影片
更多
2023-07-05
56 浏览
位置座落係銅鑼灣世貿中心，地點相當方便又易搵。門口有個小area賣下日式精品同餐具，等位就可以望下，打發下時間。我地book 左時間既，但去到竟然有條隊，係俾已預約人仕排(?) 🙈，雖然，又唔使再等好耐，但感覺相當奇怪。😂不過，餐廳環境係好靚既，和洋式既設計。經過走廊行到最裏面，仲見到海景，景觀開陽，相當光猛，非常驚喜。⭐️明太子蛋包意粉係，又係叫明太子🙈，但今次有蛋包😆。上枱時，侍應會等你影好哂相，set 好哂電話，就會係你面前，劏開隻蛋。鐘意打卡既朋友，呢個位絕對要出個story😂。隻蛋都幾有份量，一劏開見到裏面半流心既質感，好滑順既感覺，同個明太子忌廉汁，好夾！不過明太子唔太多，好似食緊普通忌廉意粉，就有少少失望。⭐️日式紅酒燉牛面肉蛋包飯賣相好好👍🏻👍🏻牛面肉都煮得好淋，纖維感唔算太多，食落唔渣口，好食👍🏻👍🏻不過，蛋包飯，我就覺得，同意粉係夾啲既😂。⭐️極。日式布甸船其實，呢隻布甸船，就係🙈日式布甸加🙈Lotus 焦糖芝士脆餅😂😂😂我事後先發現，分開叫仲平啲！但無計，個差價就當係買個造型😂😂😂❤️日式布甸好味，又滑又順口，但好似同出面既布甸差不多(?)🙈，我其實覺得自己食緊森永嘅布甸
我地book 左時間既，但去到竟然有條隊，係俾已預約人仕排(?) 🙈，雖然，又唔使再等好耐，但感覺相當奇怪。😂
不過，餐廳環境係好靚既，和洋式既設計。經過走廊行到最裏面，仲見到海景，景觀開陽，相當光猛，非常驚喜。
⭐️明太子蛋包意粉
係，又係叫明太子🙈，但今次有蛋包😆。
上枱時，侍應會等你影好哂相，set 好哂電話，就會係你面前，劏開隻蛋。鐘意打卡既朋友，呢個位絕對要出個story😂。
隻蛋都幾有份量，一劏開見到裏面半流心既質感，好滑順既感覺，同個明太子忌廉汁，好夾！
不過明太子唔太多，好似食緊普通忌廉意粉，就有少少失望。
⭐️日式紅酒燉牛面肉蛋包飯
賣相好好👍🏻👍🏻牛面肉都煮得好淋，纖維感唔算太多，食落唔渣口，好食👍🏻👍🏻
不過，蛋包飯，我就覺得，同意粉係夾啲既😂。
⭐️極。日式布甸船
其實，呢隻布甸船，就係🙈日式布甸加🙈Lotus 焦糖芝士脆餅😂😂😂
我事後先發現，分開叫仲平啲！但無計，個差價就當係買個造型😂😂😂
❤️日式布甸
好味，又滑又順口，但好似同出面既布甸差不多(?)🙈，我其實覺得自己食緊森永嘅布甸咁😂。
❤️ Lotus 焦糖芝士脆餅
塊Lotus餅乾係精粹！芝士脆餅好食，但佢cream 比較重身，中間餅碎唔算好多，食落就好似係咁食緊芝士cream咁。
所以加埋塊餅就啱啱好！
整體覺得，不過不失，因為佢唔係話好平，咁要求又會高返少少。
個蛋係好出色既！👍🏻👍🏻 如果你係鐘意打卡食樣，呢個都可以一試😬。
张贴
