嘆撈

营业中

休息中

嘆撈最出名就係爆撈自選，好似食撈麵嘅形式咁揀自己鍾意食嘅餸菜同埋麵底，減肥或者keep fit嘅朋友仔可以將麵底轉成青瓜絲底，今次嘅配搭揀咗豬頸肉同埋辣雞軟骨，雞軟骨辣味適中，食開10小辣嘅我都唔覺得辣，豬頸肉爽口質地厚身唔鞋，另外揀咗爆蒜味，有陣陣嘅蒜香味，辣度因應個人喜好可以揀大中小BB辣仲可以加$10要多一碗檸檬愛玉，解油膩 食完個口好清新，味道酸酸甜甜👍🏻👍🏻楊枝甘露加三色芋圓楊枝甘露甜度適中，芒果一樣咁甜，芋圓煙人有口感仲好大粒添#屯門美食 #屯門cafe #屯門 #屯門甜品 #屯門甜品店 #屯門甜品舖 #屯門好去處 #屯門紅橋 #屯門必食 #屯門小店

紅橋呢邊真係好多好野食😋見到Openrice好多好評，一於試吓😋果然正!! 冇失望😋😋室內環境好好，餐桌都好乾淨。不過今日想買外賣返屋企食。❤️雞。嘆撈$43*手撕雞＋辣雞軟骨 ＋青瓜仲有啲花生同芫荽 好正可以揀要咩麵（涼麵/涼皮/紅薯皮/酸辣粉）可以揀要幾辣我兩碗都要𝐛𝐛辣屋企人話好好食!!!見佢勁快食晒😂好多雞軟骨雞絲都幾滑成個感覺真係好fresh呀❤️爆蒜蟹籽麻辣雞軟骨撈麵$45雞軟骨有咬口，蟹籽數量都幾多。好鍾意❤️

朋友住屯門虹橋附近，所以時不時都會過黎搵食，今日食呢間主打麻辣撈麵同糖水，我哋點左：雞嘆撈涼皮初體驗，比想像中厚，但爽滑、索汁。手撕雞同辣雞軟骨啖啖肉，要左BB辣，幾開胃惹味。花生同脆豆增添了口感，芫荽份量爆多，芫荽控必定大愛！白桃烏龍茶（跟餐+$8）自家製的樽裝茶，無糖感覺健康，淡淡的茶香和白桃味，值得一試。爆蒜蟹籽嘆撈色彩相當繽紛，有海量嘅蟹籽同櫻花蝦，拌以青瓜、芫荽及紫菜，相當有咬口。爆蒜亦香濃，吃得開懷，忽然有種夏天就係要食撈麵的領悟！木瓜燉雪耳天氣太熱，點了冷的。木瓜清甜，雪耳滋潤，飲完覺得身心都超舒服。芒果蘆薈小丸子夏天當然要食芒果，香甜的芒果，加上健康的蘆薈，和彈牙的小丸子，一次過滿足晒三個願望！賣相吸引，打卡一流！

日日都三十幾四十度，真係令人無咩胃口。但辛勞返左一日工點都要慰勞吓自己，於是去左虹橋食嘆撈。🐱爆蒜蟹籽嘆撈涼皮（唔辣）$43第一次食涼皮，外表有啲似腸粉但非常彈牙，滿滿大半碗蟹籽加櫻花蝦、芫茜同蒜非常惹味開胃，口感也非常豐富，拌青瓜絲非常清新。好適合夏天食！🐱雞嘆撈涼皮（bb辣）$43挺大碗，而且材料很多：手撕雞、辣雞軟骨、花生、炸黃豆、芫茜、青瓜絲等，每一口涼皮配唔同的材料食都好特別。BB辣唔會太辣，而且很能激起食慾。🐱跟餐可以配飲品+$8 ，揀左白桃烏龍茶。都幾大樽，唔會太凍，而且唔甜，茶味挺香。🐱凍南北杏木瓜燉雪耳$27材料幾足，好滋潤！🐱芒果蘆薈小丸子$37夏天最愛點芒果甜品，酸酸甜甜好開胃！小丸子挺彈牙，蘆薈清甜。注意鋪位比較細，食飯時間可能要等一陣先有位。

第一次食夜晚八點幾去外賣自取出面已經好多人等緊外賣，所以都預左要等落單嘅女店員態度超惡劣，已經冇乜好感等嘅時候店員喺舖頭最入面嗌單號出黎，但因為門口隔左層膠，所以出面其實唔太聽到店員嗌左幾次都冇人應就出嚟嗌，個客人就企左喺門口，店員就發老脾話嗌左佢好多次睇到我o哂嘴，熱死辣辣喺出面等30分鐘仲要俾錢買難受買嘅時候店員話需要等10-20分鐘，我足足等左半個鐘好多步兵都等左至少半個鐘，個個燥到爆（舖頭裡面得一台客…）絕對冇第二次，永久blacklist

屯門係充滿各式各樣小食既地方，今次就黎到呢間港式小店：嘆撈😁店舖入面座位唔多，但一路堂食就一路見到好多人黎買/拎外賣🤣我同朋友分別叫左四樣野食。因為我近排想食得清淡啲 ，所以叫左佢既櫻花蝦荽茜湯水餃(6隻 $32)🥟首先見到櫻花蝦同荽茜既粉量係超多🤣飲啲湯都幾清甜，但荽茜味就唔算太出～餃子就相對細粒啲，份量略少，餡料係白菜豬肉水餃。食落似係灣仔碼頭水餃個隻，但係係好味同係我中意食既😆朋友見到餐牌有爆蒜系列，作為重蒜愛好者既佢當然要試下😂所以我地都叫左一份爆蒜蟹籽麻辣雞軟骨撈麵($45)。因為朋友只係食到小小辣，所以就叫左中間既小辣(佢地有分5種辣度)。店員一送到果陣已經聞到超重蒜味！而且爆多蟹籽！入面仲有櫻花蝦、雞軟骨、紫菜碎同青瓜絲。雖然係麻辣，但唔會得個辣字，麻味做得好出色，就算呢排天氣咁熱，都唔會食到爆哂汗～相反連埋涼皮撈埋黎食，每食一啖都有透心涼既感覺。👍🏻撈完之後，每一條涼皮都充滿住蟹籽，食落除左有涼皮好滑既口感，加埋蟹籽夾雜埋爽脆感。蒜味都夠哂惹味，一定滿足到一班蒜既愛好者。另外，我地仲叫左一份燒賣(6粒$10)，配埋獨家調配既辣椒豉油。本身以為會勁辣，但好彩都唔會。豉油唔

呢間小店嘅撈麵 真係超抵食 大大碗超足料🤑上次試咗個爆蒜蟹籽撈麵✨食落濃郁嘅蒜香味🧄面頭鋪滿蟹籽🦀櫻花蝦🦐仲有青瓜絲🥒紫菜同芫荽 撈勻一齊食 真係非常之惹味💓每一啖都係料 口感勁豐富！

聽朋友講之前成日黎虹橋呢間小店食糖水不過今次反而比佢嘅撈麵涼皮吸引到除左糖水 仲有招牌涼皮 撈麵 小食等等🫢______________________________〰️ 爆蒜蟹籽撈麵 $45一碗有齊五款配料 蟹籽•櫻花蝦•芫荽•青瓜•紫菜打開已經聞到好濃蒜香 蟹籽份量仲好多!撈均之後 每條麵都沾滿蟹籽 勁有咬口調味食落感覺似旺中撈麵(唔知大家知唔知我講邊款🤣但係係好食的 真心好惹味 會想encore!〰️ 嘆撈•自選 $38另一款就要左自選 手撕雞配涼皮辣度方面都可以自己揀 我就揀左唔辣<不過建議點都加少少辣 惹味好多!>打開就見到鋪滿 芫荽•花生•炸黃豆•青瓜絲芫荽嘅份量極多 完全遮蓋左下面嘅涼皮 🫢涼皮係比較較厚身 食落有廣東腸粉嘅感覺不過帶微微嚼勁同米香 自己幾鐘意🤟🏿手撕雞都幾出色 啖啖肉而且好嫩 調味剛好整體份量都唔小 幾好幾好😛

心血來潮口痕痕想食嘢經過一間港式小店招牌名吸引到我「 嘆撈 」@tanlotandessert嘆撈就即管入去試吓係咪真係嘆住撈？😆一睇餐牌原來有咁多款美食選擇嚟到一定要試吓呢度嘅招牌撈撈麵仲有涼菜、小食及糖水等食物款式真係夠晒多而且食物圖片亦都好吸引⊰⊹════════════════⊹⊱💬 ✎食後感 ：✨🧡️【 爆蒜蟹籽撈麵 】一碗撈麵已經有晒五款材料包括蟹籽、櫻花蝦、芫荽、青瓜及紫菜賣相仲好colorful添已經急不及待要撈埋一齊食每一條撈麵都沾著爆多蟹籽聽到自己咬嘅時候有把把聲配以櫻花蝦、青瓜等仲好有咬口而且蒜蓉好香濃好惹味🧡️【 嘆•酸辣粉 】除咗撈麵 仲有自選湯麵選擇酸辣粉都只係$32一碗每碗都配有芫荽、炸黃豆、炸花生及白芝麻等配菜辣都仲有5個等級選擇同我哋叫咗中辣再加一款金錢肚餸菜叫外賣仲可以分湯上攞到返屋企就唔會搞到酸辣粉林晒啦估唔到佢嘅湯底都好濃郁而且酸辣味道剛剛好唔會太酸又唔會太辣另外金錢肚口感好林好入味添最後兩碗埋單$100都唔使好抵食呀❣️

主食加甜品，「嘆撈」有齊晒👍🏻屯門虹橋嘅呢間小店有我鍾意嘅撈撈🤭嘆撈配搭多，好多款都想試嘆撈涼皮配手撕雞（BB辣）$28+$10呢碗撈好足料，大大碗，食到勁飽🤩辣度偏麻。辣味後勁凌厲啱晒鍾意食辣嘢嘅人👍🏻手撕雞份量多，好入味涼皮屬厚身，口感好煙靭😋椰汁西米露 跟餐加$10一大碗，勁抵食☺️好重嘅椰香味，唔會過份甜味道調配剛好，西米份量都唔少㗎‼️芋圓滿盛愛玉 $37真係滿盛🤩每啖都食到愛玉炎炎夏日食愛玉真係好消暑仲有軟糯嘅芋圓同爆珠一齊食真係好有口感🫶🏼嘆撈真係抵食夾大件真係食到肚皮好滿足😆

呢間虹橋出名嘅甜品店開咗一間專食重口味涼麵嘅鋪頭，之前一直都未有機會試，呢日同阿妹喺附近就買外賣做晚餐，發現呢間小店做撈麵一樣咁好食*雞嘆撈 $43*涼麵、雞軟骨、手撕雞、青瓜本身撈麵底已經包左好多材料，有芫荽、花生、青瓜絲、炸黃豆等等，每一啖都食到配料，口感豐富，加埋麻香味既醬汁撈出黎超香口😆*自選撈涼皮 + 豬頸肉 $38*最鍾意涼皮夠曬粗，好咬口之餘，飽肚感十足，豬頸肉啖啖肉，唔會有好多肥膏👍🏻*檸檬🍋愛玉 +$10*呢個甜品啱晒食完辣嘢之後食，透明白色啫喱狀嘅愛玉加微甜嘅檸檬汁，雪凍後食非常解暑🤤仲要大大碗，食完一解油膩感，fresh番😛

屯門地道撈麵小店.7月星期日去到屯門井財街嘅嘆撈食晚餐，由屯門站再轉輕鐵到景峰站落行5分鐘就到，6點到達啱啱好避過左晚餐時間，唔洗等就入得座～餐廳裝修簡單，其間見到唔少外賣生意，似乎都幾受附近街坊支持🫶🏻.餐廳以四川撈涼麵為主，另外仲有啲小食同甜品。今次我地就叫左兩個撈麵同一份燒賣.◽️雞嘆撈(手撕雞+辣雞軟骨) $43涼拌撈麵配菜唔少，有芫茜、花生、青瓜同炸黃豆粒；醬汁方面叫左BB辣，麻辣得黎又辣度啱啱好，啱曬想試下辣嘅朋友😋麵質幾彈牙，掛汁而且開胃，手撕雞同雞軟骨方面份量都唔少，幾啱夏天食！.◽️自選撈(涼麵+唔辣+豬頸肉) $38麵質彈牙，醬料揀左唔辣，但其實都有種麻辣嘅香味！豬頸肉有6塊，味道都唔錯.◽️燒賣 $10我地另外仲叫左份燒賣，係好食嘅燒賣❤️另外佢地仲有個獨家調制豉油同辣油，加埋食唔錯.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我@fibee3b

屯門虹橋嘅嘆甜品就食得多 🍴今次經過發現原來開咗姐妹店~嘆撈望望餐牌 主打四川涼拌之餘 仲有中式甜品😋🔹雞·嘆撈 HKD43辣度叫咗BB辣 配涼皮一打開見到滿滿嘅花生 脆豆 青瓜 芫荽撈一撈就見到底下嘅涼皮 涼皮較厚身 每塊都沾滿咗辣汁 手撕雞啖啖肉 再配埋雞軟骨 口感豐富份量超大碗 抵食！🔸南北杏木瓜燉雪耳 HKD27夏天就係要食啲清爽糖水🍃木瓜大大嚿 食落清甜 加埋雪耳 感覺仲好滋潤 🤭🔹無糖 白桃烏龍茶 跟餐+$8食辣嘢緊係要加枝茶解解辣啦烏龍茶味濃得嚟有淡淡嘅白桃香🍑無糖 飲起上嚟特別清爽💰消費$78🚩嘆撈 屯門井財街15號金銘大廈地下4號舖

🤤嘆住嚟撈🫶🏻屯門虹橋好多唔同種類嘅小店既然有朋自遠方來梗係夜一夜都要買糖水食下啦～自從疫情以嚟都甚少約人食宵夜實在太耐無食了！！於是外賣咗四碗糖水\(≧▽≦)/有椰汁紫米露💜楊枝甘露 芒果（鮮芒果汁底🥭）仲有綜合芋圓（配涼粉～）諗住買到返去大家食飽鮑應該都夠食啦(・Д・)ノ點知一拎出嚟秒速被吞噬😨仲問我做咩買咁少🫣糖水甜度適中 水果新鮮如果椰汁味再香啲仲好(´▽｀)📍嘆撈 @tanlotandessert 屯門井財街15號金銘大廈地下4號舖#屯門 #屯門美食 #甜品 #嘆撈 #hkdessert #hkfoodie #hkfoodbloggers #hkfoodlover #hkfoodpic

嘆撈自選 - 淨撈 涼皮 $28好食！ 就算只係叫BB辣，已食出麻辣醬汁調味好，正！ 下次打算會叫小辣或中辣，一定更惹味！😋淨撈本身已包的配料有 ： 芫茜、炸黄豆、炸花生、芝麻同青瓜絲嘆撈加配 手撕雞 +$10好食！惹味！而且份量唔少！都只係加$10咋！抵食！楊枝金露 $35一睇已經覺得芒果汁同椰漿夠濃稠！🥭🥥😆足料！ 西米露，份量好多！每粒都圓潤、煙韌飽滿。 碌柚同芒果肉粒，唔酸！而且份量仲唔少添！白桃烏龍茶 (無糖)