式大排檔！呢間位於登龍街嘅上樓大排檔嚟自坪洲，阿叔間唔時都會到小島幫襯，佢哋嗰種別樹一格嘅飲酒氛圍真係攪唔掂，每次都令阿叔樂而忘返。今次餐廳登陸銅鑼灣，除保留島上每日提供新鮮生猛海鮮外，仲主打多款傳統特色小菜，口水花甲王、酥炸台山蠔、蜂巢荔茸帶子、脆皮芝麻雞、鍋塔蝦籽豆腐等，款款都經典十足。菜式夠懷舊，店內裝修亦好有舊時回憶，門口、樓梯多個霓虹燈招牌，既搶眼，又夠氣氛。跟老闆傾開，宜家仲喺試業階段，菜式、裝修都會逐步優化，到時期望會以更好嘅資態示人。🥢口水花甲王 ($78)阿叔唔太辣得，但呢個口水花甲王就真係辣得幾過癮。花甲味道夠鮮甜，配上店內自家製嘅香辣醬汁，非常惹味，送酒一流。唔怪之得係店內嘅招牌菜，絕對係嚟到必食菜式之一！🥢鍋塔蝦籽豆腐 ($128)「鍋塔」嘅造法係先煎再烹，師傅將豆腐薄蘸麵粉，裹蛋汁，炸至金黃色後，再落湯等豆腐煨至收汁。呢種烹調方法令豆腐口感濕濕地之餘，亦有外脆內軟嘅質感，配合蝦籽嘅鹹香，雙重滋味。🥢海鮮泡脆飯 ($238)大大份嘅海鮮泡飯，足夠阿叔今次同2位朋友每人食足2碗半。湯底百份百用上新鮮魚熬製，再加入大蝦、帶子、星班等海鮮

銅鑼灣竟然搵到一間專走坪洲風味嘅大排檔叫「囍筷大排檔」，由老字號「囍筷」開新店，環境乾淨企理又有冷氣，保留懷舊霓虹裝潢，大排檔vibe滿分！我一聽到店主每日屯馬兩轉船運新鮮海鮮入城，就知一定要嚟朝聖！最驚喜係坪洲馬友煎鹹鮮，一上枱已聞到煎香味，魚皮金黃酥脆，一咬油香即爆！可能因為新鮮直送，魚肉彈牙入味，完全唔腥，煎得夠香又唔乾柴，簡直係白飯殺手。海鮮泡脆飯亦好正，湯底濃鮮得嚟唔重腥，湯料勁多，特別加入脆米，即嗒即爆脆，鮮甜又有層次。再嚐埋脆皮芝麻雞，外皮脆到似薯片，滿滿芝麻香，惹味非常，雞肉汁豐富。

由坪洲島民們起家的中菜館，最近落戶於鬧市區銅鑼灣。沿用坪洲海鮮，日日新鮮，加上星級大廚坐鎮，以廚藝精湛為大家呈獻一系列經典菜式。從爆炒到清蒸，從油炸到紅燒，從涼拌到燜煮，總有你喜歡的滋味。新店裝潢設計融合現代與傳統元素，讓你在舒適氛圍中享受美食。∗ 口水花甲王 $138招牌菜式花甲王，鮮辣過癮！新鮮花甲浸泡於秘製麻辣汁中，辣中帶鮮，鮮中帶甜！花甲肉肥美多汁，麻辣汁越食越開胃∗ 海鮮泡脆飯 $328泡脆飯是必食菜式，以鮮魚熬製高湯，海鮮材料有星班、帶子、大蝦、花甲、魷魚等。上桌時再即場加入即煎脆米及芫荽碎，提升口感與香氣。一份泡脆飯足夠4-6個大人分享∗ 生煎馬友肉餅 $148一改傳統做法，以香煎代替蒸。煎得香脆的馬友鹹魚肉餅，結合了鹹魚的鹹香和豬肉的鮮味，散發百分百的本土風味∗ 特產馬友鹹鮮 $198很多人會挑香煎馬友，煎後特別香郁油潤，但筆者比較喜歡吃蒸的。做法是用先以鹽花輕抹魚身，然後風爽一夜，鹽分不單止令魚更鮮味，也讓魚肉變得更富彈性，不失為一道老少皆宜的美食。∗ 蜜椒薯角牛柳粒 $158大牌檔必選菜式之一，薯仔粒外脆內軟，醬汁惹味∗ 沙薑豬手 $68筆者私心推介

「吾洗入坪洲都食到新鮮直送海鮮？」數下手指，不知不覺小編原來起碼有十年以上無入過離島，而今次小編就帶埋大家黎到銅鑼灣，同大家介紹一間位於商廈入面，最近先開張，海鮮由坪洲直送既海鮮大排檔 一 囍筷大排檔 @heifai.hk餐廳裝修幾有心思，充滿住大排檔既風味而小編今次就同同行友人嗌左個海鮮二人餐：🌟豉油皇蝦 x 🌟豉椒炒花甲 $150同行友話豉油皇蝦鹹香入味，可能連殼都可以食埋🤣好好餸飯，而小編嗌既豉椒炒花甲，豉椒味好出，花甲雖然細細粒，但系亦食得出鮮甜味🤤👍🏻👍🏻🌟芒果布甸 $38小編仲嗌埋芒果布甸，作為飯後甜品，芒果布甸加花奶，真系好經典，系香港獨有既味道🤤👍🏻📍囍筷大排檔地址：銅鑼灣登龍街28號永光中心1樓#銅鑼灣 #囍筷大排檔 #囍筷 #登龍街 #大排檔 #留港消費 #支持小店 #豉油皇蝦 #永光中心 #覓食銅鑼灣 #食在銅鑼灣 #為食關注組 #豉椒炒花甲 #海鮮大排檔 #香港美食地圖 #銅鑼灣食乜好 #l#九十後行到邊食到邊 #HKIG #HKIGER #HONGKONGFOODIE

成日都想食新鮮海鮮但又唔想去到流浮山西貢咁遠，呢間本店喺坪洲嘅大排檔竟然開到嚟銅鑼灣，而供應嘅海鮮都係嚟自坪洲，咁就唔洗去到離島都可以食到平靚正嘅海鮮，而且仲仲有唔少坪洲傳統同懷舊菜式。餐廳每日都有唔同嘅是日生猛海鮮應市，好似今有就有蟶子同鮑魚。老闆仲請咗我哋食由坪洲帶出嚟嘅芝麻餅，脆口得嚟芝麻味非常香。椒鹽鮑魚 $45@鮑魚以椒鹽炮製外層炸至金黃微脆，面頭灑滿蒜粒同辣椒碎，食落非常香口。咬開後鮑魚肉質彈牙唔韌，椒鹽嘅鹹香完美襯托出鮑魚嘅鮮味。脆皮芝麻雞(半隻) $188雞以半隻嚟講都算大隻，雞皮炸到金黃，表面滿佈烘烤過嘅芝麻，入口先係食到滿滿嘅芝麻香同香脆雞皮，繼而就係雞油嘅甘香同嫩滑多汁嘅雞肉，點埋芝麻醬食就更加香。砵酒台山蠔 $388台山蠔肥美大隻，而且飽滿鮮甜無腥味。砵酒醬汁濃郁帶焦糖香，配埋洋蔥味道就更加有層次。雖然價錢稍高，但蠔嘅數量一d都唔少，人多share就啱晒。鍋塔蝦籽豆腐 $128豆腐用粉漿包住炸至金黃，面頭鋪滿橙紅蝦籽，賣相樸實但係鮮味十足，豆腐食落外脆內嫩滑。。。囍筷大排檔 (銅鑼灣)銅鑼灣登龍街28號永光中心1樓。。

好耐冇去港島果邊食嘢啦，朋友生日就試吓呢度，環境有點懷舊feel,服務都幾好他們會介紹有咩食，我哋揀咗奄仔蟹好鮮味椒鹽鮑魚和帶子多士等等…梗係唔少得同朋友仔切生日蛋糕，氣氛勁好全場食客一齊唱生日歌哈哈😄有下次會再來

最近發現銅鑼灣竟然有間性價比高的大排檔餐廳，而且裝修極具香港懷舊風格，一上電梯就見到大型霓虹招牌，非常有氣氛，坐得舒服打卡一流📸🐟【海鮮每日新鮮直送】據說所有海鮮都係由坪洲新鮮運到，質素有保證，無需坐船離島都食到靚海鮮，絕對方便都市人！午市其實抵食🥣 每日例湯開餐先送上例湯，清甜暖胃，味道不會過鹹，是個不錯的開始～🦪 椒鹽鮑魚非常驚喜的一道！鮑魚大隻又厚肉，內臟已去除，咬落啖啖肉、超彈牙，外層微脆、調味香口，令人回味。🫑 豉椒炒花甲熱辣辣上枱！花甲肉質新鮮，炒得夠鑊氣，醬汁掛得均勻，好送飯。配碗白飯簡直完美😋

銅鑼灣呢間懷舊風大排檔主打每日由坪洲直送嘅生猛海鮮，亦都有多款鑊氣小炒小菜，岩哂一班人嚟聚會🥳 想講估唔到喺度食到人生豆腐！佢哋嘅鍋塔蝦籽豆腐係將豆腐沾上蛋白漿高溫油炸，外鬆內嫩超驚艷🥹 餐前小食必點口水花甲王，自家製香辣醬汁勁惹味🌶️ 脆皮芝麻雞亦係招牌之一，外皮非常香脆🍗 最後連甜品芒果布甸都係坪洲送過嚟，啖啖果肉超香甜，好味！🥭 成餐飯都好滿意，而且環境行懷舊風又舒適，大大力推介俾大家🫶🏻

📍「囍筷大排檔」- 銅鑼灣平時食海鮮都要一大班人先會食，估唔到呢間嘅午市套餐都有海鮮食，而且海鮮係來自坪洲，唔需要入離島都食到平、靚、正嘅海鮮😍📷餐廳係永光中心1樓，唔算難搵😗餐廳佈置充滿懷舊風，仲有好多霓虹燈裝飾，好岩打卡😝午市海鮮lunch set HK$80 起，其他非海鮮嘅套餐仲抵，大約HK$60 起，仲包埋中湯同野飲，幾抵👍🏻係社交平台 like 仲會送坪洲名物芝麻餅添😍🍴蒜蓉粉絲蒸扇貝💰HK$95✨推薦指數：8/10一碟兩份蒸扇貝，大大隻扇貝夠新鮮，粉絲整得勁入味，吸哂炒香咗嘅蒜蓉同扇貝嘅鮮甜，用嚟撈飯都好正😋每個餐都包碗中湯，今日係花生眉豆煲雞腳湯，花生眉豆焾到化，湯底香濃又唔油膩，飲完成個人暖粒粒😛餐飲揀咗杯熱奶茶，奶同茶嘅比例岩岩好，幾正😗

終於食海鮮唔使特登入去坪洲咁遠😉黎囍筷大排檔就有啦～好鍾意佢個霓虹燈牌好有香港特色今次叫咗個羅漢上素同埋蒜蓉粉絲蒸日本元貝食前者連擺盤都咁認真 睇得出好有美感🤣👍🏻而且味道都好清同足料 至於個日本元貝啲粉絲都好入味 同埋個元貝係好爽口佢個坪洲特產芝麻餅 好脆身仲要差唔多成隻碟咁大塊！雖然係脆但佢一啲都唔油🫶🏼估佢應該係焗嘅唔會話去到油炸咁熱氣同肥仔同埋佢啲座位都好港式 係正宗嘅紅色同綠色配搭 好搶眼職員嘅服務態度都好好 做嘢好爽手我見呢間大排檔都仲有好多海鮮選擇！！下次一定要嚟試其他款式

飲個勝嘅！我終於在銅鑼灣找到我要不斷encore的餐廳了😍 這家餐廳是坪洲「囍筷」的分店，在銅鑼灣插旗一絲不苟，從濃厚的大排檔風味裝潢，到坪洲直送海鮮及一款款鑊氣小炒，每個部分都做得很細緻，加上職員真的太熱情好客，每一桌來的客人真的是飲飽食醉大滿足地回家！🔸蒜蓉粉絲蒸蟶子這裡的海鮮都是坪洲直送非常新鮮，選購的想吃的海鮮後需要再選擇料理方式，很有風味，蟶子真的是啖啖肉～🔸海鮮泡脆飯我一個人大概吃了三碗😂因為真的好有鮮味，米飯炸過再下鍋，兩種米粒帶來豐富口感，加上真～的有很足料的海鮮在裡面，光是湯底已經很濃，難怪每一台都點。🔸乾迫粉絲蝦煲這個真的要趁熱吃，粉絲很彈牙，鹹香味特別鮮明，份量很多，不過懶惰寶寶的我不喜歡剝蝦，不然下也很，香口😂🔸生煎馬友肉餅肉餅煎到外脆內多汁，脆脆的口感讓你想追吃，特別下飯，整體不會太鹹。🔸菜甫肉碎煎蛋很大份的煎蛋，每一件都有一定厚度，肉碎帶來一定的鹹味，頗濕潤的。PS:佢個芒果布甸真真真係好好味,記得一定要叫~

cwb室內大排檔~ seafood lunch set at this cozy indoor daipaidong for under $100! perfect for quick work lunches or group hangouts!海鮮午餐由$60up好抵啊，附近返工的朋友可以試試，都好適合一班人聚會🌶️salt & pepper abalone 椒鹽鮑魚 super tender & crispy. we love the crispy spicy garlic bits鮑魚超嫩脆口，仲有香辣蒜粒，送飯一流🦪steamed scallop w garlic & vermicelli 蒜蓉粉絲蒸元貝the scallop was surprisingly plump for the price & the garlic was so fragrant元貝又大又鮮甜，蒜香十足🥣FREE boiled soup例湯也是送的🫗weekday bonus: FREE DRINK星期一至五來的話會有免費咖啡茶,但我週末來水吧沒有開price: $60-90 pp (lunch)ra

去書展前先喺銅鑼灣食LUNCH！同朋友行去登龍街，選擇真係多到眼花！見囍筷大排檔有海鮮，超好奇就上左去試吓！店鋪有普通午市套餐但為咗食海鮮，我們揀咗特選午餐套餐仲有例湯同白飯任裝，抵食！🍴椒鹽鮑魚鮑魚有半個拳頭咁大，香脆椒鹽外層配彈牙肉質，超滿足！豉椒花甲花甲粒粒脹卜卜，吸滿濃郁豉汁，微辣開胃，配白飯一流！問咗店員，原來店鋪既海鮮黎自坪洲！平時食新鮮海鮮要遠啲先食到，價錢又貴但依家銅鑼灣都可以試到咁抵既海鮮！見隔離枱都點咗幾次扇貝，感覺都係上班族Lunch好去處！