嘆撈

营业中

休息中

以前讀書嘅時候好鍾意食嘆甜品，甜品又靚又好食。估唔到開埋鹹食！雖然撈麵係好common嘅食物，但又真係冇乜幾間係出名食撈面！menu好簡單，主要係有唔同款嘅撈麵配搭，亦都可以自己配搭！另外仲有涼菜、小食、同糖水可以食我就揀咗個蟹籽麻辣雞軟骨爆蒜撈（$46），賣相幾吸引，除咗蟹籽之外其實仲有櫻花蝦、紫菜同炸蒜。個撈麵係冷麵黎，夏天食好開胃，個麵吸晒撈麵汁仲有啖啖蒜真係幾正。個麻辣雞軟骨入口先麻後辣！食完濃味嘅撈麵之後就食咗個楊枝甘露($35)，清新番，甜嘅芒果加埋微酸嘅西柚肉，好食得來又唔太漏！依餐性價比好高！

最近忽然又流行“港式撈麵”不過我覺得要自家製係有難度所以我都係出街買算了...呢間位於虹橋嘅 嘆撈 係 嘆甜品 嘅副線主力做港式撈麵/涼皮 同埋 港/台式甜品今次揀左 爆蒜蟹子麻辣雞軟骨撈麵$45醬汁蒜香味夠重，雞軟骨我揀左BB辣，份量多而且好惹味，蟹籽/櫻花蝦嘅數量如小山丘，賣相唔錯。撈勻後，每一條麵都沾滿蟹籽，加埋青瓜絲芫茜等配料就係爽😆。本身說好吃半碗（因為太夜唔想食太多）最後食晒😂....另外仲揀左 芋圓滿盛愛玉 $37鐘意芋圓夠大粒同煙韌感（唔會好粉）襯愛玉冰底比較Light 當宵夜都唔會有罪惡感跟餐加配左 自家制龍眼水$8唔太甜 有粒粒龍眼肉 飲得好舒服

😎 嘆撈 😎屯門井財街15號金銘大廈地下4號舖簡簡單單撈麵 原始 撈出好味道屯門虹橋搵嘢食 放心 唔會搵唔到😂成個範圍雖然唔係旺區，但係靜中帶旺今日入去堂食，所有嘢都食晒😂🐥見佢外賣生意都幾好坦白講佢座位唔多如果唔想等 外賣拎出去食 快靚正簡單但做得出色  成功跑出爆蒜手撕雞蟹籽涼麵 配上多茜 （芫荽）——-圖中所見到成碗都係芫荽 下面勁多蟹子 我叫咗小辣配埋蒜蓉蒜蓉非常惹味 手撕雞索晒醬汁精華 食到唔停口椰汁西米露——-西米唔會太冧 幾好咬 另外加咗$6小丸子

平時夜晚都會幫襯佢嘅鄰居，留意到這間都經常爆滿。決定外賣打包自私食。芒果🥭椰果愛玉🍡（$37.00）（追加小丸子🍡$6.00）成件唔hea。糖水有料到。諗住有幾粒意思意思一下心態的我吃到滿左感，甜水唔係得水，高性價比。大部分都係芒果🥭同愛玉。糖尿病人和想要減肥的人，都可以多吃愛玉凍。100公克的純愛玉凍，99.3%都是水；而它每100公克的熱量只有2大卡，且不含糖，既可提供飽足感，不怕吃進一大堆熱量和糖分，糖水開心食。另外加入了小丸子增加飽足感。綜合芋圓涼粉（$37.00）有椰果，芋圓，涼粉，丸子，蘆薈，如何可以不愛他。每一份都十分之慷慨。蘆薈清甜，丸子有口感。芋圓足料不會成口粉。吃了兩口就比屋企人搶去了。十分受歡迎。下次會再光顧。同一甜品都想再食多一次。

繼續紅橋良心店系列呢間同埋嘆甜品喺同一個老細主打勁辣嘅撈麵店面嘅冷氣真係太強啦就算食辣都搞唔掂 希望下次可以改善食物方面真係冇得輸辣度剛剛好 非常過癮餸菜嘅選擇多而旦份量都大記住要試一試紅薯粉皮就好似張相咁樣夾起一塊塊咁口感好煙韌 而旦勁索汁口水雞燒賣川辣嘅辣汁加埋燒賣辣得來好過癮食辣嘅人嘅最愛

雖然沒有吃宵夜的習慣，但偶爾都會心思思晚餐後吃點糖水或輕食小吃，過過口癮。紅橋這邊好幾家店舖看起來好吸引。本來原店「嘆甜品」的主打窩夫已經是我們很喜歡的，現在變成「嘆撈」，賣港式糖水，也有惹味刺激的小吃。🥢雞。嘆撈（BB辣）手撕雞、辣雞軟骨、青瓜、涼皮，各樣材料都十分充足，BB辣不刺激，不太吃辣的也能接受，青瓜切成絲絲麵條樣子掛上不少醬料，吃量不大的可以當一餐。🥢楊枝甘露經典的糖水，芒果粒又多又大，西米也是大粒QQ的更有口感。🥢芝麻糊不會太甜，有芝麻甘甘的味道。

天氣太熱，要食啲開胃野，虹橋呢間麻辣涼皮好好味。就係嘆甜品相隔一條街。牛柏葉 嘆撈$43 牛柏葉 ＋鹿茸菇＋青瓜 配料芫茜，炸黄豆，炸花生，白芝麻揀咗BB辣，啱啱好，有少少辣同麻味，好過癮。牛柏葉好爽口一啲都唔韌，而且仲好入味，鹿茸菇都好正，口感好似大條版嘅金菇，好爽口，大少少菇香味。涼皮好似陳村粉，滑滑地，吸晒所有辣汁。雞包翅$35裏面嘅材料好豐富，有雞絲、仿鮑魚絲、仿魚翅、木耳、冬菇、雞蛋絲，非常足料。再加咗啲胡椒粉、麻油同醋，好好味😋檸檬🍋愛玉 跟餐甜品 +$10食完辣嘢梗係要食返個甜品啦，仲要只係$10咁平，透明啫喱既愛玉，加上甜甜地嘅檸檬汁，放喺雪櫃雪到凍一凍，簡單嘅材料好味又解暑。

🥢爆蒜味付雜錦撈麵💰$56😈今日又去左4B區覓食😝其實虹橋都真係幾多小店💛我今次就左呢到個招牌爆蒜味付雜錦撈麵🥢佢入面有芝麻八爪魚🐙味付螺肉辣味帶子裙邊同埋中華海哲💛我叫左小辣不過我就稍嫌唔夠辣下次就叫大辣先😝我想講佢個味道真係好似以前成日係小食店十蚊幾包既撈撈冷麵😂佢啲配料真係好多完全睇唔到啲撈麵🤤同埋我地加左佢個招牌自家龍眼水😝佢飲落都幾Fresh同埋個底真係好多龍眼肉🥢爆蒜蟹籽麻辣雞軟骨涼皮💰$45😈而我地另外就叫左爆蒜蟹籽麻辣雞軟骨涼皮🥢佢個味道都係一樣不過我地就揀左涼皮😂佢個涼皮超多勁飽肚😜佢個雞軟骨勁有咬口同埋好脆身仲好入味🤤同埋佢啲蟹籽都好好味

屯門紅橋附近有間嘆甜品嘅分店，嘆撈上次食過佢哋嘅撈麵唔錯，今次試吓食甜品先🥰🤟🏻店內環境大概有10個位置左右，座位舒適我地二話不說揀甜品了男朋友揀咗楊枝甘露😛好大粒芒果肉啊，芒果酸甜，啖啖都係香濃鮮甜芒果味，芒果控至愛！配西米露地，西米比平時食開嘅更大粒，口感豐富仲加咗柚子粒，好足料啊👍🏻我叫咗三色芋團愛玉配西米露好大碗西米露啊，西米份量好多大大快粒，口感稠密😛三色芋圓口感煙韌，食得出紫薯同芋頭嘅味道好滿足啊！另外加咗6粒燒賣，魚肉燒賣係水準之上，唔錯🤟🏻嘆撈屯門井財街15號金銘大廈地下4號舖

今晚10點幾去食嗌佐兩碗麵，開頭嚟錯佐 比錯佐都算。一碗明明寫住走芫茜，但嚟到冇走，但走晒花生同豆：）第二碗都係寫走芫茜同櫻花蝦，當然乜都冇走啦，但冇寫嘅就走晒 搞乜？係咪理解能力有問題 即時講 店員明顯唔想換 仲要唔好意思都冇句 完全接受唔到鋪頭設計廚房勁近枱 好心你哋d同事就唔好咁大聲講粗口啦 講埋d特別粗俗字，唔係唔比講 但返緊工好心注意啦 影響到自己鋪頭 同事態度特別唔得即使野食好食又點 都唔會吸引人地再去食第二次 得不償失

禁堂食令延長，唯有繼續出一人外賣post。今次介紹嘅係嘆甜品嘅姊妹店 - 嘆撈，能夠喺同一條街開2間餐廳就知有幾受歡迎🤤嘆撈自選：涼皮 $28 + 牛柏葉 $10（大家對牛柏葉無興趣都可以試吓豬頸肉 / 手撕雞 / 金錢肚 / 鵝腎，依啲都係小編之前試過覺得好食唔伏嘅餸嚟🤩）同其他涼皮舖一樣可以自己揀餸同麵底，唔同嘅地方係餐廳都有幾款配好嘅餸菜組合俾食客揀~大家可以碌到最後一張相參考吓😍涼皮大片厚身，唔止易夾仲食得過癮🤤最重要係夠入味！牛柏葉唔會太韌之餘又會幾爽口👍唔夠喉嘅小編表示如果數量可以多啲就更好喇🤪小編揀咗BB辣，辣度啱哂初嘗辣味嘅人，而食慣辣嘅就可能唔係好feel到辣。配菜就有芫茜、花生、青瓜同埋小黃豆，數量多到好似唔使錢咁啊🤣

嘆撈係嘆甜品嘅姊妹店，位置喺嘆甜品附近，相距一條街～餐廳主要係賣撈麵同滷水小菜，同時亦有糖水，食物種類都幾多點菜後大約5-10分鐘就有得拎，都幾快手～我叫咗一個牛。嘆撈做底，再加咗四款配菜面底同辣度就選擇左涼皮加BB辣個汁幾惹味，而且唔會好辣涼皮就好似腸粉嘅感覺，由於面積比較大，所以掛到汁～加咗四款配菜來講，個人比較喜歡雞軟骨同埋豬頸肉，雞軟骨好爽脆，而豬頸肉就好厚切👍🏽牛。嘆撈 • HKD$43八爪魚 • HKD$8辣味帶子裙邊 • HKD$8辣雞軟骨 • HKD$10豬頸肉 • HKD$10

爆蒜蟹籽撈麵 $43蒜香味好重，好適合我喱種濃味小子😋 蟹籽分量一啲都唔孤寒，一座小山丘喺啲涼麵上面😍 配搭埋清新嘅青瓜，食起上嚟好爽脆！雞。嘆撈 $43手撕雞夠入味，辣雞軟骨完全唔硬，本身好擔心會食到啲好硬嘅雞軟骨，驚會咬崩牙🤣 喱個餐有得選擇面底，我揀左涼皮，啲涼皮索哂啲汁，好惹味同埋好飽肚🤩五彩冰粉 $10第一次食冰粉，感覺好特別，啲冰粉好似蒟蒻嘅質感，紅糖水又唔會太甜，上面嘅山楂、提子乾、芝麻好有咬口，幾樣野加埋好夾😋 夏天食冰冰涼涼岩哂，消暑一流🤤薑汁糖水小丸子 $27小丸子同已執笠果間 x x山有得fight，食落好軟但唔痴牙😋 但薑汁略嫌唔夠重🥴

愈熱愈想食辣，仲要係特辣🔥🔥🔥.... 因為天氣熱，個人會狂飲野，內濕非常，食辣就可以去去濕！外賣返家嘆冷氣食，疏乎～～～腎片大塊厚身有咬囗 👍+ 栢葉好爽囗，索哂辣汁超正+ 麻辣雞軟骨🍖，份量多，麻辣夠入味配埋勁辣酸辣粉🍜，辣粉煙韌好味我至愛的組合❤️❤️❤️！再加勁多芫茜🥦🥦🥦 我是芫茜控🤣🤣辣到阿媽都唔認得時，再整碗檸檬愛玉！酸甜適中，仲非常止辣，愛玉又唔肥！PERFECT!!!

天氣悶熱，不想吃飯，想吃冰涼開胃的食物。最近在景峰新開一間撈麵店，見到有麻辣涼皮，買一碗來試試。位置：在雲川燒那一邊的小巷，「有料案內所」甜品店旁邊。環境：以白和啡色為主調，室內偏細小，座位亦不多，近門口就有飲品雪櫃、水吧位。牆上掛有貓貓畫，很可愛！服務：提供堂食和外賣，多種款式選擇，麵種都有四款，分別是涼皮、涼麵、紅薯皮和酸辣粉，也有芋圓糖水、小食等，很適合作夏日餐。晚市：🐔雞・嘆撈🍜（小辣）$43涼皮和配料份量算多，涼皮口感有點像腸粉，滑溜滑溜的，掛滿麻辣汁；配料除了有雞絲和雞軟骨、也有青瓜絲、花生、炸黃豆等，吃完一碗其實挺飽的。🥭芒果西米露🥣 $35芒果厚肉清甜，很喜歡😘大大粒果肉，西米露質感稠密，西米比我自己煮更大粒，也有柚子粒，酸酸甜甜，吃到舔舔脷😋！