影片
港铁铜锣湾站 B 出口
继续阅读
电话号码
62136403
营业时间
今日营业
11:00 - 15:00
18:00 - 22:00
星期一至五
11:00 - 15:00
18:00 - 22:00
星期六至日
12:00 - 15:00
18:00 - 23:00
以上资料只供参考，请与餐厅确认详情
呢日揾咗呢间铜锣湾嘅楼上餐厅，餐厅名有大排档嘅字眼，不过环境同卫生都好过大排档好多🤭 嚟呢度梗系要食海鲜同镬气小炒啦 。豉椒炒蛏子餐厅用咗苏格兰蛏子，蛏子逐只计钱🤓 蛏子每只都好大条，入口几爽口，豉椒炒够晒惹味🥳椒盐鲍鱼我哋每人叫咗一只鲍鱼，鲍鱼厚身，咬落口几弹牙😎 唔会因为椒盐嘅味道，而盖过咗鲍鱼嘅鲜味。生煎马友肉饼呢个系店员推介嘅菜式，入面有马友鱼肉，味道略带点咸香🐟 肉饼半肥瘦，入口Juicy，令人忍唔住一啖接一啖咁食晒🤩锅塔虾籽豆腐呢个系传统嘅菜式，面头嘅虾籽香味十足，炸粉唔算好厚，包裹住嫩滑豆味浓郁嘅豆腐😍 个人好喜欢呢个菜式。蜜椒薯角牛柳粒一上碟已经闻到好香，好有镬气😮 牛肉都几软腍，味道惹味，送饭一流🙊坪洲怀旧芝麻饼而家打卡仲送呢一个嘅芝麻饼，店员同我哋介绍真系喺坪洲拎过嚟㗎😂 劲香脆，而且芝麻饼嘅面布满黑白芝麻☺️餐厅系由坪洲起家，但系而家唔驶入离岛，喺铜锣湾都叹到高质嘅新鲜海鲜啦😉 餐厅午市时段仲有供应$60免加一嘅套餐，打工仔过嚟食lunch都好抵啊😎
继续阅读
由坪洲开到嚟铜锣湾，港式复古风，门口就已经系打卡位——霓虹灯招牌、怀旧墙壁，每一个角落都好似时光倒流返去旧香港咁📼🐟 马友煎咸鲜（⭐大推）每日由出名多靓鱼既坪洲直送，新鲜、鱼油脂一咬爆晒出嚟！煎到鱼皮脆卜卜、鱼油香到...🤤一啖落去即刻知道唔系普通街市货。真系食过返唔到转头～🍞 带子多士酥炸多士好松脆，冇油淋淋嘅感觉，每件上面铺住两大粒带子，好豪气～咬落去外脆内嫩，层次感劲足。性价比高，打卡又够靓！🐙 椒盐新鲜鲜鱿外皮炸得够酥脆，内里仲保持到鲜鱿嘅爽弹！椒盐味唔会太heavy，啱晒拎住杯嘢边夹嚟送～有啲似以前酒楼椒盐中虾𠮶种风味，劲怀旧。🐚 口水花甲王花甲粒粒开晒口，酱汁系偏香麻辣口味，唔系𠮶种净咸！🍲 上汤鱼腐浸时菜鱼腐吸晒汤汁精华，入口好滑，配埋爽口嘅菜，系成餐饭入面嘅温柔一页～钟意清淡啲嘅一定会钟意呢味。🐍 头抽煎焗金钱鳝香口浓味、鳝身煎得焦香，有锅气，配合头抽嘅咸香提鲜，系怀旧大排档风味嘅精髓！啱晒啤酒控同饭控。🍊 富士山碳酸柚子饮品造型复古怀旧，打卡一流！味道甜甜，加上气泡感劲开胃，食咗几味浓味𩠌之后饮返杯真系透心凉～
继续阅读
今次嚟到铜锣湾登龙街永光中心嘅囍筷大排档，源自于坪洲呢个小岛上，店舖延续坪洲主店主打新鲜海鲜，店主每日从坪洲攞新鲜活海鲜，保证顾客可以食到坪洲原味道，餐厅保留咗坪洲邻舍氛围嘅热闹感同埋人情味，同客人打成一片，亦为客人庆生搞气氛。餐厅装潢以怀旧港式大排档氛围为主，系一个好地道嘅体验。脆皮芝麻鸡囍筷大排档嘅招牌座之一，鸡肉外皮炸至香脆，鸡肉铺满芝麻，外层满口芝麻香，香气四溢，内里保持鲜嫩多汁。口水花甲王每日坪洲新鲜花甲，花甲肉质肥美，加上餐厅嘅秘制麻辣汁，麻中带鲜，开胃过瘾，麻辣加鲜甜充满丰富味觉体验。干迫粉丝虾煲 粉丝用砂煲锅迫至干身，砂煲锅保持热力同埋温度，粉丝爽弹入味，粉丝吸收咗海虾嘅鲜味，再搭上芫荽，非常惹味。怀旧炸大肠炸大肠炸至外酥内软，油脂香气浓郁，系好怀旧嘅香港街头小食之一。锅塔虾籽豆腐虾籽豆腐炸至金黄色，再加上酱汁喺锅度焖煮至入味，口感外脆内嫩，虾籽浓郁嘅鲜味同豆腐豆香结合，好鲜美。琥珀糖合桃琥珀糖合桃外层香甜酥脆，内层爽脆，带有核桃香同埋焦糖味道。
继续阅读
铜锣湾又一新店开业，今次迎嚟新式大排档！呢间位于登龙街嘅上楼大排档嚟自坪洲，阿叔间唔时都会到小岛帮衬，佢哋𠮶种别树一格嘅饮酒氛围真系搅唔掂，每次都令阿叔乐而忘返。今次餐厅登陆铜锣湾，除保留岛上每日提供新鲜生猛海鲜外，仲主打多款传统特色小菜，口水花甲王、酥炸台山蚝、蜂巢荔茸带子、脆皮芝麻鸡、锅塔虾籽豆腐等，款款都经典十足。菜式够怀旧，店内装修亦好有旧时回忆，门口、楼梯多个霓虹灯招牌，既抢眼，又够气氛。跟老板倾开，宜家仲喺试业阶段，菜式、装修都会逐步优化，到时期望会以更好嘅资态示人。🥢口水花甲王 ($78)阿叔唔太辣得，但呢个口水花甲王就真系辣得几过瘾。花甲味道够鲜甜，配上店内自家制嘅香辣酱汁，非常惹味，送酒一流。唔怪之得系店内嘅招牌菜，绝对系嚟到必食菜式之一！🥢锅塔虾籽豆腐 ($128)「锅塔」嘅造法系先煎再烹，师傅将豆腐薄蘸面粉，裹蛋汁，炸至金黄色后，再落汤等豆腐煨至收汁。呢种烹调方法令豆腐口感湿湿地之余，亦有外脆内软嘅质感，配合虾籽嘅咸香，双重滋味。🥢海鲜泡脆饭 ($238)大大份嘅海鲜泡饭，足够阿叔今次同2位朋友每人食足2碗半。汤底百份百用上新鲜鱼熬制，再加入大虾、带子、星班等海鲜，味道鲜甜。上菜时，店员会即时加入即煎脆米同芫荽碎，前者增加口感层次，后者就提升鲜甜度，不如不觉，我哋三个就KO 咗成煲。
继续阅读
同朋友喺铜锣湾揾地方食海鲜，午餐时间就走咗上黎食番餐～ 呢度话系主打坪洲风味嘅海鲜同港式菜，食材质素OK，完美地唔需入坪洲，就可以食到离岛平、靓、正嘅海鲜⭐️香煎特制马友咸鲜煎得外皮微脆，鱼肉细嫩唔腥，咸鲜竟然唔太咸，非常香口，连骨都可以食埋🥢船家煮班头腩用料足。食尽都有～ 班头腩够入味，汤汁浓郁带姜葱香，鱼腩肥美，好味🥢蒜蓉粉丝蒸蛏子蛏子肥美新鲜，肉质嫩滑，蒜蓉同粉丝吸满海鲜汁，入口鲜甜，简单调味好正🥢椒盐鲍鱼鲍鱼弹牙，椒盐香脆，洒上葱花同辣椒碎，惹味又唔会太重口🥢啫啫猪润滑鸡煲猪润同鸡肉嫩滑，酱汁微甜微辣，配洋葱同青椒，远一远都闻到香味❤️甜品方面必定环拣- 吕宋芒布甸：非常有惊喜，满满芒果肉，甜度啱啱好- 南乳脆香芝麻饼：劲酥脆，南乳味突出，芝麻香
继续阅读