喫茶ちょうぼ

营业中

休息中

星期四book 星期五晚，都仲book到8:30pm，收工行陣街再食飯時間剛好！餐廳裝修精緻，環境光燈都令人覺得舒服，非常適合打卡影相。食物賣相亦不錯，不過主食味道只屬不過不失，甜品賣相味道都滿意，整體感覺唔差，不過選擇眾多下未必會想回頭。❣️蜜蟹肉忌廉可樂餅炸得幾酥脆，蟹肉唔多，普普通通。❣️日式紅酒燉牛面肉蛋包飯店員送上蛋包飯，會喺你面前切開奄列，細心咁會預時俾你影相，然後淋上醬汁。雞蛋嫩滑，牛面肉用紅酒汁煮得軟腍，可惜紅酒味唔夠香，飯未食到一半就已經涼。❣️極•日式布甸船 (＄108)布甸蛋味很重，口感軟滑，焦糖味香濃。另有香滑忌廉及士多啤梨點綴。芝士蛋糕既芝士味好香濃，蛋糕軟滑，配埋餅乾脆脆一齊食，口感豐富，今餐最鍾意個芝士蛋糕！

銅鑼灣世貿中心翻新左宜家開始有食肆陸續進駐，其中一間就係喫茶ちょうぼ。呢間餐廳嘅裝潢係走日本昭和風，以淺啡色為主要色調比人一種好舒服嘅感覺。另外，門口擺放各式各樣嘅精品，等野食嘅時候或者食完可以去睇下。⭐️日式紅酒燉牛面肉蛋包飯 𝒪𝓂𝓊𝓇𝒾𝒸𝑒 𝓌𝒾𝓉𝒽 𝒥𝒶𝓅𝒶𝓃𝑒𝓈𝑒 𝒮𝓉𝓎𝓁𝑒 𝐵𝑒𝑒𝒻 𝒞𝒽𝑒𝑒𝓀 𝒮𝓉𝑒𝓌 𝒾𝓃 𝑅𝑒𝒹 𝒲𝒾𝓃𝑒 𝒮𝒶𝓊𝒸𝑒 HK$145呢個蛋包飯其中一個特色係店員會係你面前切開蛋嘅外層，咁樣蛋就會左右攤開而半熟蛋漿就即刻流出黎蓋住啲飯，然後店員就會倒啲紅酒汁係上面。就係咁，蛋包飯就完成左喇！蛋包飯個飯底絕對有心思，因為唔係白飯。牛面肉燉到軟腍入味加埋蛋同飯非常惹味。 ⭐️南蠻炸雞 𝒞𝒽𝒾𝒸𝓀𝑒𝓃 𝒩𝒶𝓃𝒷𝒶𝓃 HK$88炸雞炸得剛剛好，冇炸燶而且皮脆肉嫩，好味。🍗⭐️極。日式布甸船🍮 𝒥𝒶𝓅𝒶𝓃𝑒𝓈𝑒 𝒫𝓊𝒹𝒹𝒾𝓃𝑔 𝐵𝑜𝒶𝓉 HK$108呢隻布甸船裝住一件日式焦糖布甸，一件Lotus餅碎cheese cake同幾粒士多啤梨。布甸同cheesecake都好滑而且唔太甜。值得一試。

環境舒服乾淨，價錢合理，所以有時諗唔到食乜，佢都係我頭幾位嘅選擇😙🦪廣島蠔椪醋蛋包飯一睇到椪醋仲以為係酸酸地😂點知原來係比較似🧀芝士汁🤣🤣芝士汁用火槍燒過，帶少少焦香～🦪廣島蠔飽滿唔腥～呢個會比較飽肚，建議多啲人share😆🍝炸軟殼蟹扁意粉一上枱已經好吸引，🦀軟殼蟹好大隻，炸得夠身，好脆但蟹身依然可以keep到水份👍🏼扁意粉係🍅蕃茄口味，加入咗冬菇，相對上比較light~酸酸地都比較開胃😋🐥 南蠻炸雞已經成為我必點嘅菜式，外皮甜甜脆脆，入面又保持到嫩滑嘅肉質😍😍🍮極.日式布甸船布甸口感綿密幼滑，蛋香味✅; Lotus 🍰芝士餅🧀芝士味好香濃，夾住兩層lotus 餅碎，唔會過甜👍🏼建議多啲人share (2-4人）因為份量好足😳🍵抹茶麻薯沙冰抹茶味濃郁，仲加入creamy嘅抹茶雪糕同埋軟糯嘅麻薯，幸福感滿滿💯💯💯🍇巨峰提子梳打好夠氣而且十分清新，入面仲有兩粒好甜嘅青提子😚推介指數： ⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️再訪：Yes

行完街，想找個地方飲杯野chill下，見到呢間門面好靚既cafe，被吸引入來試下。簡單叫了份伯爵茶戚風蛋糕，同埋抹茶牛乳。伯爵茶戚風蛋糕蛋地鬆軟，不太甜，但冇咩茶味，淋醬很creamy；抹茶牛乳賣相好靚，可惜沉喺底既抹茶粉或許太濃，即使將牛乳及抹茶拌勻，入口仍然很苦，飲了半杯放棄...

最近高人熱打卡熱點的一間日系餐廳，好多人來櫻花🌸樹下打卡。餐廳以日式裝潢，地方寬敞又光，坐位舒適。不過太人氣，小妹建議下午茶時間會較易有位。餐廳主打是日式蛋包飯，職員切開時還見到蛋漿流出，味道不錯！而且甜品都是做得出色，布甸外表精緻，上枱時都仲好動 L, 很有動感，味道又不會太甜，下次還要再試下其他款式。值得一提，餐廳櫻花樹下還有一些日式餐具，非常好別緻，想替家中增添一些日系餐具可以順道來選購一下。

呢間cafe 主推日系洋食， 以蛋包飯同甜品較出色，以淺木色系裝修同植物配襯，空間闊落，坐近窗邊享受美食邊欣賞海景。日式紅酒燉牛面肉蛋包飯紅酒牛肉味濃郁，肉質軟腍，蛋滑潺可口，輕輕一切，望住滑蛋流心效果幾治癒。 🍝明太子蛋包意粉蛋包同樣嫩滑，不過意粉上碟時溫度偏低 ，明太子醬料味道較淡。🦀蟹肉忌廉可樂餅炸得幾酥脆，配合唔少酸味濃嘅茄醬，入面蟹肉唔多，但係混入忌廉都好少會伏嘅。 🍮極．日式布甸船雙重享受， 上層雞蛋布甸嘅雞蛋味突出，下層Lotus焦糖芝士餅偏甜，適合2 人分享，旁面放置青提點綴同中和味道。🍓草莓沙冰味道酸酸甜甜，加上草莓粒作裝飾。🍵抹茶麻糬沙冰抹茶沙冰茶味突出，恰似奶昔，麻糬尚算煙靭。

午餐、下午茶好去處👍🏻，係世貿中心商場內，環境優美、舒適，好鐘意坐係餐廳裡面見到陽光見到海😍，同朋友行完街，然後一齊喺一個舒服嘅環境慢慢食慢慢傾，好寫意，而且食物質數都幾好，特別係個戚風蛋糕，我同朋友都覺得好好味，夠軟熟，又唔會太甜，明太子蛋包意粉都好味😋，餐廳服務員態度都好好，走嘅時候見到門口有Made in japan嘅動物公仔筷子賣，都忍唔住買咗2對，好得意，買咗柴犬同bear bear🐶🐻。

位置座落係銅鑼灣世貿中心，地點相當方便又易搵。門口有個小area賣下日式精品同餐具，等位就可以望下，打發下時間。我地book 左時間既，但去到竟然有條隊，係俾已預約人仕排(?) 🙈，雖然，又唔使再等好耐，但感覺相當奇怪。😂不過，餐廳環境係好靚既，和洋式既設計。經過走廊行到最裏面，仲見到海景，景觀開陽，相當光猛，非常驚喜。⭐️明太子蛋包意粉係，又係叫明太子🙈，但今次有蛋包😆。上枱時，侍應會等你影好哂相，set 好哂電話，就會係你面前，劏開隻蛋。鐘意打卡既朋友，呢個位絕對要出個story😂。隻蛋都幾有份量，一劏開見到裏面半流心既質感，好滑順既感覺，同個明太子忌廉汁，好夾！不過明太子唔太多，好似食緊普通忌廉意粉，就有少少失望。⭐️日式紅酒燉牛面肉蛋包飯賣相好好👍🏻👍🏻牛面肉都煮得好淋，纖維感唔算太多，食落唔渣口，好食👍🏻👍🏻不過，蛋包飯，我就覺得，同意粉係夾啲既😂。⭐️極。日式布甸船其實，呢隻布甸船，就係🙈日式布甸加🙈Lotus 焦糖芝士脆餅😂😂😂我事後先發現，分開叫仲平啲！但無計，個差價就當係買個造型😂😂😂❤️日式布甸好味，又滑又順口，但好似同出面既布甸差不多(?)🙈，我其實覺得自己食緊森永嘅布甸

最近先後去多咗唔同嘅和風𝘤𝘢𝘧𝘦 最近呢間人氣嘅喫茶店 吸引咗唔少人帶埋毛孩黎朝聖🤩係銅鑼灣世貿呢間 門口以旋轉樓梯櫻花佈置嘅設計 非常吸晴🌸唔同嘅角落亦都有售賣日式餐具同埋精品～食物方面味道唔錯 但性價比唔算太高 店員服務態度亦有待改善🔔帶狗狗只提供近門口枱的位置 假日黎最好先預約 如果唔係𝘞𝘢𝘭𝘬 𝘪𝘯排隊打晒蛇餅等位🥲ᥫ᭡今次點左〰️๑ 日式紅酒燉牛面肉蛋包飯店員喺上菜嘅時候先將蛋切開 大家記得係呢個時間預備定好要打卡喇😂 紅酒醬汁濃 牛面肉好淋非常入味 😋๑極·日式布甸船呢份靚靚甜品好適合打卡 布甸奶味又濃又滑𝘓𝘰𝘵𝘶𝘴焦糖脆餅𝘤𝘩𝘦𝘦𝘴𝘦 𝘤𝘢𝘬𝘦 𝘊𝘳𝘦𝘢𝘮 𝘤𝘩𝘦𝘦𝘴𝘦香濃 每一啖都食到脆餅碎 口感豐富 但個人覺得稍為偏甜๑ 𝘔𝘰𝘤𝘩𝘢咖啡嚟講價錢算平 印左佢哋餐廳嘅𝘓𝘰𝘨𝘰幾特別～ᥫ᭡

銅鑼灣呢間打卡餐廳，同事話d嘢食都幾靚幾吸引門口位幾有文青風🐂日式紅酒燉牛面肉蛋包飯 $160-牛面肉相當腍 有骨膠原之感 蛋熟成度剛好 輕輕一𠝹就見到出哂煙嘅滑蛋 飯底加入瓜粒及紅蘿蔔粒🍤青醬大蝦薏粉 $113-大蝦炸粉偏厚 蝦口感彈牙 青醬個味道唔錯 有忌廉香 扁意粉掛汁 軟硬適中🐓日式炸雞翼 $90-雞翼先脆炸 然後淋上日式酸甜醬 即使被醬汁包裹住 雞翼仍能保持香脆口感🍮極。日式布甸船 $108-布甸淋上黑糖汁 微微焦香 加上以Lotus餅整成嘅意式蛋糕 餅經浸腍再加入一層層奶香Cream 🍵抹茶麻薯沙冰 $52-沙冰有濃厚抹茶味道 將茶味濃縮打成沙冰 加入順滑彈牙麻薯 麻薯味道似蕨餅🍓草莓沙冰 $48總括嚟講，食物幾精緻，環境舒服，唔錯

呢間係我氹老婆系列餐廳之一，成間餐廳充滿和風味同少女文青氛圍，門口仲有啲又靚又簡約嘅精品賣。有正宗日式蛋包飯水準，呢個日式紅酒燉牛面肉蛋包飯，旁邊有啲沙律菜，樣靚，蛋香滑，翻開好治癒，每粒飯都有醬油，仲有d雜豆，啖啖都好豐富。呢碟炸軟殼蟹扁意粉用茄汁意粉做底，加上咁大隻軟殼蟹扒上碟意粉，加埋沙律菜點綴，好濃番茄味，賣相亦真係好吸引！南蠻炸雞加上兩杯梳打真係perfect！炸雞有醬汁喺表面，有炸香嘅味又唔會乾，最正一定係連埋旁邊嘅椰菜絲一齊食，滿足炸雞慾望又唔膩。終極氹老婆係極·日式布甸船，絕對推介！船上個蛋布甸mousse 感得黎好滑好香，唔會太甜。焦糖芝士脆餅係無得頂咁好食，焦糖脆餅碎一層一層，旁邊提子refresh口腔，老婆超鍾意！

.‼️❤️ 記得CLICK我PROFILE關注我呀 ❤️‼️.💐 𝕮𝖆𝖋é 𝕮𝖍𝖔𝖚𝖇𝖔 - 𝕬 𝕾𝖙𝖞𝖑𝖎𝖘𝖍 𝕮𝖔𝖋𝖋𝖊𝖊 𝕾𝖍𝖔𝖕 @ 🌟 喫茶ちょうぼ 《👽食神大媽食蛋包飯》.💁‍♀️ 圖片展示美食：🍛 Omurice with Japanese Style Beef Cheek Stew in Red Wine Sauce HKD 145🦀️ Linguine With Fried Soft Shell Crab HKD 98🐔 Chicken Nanban HKD 88🍮 Japanese Pudding Boat HKD 105🍵 Hojicha Mochi Smoothie HKD 52🍎 Aomori Ringo Soda HKD 45.👀 大媽一路都好鍾意位置超級方便嘅銅鑼灣分店，裝修一如既往各處都充滿花花擺設，仲有一個書房同埋旋轉樓梯嘅設計，增添左幾分典雅嘅氛圍，非常之適合打卡呀！.🐔 嚟到洋食餐廳當然要叫超經典嘅「南蠻炸雞」啦！皮脆內嫩，同埋超級多特調沙律醬，調味真係好好，呢個價錢咁大碟性價比超高 👍.🦀️ 另一款日式洋食一定要試嘅當然係日式意粉啦，所以大媽就揀咗「炸軟殼蟹

同朋友黎開CWB, 知道呢度開左喫茶ちょうぼ, 就BOOK左呢度食lunch因為一陣又要去第2度食野所以決定食一個蛋包飯, 一個小食同一個甜品兩個人share想叫既雞翼果日賣晒, 而叫日式布丁$38話賣晒 只有布丁mix蛋糕果款....其實都係將個布丁放係件蛋糕格離, 呢d唔係賣晒, 而係要你叫貴果款......😑先黎一杯紫薯牛乳 $38 聞落幾香~可惜入口紫薯味勁淡,....同朋友都覺得麻麻地😰😰😰明太子蛋包意粉 $111賣相睇落係咪都幾ok呢?😬 不過影相真係好難影得靚, 切開冇好流既流心蛋狀態, 不過蛋都做得幾滑身因為撈好左個樣太樣衰啦所以就唔放比大家睇啦!!!明太子掛麵都ok, 不過呢...食入口好淡味.....😨超淡味😥.........勁淡味..................😓唔知係我自己本身比較重口味定點, 食唔到意粉有咸香味, 同埋蛋有咸香味, 只可以話係食到食物本身個味道蛋唔唔香蛋味, 意粉當然就係冇咩味啦, 係食到少少既明太子同少少既蛋香, 整體而言就係淡而無味....本身杯野飲已經麻麻, 再食埋呢個真係....冇野好講😅😅😅唔係好明點解仲有咁多人排隊?!😑一致同

訂咗位都要等大半個鐘( 當時有幾枱人都係咁 一早訂咗但冇要喺門口呆等)明明好多2個嘅霸住張大枱 反而二人枱就空咗幾張最過份嘅係有人埋咗單仲霸住張枱 出面成廿個人等緊 侍應都冇反應份量又細味道一般 完全唔值呢個價錢 食完再食多碗鮮芋仙先夠

銅鑼灣世貿翻新後，真的進註了不少食肆其中「喫茶ちょうぼ」其裝潢勁有日式風味，以淺木色作主調的和風cafe，其中還有旋轉樓梯、樹木等佈置充滿時尚感。焙茶牛乳(凍）入口柔滑細膩，甜中帶微苦，焙茶香濃郁，口感清新。朱古力咖啡(熱）入口已感受到那濃郁的咖啡味和巧克力味，口感濃郁且充滿層次感，味道豐富而柔和。南蠻炸雞炸雞炸至色澤金黃，且份量十足，外層脆卜卜，內裡充滿著鮮嫩肉汁，配上南蠻醬汁及他他醬，味道酸酸甜甜，令人胃口大開。壽喜燒牛肉蛋包飯來到當然要食蛋包飯，今次選配了壽喜燒牛肉，味道微甜，嫩而不柴口，再輕輕切開蛋包，見到蛋包薄而有彈性，細緻滑嫩，蛋香味濃，再添上醬汁更添滋味。廣島蠔意粉來到時見到廣島蠔每隻都飽滿厚身，有蠔味，而意粉都做到掛汁效果，彈牙有嚼勁，口感柔軟。極•日式布甸船一款甜品兩款享受，先有「焦糖日式布甸」那充滿濃郁焦糖香，口感細膩，入口即化；再有「Lotus芝士蛋糕」柔軟細膩，口味濃郁，更有餅乾脆脆，口感更覺豐富。